ყოველთვიური არქივები: თებერვალი2022

ფრიდონ ინჯია მიიჩნევს, რომ ბოლო 30 წლის განმავლობაში ქვეყანაში ძალიან ბევრი საკითხი დაგროვდა, რაც გადაჭრას მოითხოვს

🔹 „ჩვენ ვერ ვასწავლით პრემიერ-მინისტრს, თუ რა უნდა იყოს პირდაპირი დიალოგის ძირითადი საკითხები“, – ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ განაცხადა პრეს-კონფერენციაზე, სადაც „ევროპელი სოციალისტების“ სახელით მიმართა საქართველოს პრემიერ-მინისტრს ირაკლი ღარიბაშვილს რუსეთის ფედერაციასთან პირდაპირი დიალოგის აუცილებლობაზე.
🔹 ფრიდონ ინჯია მიიჩნევს, რომ ბოლო 30 წლის განმავლობაში ქვეყანაში ძალიან ბევრი საკითხი დაგროვდა, რაც გადაჭრას მოითხოვს.
🔹 „პრემიერ-მინისტრმა თვითონ იცის, თუ რა საკითხები იქნება მნიშვნელოვანი მოლაპარაკებების დროს. ამას ჩვენ პრემიერ-მინისტრს ვერ ვასწავლით. 30 წლის განმავლობაში იმდენი საკითხი დაგროვდა, რომელსაც ალბათ არ ეყოფა ერთი დღე. ჩვენ სულ ვცდილობთ შუამავლის მეშვეობით პრობლემების გადაჭრას, მაგრამ 30 წლის განმავლობაში, შუამავლის მეშვეობით არაფერი გაკეთებულა“, – აღნიშნა ფრიდონ ინჯიამ.

“ევროპელი სოციალისტების” მიმართვა საქართველოს პრემიერ-მინისტრს ირაკლი ღარიბაშვილს

📍 გ ა ნ ც ხ ა დ ე ბ ა
“ევროპელი სოციალისტების” მიმართვა საქართველოს პრემიერ-მინისტრს ირაკლი ღარიბაშვილს.
🔹 მოგესალმებით ყველას, გისურვებთ ჯანმრთელობას და კოვიდზე გამარჯვებას!
🔹 კარგია, რომ საქართველოში ბოლო 10 წლის განმავლობაში ომი არ ყოფილა, თუმცა, უნდა ითქვას, რომ ხელისუფლებამ და მასთან ერთად ჩვენმა საერთაშორისო პარტნიორებმა ქმედითი ნაბიჯები ვერ გადადგეს, ქვეყნის ტერიტორიული მთლიანობის აღდგენის საკითხებში.
🔹 ბოლო პერიოდში მსოფლიოში, მათ შორის ჩვენს რეგიონში მოვლენებმა, ისეთი სისწრაფით ჰპოვა განვითარება, რომ სულ სხვა რეალობებისა და გამოწვევების წინაშე აღმოვჩნდით, ვიდრე ეს იყო რამდენიმე წლის უკან. მაგალითად, უკრაინასთან მიმართებაში, რეზოლუციის მიღების პერიოდში, ეს 26 იანვარი იყო, ჩვენმა პარტიამ გააკეთა განცხადება. ჩვენ მოვუწოდეთ ჩვენს მეგობარ უკრაინელებს, რომ ომის თავიდან აცილების გზა იქნებოდა მინსკის ხელშეკრულებით აღებული ვალდებულებების უპირობო შესრულება.
🔹 ჩვენი პარტიის ეს განცხადება, ბევრმა, მათ შორის პარლამენტში, მიიჩნია არააქტუალურად და საჭიროებას მოკლებულად, მაგრამ არ გასულა ერთი კვირა და გაირკვა, რომ არ დარჩა ამ საკითხში ჩართული ევროპის წამყვანი არც ერთი სახელმწიფო, რომელმაც უკრაინის ხელისუფლებას მინსკის ხელშეკრულების შესრულებისკენ არ მოუწოდა. სულ ბოლოს, აღნიშნულ საკითზე – 8 თებერვალს, ბერლინში, გერმანიის, საფრანგეთისა და პოლონეთის სახელმწიფოების ლიდერებმა ერთობლივ შეხვედრაზე ხაზი გაუსვეს უკრაინის ხელისუფლების მხრიდან მინსკის ხელშეკრულების შესრულების აუცილებლობას.
🔹 მიუხედავად თავისი არსებობის მოკლე პერიოდისა, ჩვენი პოლიტიკური პარტია საზოგადოებას და ხელისუფლებას მხოლოდ და მხოლოდ კონსტრუქციულ წინადადებებს და ამ წინადადებების შესრულების კონკრეტულ გზებს სთავაზობს და არაა დაკავებული პოპულისტური, იაფფასიანი განცხადებებით. სწორედ, ამიტომ, დღეს საქართველოს ინტერესებიდან და არსებული ახალი პოლიტიკური რეალობებიდან გამომდინარე, გაგაცნობთ პოლიტიკური პარტიის „ევროპელი სოციალისტების“ საგანგებო განცხადებას და მიმართვას ხელისუფლებისადმი.
🔹 დღეს მსოფლიოში, მათ შორის ჩვენს რეგიონში, და საქართველოში მიმდინარეობს უმნიშვნელოვანესი პოლიტიკური პროცესები. მსოფლიოში მიმდინარე მოვლენები, რაც გლობალური უსაფრთხოების გარანტიებს უკავშირდება, პირდაპირ აისახება ჩვენი ქვეყნის ფუნდამენტურ ინტერსებზე და მის უსაფრთხოებაზე.
გლობალური უსაფრთხოების სისტემის ახალი რეალობიდან გამომდინარე, რომელიც ყოველწუთიერად იცვლება, საქართველოს ეძლევა უნიკალური შანსი, დაიცვას თავისი ქვეყნის სასიცოცხლო ინტერესები, იმ გამოწვევებიდან და პრობლემებიდან გამომდინარე, რაც ქვეყნის წინაშე დგას ბოლო 30 წლის განმავლობაში. მხედველობაში გვაქვს ის, რომ ხელისუფლებამ, შუამავლის გარეშე, იმოქმედოს პირდაპირი დიალოგის ფორმატში, რასაც დღეს ალტერნატივა არ აქვს.
ჩვენი ქვეყნის ინტერესებს, ჩვენზე უკეთესად ვერავინ დაიცავს. როგორც ამას აკეთებს თავისი ქვეყნის ინტერესების დამცველი ყველა ქვეყანა. კერძოდ, ამერიკა, საფრანგეთი, გერმანია, უნგრეთი, არგენტინა, შვედეთი, ფინეთი, ჩინეთი და სხვა.
🔹 ცნობილია, რომ დღევანდელ საქართველოს ხელისუფლებას, არ მიუძღვის არანაირი ბრალი იმ რთული პოლიტიკური ვითარების შექმნაში, რომელიც საქართველოს თავს დაატყდა 21-ე საუკუნეში. ასევე, მიგვაჩნია, რომ დღევანდელ ხელისუფლებას ძალუძს, დაიცვას ქვეყნის ინტერსები ყველა დონეზე და ყველანაირ ფორმატში, მიუხედავად არსებული უმძიმესი ზეწოლისა, რაც დღეს სახეზეა, და ყოველდღიურად ვხედავთ, თუ როგორ ილახება ჩვენი ქვეყნის სუვერენული ინტერესები.
ამ უნიკალური შესაძლებლობების გათვალისწინებით, რომელიც საქართველოს მომავალში შეიძლება არ მიეცეს, და ამ შანსის არ გამოყენება ჩვენი ქვეყნისთვის იქნება გამოუსწორებელი შეცდომა, ღალატის ტოლფასი. ისტორია გვიჩვენებს, რომ ასეთი შეცდომები და ღალატი, განსაკუთრებით ბოლო პერიოდში საკმაოდ ბევრი იყო ჩვენს ქვეყანაში და ძვირად დაგვიჯდა.
პოლიტიკური პარტია „ევროპელი სოციალისტები“ მივმართავთ საქართველოს პრემიერ-მინისტრს ბატონ ირაკლი ღარიბაშვილს, პირადად მან, შექმნილი კრიზისული მდგომარეობიდან გამომდინარე, დაიწყოს პირდაპირი დიალოგი, მოლაპარაკებების მაგიდასთან, რუსეთის ფედერაციასთან, როგორც ამას ახორციელებენ მსოფლიოს და ევროპის მთელი რიგი ქვეყნების ლიდერები. იგივეს მოვუწოდებთ უკრაინის პრეზიდენტს.
🔹 ვფიქრობთ, რომ ქვეყნის ხელისუფლება და პრემიერ-მინისტრი თავისი დიპლომატიური ქმედებით, რაც მათ გამოიჩინეს აზერბაიჯან-სომხეთის კონფლიქტის დროს და ჩვეული პრინციპულობით, პირდაპირი დიალოგის გზით, შეძლებს ამ ურთულესი და უმნიშვნელოვანესი საკითხების, გადაწყვეტის ოპტიმალური გზების მოძიებას ჩვენი ქვეყნის საკეთილდღეოდ, ხოლო ქართველი ხალხი ამ განსაცდელის ჟამს გაერთიანდება და გვერდში დაუდგება პრემიერ-მინისტრს ურთულესი მისიის შესრულებაში.
🔹 იმედს გამოვთქვამთ, რომ საქართველოში აკრედიტირებული დიპლომატიური კორპუსი და საერთაშორისო ორგანიზაციები ხელს შეუწყობენ ხელისუფლებას და პრემიერ-მინისტრს ქვეყნისთვის ამ სასიცოცხლო მისიის განხორციელებაში.
დარწმუნებულები ვართ, რომ საქართველოს მოსახლეობა ამას მიესალმება!

„ევროპელი სოციალისტების“ თავმჯდომარე ფრიდონ ინჯია ევროპარლამენტარ სვენ მიკსერს შეხვდა

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოში ოფიციალურ ვიზიტად მყოფ ევროპარლამეტის წევრთან, მომხსენებელთან საქართველოს საკითებზე, სვენ მიკსერთან შეხვედრაზე ქვეყნაში მიმდინარე სოციალურ-ეკონომიკურ საკითხებზე გაამახვილა ყურადღება.
🔹 ქვეყნის უმაღლეს საკანონმდებლო ორგანოში საპარლამენტო ოპოზიციური ფრაქციებისა და პოლიტიკური ჯგუფის თავმჯდომარეებისა და წევრების შეხვედრა გაიმართა ევროპარლამენტართან, მომხსენებელთან საქართველოს საკითხებზე, სვენ მიკსერთნ.
🔹 „ჩვენი მიზანია ქვეყნის სოციალურ – ეკონომიკური მდგომარეობის გაუმჯობესება. ამას ჩვენ ვუყურებთ პრაგმატულად და მიგვაჩნია, რომ მიზნის მისაღწევად ქვეყანამ ყველაფერი უნდა გააკეთოს.“ – განაცხადა შეხვედრაზე ფრიდონ ინჯიამ.
პოლიტიკური ჯგუფის თავმჯდომარის თქმით, საქართველოს გეოგრაფიული მდებარეობიდან გამომდინარე, ქვეყნის საგარეო პოლიტიკა უნდა იყოს მრავალვექტორული.
🔹 „ჩვენი გეოგრაფიული მდებარეობიდან გამომდინარე, ქვეყნის საგარეო პოლიტიკა უნდა იყოს მრავალვექტორული. რა თქმა უნდა, პრიორიტეტები უნდა იყოს ევროპული ღირებულებები, როგორიც არის კანონის უზენაესობა, ტექნოლოგიები, ევროპული ბაზარი.“ – აღნიშნა ფრიდონ ინჯიამ.
🔹 პოლიტიკური ჯგუფის თავმჯდომარემ შეხვედრაზე ხაზი გაუსვა ქვეყანაში არსებულ ძირითად პრობლემებს.

„ჩვენი პრობლემებია: კანონის უზენაესობა; საპარლამენტო ზედამხედველობა-არაეფექტურობა; არაეფექტური სოციალური პროგრამები; საბანკო სექტორის მონოპოლიზაცია; ფარმაცევტული სფერო; ენერგეტიკა“ – აღნიშნა ფრიდონ ინჯიამ.
🔹 „არის ბევრი პრობლემა. ქართულ პოლიტიკურ კლასს გააჩნია უუნარობა კანონის უზენაესობის განსახორციელებლად. შეურაცხყოფის მიყენება ეს სისუსტეა პოლიტიკოსის მხრიდან… საზოგადოება პოლარიზებულია და რა ვუყოთ ამ პოლარიაზაციას? .. საინტერესოა, არის თუ არა ესტონეთში სასჯელი ცილისწამებაზე?…“ – განაცხადა შეხვედრაზე ფრიდონ ინჯიამ.
🔹 პოლიტიკური ჯგუფის თავმჯდომარემ შეხვედრაზე სვენ მიკსერს მიმართა შეკითხვით უკრაინის მოვლენებთან დაკავშირებით, თუ როდის დამთავრდება არსებული დაძაბულობა, რაზეც ევროპარლამენტარმა აღნიშნა, რომ მან ამის შესახებ არ იცის.

🔹 პოლიტიკური ჯგუფის თავმჯდომარემ შეხვედრაზე ყურადღება გაამახვილა საქართველოს პარლამენტის მიერ უკრაინის მხარდასაჭერად მიღებულ რეზოლუციაზე.
🔹 „მიმაჩნია, რომ რეზოლუციის მიღება იყო ნაჩქარევი, მით უმეტეს, როცა თვითონ ჩუმად არიან. რეზოლუცია არ მიუღია ესტონეთს. არც უკრაინას არ მიუღია რეზოლუცია 2008 წელს, მაშინ, როცა ჩვენ დავდექით ფაქტის წინაშე და დავკარგეთ ტერიტორიები…“ – აღნიშნა შეხვედრაზე ფრიდონ ინჯიამ.

ფრიდონ ინჯია მიიჩნევს, რომ უკრაინის მოვლენებთან დაკავშირებით რეზოლუციის მიღება ნაადრევია

📍ფრიდონ ინჯია მიიჩნევს, რომ უკრაინის მოვლენებთან დაკავშირებით რეზოლუციის მიღება ნაადრევია.

🔷 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ უმაღლესი საკანონმდებლო ორგანოს საგაზაფხულო სესიის პირველ პლენარულ სხდომაზე უკრაინის საკითხთან დაკავშირებული რეზოლუციის პროექტის განხილვისას დეპუტატებს კიდევ ერთხელ მოუწოდა არ იჩქარონ დოკუმენტის მიღება, რომელიც შესაძლოა, საქართველოს ინტერესებისთვის საზიანო აღმოჩნდეს.

👉 „მიგვაჩნია, რომ ეს რეზოლუცია ნაადრევია. მე კიდევ ერთხელ მოგიწოდებთ, დაველოდოთ, როგორ განვითარდება მოვლენები. ნუ გავრბივართ ორთქლმავლის წინ, ისე გავაკეთოთ, რომ ზიანი არ მივაყენოთ ჩვენს ქვეყანას. მე მაინტერესებს ჩემი ქვეყანა, რომ აქ ომი არ იყოს, და ჩვენ იმ ქარტეხილებში არ მოვყვეთ. ამ კვირას იწყება მოლაპარაკებები, რომელშიც ჩვენ მონაწილეობას არ ვიღებთ, და არც არავინ მიგვაღებინებს. სამწუხაროდ, არც უკრაინას მიაღებინებენ მონაწილეობას. ამის შესაძლებლობა, რომ იყოს, ჩვენს სიტყვას ვიტყოდით, და შესაძლოა, ჩვენდა სასიკეთოთ ვინმეს რამე გაეთვალისწინებინა“, – განაცხადა ფრიდონ ინჯიამ.

🔷 მისი თქმით, ძალიან მნიშვნელოვანია, რომ პარლამენტის დარბაზში ყველა მსხდომი მხარს უჭერს უკრაინის ერთიანობასა და ტერიტორიულ მთლიანობას, თუმცა, ზოგიერთის განცხადებებში უკრაინაში ომის მიუღებლობის შესახებ, მას ეჭვი ეპარება.

🔷 „რა თქმა უნდა, ჩვენ მხარი უნდა დავუჭიროთ უკრაინას, მაგრამ ჩვენი ქვეყნის ინტერესები გაცილებით მაღლა უნდა დავაყენოთ. ერთი ქვეყანა, რომელმაც მხარი დაუჭირა რეზოლუციით, და ჯერ არ ვიცით რა არის ტექსტში, პოლონეთია, სხვა ქვეყნები ჯერჯერობით თავს იკავებენ, რატომ? იმიტომ, რომ მათზე ეს დამოკიდებული არ არის, მით უმეტეს ჩვენზე, გადამწყვეტია ორი სახელმწიფო – აშშ და რუსეთის ფედერაცია. ჩინეთის რესპუბლიკამაც კი განცხადებებისგან თავი შეიკავა და განზე გადგა. უკრაინის საკითხის გაეროში განხილვაც მხოლოდ 18 რიცხვში, თითქმის ოლიმპიადის დამთავრების შემდეგ იქნება. ამ ყველაფერს აქვს მნიშვნელობა“, – განაცხადა დეპუტატმა.

🔷 მისი თქმით, რატომ უნდა ზოგიერთს ჩართოს საქართველო ამ დიდ ბრძოლაში მაშინ, როდესაც აშშ-მ მოლაპარაკებებისთვის მზადყოფნა გამოხატა, რასაც წინ უძღოდა დახურული წერილი რუსეთის მისამართით.

👉 „თუ განხილვაა ე.ი. რაღაც კომპრომისებზე უნდა წავიდეს ერთი მხარეც და მეორეც. რა შეიძლება იყოს აშშ-ს კომპრომისი? ეს დასაფიქრებელია, უკრაინა ხომ არ იქნება პირველი ან ჩვენ? საქმე ძალიან სერიოზულად დგას, მნიშვნელოვანი რაღაცეები შეიძლება გადაწყდეს ამ 1-2 თვის განმავლობაში. როგორ დაასრულებენ ისინი მოლაპარაკებას, და რა იქნება შედეგი, დამერწმუნეთ, ჩვენ ამას არავინ შეგვეკითხება. ამიტომ, წინასწარ ნურც თვალებს დავითხრით და ნურც ვაშა-ვაშას ძახილს დავიწყებთ“, – აღნიშნა ფრიდონ ინჯიამ.

დავით ზილფიმიანი უკრაინის შესახებ რეზოლუციის პროექტის განხილვაში მონაწილეობაზე უარს ამბობს

🔷 „ევროპელი სოციალისტების“ წევრი, პარლამენტის საგარეო ურთიერთობათა კომიტეტის თავმჯდომარის მოადგილე დავით ზილფიმიანი უკრაინის მხარდამჭერი რეზოლუციის განხილვაში მონაწილეობაზე უარს ამბობს. ამის შესახებ მან დღეს გამართულ კომიტეტის სხდომაზე განაცხადა.
🔷 „არ ვაპირებდი ამის თქმას, მაგრამ ეტყობა სხვა გამოსავალი არ არის. როდესაც დრო დადგა, საგარეო კომიტეტმა ექსპრომტად შეადგინა რეზოლუციის ტექსტი და მეგონა ეს ტექსტი დიდი ხნის გაგზავნილი იყო, მაგრამ გავიგე რომ თურმე ასე არ არის. აქ ბევრია საკადრო დიპლომატიიდან მოსულები და მიხარია პროფესიონალი დიპლომატები. როდესაც განცხადება ან რეზოლუცია კეთდება, ქვეყანა ამას იღებს იქედან გამომდინარე, როგორ უნდა გაიგოს ამა თუ იმ ქვეყანამ ან პოლიტიკურმა ორგანიზაციამ და ყველამ გაიგოს ის რაც თვითონ უნდოდათ დაეწერათ, საქვეყნოდ არავინ მსჯელობს თითოეული სიტყვის მნიშვნელობაზე. დიპლომატია სწორედ ეს არის, ჩვენ უნდა გვემსჯელა, ყველა დავმჯდარიყავით დახურულ ფორმატში, რადგან საკამათო იყო და მიგვეღო ტექსტი, რომელიც ჩვენს მტერსაც და მოყვარესაც ისე გაეგო როგორც ჩვენ გვინდოდა გვეთქვა. მას შემდეგ რაც დავფქვით ეს ყველაფერი და ამდენი სისულელე ვილაპარაკეთ, საერთოდ აღარ არის საჭირო. მე პირადად მრცხვენია, იგივე ჩვენი პარტნიორების თვალში მრცხვენია, მტრებს ხომ ისედაც გაეხარდებათ. ამიტომ მიმაჩნია ასეთი ფორმით არ უნდა გრძელდებოდეს რეზოლუციები და მე უარს ვამბობ განხილვაში მონაწილეობაზე. ნურავინ შემეწინააღმდეგებით ქვეყნის სიყვარულში, რადგან ასეთი კამათი არ არის ქვეყნის სიყვარული. არ ვარ დიპლომატი, მაგრამ დიპლომატია სწორედ ის არის, ყველამ გაიგოს ისე როგორც შენ გინდა და არა დადგე და ორი კვირა პირდაპირ ეთერში შეასწორო რაღაცეები“ – განაცხადა დეპუტატმა