ყოველთვიური არქივები: აპრილი2021

“ეს ნაბიჯი მიმართულია ქვეყანაში პოლიტიკური სტაბილურობის და ეკონომიკური გამოწვევების დაძლევისკენ” – “ევროპელი სოციალისტები” მმართველი პარტიის მხრიდან შარლ მიშელის ეგიდით შექმნილ დოკუმენტზე ხელმოწერის ფაქტს ეხმაურება

საპარლამენტო ოპოზიციური პარტია „ევროპელი სოციალისტების“ თავმჯდომარე ფრიდონ ინჯია და პარტიის პოლიტსაბჭო მიესალმებიან „ქართული ოცნების“ მიერ ევროკავშირისა და ევროპული საბჭოს პრეზიდენტის შარლ მიშელის ეგიდით შექმნილ დოკუმენტზე ხელმოწერის ფაქტს და გამოთქვამენ მზადყოფნას, შეუერთდნენ აღნიშნულ დოკუმენტს.
,,მიგვაჩნია, რომ „ქართული ოცნების“ მიერ გადადგმული ეს ნაბიჯი მიმართულია ქვეყანაში პოლიტიკური სტაბილურობის და ეკონომიკური გამოწვევების დაძლევისკენ, რაც ასევე სრულად რეკომენდირებული და მხარდაჭერილია საერთაშორისო თანამეგობრობის მხრიდან“ – ნათქვამია განცხადებაში.
პარტიაში მიაჩნიათ, რომ „ქართული ოცნების“ აღნიშნული გადაწყვეტილება და ხელმოწერილ დოკუმენტში შემავალი მუხლების „ოცნების“ მიერ შესრულების პასუხისმგებლობა, საფუძველს უყრის სრულიად ახალ პოლიტიკურ დღის წესრიგს, რაც მმართველ პარტიასა და ოპოზიციას შორის კონსტრუქციულ ურთიერობას კიდევ უფრო რეალურს გახდის.

ევროკავშირი საქართველოში პოლიტიკური კრიზისის დროულად დასრულებას და საპარლამენტო დემოკრატიის შემდგომ გაძლიერებას ელოდება

14 აპრილს, ევროკავშირი-საქართველოს საპარლამენტო ასოცირების კომიტეტის თანათავმჯდომარეების, ევროპასთან ინტეგრაციის კომიტეტის თავმჯდომარის, მაკა ბოჭორიშვილის და ევროპარლამენტარის, მარინა კალიურანდის ხელმძღვანელობით, კომიტეტის ბიუროს სხდომა ვიდეო-კონფერენციის ფორმატში გაიმართა. საქართველოს მხრიდან ბიუროს სხდომას ესწრებოდნენ ევროკავშირი-საქართველოს საპარლამენტო ასოცირების კომიტეტის საქართველოს მხრიდან ბიუროს თანათავმჯდომარის მოადგილეები, საქართველოს პარლამენტის ვიცე-სპიკერი ლევან იოსელიანი და საგარეო ურთიერთობათა კომიტეტის თავმჯდომარის მოადგილე დავით ზილფიმიანი.
 ასოცირების საპარლამენტო კომიტეტის ბიურომ განიხილა ევროკავშირი-საქართველოს შორის გაფორმებული ასოცირების შესახებ შეთანხმების განხორციელების დინამიკა, საქართველოს მიმართ ევროკავშირის ფინანსური და ტექნიკური მხარდაჭერა COVID-19-ის პანდემიასთან გასამკლავებლად, უსაფრთხოების გამოწვევები და ჰიბრიდული საფრთხეები, ასევე რუსეთ-საქართველოს კონფლიქტის მშვიდობიანი გადაწყვეტისკენ მიმართული ძალისხმევა.
 ბიუროს ფარგლებში საუბარი შეეხო საქართველოში მიმდინარე პოლიტიკურ პროცესებს, ევროკავშირის საბჭოს პრეზიდენტის შარლ მიშელის ინიციატივით დაწყებული მედიაციის პროცესის მიმდინარეობას, კიდევ ერთხელ აღინიშნა, რომ ევროკავშირი მოელის საქართველოში პოლიტიკური კრიზისის დროულად დასრულებას და საპარლამენტო დემოკრატიის შემდგომ გაძლიერებას.
ბიუროს სხდომაზე, ევროკავშირისა და საქართველოს ურთიერთობებში 2020 წლის განმავლობაში მიღწეული შედეგების თაობაზე საგარეო საქმეთა მინისტრის პირველმა მოადგილემ, ვახტანგ მახარობლიშვილმა და ევროპული საგარეო ქმედებათა სამსახურის (EEAS) აღმოსავლეთ პარტნიორობის ორმხრივი ურთიერთობების სამსახურის ხელმძღვანელმა, რიჩარდ ტიბელსმა ისაუბრეს.
 ასოცირების კომიტეტის სხდომაზე რუსეთის მიერ საქართველოს ოკუპირებულ რეგიონებში არსებულ მდგომარეობაზე და ხელისუფლების სამშვიდობო პოლიტიკაზე მოხსენებით წარდგა საქართველოს საგარეო საქმეთა მინისტრის მოადგილე ლაშა დარსალია.
 სხდომაზე COVID-19-თან დაკავშირებულ გამოწვევებთან გასამკლავებლად საქართველოს მიმართ ევროკავშირის ფინანსურ და ტექნიკურ მხარდაჭერაზე მოხსენება გააკეთა ევროკომისიის სამეზობლოსა და გაფართოების საკითხებში მოლაპარაკებების გენერალური დირექტორატის (DG NEAR) საქართველოსა და მოლდოვას სამსახურის ხელმძღვანელმა, მეთიუ ბუსკემ.

„ზოგიერთი პოლიტიკური ძალა საერთოდ უნდა ჩამოშორდეს პოლიტიკურ სცენას, რადგანაც ისინი დღეს დესტრუქციული ფუნქციის შემსრულებლები არიან.“ – თამარ კიკნაძე

„დღეს მოსახლეობის დაკვეთა არ არის დესტრუქცია, მოსახლეობას დღეს სულ სხვა რამ აინტერსებს და სამწუხაროდ, პოლიტიკური ისტებლიშმენტი მოწყვეტილია ხალხის ინტერესებს.“ – ამის შესახებ პოლიტიკური პარტია „ევროპელი სოციალისტების“ პოლიტსაბჭოს წევრმა, პროფესორმა თამარ კიკნაძემ „პოლიტიკურ პოსტში“ სტუმრობისას განაცხადა.  მისივე თქმით, ზოგიერთი პარტია ასეთი აქტივობების გარეშე, შესაძლოა, საერთოდ გაქრეს პოლიტიკური სცენიდან.

„ზოგიერთი პოლიტიკური ძალა საერთოდ უნდა ჩამოშორდეს პოლიტიკურ სცენას, რადგან დღეს ისინი დესტრუქციული ფუნქციების შემსრულებლები არიან“, – აღნიშნა თამარ კიკნაძემ მიმდინარე პოლიტიკური პროცესების შეფასებისას.

“იმისთვის , რომ სახელმწიფო გადარჩეს და მოსახლეობა შიმშილის ზღვარის მდგომარეობიდან გამოვიდეს, უნდა შეიქმნას საგანგებო კომისია, რომელსაც უხელმძღვანელებს ქვეყნის პრემიერმინისტრი”- ფრიდონ ინჯია

“იმისთვის , რომ სახელმწიფო გადარჩეს და მოსახლეობა შიმშილის ზღვარის მდგომარეობიდან გამოვიდეს, უნდა შეიქმნას საგანგებო კომისია, რომელსაც უხელმძღვანელებს ქვეყნის პრემიერმინისტრი”, – ამის შესახებ პოლიტიკური პარტია „ევროპელი სოციალისტების“ თავმჯდომარემ, ფრიდონ ინჯიამ, საქართველოს პარლამენტის პლენარულ სხდომაზე სიტყვით გამოსვლისას განაცხადა. მისი თქმით, ბოლო სამი თვის განმავლობაში არ დარჩენილა არცერთი პროდუქტი, რომელიც არ გაძვირებულა.

“ეს გაძვირება არის 30%-დან 69%-მდე, არის პროდუქტი, რომელიც 100% -ითაც გაძვირდა”. – აღნიშნა ფრიდონ ინჯიამ.

მისივე თქმით, ქვეყანა უმძიმეს მდგომარეობაში აღმოჩდნება, თუ სახელმწიფო გლეხების სამეურნეო საქმიანობაში არ ჩაერია.

“ევროპის ქვეყნებში, აზიაში, ასევე ამერიკაში, ძალიან მიღებულია ასეთი პრაქტიკა – გეგმიური ეკონომიკა ან სახელმწიფო კაპიტალიზმი, ამიტომ მიმაჩნია, რომ რაღაც ნაწილში თუ მთავრობამ არ მიიღო მონაწილეობა გლეხების სამეურნეო საქმიანობაში და მოსავლის მოყვანაში, ჩვენ აღმოვჩნდებით უმძიმეს მდგომარეობაში”, – განაცხადა ფრიდონ ინჯიამ.

“ვფიქრობ, რომ პრეზიდენტს გადაწყვეტილი აქვს, თვითონ მივიდეს ოპოზიციასთან” – ფრიდონ ინჯია

პოლიტიკური პარტია “ევროპელი სოციალისტების“ თავმჯდომარის ფრიდონ ინჯიას განცხადებით, პრეზიდენტი სალომე ზურაბიშვილი მედიატორის ფუნქციას შეასრულებს და ოპოზიციასთან სასაუბროდ თვითონ მივა.
ამის შესახებ ფრიდონ ინჯიამ ჟურნალისტებს განუცხადა, როდესაც უპასუხა კითხვას, რატომ არ დაესწრო ოპოზიციის ნაწილი პრეზიდენტის ადმინისტრაციაში გამართულ ღონისძიებას, სადაც ოპოზიციის წევრები სალომე ზურაბიშვილმა მიიწვია.
,,პრეზიდენტის საქმეა დღეს, რომ იყოს მედიატორი სახელმწიფო ინსტიტუტებს შორის, უმრავლესობასა და უმცირესობას შორის და არა მედიატორები, რომლებიც მოდიან ევროპიდან. ეს ზუსტად პრეზიდენტის საქმეა. მე მიხარია, რომ პრეზიდენტმა ეს სახელმძღვანელოდ მიიღო. მე საუბარი მქონდა პრეზიდენტთან, რომელმაც თქვა, რომ „ამ საქმეს აუცილებლად მოვკიდებ ხელს, შევარიგებ ხალხს”.
მომეჩვენა და ასევე ვფიქრობ, რომ პრეზიდენტს გადაწყვეტილი აქვს, თვითონ მივიდეს ოპოზიციასთან. დაახლოებით, ასეთი საუბარი იყო პირად საუბარში. თვითონ მივა იქ. მე ასე ვფიქრობ, იმიტომ, რომ სხვანაირად არ გამოვა მედიატორი იყო, თუ ერთი მხარე არ მოდის და მეორე მხარე მოდის. ამიტომ, პრეზიდენტი იმიტომაა ქვეყნის პრეზიდენტი, მიუხედავად იმისა, რომ დიდი ძალაუფლება არ აქვს, რაც აქვს ფრიად საკმარისია იმისთვის, რომ მართლაც იყოს მედიატორი ჩვენს საზოგადოებაში“, – აცხადებს ფრიდონ ინჯია.
პრეზიდენტის ადმინისტრაციაში ღონისძიება გაიმართა, სადაც სალომე ზურაბიშვილმა დათა ვანიშვილი სიკვდილის შემდეგ მედლით „სამოქალაქო თავდადებისათვის“ დააჯილდოვა. ღონისძიებაზე მიწვეულები იყვნენ ოპოზიციის წარმომადგენლები.