🔹 პარლამენტის საშემოდგომო სესიის პირველ სხდომაზე პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს მოქალაქეობის აღდგენისა და ქართველების სამშობლოში დაბრუნების ხელშეწყობის მიზნით სპეციალური სახელმწიფო სტრუქტურის გამოყოფის საკითხი დააყენა.
🔹როგორც დეპუტატმა სხდომაზე განაცხადა, საქართველოს ყოველთვიურად და ყოველწლიურად სულ უფრო და უფრო მეტი ადამიანი ტოვებს, ხოლო მოქალაქეობის არმქონე პირებისთვის, საქართველოს მოქალაქეობის დაბრუნების სტატისტიკა, მოღალატეობრივია.
🔹 „არიან ადამიანები, რომლებმაც ან დატოვეს მოქალაქეობა, ან დაკარგეს, ან კიდევ სხვა მიზეზის გამო საქართველოს მოქალაქეობა აღარ აქვთ. ისინი მიმართავენ განცხადებით იუსტიციის სახლს და სპეციალური კომისია განიხილავს ამას, თუმცა, ბოლო პერიოდში, თითქმის არც ერთი დადებითი გადაწყვეტილება, რომ საქართველოს ყოფილ მოქალაქეს დაუბრუნდეს მოქალაქეობა, მიღებული არ ყოფილა. მიმაჩნია, ეს არის ქვეყნის ღალატი და მტერი შეიძლება იყოს ის, ვინც არ აძლევს საქართველოს მოქალაქეს შესაძლებლობას დაიბრუნოს მოქალაქეობა“, – განაცხადა ფრიდონ ინჯიამ.
🔹 მან მაგალითად ისრაელის სახელმწიფოს გამოცდილება მოიყვანა და აღნიშნა, რომ მხოლოდ ერთმა სახელმწიფო დაწესებულებამ ერთი ადამიანის ხელმძღვანელობით მილიონობით ებრაელი დააბრუნა ისრაელში.
🔹„ისრაელში ეძებენ სათითაოდ ბებიის ბებია თუ არის ებრაელი, ის აუცილებლად გახდება ისრაელის მოქალაქე, და სახელმწიფო სტრუქტურა სხვაგვარად უდგება ამ საკითხს. სპეციალური პიროვნება იყო განკუთვნილი ამ საქმისთვის – იაკობ კაზაკოვი, ახლა ის სხვა გვარითაა – იაკობ კედმი, რომელიც ითხოვდა სახელმწიფოსგან, რომ რაც შეიძლება მეტი ებრაული ეთნოსის ადამიანი დაბრუნებულიყო თავის ქვეყანაში. მილიონობით ადამიანი, თავისი სამსახურით დააბრუნა მან ისრაელში“, – აღნიშნა დეპუტატმა.
🔹 „ჩვენი დღევანდელი მდგომარეობიდან გამომდინარე, როდესაც ვხედავთ, როგორ იცლება საქართველო ყოველთვიურად, ყოველწლიურად, ხომ არ იქნება მიზანშეწონილი, გამოიყოს სახელმწიფო სტრუქტურა, რომელიც მსოფლიოში დაიწყებს მუშაობას იმ მიმართულებით, რომ ქართველები დაუბრუნდნენ თავიანთ ქვეყანას“, – განაცხადა ფრიდონ ინჯიამ.
საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს პარლამენტის იურიდიულ საკითხთა კომიტეტის სხდომაზე პრეზიდენტის საპარლამენტო მდივნისგან გიორგი მსხილაძისგან მოითხოვა კონკრეტული ინფორმაცია საქართველოს პრეზიდენტის სალომე ზურაბიშვილის მიერ „სისხლის სამართლის საპროცესო კოდექსში ცვლილებების შეტანის შესახებ“
„კანონი მიღებულია, ვეტო დადებულია და პარლამენტარებს აინტერესებთ, თუ რატომ იქნა დადებული ვეტო. კონკრეტულად რომელ მუხლებს ეხება ეს და რა არის, ამაში ჩადებული, რატომ იქნა ასეთი გადაწყვეტილება მიღებული. მე ძალიან მინდა ბატონო გიორგი, რომ თქვენი გამოსვლა იყოს კონკრეტული და მოგვაწოდოთ კონკრეტული ინფორმაცია, თუ რომელ მუხლებზეა საუბარი. იქმნება ასეთი შთაბეჭდილება, რომ არის ასეთი მიდგომა – მინდა ვეტო დავადო და დავადე. ასე იკვეთება იმ გამოსვლიდან გამომდინარე, რომელიც თქვენ გქონდათ დღეს კომიტეტის სხდომაზე. ეს გამოსვლა იყო ყველაფერზე და არაფერზე.“
