📍 საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მიიჩნევს, რომ 2008 წლის აგვისტოს ომთან დაკავშირებით არსებულ სხვადასხვა მოსაზრებებს წერტილი უნდა დაესვას, რისთვისაც მნიშვნელოვანია პარლამენტის წევრთა მხარდაჭერა დროებითი საგამოძიებო კომისიის შექმნის მიზნით.
🔸 „მე ვფიქრობ, რომ მე შევძლებ დავარწმუნო კოლეგები, რომ ეს ნაბიჯი გადაიდგას იმისთვის, რომ წერტილი დაესვას სხვადასხვა მოსაზრებებს, რომლებიც არსებობს 2008 წლის ომთან დაკავშირებით“. – განაცხადა ფრიდონ ინჯიამ ტელეკომპანია „რუსთავი -2“ თან ინტერვიუსას.
🔸 „თუ ჩვენ გვექნება პარლამენტის წევრთა 1/3 -ის მხარდაჭერა, ეს არის 50 დეპუტატის ხმა, მაშინ შეიქმნება დროებითი საგამოძიებო კომისია, რეგლამენტის გათვალისწინებით და იქ იქნება განსაზღვრული ის საკითები, რომლებიც უნდა იყოს გამოძიებული“. – აღნიშნა ფრიდონ ინჯიამ.