“ევროპელი სოციალისტების” თავმჯდომარემ ფრიდონ ინჯიამ საქართველოს სახელმწიფო საქმეებში უხეშ ჩარევად შეაფასა ევროპარლამენტის დოკუმენტი, სადაც ხელისუფლებას მოუწოდებენ მიხეილ სააკაშვილის პატიმრობიდან გათავისუფლებას

🔹ევროპარლამენტის მიერ გამოქვეყნებულ ბოლო დოკუმენტს, რომელშიც ჩადებულია მოწოდება საქართველოს ხელისუფლებისადმი მიხეილ სააკაშვილის პატიმრობიდან გათავისუფლების თაობაზე, საპარლამენტო პოლიტიკური ჯგუფის “ევროპელი სოციალისტების” თავმჯდომარე ფრიდონ ინჯია სახელმწიფო საქმეებში უხეშ ჩარევად აფასებს.

🔹 “ეს არის ცალსახად საქართველოს შიდა საქმეებში ჩარევა. ეს არის შეურაცხყოფა სახელმწიფოსი, კონსტიტუციის, იმ კანონების, რომელიც ავლენს დამნაშავეს. პრაქტიკულად, გვეუბნებიან, გაათავისუფლე დამნაშავეო. დამნაშავე არის დამნაშავე, არა მხოლოდ საქართველოს კანონმდებლობით, არამედ, მათი კანონმდებლობითაც. დამნაშავე უნდა დაისაჯოს, მიუხედავად მისი პოლიტიკური ხედვისა თუ სტატუსისა“, – განაცხადა დეპუტატმა ტელეკომპანია „ალტ-ინფოს“ გადაცემაში „ალტერნატიული ხედვა“.

🔹 დოკუმენტის თანახმად, ევროპარლამენტი კიდევ ერთხელ მოუწოდებს საქართველოს ხელისუფლებას, გაათავისუფლოს ყოფილი პრეზიდენტი მიხეილ სააკაშვილი და მისცეს მას უფლება, გაიაროს სათანადო მკურნალობა საზღვარგარეთ ჰუმანიტარული მიზნით და გამოიყენოს ეს როგორც პოლიტიკური პოლარიზაციის შემცირების საშუალება.

🔹 რაც შეეხება ბადრი ჯაფარიძისა და მამუკა ხაზარაძის საქმეს, პოლიტიკური ჯგუფის თავმჯდომარემ აღნიშნა, რომ თუ მათ რაიმე დანაშაული ჰქონდათ, შესაბამის უწყებებს ცოტა ადრე უნდა მიეღოთ გადაწყვეტილება მათთან მიმართებაში, სანამ ჯაფარიძე – ხაზარაძე პოლიტიკაში ჩაერთვებოდნენ.

🔹 „ამისთვის იყო მთელი 7-8 წელი და მეტიც კი. ამიტომ, აქ ცოტა სხვანაირად არის საქმე. მიუხედავად ამისა, ესეც საქართველოს ხელისუფლების საქმეა“, – დასძინა დეპუტატმა.

ფრიდონ ინჯიას მიაჩნია რომ მსოფლიოში მიმდინარე მნიშვნელოვანი პოლიტიკური მოვლენებიდან გამომდინარე ბევრი რამ კარგად არის გასაანალიზებელი და დასაფიქრებელი რადგანაც იკვეთება მსოფლიო ახალი პოლიტიკური და ეკონომიკური ცენტრები

🔹 საპარალამენტო პოლიტიკური ჯგუფის „ევროპელი სოციალისტების“ თავმჯდომარეს ფრიდონ ინჯიას მიაჩნია, რომ მსოფლიოში მიმდინარე მნიშვნელოვანი პოლიტიკური მოვლენებიდან გამომდინარე, ბევრი რამ კარგად არის გასაანალიზებელი და დასაფიქრებელი, რადგანაც იკვეთება მსოფლიო ახალი პოლიტიკური და ეკონომიკური ცენტრები.

🔹 ტელეკომპანია „ალტ ინფოს“ გადაცემაში „ალტერნატიული ხედვა“ სტუმრობისას ჟურნალისტის კითხვაზე, „ხომ არ დაიკნინა თავი საქართვლომ სხვადასხვა ხელისუფლებების მეშვეობით ევროკავშირისა თუ მსოფლიო ქვეყნების წინაშე“, ფრიდონ ინჯიამ აღნიშნა, რომ რა თქმა უნდა, ასეთ ფაქტებს ჰქონდა ადგილი წინა ხელისუფლების დროს, და ზოგ შემთხვევაში, ეს იყო დანაშაული.

🔹 „ყველა ხელისუფლებას თავისი ინტერსი და ამოცანა აქვს. წინა ხელისუფლებას თავისი ინტერესი, ამოცანა ჰქონდა. დღევანდელ ხელისუფლებას აღმოაჩნდა, სხვა ინტერსები და მიზნები, რომელიც უფრო ახლოს არის ხალხის ინტერესებთან და მე მივესალმები ამ მიმართულებას. თუმცა, ვიტყოდი, რომ ბევრ შემთხევაში გადაჭრით ეს ასე არ არის … შესაძლოა ჯერ დრო არ არის დამდგარი. დაველოდოთ კიდევ არჩევნებს, როგორი სიტუაცია იქნება მსოფლიოში. მაგალითად, იგივე ჩინეთის ფაქტორი, სადაც ჩატარდა ყრილობა და ისინი ეხლა არიან მზადების პროცესში, რომ აჩვენონ თავისი გეგმები. ამიტომ შემდეგი ნაბიჯები ალბათ გამოჩნდება. ესეც მნიშვნელოვანი იქნება. ასევე, გამოჩნდება როგორ და რით დამთავრდება ის პოლარიზაცია, ის დაპირისპირება პარტიებს შორის, რომელიც ამერიკის შეერთებულ შტატებშია“.

🔹„ასევე, მნიშვნელოვანია მდგომარეობა თვითონ ევროკავშირში. კერძოდ, საყურადღებოა გერმანიის ფედერაციული რესპუბლიკის კანცლერის (მარტინ შულცი- გერმანიის კანცლერი) ვიზიტი ჩინეთში. პრაქტიკულად, ევროპის ქვეყნების პირველი პირები იქ ნაკლებად ჩადიოდნენ. ამასთან უნდა აღინიშნოს, რომ გერმანიის კანცლერი ჩავიდა ჩინეთში და მას თან ახლდნენ მრეწველობის ისეთი კონცერნების მფლობელები, რომლებიც ევროკავშირის ეკონომიკის მამოძრავებელ ძალას წარმოადგენენ. ეს კი, დასაფიქრებელი, კარგად გასაანალიზებელია და შესაბამისი დასკვნა უნდა გამოიტანოს ყველამ“. – განაცხადა ფრიდონ ინჯიამ.

ევროპელი სოციალისტების თავმჯდომარე ფრიდონ ინჯია ტელეკომპანია ალტ ინფოს პირდაპირ ეთერში

🔹 „თუ ჩვენ გავხდებით სრულფასოვანი სახელმწიფო და მართლაც დავიკავებთ იმ ადგილს ამიერკავკასიაში, რომელიც წესით უნდა გვეკავოს, და შევძელით გრანდიოზული ეკონომიკური პროექტის განხორციელება, რომელიც ენერგომატარებლების სატრანზიტო კორიდორს გულისხმობს ევროპაში საქართველოდან შავი ზღვის გავლით, ევროპა თვითონ მიგვიღებს ჩვენ ყოველგვარი პირობების გარეშე. ჩვენ საჭირო უნდა გავხდეთ ევროპისთვის. სანამ ევროპისთვის საჭირო და მისაღები არ გავხდებით, ისინი მუდმივად პირობებს წამოგვიყენებენ“.

🔹ამის შესახებ საპარალამენტო პოლიტიკურო ჯგუფის „ევროპელი სოციალისტების“ თავმჯდომარემ ფრიდონ ინჯიამ, ტელეკომპანია „ალტ-ინფოს“ პირდაპირ ეთერში, გადაცემაში „ალტერნატიული ხედვა“ განაცხადა.

🔹 „ენერგომატარებლების პროექტი იმდენად დიდი მნიშვნელობისაა, რომ მისი განხორციელების შემთხვევაში, ევროკომისიის პრეზიდენტი ქალბატონი ურსულა ფონ დერ ლაიენი მარტო აზერბაიჯანში კი არ ჩავა, არამედ იგი უნდა ჩამოვიდეს საქართველოში, რადგანაც აზერბაიჯანსა და ევროპას შორის ჩვენ ვართ, – საქართველო. და, თუ მნიშვნელოვანია აზერბაიჯანი თავისი ენერგორესურსებით, რა თქმა უნდა, მნიშვნელოვანია, მაგრამ ენერგომატარებლების მიწოდების თვალსაზრისით მთავარი გამტარი ჩვენ ვართ, – საქართველო. ასე, რომ დაველოდოთ, და თვითონ მოგვაკითხავენ. იმიტომ, რომ სხვა დანარჩენ შემთხვევაში იქნება ასეთი ე.წ. „პინკ-პონკის“ თამაში. სამწუხაროდ, მოთხოვნები, რომელიც წამოყენებული აქვს ევროკავშირს, პირდაპირ ეხება საქართველოს სუვერენიტეტს და დამოუკიდებლობას და ეს გულისხმობს შიდა საქმეებში ჩარევას“.

🔹 „ჩვენ უნდა გავაგრძელოთ ჩვენი გზა. ეს არის დამოუკიდებლობის, სუვერენიტეტის გზით სვლა“, – აღნიშნა ფრიდონ ინჯიამ.

🔹 პოლიტიკური ჯგუფის თავმჯდომარემ გადაცემაში, კიდევ ერთხელ გაამახვილა ყურადღება საქართველოსთვის ევროკავშირის წევრი ქვეყნის სტატუსის მინიჭების საკითხზე და აღმნიშნა, რომ საქართველო, პრაქტიკულად, უკვე არის კანდიდატი ქვეყანა იმ ოფიციალური განაცხადით, რომელიც ხელისუფლებამ გააკეთა.

🔹 „პირადად მე, როგორც საქართველოს მოქალაქე, ასე შევხედავდი ამ საკითხს. მე ვფიქრობ, რომ ჩვენ უკვე ვართ ევროკავშირის წევრობის კანდიდატი ქვეყანა, რადგანაც შევიტანეთ დადგენილი წესით, ოფიციალური განაცხადი და ახლა მათ უნდა გადაწყვიტონ მიგვიღებენ თუ არა ევროკავშირში. მათ უნდა ნახონ, ჩვენ რას ვაკეთებთ, როგორია კანონმდებლობა, ვიღებთ სხვადასხვა გადაწყვეტილებებს, რომელიც არის საქართველოს ინტერესებიდან გამომდინარე. ეს მათი გადასაწყვეტი უნდა იყოს, ასეთი სახელმწიფოს გაწევრიანება სურს თუ არა ევროპას“, – განაცხადა ფრიდონ ინჯიამ.

🔹 პოლიტიკური ჯგუფის თავმჯდომარეს მიაჩნია, რომ საქართველო, რასაკვირველია, უნდა მიიღოს გარკვეული სარგებელი ევროკავშირის მხრიდან. ეს იქნება ფინანსური შესაძლებლობები, ტექნოლოგიები თუ სხვა, რომელიც ხელს არ შეუშლის „საქართველოს თვითმყოფადობას, დამოუკიდებლობას, სუვერენიტეტს“.

🔹 “ჩვენ უნდა გავაგრძელოთ ის პოლიტიკა, რომელიც გვაქვს დღეს, კერძოდ, მეტ-ნაკლებად დამოუკიდებელი, საქართველოს სახელმწიფოს ინტერესებიდან გამომდინარე პოლიტიკა, რადგან ჯერ კიდევ არ ვართ ბოლომდე დამოუკიდებლები. ჯერ კიდევ ჩამოკიდებული ვართ სავალუტო ფონდზე და მსოფლიოს სხვა ფინანსურ ორგანიზაციებზე, მაგრამ შეგვიძლია შევასრულოთ დამოუკიდებელი მოთამაშის როლი, როგორც ამას აკეთებს თურქეთი, მიუხედავად იმისა, რომ თურქეთი არის ნატოს წევრი ქვეყანა, მაგრამ იგი სახელმწიფო ინტერსებიდან გამომდინარე მოქმედებს, რომ ნახოს თავისი მოგება. სწორედ ასეთი რეალისტური და პრაგმატული პოლიტიკით შეძლებს საქართველო დაიბრუნოს ლიდერი ქვეყნის როლი ამიერკავკასიაში, როგორც ეს იყო ისტორიულად და გახდეს საჭირო და მიმზიდველი ქვეყანა ყველასთვის“,- განაცხადა ფრიდონ ინჯიამ.

ქვეყნის უმაღლეს საკანონმდებლო ორგანოში საპარლამენტო პოლიტიკური ჯგუფის “ევროპელი სოციალისტების”თავმჯდომარის ფრიდონ ინჯიას, პარლამენტის ვიცე-სპიკერის ავთანდილ ენუქიძისა და პოლიტიკური ჯგუფის წევრების შეხვედრა გაიმართა საქართველოში ჩინეთის სახალხო რესპუბლიკის საგანგებო და სრულუფლებიან ელჩთან ჰ.ე. ჟოუ ციანთან

📍 ქვეყნის უმაღლეს საკანონმდებლო ორგანოში საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია, პარლამენტის ვიცე-სპიკერი ავთანდილ ენუქიძე და პოლიტიკური ჯგუფის წევრები შეხვდნენ საქართველოში ჩინეთის სახალხო რესპუბლიკის საგანგებო და სრულუფლებიან ელჩს ჰ.ე. ჟოუ ციანს.

🔹 პოლიტიკური ჯგუფის თავმჯდომარემ ფრიდონ ინჯიამ ჩინეთის სახალხო რესპუბლიკის ელჩს საქართველოში ჰ.ე. ჟოუ ციანს მიულოცა ჩინეთის „კომუნისტური პარტიის“ მე-20 ყრილობის ჩატარება და მადლობა გადაუხადა პარლამენტში სტუმრობისთვის.

🔹 „ჩვენი პარტია სრულად იზიარებს იმ კონცეფციას და ქვეყნის მმართველობის იმ პოლიტიკას, რომელსაც ჩინეთის „კომუნისტური პარტია“ ახორციელებს თქვენს სახელმწიფოში. ჩინეთის სახალხო რესპუბლიკის პოლიტიკური ხელმძღვანელობის გამოცდილება ქვეყნის მართვის საქმეში, რომელიც მან დააგროვა წლების მანძილზე, ნამდვილად სამაგალითო და მისაბაძია“. – განაცხადა შეხვედრაზე ფრიდონ ინჯიამ.

🔹 პოლიტიკური ჯგუფის თავმჯდომარემ ყურადღება გაამახვილა საქართველოს გეოპოლიტიკურ როლზე, რომელიც დღესდღეობით იძლევა უდიდეს შესაძლებლობებს ამიერკავკასიაში სახვადასხვა უმნიშვნელოვანესი ეკონომიკური პროექტების განხორციელების თავლსაზრისით, კერძოდ, როგორიცაა: ენერგომატარებლები, ალტერნატიული მზის ენერგიის წარმოება, საავიაციო თუ სატრანზიტო მიმოსვლა, საზღვაო პორტების განვითარება და ტვირთბრუნვის გაძლიერება, სოფლის მეურნეობის დარგში გამოცდილების გაზიარება, რაც „აბრეშუმის გზის“ პროექტის ნაწილია.

🔹 პოლიტიკური ჯგუფის თავმჯდომარემ ფრიდონ ინჯიამ წინადადებით მიმართა ჩინეთის სახალხო რესპუბლიკის ელჩს, რომ ჩინეთის სახელმწიფოს მმართველობის მოდელის პოპულარიზაციის მიზნით, საქართველოს რომელიმე რეგიონში, რაიონში თუ უბანში დაინერგოს ჩინური მოდელი და მოხდეს მისი მოდერნიზაცია, ეკონომიკური თუ სოციალური პროექტების განხორციელების თავლსაზრისით.

🔹 „კარგი იქნება, შემუშავდეს კონკრეტული გეგმა, თუ კონცეფცია, აუცილებლად დემოკრატიულ საწყისებზე, რაც ხელს შეუწყობს მოსახლეობის მოტივაციას და მნიშვნელოვან როლს შეასრულებს კონკრეტული რეგიონის ეკონომიკური თუ სოციალური განვითრების კუთხით“, – აღნიშნა შეხვედრაზე ფრიდონ ინჯიამ.

🔹 პოლიტიკური ჯგუფის თავმჯდომარის განცხადებით, ასევე, მნიშვნელოვანია ორ პარტიას შორის ურთიერთობის გაღრმავების მიზნით მომზადდეს ურთიერთთანამშრომლობის მემორანდუმი, რომელიც ხელს შეუწყობს როგორც ორ პარტიას შორის, ასევე ორ ქვეყანას, საქართველოსა და ჩინეთს შორის ურთიერთობების უფრო გაღრმავებას და გაძლიერებას.

🔹 პარლამენტის ვიცე-სპიკერის ავთანდილ ენუქიძის განცხადებით, იგი მხარს უჭერს ჩინეთის პოლიტიკურ კურსს და მნიშვნელოვნად მიაჩნია ურთიერთობების გაძლიერება და გაღრმავება, როგორც სახელმწიფო დონეზე, ასევე ორ პარტიას შორის მჭიდრო თანამშრომლობის თვალსაზრისით.

🔹 „ჩვენი პარტიის განწყობა არის ძალიან დადებითი თქვენთან მჭიდრო თანამშრომლობის გაღრმავების კუთხით და რა თქმა უნდა, ჩვენ მხარს ვუჭერთ ჩინეთის სუვერენიტეტს და მის განვითარებას. მაქვს მეგობრობის მრავალი ფაქტორი. ვთანამშრომლობ დიასპორის წარმომადგენლებთან და მადლობას გიხდით ამ შეხვედრისთვის“. – აღნიშნა შეხვედრაზე ავთანდილ ენუქიძემ.

🔹 თავის მხრივ, ელჩმა ხაზი გაუსვა დღევანდელი შეხვედრის მნიშვნელობას და მადლობა გადაუხადა პოლიტიკური ჯგუფის „ევროპელი სოციალისტების“ თავმჯდომარეს შეხვედრის ორგანიზებისთვის.

🔹 „ცოტა ხნის წინ ჩინეთში დასრულდა მე-20 ყრილობა, სადაც შეჯამდა ბოლო წლების განმავლობაში ქვეყანაში მიღწეული შედეგები და დაისახა სამომავლო გეგმები და ამოცანები. მინდა აღვნიშნო, რომ ყრილობაზე გამოქვეყნდა სპეციალური ანგარიში, სადაც ჩინეთის „კომუნისტური პარტიის“ ხელმძღვანელობამ მადლობა გადაუხადა თანამშრომლობისთვის სხვადასხვა ქვეყნის პარტიებს და მათ შორის, მადლობა გამოუცხადა თქვენს პარტიას – „ევროპელ სოციალისტებს“, – განაცხადა ელჩმა.

🔹 ელჩის განცხადებით, წელს აღინიშნება სქართველო-ჩინეთის დიპლომატიური ურთიერთობის 30 წლისთავი და მისასალმებელია, რომ „ასეთი მნიშვნელოვანი საიუბილეო თარიღი სწორედ მისი ელჩობის პერიოდს დაემთხვა“.

🔹 „მოგეხსენებათ რაოდენ მნიშვნელოვანია საქართვლო ჩინეთს შორის დიპლომატიურ და საკანონმდებლო დონეზე ურთიერთობის განვითარება. ასევე, ძალიან მნიშვნელოვანია საქართველო-ჩინეთს შორის სავაჭრო ურთიერთობების გაღრმავება. ამ მხრივ, საქართველო ჩინეთისთვის ერთ-ერთი სტრატეგიული პარტნიორი ქვეყანაა. ჩინეთი ყოველთვის მხარს უჭერს საქათველოს დამოუკიდებლობას და სუვერენიტეტს. საქართველოს საკმაოდ მნიშვნელოვანი გეოპოლიტიკური ადგილი უკავია და ამ მხრივ სტრატეგიული პროექტების განხორციელება არის ძალზე მნიშნელოვანი. ასევე, მნიშვნელოვანია ლოჯისტიკის სფეროში ინფრასტრუქტურული პროექტების განხორციელება, რაც დიდ წილად გააუმჯობესებს ლოჯისტიკის მიმართულებას თქვენს ქვეყანაში“. – აღნიშნა ელჩმა.

🔹 შეხვედრის დასასრულს გამოითქვა მჭიდრო თანამშრომლობის სურვილი და დაისახა კონკრეტული მომავალი სამუშაო გეგმა.

ნარკომანებს რომ კომფორტს შეუქმნით ეს ვიცით, მაგრამ რას გააკეთებთ იმ მოქალაქეების დასაცავად, ვინც ჯერ არ არის ნარკომანი და შეიძლება ამ უბედურებით „დაინფიცირდეს“ – ფრიდონ ინჯიას შეკითხვა იაგო ხვიჩიას

🔹 ნარკომანებს რომ კომფორტს შეუქმნით ეს ვიცით, მაგრამ რას გააკეთებთ იმ მოქალაქეების დასაცავად, ვინც ჯერ არ არის ნარკომანი და შეიძლება ამ უბედურებით „დაინფიცირდეს“ – ფრიდონ ინჯიას შეკითხვა იაგო ხვიჩიას

🔹 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ სახალხო დამცველის ერთ-ერთ კანდიდატურას, პოლიტიკური ჯგუფის „გირჩის“ თავმჯდომარეს იაგო ხვიჩიას ნარკოპოლიტიკის გამკაცრებასთან დაკავშირებით პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე კითხვები დაუსვა.

🔹 „საქართველოში პროცენტულად ძალიან ბევრი ადამიანია ნარკოტიკზე დამოკიდებული. რა ეშველება ჩვენს ახალგაზრდებს, თითქმის ნახევრ მილიონამდეა ასული მათი რაოდენობა, ვინც ნარკოტიკზეა დამოკიდებული. ერთი მხარე უკვე ვიცით – ნარკომანებს კომფორტს შეუქმნით. რა შეუძლია სახალხო დამცველს გააკეთოს ჩვეულებრივი მოსახლეობის უფლებების დასაცავად, რომელიც ჯერ არ არის ნარკომანი და შესაძლოა ამ უბედური საქმით „დაინფიცირდეს“?

🔹 რატომ არის, რომ აზიის ზოგიერთ ქვეყანას, სადაც მიუხედავად იმისა, რომ მოჰყავთ ნარკოტიკული კულტურები, იგივე უზბეკეთს, თურქეთს, აზერბაიჯანს, სომხეთსაც კი ვუსწრებთ, ნარკომანების რაოდენობით პირველები ვართ. ეს უბედურებაა – ნახევარ მილიონამდე ნარკოტიკზე დამოკიდებული პიროვნება, რომლებიც, მე მიმაჩნია, რომ სრულფასოვანი ადამიანები უკვე არ არიან, ამას ემატება 700 ათასი პენსიონერი და კიდევ ამდენივე ბავშვი, რაღა დარჩა საქათველოს მოსახლეობიდან… ამას შველა უნდა… თქვენ თუ იქნებით სახალხო დამცველი, რას გაკეთებთ ამ მხრივ?