Author Archives: European Socialists

აუცილებელი სახელმწიფო ამ გარდამტეხ მომენტში ყველაფერი გააკეთოს ქვეყნის სუვერენიტეტისა და დამოუკიდებლობის დასაცავად – ფრიდონ ინჯია

📍 აუცილებელი და მნიშვნელოვანია სახელმწიფო იდგეს თავის სიმაღლეზე და ამ გარდამტეხ მომენტში ყველაფერი გააკეთოს ქვეყნის სუვერენიტეტისა და დამოუკიდებლობის დასაცავად – ფრიდონ ინჯია

✅საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარლამენტის პლენარულ სხდომაზე, სადაც დეპუტატმა „პოლიტიკური დებატების“ ფორმატში ქვეყანაში მიმდინარე ყველაზე აქტუალური პოლიტიკური მოვლენები მიმოიხილა.

✅პოლიტიკური ჯგუფის თავმჯდომარემ თავის გამოსვლაში ყურადღება გაამახვილა სახელმწიფოებს შორის მეგობრობის საკითხზე, რაც მისი აზრით, პირობითია, რადგან როგორც წესი, ამ მეგობრობის უკან დგას ამა თუ იმ ქვეყნის ინტერესები.

✅„ჩვენ ყველამ ვიცით, რომ ზოგჯერ პოლიტიკა და სიმართლე განსხვავდება ერთმანეთისგან. ყველაფერს თავისი წესები აქვს. ამ შემთხვევაში მე მინდა მაქსიმალურად სიმართლე ვთქვა. რაზე მინდა გავამახვილო თქვენი ყურადღება. პირველი, ქვეყნებს შორის მეგობრობაზე. მეგობრობა სახელმწიფოებს შორის ეს არის პირობითი და ისიც გარკვეულ ეტაპზე.

✅განსაკუთრებით რთულია დიდი სახელმწიფოსა და პატარა სახელმწიფოს ურთიერთმეგობრობა. ყველას აქვს თავისი ინტერესები. მეგობრობა სახელმწიფოებს შორის პრაქტიკულად, არ არსებობს.

✅ამ სახელმწიფოებიდან მე მაინც გამოვყოფ საქართველოს, რომელმაც თავისი წარსული ისტორიით, აწმყოთი დაამტკიცა, რომ მართლაც იცის მეგობრობა და ბევრ შემთხვევაში ეს მეგობრობა თავის საზიანოდაც კი გამოსდის, მაგრამ მადლობა ღმერთს ასეთ ქვეყანაში ვცხოვრობთ და ასეთი ქვეყანა გვარგუნა ღმერთმა“, – აღნიშნა დეპუტატმა.

✅ ფრიდონ ინჯიას შეფასებით, „უცხოური გავლენის გამჭვირვალეობის შესახებ“ კანონპროექტში არის პატარა მარცვალი საიმისოდ, რომ ქვეყანამ თავიდან აიცილოს გარე ჩარევა, განამტკიცოს თავისი სუვერენიტეტი, მაგრამ ეს საკმაოდ რთული საკითხია.

✅პოლიტიკური ჯგუფის თავმჯდომარეს მიაჩნია, რომ არასამთავრობო ორგანიზაციების საქმიანობა უნდა იყოს გამჭვირვალე.

✅ „გუშინ იურიდიული კომიტეტის სხდომაზე იყოს საუბარი, რომ თუკი ჩვენ მივიღებთ კანონპროექტს „უცხოური გავლენის გამჭვირვალეობის შესახებ“, ჩვენ დავკარგავთ რამდენიმე მილიონს ეს იქნება წყლის მომარაგებიდან თუ სხვა პროექტებიდან.

✅საქმე იმაში გახლავთ, რომ რის ფასად ხდება ეს? ის ქვეყანა, რომელიც აფინანსებს რომელიმე რეგიონის წყლით მომარაგებას, ერთდროულად ის ისეთ დაფინანსებას ახორციელებს, რომელიც შეიძლება მიუღებელი იყოს ჩვენთვის“, – განაცხადა ფრიდონ ინჯიამ.

✅დეპუტატის განცხადებით, ამერიკის სახელმწიფო დეპარტამენტის მხრიდან ხდება უხეში ჩარევა ქვეყნის შიდა პოლიტიკურ პროცესებში და უდიდესი ზეწოლაა საქართველოს სასამართლო სისტემაზე.

✅„მსოფლიოში 200 ქვეყანაა და ამ პატარა ქვეყნის მიმართ, როგორიც საქართველოა, სადაც 3 ნახევარი მილიონი მოსახლეა, ისეთი „მონსტრი“ ქვეყანა როგორიც ამერიკის შეერთებული შტატებია, 20 დღის განმავლობაში რამდენიმეჯერ აკეთებს მწვავე განცხადებას საქართველოსთან მიმართებაში და ჭკუას გვარიგებს.

✅არა მგონია მათ ქართველი ხალხის პრობლემები ადარდებდეთ. მათ თავიანთი ინტერსები აქვთ.

✅თუ შენ მეგობარი ხარ, და მეგობრად თვლი შენს თავს, მაშინ რას ნიშნავს მრავალჯერადად დააფინანსო სახელმწიფო ხელისუფლების წინააღმდეგ მოქმედი სხვადასხვა დაჯგუფებები. ასწავლო იარაღის გამოყენება და სახელმწიფო გადატრიალების ორგანიზება.

✅ყოველგვარი მტკიცებულებების გარეშე ხდება მოსამართლეების დასანქცირება, რომლებიც საქართველოს სახელით მოქმედებენ და ამ დროს, თავად ამერიკის შეერთებული შტატების მოსამართლეებს გამოაქვთ განაჩენი, სადაც მაგალითისთვის, ამერიკის ყოფილ პრეზიდენტს დონალდ ტრამპს 460 წლიან სასჯელს უყენებენ, რაც სრულ აბსურდად მიმაჩნია.

✅არსებობს ბევრი მაგალითი, თუ როგორ ცდილობდნენ საქართველოს ჩართვას ომში საკუთარი ინტერსებიდან გამომდინარე.

✅ გნებავთ ამერიკის შეერთებული შტატების წინა ელჩი საქართევლოში, რომელიც შეხვდა ბიძინა ივანიშვილს მოთხოვნით, რომ ომში ჩართულიყო საქართველო.

✅მე არ ვისაუბრებ 2008 წლის მოვლენებზე, რადგან ეს საკითხი ბოლომდე არ არის დადგენილი და გამოძიებული, მაგრამ მე კარგად მახსოვს სენატორ ჯონ მაკკეინის წაქეზებები და ის შედეგები, თუ რა მოგვიტანა ამ წაქეზებებმა, რის ფასად და როგორ დაისაჯა საქართველო“, – განაცხადა ფრიდონ ინჯიამ.

✅პოლიტიკური ჯგუფის თავმჯდომარეს მიაჩნია, რომ აუცილებელი და მნიშვნელოვანია სახელმწიფო იდგეს თავის სიმაღლეზე და ამ გარდამტეხ მომენტში ყველაფერი გააკეთოს ქვეყნის სუვერენიტეტისა და დამოუკიდებლობის დასაცავად.

ფრიდონ ინჯიას შეკითხვები „უცხოური გავლენის გამჭვირვალობის“ შესახებ კანონპროექტთან დაკავშირებით

📍 საპარლამენტო პოლიტიკური ჯგუფის “ევროპელი სოციალისტების” თავმჯდომარის ფრიდონ ინჯიას გამოსვლა იურიდიული კომიტეტის სხდომაზე, სადაც „უცხოური გავლენის გამჭვირვალობის“ შესახებ კანონპროექტი საპარლამენტო უმრავლესობის ლიდერმა მამუკა მდინარაძემ წარადგინა.

✏️რატომ არ წარმოადგინეთ ეგრეთ წოდებული „ფარას“ ანალოგიური კანონპროექტი?

✏️ ვინ არის საქართველოს მეგობარი სახელმწიფო და რა არგუმენტაცია გაქვთ იმის დასამტკიცებლად, რომ ესა თუ ის სახელმწიფო საქართველოსთვის მეგობარი ქვეყანაა?

✏️რატომ არ არის კანონპროექტში მუხლი სისხლის სამართლებრივი პასუხისმგებლობის შესახებ? ან თუნდაც, კანონპროექტით გათვალისწინებული ჯარიმები რატომ არ არის ადეკვატური?

🔷ამ კითხვებით მიმართა ფრიდონ ინჯიამ პარლამენტის იურიდიული კომიტეტის სხდომაზე უმრავლესობის ლიდერს მამუკა მდინარაძეს.

🔷დეპუტატის განცხადებით, კანონპროექტი „უცხოურო გავლენის გამჭვირვალობის“ შესახებ ქვეყნისთვის არის ძალიან მნიშვნელოვანი.

🔷„დღეს კომიტეტის სხდომაზე ხშირად ისმოდა განცხადება ჩვენი მეგობარი ქვეყნების შესახებ, მაგრამ უნდა გითხრათ, რომ მეგობარი ქვეყანა არ არსებობს. ეს ყველაფერი პირობითია, რადგან ყველა ქვეყანას თავისი ინტერესი აქვს ამა თუ იმ სახელმწიფოსთან მიმართებაში და ცალსახად შეიძლება მოიძებნოს მათი ინტერსები ჩვენი ქვეყნის მიმართ.

🔷 ჩვენთვის მთავარია, რომ ინტერესები თანხვედრაში იყოს ერთმანეთთან. აქედან გამომდინარე, გარკვეული პერიოდის განმავლობაში შეიძლება იყოს ასეთი მეგობრობა.

ჩვენ უპატრონო ერი ვართ. ასე თქვა თავის დროზე ჭაბუა ამირეჯიბმა, და მართლაც ეს იკვეთება და ასე ჩანს.

რატომ არის ეს კანონი რუსული?

🔷ან რატომ გინდათ დაარქვათ ამ კანონს რუსული?

🔷იმიტომ, რომ დააჯეროთ.. თუ რუსულია, ესე იგი ეს კანონი ცუდია. მაგრამ მსოფლიოში არის ბევრი კანონი, რომელიც ერთი და იგივეა როგორც ამერიკის შეერთებულ შტატებში, ისე ავსტრალიაში, ჩინეთში, რუსეთში. რატომ არ ვარქმევთ ამ კანონებს რუსულ კანონს?! … იქ არ არის ის საეჭვო ინტერესები, რაც აქ იკვეთება.

🔷 ახლა რაც შეეხება საკითხს იმის შესახებ, რომ ეს კანონი არის მნიშვნელოვანი.

🔷ჯერ კიდევ ამერიკის შეერთებულ შტატებში 1937-38 წელს, იქნა შემოტანილი ეგრეთ წოდებული „ფარას“ კანონი, რომელიც დღემდე მუშაობს, სადაც გათვალისწინებულია ყველაფერი არა მარტო არასამთავრობო ორგანიზაციებთან დაკავშირებით, არამედ კანონი შეეხება როგორც იურიდიულ, ასევე ფიზიკურ პირებს და საეკლესიო კონფესიებს“, – განაცხადა ფრიდონ ინჯიამ.

🔷პოლიტიკური ჯგუფის თავმჯდომარეს მიაჩნია, რომ პარლამენტში სწორედ „ფარას“ ანალოგიური კანონპროექტის წარდგენა უნდა მომხდარიყო მმართველი პარტიის მხრიდან.

🔷„ამერიკის შეერთებული შტატები რატომ არის ძლიერი სახელმწიფო? სწორედ იმიტომ, რომ მას მიღებული აქვს ასეთი კანონი. ამით იგი იცავს თავის სუვერენიტეტს, თავის სიმტკიცეს, ქვეყნის მდგრადობას“, – აღნიშნა დეპუტატმა.

🔷 პოლიტიკური ჯგუფის თავმჯდომარის განცხადებით, მმართველმა პარტიამ კანონპროექტთან დაკავშირებით საქმე ბოლომდე უნდა მიიყვანოს და საბოლოოდ მიიღოს წარმოდგენილი კანონი.

🔷რაც შეეხება ამ კანონთან ევროკავშირის რიგი ქვეყნების დამოკიდებულებას, სადაც 27 ქვეყანა შედის, როგორც დეპუტატმა განაცხადა, „საქმე ის გახლავთ, რომ ამ 27 ქვეყნიდან ეს კანონი მიღებულია დიდ ბრიტანეთში, ხოლო საფრანგეთში მიღებულია ეროვნული ასამბლეის ზედა პალატის მიერ.

🔷უნდა აღინიშნოს, რომ ევროპის ქვეყნებიდან საფრანგეთი ყოველთვის გამოირჩეოდა იმ მხრივაც, რომ იგი მუდმივად კითხვის ნიშნის ქვეშ აყენებდა თავისი ქვეყნის გაერთიანებას ნატოში სამხედრო ალიანსში.

რატომ არ არის ევროპის სხვა ქვეყნებში ეს კანონი მიღებული? რადგან ამერიკის შეერთებული შტატები არ აძლევს მათ ამ კანონის მიღების უფლებას“, – განაცხადა დეპუტატმა.

🔷ფრიდონ ინჯიას თქმით, ძალზე საყურადღებო და საგულისხმოა მამუკა მდინარაძის მიერ კომიტეტის სხდომაზე მოყვანილი მაგალითი, საფრანგეთის დაზვერვის სამსახურის ოფიციალური ანგარიშის შესახებ, სადაც ყურადღებაა გამახვილებული იმის თაობაზე, თუ როგორ ერევა ამერიკის შეერთებული შტატები საფრანგეთის პოლიტიკურ თუ ეკონომიკურ საკითხებში, რაც დეპუტატის აზრით, ბევრ რამეზე მეტყველებს და გასათვალისწინებელია.

🔷პოლიტიკური ჯგუფის თავმჯდომარის განცხადებით, მნიშვნელოვანია, რომ წარმოდგენილი კანონპროექტი სრულად შეესაბამებოდეს დღეს ქვეყანაში არსებულ მოთხოვნებს და ზუსტად ასახავდეს პოლიტიკურ მოცემულობას, სხვა შემთხვევაში, ეს იქნება არასრულყოფილი კანონი.

🔷აქედან გამომდინარე, ფრიდონ ინჯიას განცხადებით, უპრიანი იქნებოდა კანონპროექტში ყოფილიყო მუხლი სისხლის სამართლებრივი პასუხისმგებლობის შესახებ. ასევე, ჯარიმები, რომელიც ჩადებულია კანონში ყოფილიყო ადეკვატური. მით უფრო, როგორც ფრიდონ ინჯიამ აღნიშნა, თუ გავითვალისწინებთ საქართველოს პრეზიდენტის ბოლო დროინდელ არაადეკვატურ პოზიციებს თუ გადაწყვეტილებებს.

ავთანდილ ენუქიძის განცხადება ბიუროს სხდომაზე “ქართული ოცნების” მიერ ინიცირებულ “უცხოური გავლენის გამჭვირვალეობის შესახებ” კანონპროექტთან დაკავშირებით

საქართველოს პარლამენტის ვიცე- სპიკერის, საპარლამემტო პოლიტიკური ჯგუფის “ევროპელი სოციალისტების” წევრის ავთანდილ ენუქიძის განცხადება ბიუროს სხდომაზე “ქართული ოცნების” მიერ ინიცირებულ “უცხოური გავლენის გამჭვირვალეობის შესახებ” კანონპროექტთან დაკავშირებით

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მიესალმება სახელმწიფოს როლის გააქტიურებას კრიტიკული ინფრასტრუქტურის მართვაში.

🔷ამის შესახებ ფრიდონ ინჯიამ პარლამენტის პლენარულ სხდომაზე განაცხადა, სადაც „მინისტრის საათის“ ფორმატში ეკონომიკისა და მდგრადი განვითარების მინისტრს ლევან დავითაშვილს მოუსმინეს.

🔷„ძალიან სასიამოვნოა ის, რომ კრიტიკული ინფრასტრუქტურის მართვაში სახელმწიფოს როლი აქტიური ხდება და ქვეყნის ხელისუფლება იღებს პასუხისმგებლობას ამ მიმართულებით, როგორც ეს ხდება ისეთ წარმატებულ ქვეყანაში, როგორიცაა ჩინეთია.

ჩვენ „სოციალისტები“ ვთვლით, რომ სწორედ ასეთი პოლიტიკა გადაარჩენს ჩვენს პატარა ქვეყანას, რომელსაც დიდი გული, პოტენციალი და შემართება გააჩნია.

🔷 აქედან გამომდინარე, სახელმწიფოს, რომელსაც აქვს პრეტენზია იყოს წარმატებული და სწორად მართოს ქვეყანა, მას უნდა გააჩნდეს:

✏️ ერთი აეროპორტი მაინც სახელმწიფო საკუთრებაში;

✏️ ერთი პორტი მაინც;

✏️ ერთი სახელმწიფო ბანკი მაინც;

✏️ ერთი სადაზღვეო კომპანია მაინც;

✏️ ერთი ფარმაცევტული საწარმო მაინც, დაბალი ფენის მოსახლეობის წამლებით უზრუნველყოფისთვის;

✏️ ერთი ჰიდროელექტრო სადგური მაინც ყველა რეგიონში;

✏️ ერთი სახელმწიფო საავადმყოფო მაინც ყველა რაიონში;

🔷 რას მივიღებთ შედეგად? – დემონოპოლიზაციას. გაჩნდება დამატებითი სამუშაო ადგილები, გაიაფდება სესხები, ტვირთების გადაზიდვის ტარიფი.

🔷 მაშინ ეკონომიკის ზრდის ტემპები უფრო მეტი იქნება, ვიდრე 7%-ი. თუმცა, ესეც ხომ მაჩვენებელია თქვენი სწორი ეკონომიკური პოლიტიკის და მე მადლობა მინდა გითხრათ ამისთვის თქვენ.

🔷რაც შეეხება სტრატეგიული პარტნიორობის კრიტერიუმებს, მადლობელი ვარ, რომ თქვენ ეს სწორად გაიგეთ და თუ ამას თქვენ ჩამოაყალიბებთ და გააცნობთ მოსახლეობას, ბევრ კითხვას პასუხი გაეცემა, რაც თქვენ თვითონ მოგცემთ უფრო მეტი თავისუფლების შესაძლებლობას თქვენს მოქმედებაში“, – განაცხადა ფრიდონ ინჯიამ.

ფრიდონ ინჯია გამოდის ინიციატივით, რომ სახელმწიფომ შეიმუშაოს სპეციალური პროგრამა საზღვარგარეთ წასული ქალბატონების სამშობლოში ღირსეულად დასაბრუნებლად, ან მოხდეს მათი არასრულწლოვანი შვილებისთვის ფულადი კომპენსაციის გამოყოფა.

📌საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინიციატივით, რომ სახელმწიფომ შეიმუშაოს სპეციალური პროგრამა საზღვარგარეთ წასული ქალბატონების სამშობლოში ღირსეულად დასაბრუნებლად, ან მოხდეს მათი არასრულწლოვანი შვილებისთვის ფულადი კომპენსაციის გამოყოფა.

📌პოლიტიკური ჯგუფის თავმჯდომარეს მიაჩნია, რომ ქვეყანაში შობადობისა და არსებული დემოგრაფიული პრობლემის გადასაჭრელად, სახელმწიფომ ხელი უნდა შეუწყოს ახალგაზრდა ოჯახებს, განსაკუთებით თუ კი ოჯახი სოფელში გადაწყვეტს დამკვიდრებას. ასეთ შემთხვევაში სახელწმიფომ ახლად შექმნილი ოჯახები უნდა უზრუნველყოს მინიმუმ სახლ-კარით და მიწის ნაკვეთით შესაბამისი ხელშეკრულების გარანტიით.

🔷ამის შესახებ დეპუტატმა პარლამენტის პლენარულ სხდომაზე განაცხადა, სადაც საკანონმდებლო ორგანომ განიხილა „გირჩის“ ინიციატივა საარჩევნო სიების ფორმირების პროცესში გენდერული კვოტირების ვალდებულების გაუქმების შესახებ, ასევე „გირჩის“ ინიციატივის მიხედვით უქმდება საბიუჯეტო დაფინანსებაზე 30%-იანი დანამატი ქალთა პოლიტიკაში მონაწილეობის გაზრდისა და პარტიებში ქალთა ორგანიზაციების გაძლიერებისათვის.

🔷„დღესდღეობით ძალიან ბევრი ქალია საზღვარგარეთ წასული სამუშაოდ. მათ მიტოვებული ჰყავთ ოჯახი, მეუღლე, შვილები, რაც თავის მხრივ უამრავ პრობლემას წარმოქმნის აღზრდის, განათლების თუ სხვა თვალსაზრისით.

🔷მიმაჩნია, რომ სახელმწიფომ ყველაფერი უნდა გააკეთოს ემიგრანტი ქალების სამშობლოში დასაბრუნებლად.

🔷აქ შეიძლება გამოინახოს შესაბამისი მექანიზმი. მოხდეს ვითარების სწორი შეფასება, ანალიზი. კერძოდ, თუ მაგალითად, ქალი მუშაობს ევროპის რომელიმე ქვეყანაში 2 წელზე მეტი ხნის განმავლობაში და მას ჰყავს 2 და მეტი შვილი საქართველოში დატოვებული, მათ სახელმწიფომ უნდა გაუკეთოს კომპენსაცია და დააფინანსოს ეს ოჯახი მანამ, სანამ შვილები 18 წლის არ გახდებიან.

🔷ამით ჩვენ შევძლებთ ქალები დავაბრუნოთ საკუთარ ოჯახებში. მიმაჩნია, რომ ეს იქნება ქვეყნის გადარჩენისთვის გადადგმული ნაბიჯი.

🔷რაც შეეხება შობადობისა და ზოგადად დემოგრაფიულ ვითარებას, ვფიქრობ, სახელმწიფომ ამ მხრივ განსაკუთრებით ხელი უნდა შეუწყოს ახალგაზრდა ოჯახებს. ხოლო, თუ ახალგაზრდა ოჯახი სოფლად გადაწყვეტს დამკვიდრებას, სახელმწიფომ ისინი მინიმუმ სახლ-კარით და მიწის ნაკვეთით უნდა უზრუნველყოს და ეს უნდა იყოს მთლიანად საქართველოში.

🔷ამით ჩვენ ხალხს სოფლებში დავაბრუნებთ. აქ შეიძლება დაიდოს ოჯახებთან ხელშეკრულება, რომ ოჯახი არ დაინგრევა. ეს ბევრ რამეს განაპირობებს.

მიმაჩნია, რომ სახელმწიფოს შეუძლია ბევრი რამ გააკეთოს უშუალოდ ოჯახების და განსაკუთრებით ქალების მიმართ ყურადღების გამოჩენის თვალსაზრისით.“ – განაცხადა ფრიდონ ინჯიამ.

🔷პოლიტიკური ჯგუფის თავმჯდომარემ პოპულისტური უწოდა აჟიოტაჟს, რომელიც პარლამენტის სხდომათა დარბაზში პოლიტიკური პარტიების საარჩევნო სიებში გენდერული კვოტირების გაუქმების შესახებ „გირჩის“ ინიციატივის განხილვას მოჰყვა.

🔷„საქართველოში ყველა ოჯახში ქალი დიდი პატივისცემით სარგებლობს და ეს ასე იყო ოდითგანვე და ვფიქრობ, დიდ წილად დღესაც ყველა ოჯახში ასეა, რადგანაც ოჯახი ძირითადად ქალზე დგას. შორს რომ არ წავიდეთ, საქართველოს ჰყავდა მეფე თამარი.

🔷საქართველოში არ არის ისეთი დაწესებულება, სადაც ქალი დაჩაგრულია. ისიც უნდა ითქვას, რომ რაც მეტი ქალია დაწესებულებებში, მით მეტად აკლდება იგი მის ოჯახს, შვილებს, მაგრამ მიუხედავად ამისა, ყველა საწარმოში, დაწესებულებაში, ეს კერძოა თუ საჯარო სამსახური, თუკი ქალი თავისი კომპეტენციით მაღალ დონეზე დგას, ამით ყველაფერი ნათქვამია და ამ ფაქტს წინ ვერავინ ვერ აღუდგება“. – განაცხადა ფრიდონ ინჯიამ.

🔷დეპუტატმა მაგალითისთვის პლენარულ სხდომაზე წარმოადგინა ინფორმაცია, რომლის მიხედვითაც ბიძინა ივანიშვილის მიერ დახმარების სახით სტიპენდიები იყო გამოყოფილი კულტურისა და ხელოვნების დარგის წარმომადგენელთათვის. კერძოდ, მარჯანიშვილისა და რუსთაველის თეატრების მუშაკთათვის, საიდანაც 25-30 ქალბატონი იყო და პროცენტულად ეს ოდენობა შეადგენდა დაახლოებით 38 %-ს.

🔷„ეს უბრალო მაგალითი მოვიყვანე იმის აღსანიშნავად, რომ დღეს საქართველოში ქალები ნამდვილად არ არიან დაჩაგრულები“. – განაცხადა დეპუტატმა.

🔷პოლიტიკური ჯგუფის თავმჯდომარემ ასევე, მიმოიხილა წინა ხელისუფლების პერიოდში პენიტენციალურ სისტემაში არსებული ვითარება, როდესაც ქვეყანას 350 ათასი პრობაციონერი და 30 ათასი მსჯავრდებული ჰყავდა და მათი ოჯახის წევრებს, ძირითადად დედებს, მეუღლეებს ურთულესი პერიოდის გადალახვა მოუწიათ სრულიად მარტო.

🔷„მიმაჩნია, რომ კარგი იქნება თუკი სახელმწიფო გაუკეთებს კომპენსაციას იმ ქალებს, რომელთა ოჯახის წევრებს უსამართლოდ მოუწიათ ციხეში ყოფნა. ეს იქნება ღირსეული და სწორი გადაწყვეტილება სახელმწიფოს მხრიდან“. – აღნიშნა ფრიდონ ინჯიამ.