ყოველთვიური არქივები: ივლისი2021

“კანონი იყოს ყველასთვის კანონი” – კანონი იყოს ყველასთვის კანონი – ფრიდონ ინჯია

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მიუწოდებს საქართველოს შინაგან საქმეთა სამინიტროს დადგეს თავის სიმაღლეზე, გამოიჩინოს პრინციპულობა და კანონი იყოს ყველასთვის კანონი.

ასეთი განცხადება გააკეთა ფრიდონ ინჯიამ 5-6 ივლისის მოვლენებისა და ოპერატორ ალექსანდრე ლაშქარავას გარდაცვალების ფაქტთან დაკავშირებით პარლამენტის იურიდიულ საკითხთა კომიტეტის სხდომაზე აღნიშნული საკითხის შეფასებისას.

რა უნდა გაკეთდეს იმისთვის, რომ სასამართლომ ნდობა აიმაღლოს?!“ –  ფრიდონ ინჯიას შეკითხვები მოსამართლეობის კანდიდატებს

რა უნდა გაკეთდეს იმისთვის, რომ სასამართლომ ნდობა აიმაღლოს?!“ – საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას შეკითხვები მოსამართლეობის კანდიდატებს.

საქართველოს პარლამენტში უზენაესი სასამართლოს მოსამართლეობის კანდიდატებთან გასაუბრება დაიწყო

პარლამენტის იურიდიული კომიტეტი ორ კანდიდატს, გოჩა აბუსერიძეს და გიორგი გოგიაშვილს გაესაუბრა.

ფრიდონ ინჯიას განცხადება “თბილისი პრაიდის” ირგვლივ განვითარებულ მოვლენებთან დაკავშირებით

ძვირფასო თანამემამულეებო, დებო და ძმებო, მამებო, დედებო და შვილებო!

საქართველო უდიდესი კულტურისა და ისტორიის ქვეყანაა. ის ოდითგანავე გამოირჩეოდა თავისი ტოლერანტობით და შემწყნარებლიბით. საუკუნეების განმავლობაში ერთმანეთის გვერდით მშვიდობიანად ცხოვრობდნენ სხვადსხვა ეროვნების, აღმსარებლობის თუ უმცირესობების წარმომადგენლები. ტრადიცია არც დღეს დარღვეულა. უფრო მეტიც, მათი უფლებები კონსტიტუციურად არის გამყარებული და სახელმწიფო მათ მიმართ განსაკუთრებულ ყურადღებას და მზრუნველობას იჩენს, ეს კი იმის დასტურია, რომ საქართველო ევროპული ცივილიზებული, დემოკრატიული ღირებულებების ქვეყანაა.

ჩვენ კარგად გვესმის, სახელმწიფო რომ შედგეს და განვითარდეს, მისი ყველა წევრი თავს სრულუფლებიან მოქალაქედ უნდა გრძნობდეს და კონსესუსურ საზოგადოებაში ცხოვრობდეს – არ შეიძლება ერთის სასარგრბლოდ, მეორის უფლება ირღვეოდეს.

დღეს ჩვენი ქვეყნის წინაშე ბევრი გამოწვევაა, როგორც ქვეყნის შიგნით, ისე საგარეო ასპარეზზე. ამას თან ერთვის კოვიდ 19-ით განპირობებული ვითარება. ქვეყანაში არსებული დესტრუქციული ოპოზიცია კი იმის ნაცვლად, რომ ამ პრობლემების დაძლევაზე ფიქრობდეს, შემთხვევას არ უშვებს, რომ სიტუაცია დაძაბოს, ქვეყანა ქაოსსა და არეულობაში გახვიოს და მღვრიე წყალში თევზი დაიჭიროს.

“თბილისი პრაიდის” ჩატარების თაობაზე, თავიდანვე ცნობილი იყო საზოგადოების განწყობა და პრაიდის ორგანიზატორებსა და მათ უკან მდგარ რადიკალურ ოპოზიციას არაერთხელ მოუწოდა ხელისუფლებამ და ცალკეულმა პოლიტიკოსებმა, თავი შეეკავებინათ ასეთი ღონისძიების ჩატარებისაგან, რათა თავიდან აგვეცილებინა მოსალოდნელი სამოქალაქო დაპირისპირება და არეულობა.

მართლაც, პრაიდის ჩატარების წინააღმდეგ, თავისი პროტესტის დასაფიქსირებლად, თბილისის მთავარ პროსპექტზე სამღვდელოების წარმომადგენლები და ათასობით მოქალაქე გამოვიდა. მიუხედავად სამართალდამცავი ორგანოების პროფესიონალური მოქმედებისა, ეს არასაკმარისი აღმოჩნდა და სამწუხაროდ ადგილი ჰქონდა ძალადობის ფაქტების გამოვლინებას, მათ შორის ჟურნალისტების წინააღმდეგ. ასეთ ძალადობას ჩვენ კატეგორიულად ვგმობთ და ვემიჯნებით, მაგრამ პასუხისმგებლობას ვაკისრებთ ხელისუფლებას და იმ ძალებს, რომლებმაც არ გაითვალისწინეს შექმნილი ვითარება.

საქართველო ღვთისმშობლის წილხვედრი, უნიკალური კულტურის, გენეტიკური კოდის, რელიგიური აღმსარებლობის, განსაკუთრებული მისიის მატარებელი ქვეყანაა. ეს ყოველთვის უნდა გვახსოვდეს, სათუთად უნდა ვუფრთხილდებოდეთ ამ ყველაფერს, ერთამანეთს და ერმა და ბერმა საერთო თანხმობისა და მომავლისათვის ერთად უნდა ვიღვაწოთ.

ღმერთი ფარავდეს საქართველოს და თითოეულ ჩვენთაგანს!