საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა უმაღლესი საკანონმდებლო ორგანოს ტრიბუნიდან, სადაც პრეზიდენტ ზურაბიშვილის იმპიჩმენტის პროცედურა მიმდინარეობდა

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა უმაღლესი საკანონმდებლო ორგანოს ტრიბუნიდან, სადაც პრეზიდენტ ზურაბიშვილის იმპიჩმენტის პროცედურა მიმდინარეობდა.

🔷 პოლიტიკური ჯგუფის თავმჯდომარემ თავის გამოსვლაში სამი ძირითადი პოსტულატის შესახებ გაამახვილა ყურადღება, რომელიც სახელმწიფოს მშენებლობის გზაზე უმთავრესი ამოცანა უნდა იყოს ხელისუფლებისთვის და კონსტიტუციური ინსტიტუტებისთვის.

🔷 „დღეს საქართველოში ხელისუფლებისა და ყველა კონსტიტუციური ინსტიტუტის ძირითადი, მთავარი ამოცანები უნდა იყოს, ეს თქვენ ყველას კარგად გესმით და კარგად იცით, მაგრამ მიუხედავად ამისა, კიდევ ერთხელ სულ სამ პოსტულატს ჩამოვაყალიბებ. როგორ გამრავლდეს ხალხი საქართველოში, როგორ დაიბრუნო საქართველოდან წასული ემიგრანტები და ამით საქართველო გადაარჩინო გაქრობას ამ გლობალიზაციისა და ულტრალიბერალიზმის ეპოქაში, გადაარჩინო საქართველო შენი პოლიტიკით, რომელიც მიმართული იქნება მეზობლებთან სწორი ურთიერთობებით. უნდა შევიგნოთ, რომ ქვეყნები მეზობლებს არ ირჩევენ, სწორად შევაფასოთ ჩვენი პოტენციალი, შესაძლებლობები და აქედან გამომდინარე, მოვძებნოთ გზები ქვეყნის გამთლიანებისათვის. ამასთანავე, სულ უნდა ვიქონიოთ მხედველობაში, რომ საქართველო მარტო ქვეყანაა. ერთმა ცნობილმა მწერალმა თქვა, უპატრონო ქვეყანა ვართო. გარდა იმისა, რომ ის ძირითადად მართლმადიდებელი ქვეყანაა და მართლმადიდებელ ქვეყნებში ჩვენი უწმინდესის ძალისხმევით ღირსეულ ადგილს იკავებს, ამასთანავე, უნდა გითხრათ, რომ სხვა ქვეყნის კონფესიები საქართველოში ყველაზე კომფორტულად გრძნობენ თავს.

🔷 მეორე – გაატაროს ისეთი პოლიტიკა, რომელიც საქართველოს მოსახლეობას შეუქმნის უკეთეს კეთილდღეობას, ანუ საქართველოს ყველა მოქალაქე იყოს პატრონი საშუალოზე მაღალი სიმდიდრისა, უსამართლობაზე მას საფიქრალი არ უნდა ჰქონდეს.

🔷 მესამე – ყველაფერი უნდა გააკეთოს იმისათვის, რომ საქართველოს უნიკალური ფაუნა და ბუნება შეუნარჩუნდეს.

🔷 ჩემი აზრით, ეს არის ის სამი პოსტულატი, რომელთა განხორციელებისთვის უნდა იბრძოდეს საქართველოში მოსული ყველა ხელისუფლება, ხოლო პოლიტიკური პარტიები ეცილებოდნენ ერთმანეთს ამ ამოცანების უკეთ შესრულებისთვის“, – განაცხადა ფრიდონ ინჯიამ.

🔷 პოლიტიკური ჯგუფის თავმჯდომარემ თავის გამოსვლაში სალომე ზურაბიშვილს მოუწოდა მიიღოს გადაწყვეტილება პრეზიდენტობიდან გადადგომის შესახებ.

🔷 „თუ თქვენ, როგორც ქვეყნის ერთ-ერთი კონსტიტუციური ინსტიტუტის წარმომადგენელს, არ მოგწონთ ამ ხელისუფლების პოლიტიკა და ამასთანავე გინდათ დარჩეთ პოლიტიკურ ველზე, გადადექით და ასეთ შემთხვევაში გრჩებათ ორი გზა:

🔷 პირველი – შექმნათ პოლიტიკური პარტია ან არასამათავრობო ორგანიზაცია და ამით იბრძოლოთ იმ იდეალების განსახორციელებლად, რომელიც თქვენ მიგაჩნიათ სწორად.

🔷 ან მეორე – თუ მიგიღეს „ნაცმოძრაობაში“, გაწევრიანდეთ ამ პარტიაში და ეცადოთ იქედან იბრძოლოთ ხელისუფლებისთვის, რადგანაც ეს უფლებამოსილება, რომელიც თქვენ, როგორც პრეზიდენტს გაგაჩნიათ, ჯერჯერობით თქვენ არ მიგიღიათ, ამიტომ ხალხის სახელით არ შეგიძლიათ, ისაუბროთ და ამას ახლა დაემატა ის, რომ ახლა და მომავალში თქვენ მთავრობის სახელითაც არ გექნებათ უფლება, ისაუბროთ“, – განაცხადა პოლიტიკური ჯგუფის თავმჯდომარემ.

კომენტარის დატოვება

თქვენი ელფოსტის მისამართი არ გამოქვეყნდება.

თქვენ შეგიძლიათ გამოიყენოთ ეს <abbr title="ჰიპერტექსტის მარკირების ენა">HTML</abbr> ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*