ფრიდონ ინჯია ტელეკომპანია „ალტ ინფოს“ პირდაპირ ეთერში

🇺🇦 „უკრაინაში დღეს არსებული ვითარება არ ეხება მხოლოდ უკრაინას, ეს ეხება მთლიანად მსოფლიოს. უკრაინაში დღევანდელი მდგომარეობა თითქმის ანალოგიურია, როგორიც იყო 2008 წელს საქართველოში. თუ კარგად გავაანალიზებთ მდგომარეობა ასეთივეა.“ ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ განაცხადა ტელეკომპანია „ალტ ინფოს“ პირდაპირ ეთერში გადაცემა „დღის კომენტარში“ სტუმრობისას.

👉 მისი მოსაზრებით, დღეს ყველას ვისაც უნდა ომი და დაძაბულობა იარაღს აწვდის უკრაინას. ამ დროს რუსეთი ცალსახად ამბობს, რომ ის იქ ომს არ აპირებს.

🔷 „პრინციპში, ზელენსკიმაც (უკრაინის პრეზიდენტი) თქვა, რომ ომის ალბათობა არ არის. მაგრამ უკრაინის სახელმწიფოს ტერიტორიაზე ისეთი დიდი რაოდენობის საბრძოლო ტექნიკა შედის და არის ექსტრემალური ჯგუფები, ეს იქნება მარჯვენა სექტორი, თუ სხვა, არის ბევრი ისეთი დაჯგუფება, რომელიც შეიძლება მთლად უკრაინის ხელისუფლების კონტროლქვეშ არ იყოს და ერთ „მშვენიერ“ დღეს შეიძლება მათ დაიწყონ შეტევა იმ ტერიტორიაზე, რომელზეც მიდის საუბარი. ასეთ შემთხვევაში, გარკვეულ წილად რუსეთმაც შეიძლება უპასუხოს, იქ არიან მისი ქვეყნის მოქალაქეები“ – განაცხადა ფრიდონ ინჯიამ.

🔷 მისი თქმით, უკრაინის საკითხი რუსეთთან მიმართებაში არის მეორე რიგში. ის ხედავს უკრაინის ტერიტორიაზე სად რა შეიარაღებაა. მას აწუხებს ის ტერიტორიები, რომელსაც იგი ვერ აკონტროლებს. ეს ქვეყნებია რუმინეთი, პოლონეთი და ის აღმოსვალეთ ევროპის ქვეყნები, საიდანაც მას შეუძლია მიიღოს დარტყმა. ის იცავს თავის სახელმწიფოს.

🔷 „გერმანიამ თავისი პოზიცია დააფიქსირა. მან აუკრძალა ესტონეთს შეიტანოს შეიარაღება. ბულგარეთმა უარი თქვა განლაგდეს ნატოს ჯარები მის ტერიტორიაზე. ხორვატიამ საერთოდ თქვა, რომ გამოიყვანს თავის ჯარს ნატოდან, ასე, რომ ევროპაში არ არის ერთსულოვნება“ – აღნიშნა ფრიდონ ინჯიამ.

🔷 „ამერიკასაც, რომელსაც დღეს დიდი ძალა და დიდი ავტორიტეტი გააჩნია არ სურს, რომ თავისი ინტერესები დათმოს ასე ადვილად, მაგრამ მიუხედავად ამისა, ის სთხოვს რუსეთს, რომ მისი პასუხები არ იყოს გასაჯაროებული. ეს კი, რაღაცას მიანიშნებს. რომ პასუხი იყოს არა საჯარო, არამედ კონფედენციალური. ეს მახსენებს მოლოტოვ-რიბენტროპის შეთანხმებას (პაქტს). თუმცა, იქ ნაწილი იყო საჯარო და იყო გარკვეული ნაწილი დახურული, რომელიც 50 წლის შემდეგ გახდა ცნობილი“ – განაცხადა ფრიდონ ინჯიამ.

🔷 მისი აზრით, უკრაინაში არსებული სიტუაცია უფრო კონიუქტურულია, სხვადასხვა სახელმწიფოების მხრიდან, ანუ ვისაც აწყობს ეს დაძაბულობა. გარდა უკრაინელი ხალხისა, გარდა საქართველოსი, გარდა ახლო მდებარე ქვეყნებისა, რომლებიც მეზობლად არიან უკრაინასთან.

🔷 „ასე იყო 2008 წელს. ტექნიკა მოდიოდა. გაივსო საქართველო და მერე რაც გააკეთა „ნაციონალურმა მოძრაობამ“ ეს ყველასთვის კარგად არის ცნობილი. მერე ეს ტექნიკა ნაწილი ჩააბარეს და ნაწილი გაყიდეს და მოხდა იმ სტატუსის გაფორმება რაც არის დღეს.“ – განაცხადა ფრიდონ ინჯიამ.

🔷 „შეიძლება ხვალ ვიღაცამ დაიწყოს იქ ომი, უკრაინის მხრიდან, ამას მოჰყვეს ის, რომ უკან წაიღოს თავისი სიტყვა დონეცკმა, ლუგანსკმა. რა მაქვს მხედველობაში, მათ ხომ გამოაცხადეს დამოუკიდებლობა, მაგრამ 2016 წელს როდესაც იყო მინსკის ხელშეკრულება, ზეწოლის შედეგად უკან წაიღეს თავისი გადაწყვეტილება და თქვეს, რომ თუ უკრაინა კონსტიტუციაში ჩაწერს, რომ ამ ოლქებს ექნება განსაკუთრებული სტატუსი, ჩვენ მზად ვართ ვიყოთ უკრაინის შემადგენლობაში. ერთადერთი ეხლა ამ ვითარების გამოსწორება შეილება თუ უკრაინა ხელს შეასრულებს ამ ხელშეკრულებას, რომელიც დაიდო მინსკში“ – აღნიშნა ფრიდონ ინჯიამ.

🔷 მისივე თქმით, საქმე იმაშია, რომ ამ ხელშეკრულებას ხელს აწერს საფრანგეთი, გერმანია, რუსეთი და უკრაინა. ეს უკვე ევროპაა. ისინი იღებენ პასუხისმგებლობას, რომ უკრაინის სახელმწიფოს გახდიან ფედერაციულს და ამით ეს ნაწილი ამოწურული იქნება. მაგრამ ჯერ რთულია თქმა ამით მიღწეული იქნება თუ საბოლოო შეთანხმება, მაგრამ ეს იქნება განხილვის საკითხი.

🔷 „მე დარწმუნებული ვარ, რომ ამერიკის შეერთებული შტატები და რუსეთი გამოძებნიან საერთო ენას. იმიტომ, რომ საბოლოო ჯამში, არცერთს არ აწყობს ომი“ – მიაჩნია ფრიდონ ინჯიას.

კომენტარის დატოვება

თქვენი ელფოსტის მისამართი არ გამოქვეყნდება.

თქვენ შეგიძლიათ გამოიყენოთ ეს <abbr title="ჰიპერტექსტის მარკირების ენა">HTML</abbr> ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*