Category Archives: news

ფრიდონ ინჯიას გამოსვლა პლენარულ სხდომაზე, სადაც საქართველოს პარლამენტის თავმჯდომარე შალვა პაპუაშვილი წლიური ანგარიშით წარდგა

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარალმენტის პლენარულ სხდომაზე, სადაც საქართველოს პარლამენტის თავმჯდომარე შალვა პაპუაშვილი წლიური ანგარიშით წარდგა.

🔷 პოლიტიკური ჯგუფის თავმჯდომარემ პაპუაშვილის გამოსვლა და მისი საქმიანობა პარლამენტის თავმჯდომარის რანგში შეაფასა როგორც „ქართული ოცნებისთვის“ გასული წლის აღმოჩენა.

🔷 ანგარიშს, რომელიც თქვენ წარმოადგინეთ, გასულ წელთან შედარებით ძალიან დიდი განსხვავებაა, და ვიტყოდი, რომ შალვა პაპუაშვილი „ქართული ოცნებისთვის“ გასული წლის აღმოჩენაა. ყველაფერი იყო ნათქვამი თქვენს გამოსვლაში, თუმცა იყო ცალკეული ხარვეზები და ზოგიერთ ამ საკითხზე მინდა გავამახვილო თქვენი ყურადღება“, – აღნიშნა ფრიდონ ინჯიამ.

🔷 დეპუტატის განცხადებით, საქართველოს ხელისუფლებამ უნდა აჩვენოს პრინციპული პოზიცია ისეთ საკითხებთან მიმართებაში, რომელიც ქვეყნისა და სახელმწიფო ინტერესებს უკავშირდება და სწორად უნდა გაანალიზოს ამა თუ იმ გადაწყვეტილების მიღების შედეგები.

🔷 ფრიდონ ინჯიამ ამ კონტექსტში ხელისუფლება და საკანონმდებლო ორგანო გააკრიტიკა საარჩევნო კოდექსთან დაკავშირებით, რომლის მიღების შედეგად ცენტრალური საარჩევნო კომისიის მუშაობა პრაქტიკულად, ჩიხში შევიდა და მას გაუჭირდა სრულყოფილად საკუთარი საქმიანობის წარმართვა.

🔷 ამასთან დაკავშირებით დეპუტატმა ხელისუფლებას პასუხისმგებლობის აღება მოსთხოვა.

🔷 „ისეთი შთაბეჭდილება იქმნება, თითქოს ვენეციის კომისია მთელს მსოფლიოში და ევროპაში მხოლოდ საქართველოზე მუშაობს. ჩვენ რომ არა, კომისიას სამუშაო არ ექნებოდა.

🔷 მინდა გითხრათ, რომ ვენეციის კომისიის რეკომენდაციები, რეკომენდაციებია და არა კონსტიტუცია, არა კანონი, არა მამა-პაპისგან დაბარებული დარიგება – ეს ასე გააკეთეთო…

🔷 რატომ ვამბობ ამას, არის კანონი, რომელსაც ჩვენმა პარტიამ ხმა მისცა, და ის საარჩევნო კოდექსს ეხება, სადაც მიგვაჩნდა, რომ ის ნორმა, რომელიც იყო მიღებული, და ამაში თქვენ – უმრავლესობა ხართ დამნაშავე, რომ 100 ხმით ხდება გადაწყვეტილებების მიღება, მაშინ როდესაც პრემიერ-მინისტრს, გენერალურ პროკურორს ნიშნავთ 76 ხმით და რა გახდა ცესკოს თავმჯდომარის დანიშვნა.

🔷 რატომ მიეცით ამის საშუალება? თუ თქვენ ხართ უმრავლესობაში, კეთილი ინებეთ და აგეთ პასუხი, ასე უნდა გაგეკეთებინათ და ახლა უკან იხევთ. ეს ყველაფერი, რაც ახლა ხდება, შესაძლოა, თავიდან აგვეცილებინა და არ ყოფილიყო, თქვენ რომ თავიდანვე პრინციპულ პოზიციაზე დამდგარიყავით.

🔷 ეს არა მხოლოდ ცესკოს, არამედ იუსტიციის საბჭოს წევრებსაც ეხება და ა.შ.

🔷 ამ თითქმის 3 წლის განმავლობაში არასრულყოფილი საარჩევნო კომისია იყო. როგორ შეიძლება ყოველ 6 თვეში ცესკოს თავმჯდომარე ტრიბუნასთან იყო და დამტკიცება-არ დამტკიცების პროცესს გადიოდეს.
მიუხედავად ამისა, ამ 3 წლის განმავლობაში ერთხელაც არ ყოფილა რამე პრინციპული საკითხი საარჩევნო კომისიაში, რომელიც პრობლემური ყოფილიყო.

🔷 აბსოლუტურად ყველა საკითხი წყდებოდა ურთიერთშეთანხმებით. ამ ხნის განმავლობაში რამდენი არჩევნები ჩატარდა ადგილობრივი, თუ შუალედური, არ ყოფილა რაიმე უთანხმოება“, – განაცხადა დეპუტატმა

🔷 რაც შეეხება ევროკომისიის 9 რეკომენდაციას, რომელზეც პარლამენტი სისტემატურად მსჯელობს და ყოველ კვირა მიმდინარეობს განხილვები, ფრიდონ ინჯიას განცხადებით, ევროკავშირის გაფართოებასთან დაკავშირებით დასახელებულია 2030 წელი. შესაბამისად, წინ არის კიდევ 6 წელი. აქედან გამოდინარე, დეპუტატის თქმით, 6 წლის შემდეგ დიდი ალბათობით დღეს წარმოდგენილი რეკომენდაციები აღარ იქნება აქტუალური. მით უფრო, თუ გავითვალისწინებთ როგორი ინტენსივობით იცვლება მსოფლიოში გეოპოლიტიკური ვითარება. აქედან გამომდინარე, პოლიტიკური ჯგუფის თავმჯდომარე მიმართავს ხელისფლებას, აკეთოს თავისი საქმე მხოლოდ და მხოლოდ ქვეყნისა და ხალხის ინტერსებიდან გამომდინარე.

🔷 „ევროკომისია ჩვენ იქედან გვაწვდის რეკომენდაციებს, ხოლო მიღებაზე და გაწევრიანებაზე დასახელდა 2030 წელი, ანუ 6 წელი გავქვს წინ.

🔷 ამიტომ ეს 9 რეკომენდაცია შეგვიძლია ამ ხნის განმავლობაში გავაკეთოთ, და ეჭვი მეპარება, რომ 6 წლის, თუნდა 5 წლის ბოლოს ევროკომისიიდან რეკომენდაციები ისეთივე იყოს, როგორიც დღეს. ისევე როგორც ევროკავშირი, ყველაფერი იცვლება მთელს მსოფლიოში განსაკუთრებით ბოლო პერიოდში. ამიტომ ამ 9 რეკომენდაციიდან 6 წლის ბოლოს რა დარჩება, კაცმა არ იცის.

🔷 ამიტომ, ჩვენ ჩვენი საქმე გავაკეთოთ, რომელიც ქვეყნისთვის პრინციპული და საჭიროა“, – განაცხადა ფრიდონ ინჯიამ.

🔷 პოლიტიკური ჯგუფის თავმჯდომარემ თავის გამოსვლაში ყურადღება გაამახვილა ხელისუფლების მხრიდან ოპოზიციური პარტიების მიერ გამოგზავნილი წერილების რეაგირების გარეშე დატოვების ფაქტზე, რაც მისი აზრით, მიუღებელია და ამ მხრივ მათ შეუძლიათ აიღონ მაგალითი ახალ პრემიერ-მინისტრ, ირაკლი კობახიძისგან, რომელიც ყველა კითხვას კვალიფიციურ და დამაჯერებელ პასუხს სცემს.

🔷 პოლიტიკური ჯგუფის თავმჯდომარის განცხადებით, აუცილებელია, რომ ხელისუფლებამ თავისი საქმიანობის მნიშვნელოვანი დრო დაუთმოს ცილისწამების შესახებ კანონის მიღებას. ასევე დღის წესრიგში კვლავ უნდა დადგეს არასამთავრობო ორგანიზაციების დაფინანსების გამჭვირვალეობის საკითხს და ზოგადად იმოქმედოს მხოლოდ ქვეყნის ინტერესებიდან გამომდინარე.

🔷 „ცილისწამება, რომელიც ნიაღვარივით მოედინება, არის იმ გეგმის შემადგენელი ნაწილი, რომელიც შემუშავებულია ნაციონალური მოძრაობისა და მასთან შეხმატკბილებული ღიად, ირიბად, თუ ფარულად მოქმედი პარტიების მიერ, მათი სატელიტი არასამთავრობო ორგანიზაციებისა და მათი ტელევიზიების მიერ. გეგმის მისაღწევად ყველაფერია დაშვებული:
🔷 ეს იქნება ომის გამოცხადება, თუ ჩვენი ტერიტორიების კიდევ ერთხელ განადგურება და დაკარგვა;
🔷 ყველა სახის ეკონომიკური კონტაქტების გაწყვეტა ჩვენს მეზობელ ქვეყნებთან და მათ შორის, რუსეთთან, მაშინ როდესაც ევროპა და ამერიკა ვაჭრობენ და მილიარდობით დოლარის ურთიერთ სარგებელს ნახულობენ ამ ქვეყნებთან ურთიერთობით და არ აქვს მნიშვნელობა, რა ეკონომიკურ ზარალს მიიღებს ჩვენი ქვეყანა;
🔷 ყველა სახელმწიფო პროექტი, რომელსაც სახელმწიფოსთვის მომგებიანად ვთვლით, მიუღებელია იმ ჯგუფებისთვის, რომლებიც ბევრ შემთხვევაში ფინანსდებიან დასავლეთიდან. ეხლა ტაივანიც დაემატა ამას, რომელიც გვირჩევს, თუ რა ცუდია ჩინეთი.
ბოლო პერიოდში ამაში ჩვენი პრეზიდენტად წოდებული, ქალბატონი სალომე ზურაბიშვილი მთელი ძალით ჩაერთო.

🔷 ამ ყველაფერს ხელისუფლება წინ უნდა აღუდგეს და ამაში დიდი როლი აქვს პარლამენტს.

🔷 რა საშიშროების წინაშეა დღეს ჩვენი ქვეყანა? ძირითადს გეტყვით:

🔷 მეომრები, რომლებიც შეიძლება უკრაინიდან საქართველოში დაბრუნდნენ. მათი დასაქმება იქნება, თუ ადაპტირება ამ რეალობასთან. როდესაც კაცი რამდენიმე წელიწადი ომობს, ეს ადამიანზე დიდ ზეგავლენას ახდენს. ამისთვის ჩვენი ხელისუფლება მზად უნდა იყოს. მე ვფიქრობ, რომ გასაგებად ვსაუბრობ… განსაკუთრებით, წლის ბოლოსთვის.

🔷 სრულად ვიზიარებ კოლეგების, ქალბატონ რიმა ბერაძისა და ბატონ ლადო კახაძის პოზიციას ცილისწამებასთან და დეზინფორმაციასთან დაკავშირებით, რადგანაც ეს არამხოლოდ პარლამენტარების, არამედ ჯანსაღად მოაზროვნე ჩვენი მოსახლეობის დიდი ნაწილის მოთხოვნაცაა.

🔷 სულ უფრო გაფართოვდა ცილისწამებები და დეზინფორმაციის გავრცელება, ეს კი დაპირისპირებასა და პოლარიზაციას კიდევ უფრო მაღლა წევს.

🔷 შეიძლება ველოდოთ დესტაბილიზაციისთვის ისეთ ქმედებებს, როგორიცაა დივერსიული აქტები და ასე შემდეგ. გავიხსენოთ ის 14 კილოგრამი ასაფეთქებელი ნივთიერება, რომელიც საქართველოს ტერიტორიაზე მოგზაურობდა. მადლობა ღმერთს, გადავრჩით, და მოსახლეობა არ დაზარალდა.

🔷 რას ვისურვებდი?

🔷 პარლამენტი უნდა დაუბრუნდეს კანონპროექტის მიღებას, რომელიც ეხება არასამთავრობო ორგანიზაციების დაფინანსების გამჭვირვალობას, რასთან დაკავშირებითაც ევროკავშირსა და მთელ რიგ ქვეყნებში განხილვის პროცესი მიმდინარეობს. ჩვენ ამ ორგანიზაციების დაფინანსებაზე ინფორმაციებს არ უნდა ვიღებდეთ სხვა ქვეყნებიდან და სხვადასხვა დაფარული წყაროებიდან. ეს უნდა იყოს გამჭვირვალე მთელი მოსახლეობისთვის, ვინ რით სუნთქვას.

🔷 კოჰაბიტაციის დამთავრება და დროებითი საგამოძიებო კომისიის შექმნა 2008 წლის აგვისტოს ომის მოვლენებთან დაკავშირებით, სადაც ბევრი რამ გამოაშკარავდება, და ბევრ რამეს წერტილი დაესმება“, – მიაჩნია ფრიდონ ინჯიას.

ფრიდონ ინჯიას კითხვები ფინანსთა მინისტრ ლაშა ხუციშვილს საქართველოს პარლამენტის პლენარულ სხდომაზე „მინისტრის საათის“ ფორმატში ფინანსთა მინისტრს მოუსმინეს

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას კითხვები ფინანსთა მინისტრ ლაშა ხუციშვილს.
საქართველოს პარლამენტის პლენარულ სხდომაზე „მინისტრის საათის“ ფორმატში ქვეყნის მთავარი ფინანსური უწყების ხელმძღვანელს მოუსმინეს.

🔷 „როგორია თქვენი ხედვა ციფრული ბანკის შექმნასთან დაკავშირებით?

🔷 გარკვეული ქვეყნები ამ მიმართულებით უკვე მუშაობენ და შესაძლებელია, რომ ციფრული ბანკი იყოს შედარებით ხელმისაწვდომი მოსახლეობისთვის შეღავათიანი პირობებით და მან დაარეგულიროს ის მონოპოლიზმი, რომელიც დღეს არის საბანკო სექტორში“, – აღნიშნა თავის შეკითხვაში ფრიდონ ინჯიამ.

🔷 პოლიტიკური ჯგუფის თავმჯდომარემ კიდევ ერთხელ გაამახვილა ყურადღება ქვეყანაში ერთი სახელმწიფო ბანკი შექმნის აუცილებლობაზე. მისი განცხადებით, თუკი ხელისუფლება ვერ იღებს გადაწყვეტილებას შექმნას ერთი სახელმწიფო ბანკი, იქნებ იყოს შესაძლებელი შეიქმნას ციფრული ბანკი, რომელიც მართლაც შეძლებს საბანკო სისტემაში დღეს არსებული პრობლემების გადაწყვეტას და საბანკო მონოპოლიზმის დაძლევას.

„მე რამდენჯერმე გავაკეთე განცხადება და მივმართე მთავრობას, რომ შეიქმნას ერთი მაინც სახელმწიფო ბანკი, სადაც სახელმწიფოს ექნება საკონტროლო პაკეტი, 51 – %-ი მაინც. სამაგალითო ქვეყნებს შორის არის ამერიკის შეერთებული შტატები და ჩინეთი. ჩინეთში 4 სახელმწიფო ბანკია. ესე იგი რაღაც ყოფილა ამაში სახელმწიფოსთვის მისაღები და საინტერესო. მე ვიტყოდი, რომ ჩინეთი ბევრი სხვადასხვა მიმართულებით არის პირველ ადგილზე მსოფლიოში თავისი განვითარებით. თუ სახელმწიფო ბანკის შექმნა არ გამოდის, რას ფიქრობთ თქვენ ციფრული ბანკის შექმნაზე?“ – განაცხადა დეპუტატმა.

🔷 პოლიტიკური ჯგუფის თავმჯდომარემ ფინანსთა მინისტრს ასევე დაუსვა, შეკითხვა თუ რამდენად არის შესაძლებელი, რომ სავალუტო ფონდის პარალელურად, საქართველომ შეძლოს თანამშრომლობა სხვა საერთაშორისო ფინანსურ ინსტიტუტებთან, რომლებიც დღევანდელ მსოფლიოში მასშტაბური გეოპოლიტიკური ცვლილებების შედეგად იქმნება.

🔷 „ტრადიციულად ჩვენ ორიენტირებულები ვართ სავალუტო ფონდზე. დღეს, მსოფლიოში ისე სწრაფად იცვლება პოლიტიკური ვითარება, რომ იქმნება ახალი ფინანსური შესაძლებლობები.

🔷 როგორ ფიქრობთ, რამდენად არის შესაძლებელი საქართველომ პარალელურად, შეძლოს თანამშრომლობა საერთაშორისო ფინანსური ორგანიზაცია ბრიქსის ბანკთან, რომელიც შექმნეს ისეთმა ქვეყნებმა როგორიც არის, ჩინეთი, ინდოეთი, ბრაზილია, აფრიკის რესპუბლიკა და რუსეთი და მათ რიგებს კიდევ დაემატა მსოფლიოს სხვა წამყვანი ქვეყნები“, – განაცხადა ფრიდონ ინჯიამ.

🔷 თავის მხრივ, ფინანსთა მინისტრმა ლაშა ხუციშვილმა განაცხადა, რომ ეროვნული ბანკის მიერ ციფრულ ბანკთან დაკავშირებით გარკვეული ნაბიჯები გადადგმულია. ხორციელდება საკმაოდ მნიშვნელოვანი რეფორმები. ბუნებრივია, საქართველოს მთავრობის მხრიდან ამ ინიციატივებს აქვს შესაბამისი მხარდაჭერა.

🔷 „თუ სწორად მახსოვს, რამდენიმე ლიცენზიაც არის გაცემული სახელმწიფოს მხრიდან ამ მიმართულებით.

🔷 შესაბამისად, იმ ჩარჩოში რა ჩარჩოშიც ექცევა აღნიშნული საბანკო ინსტიტუტები, ამასთან დაკავშირებით შესაძლებელია, რომ დეტალურად მსჯელობაც გაიმართოს.

🔷 უფრო კონკრეტულად ვფიქრობ, რომ პარასკევს ეროვნული ბანკის პრეზიდენტის მოვალეობის შემსრულებელი ნათია თურნავა საქართველოს პარლამენტში „ინტერპელაციის ფორმატში“ წარმოგიდგენთ ინფორმაციას ციფრულ ბანკთან დაკავშრებით“, – განაცხადა ლაშა ხუციშვილმა.

საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარლამენტის პლენარულ სხდომაზე პოლიტიკური დებატების ფორმატში

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარლამენტის პლენარულ სხდომაზე პოლიტიკური დებატების ფორმატში.

🔷 პირველ რიგში, მინდა მოგილოცოთ ყველას, ჩვენი ქართველი სპორტსმენების მერაბ დვალიშვილისა და ილია თოფურიას წარმატება, რამაც საქართველოს უდიდესი სიხარული და სიამაყე მიანიჭა. ჩვენ მცირერიცხოვანი ერი ვართ და მსოფლიოში გვყავს ყველაზე ძლიერი ძალოსანი ლაშა ტალახაძე.

🔷 ევროკავშირის ხელოვნურად გამოგონილი მოთხოვნები და პირობები, რომელიც უკვე წლების განმავლობაში სპეკულაციისა და ქვეყანაში არასტაბილურობის მიზეზად იქცა, მინდა ყველას გასაგონად ვთქვა, რომ ჩვენს კეთილისმსურველებს ევროპაში, ჩვენგან შეუძლიათ აიღონ მაგალითი, ვაჟკაცობის, სიძლიერის, ტოლერანტობის, მიზანდასახულობისა და ბრძოლისუნარიანობის. ამის ნათელი მაგალითი ჩვენი ძირძველი ერის ისტორიაა.

🔷 ევროკავშირის 9 პუნქტიანი პირობის ერთ-ერთი მთავარი მოთხოვნაა ბრძოლა დეზინფორმაციასთან და ცილისწამებასთან. დეზინფორმაციისა და ცილისწამების მსხვერპლი არაერთხელ გამხდარან საქართველოს მოქალაქეები – სახელმწიფო მოღვაწეები, თუ პოლიტიკოსები. აქედან გამომდინარე, მიმაჩნია, რომ სწორედ, ჩვენს ქვეყანაში ყოვლად უმსგავსო ცილისწამებებს უნდა მოეღოს ბოლო და ეს შეურაცხმყოფელი და ღირსების შემლახველი ქმედებები, თუ მიზანმიმართული კამპანია ერთხელ და სამუდამოდ უნდა დარეგულირდეს და აღიკვეთოს საკანონმდებლო დონეზე.

🔷არ არის ცილისწამება ის, როცა საქართველოს ხელისუფლებას რუსულს უწოდებენ? ან სხვა ანტისახელმწიფოებრივი განცხადებები, რომლებიც ვფიქრობ, უნდა აიკრძალოს.

🔷 ქალბატონი სალომეს განცხადება, იმის თაობაზე, რომ ჩვენ უნდა ველოდოთ რუსეთის ჩარევას ჩვენს საპარლამენტო არჩევნებში, რას ნიშნავს ეს? ნიშნავს თუ არა ეს განცხადება იმას, რომ ხელი შეუწყოს და დაჩქარდეს საქართველოში მეორე ფრონტის გახსნა, ეს ხომ პროვოკაციული განცხადებაა, როგორც რუსეთის მხარისთვის, ასევე საქართველოს მთავრობისთვის.

🔷 ეს ხომ რუსეთში იმ რადიკალური ძალების წისქვილზე ასხამს წყალს და ახდენს მათ პროვოცირებას, ვინც ოკუპაცია მოახდინა საქართველოს ტერიტორიის 20 პროცენტის?! რომელ ძალებთანაც ასე შეხმატკბილებულად და შეთანხმებულად მოქმედებდა და ასხვისებდა საქართველოს მიწებს 2008 წელს „ნაციონალური მოძრაობა“. მათ ახლაც მჭიდრო კავშირი აქვთ ამ ძალებთან.

🔷 ნიშნავს თუ არა მეორე ფრონტის გახსნა (რა მნიშვნელობა აქვს, ვინ გახსნის მეორე ფრონტს საქართველოს მხარე, თუ რუსეთის მხარე?) – სისხლის ღვრას საქართველოში და საქართველოს ქალაქებისა და სოფლების ნაცარტუტად ქცევას? რისი ნათელი მაგალითიცაა უკრაინაში განვითარებული მოვლენები.

🔷 ნიშნავს თუ არა ასეთი განცხადებები, საქართველოში დაძაბულობის და არეულობის პროვაცირებას?
უნდა ვიფიქროთ თუ არა ქალბატონი სალომეს ანტიკონსტიტუციური ვოიაჟის დროს გაკეთებული ანტისახელმწიფოებრივი განცხადებების შესახებ? იყო თუ არა წინასწარ შეთნხმებული პოლონეთის საგარეო საქმეთა მინისტრის განცხადება, კრიმინალი სააკაშვილის განთავისუფლების შესახებ, რომელსაც ასე მშვიდად შეხვდა ქალბატონი სალომე.

🔷 სხვას ვერაფერს ვუწოდებ საქართველოს პრეზიდენტის სალომე ზურაბიშვილის განცხადებებს, რომელსაც იგი, მინიმუმ, ბოლო ორი წელია მიზანმიმართულად აკეთებს საქართველოს წინააღმდეგ.

🔷 მიმაჩნია, რომ ყველა მისი განცხადება არის ანტისახელმწიფოებრივი, ანტიეროვნული, ხოლო მისი ეგრეთ წოდებული ვოიაჟები საზღვარგარეთ, პირდაპირ არის მიმართული ქართული სახელმწიფოს და ხელისუფლების დისკრედიტაციისაკენ.

🔷 ყველა ამ ქმედებიდან გამომდინარე, ისღაა დარჩენილი, რომ ქართველმა ხალხმა სალომე ზურაბიშვილს ანტისახელმწიფოებრივი ქმედებების აღსაკვეთად, საქართველოს საზღვრის გადაკვეთა აუკრძალოს, მით უფრო, თუ გავითვალისწინებთ, რომ საკონსტიტუციო სასამართლომ ქვეყნის პრეზიდენტი საქართველოს უზენაესი კანონის, კონსტიტუციის დარღვევაში უკვე დაადანაშაულა.

🔷 სამწუხაროდ, საკონსტიტუციო სასამართლოს ეს გადაწყვეტილება არ ითვალისწინებს სახელმწიფოდან გაუსვლელობას, თუმცა ვიცი, რომ ამ მოცემულობაში ამის განხორციელება შეუძლებელია. ვფიქრობ, რომ უნდა დაფიქრდეს არა მარტო ქალბატონი სალომე, არამედ ყველა ის, ვინც ეგრეთ წოდებულ „ახალ ფანჩატურში“ შეკრებას გეგმავს.

ფრიდონ ინჯია: „ჩვენს პოლიტიკურ ჯგუფს არ აქვს არავითარი არგუმენტაცია, რომ მხარი არ დავუჭიროთ პრემიერ-მინისტრობის კანდიდატს ირაკლი კობახიძეს“

🔷„ჩვენს პოლიტიკურ ჯგუფს არ აქვს არავითარი არგუმენტაცია, რომ მხარი არ დავუჭიროთ პრემიერ-მინისტრობის კანდიდატს ირაკლი კობახიძეს“. ამის შესახებ საპარლამენტო პოლიტიკური ჯგუფის „ევროპელი სოციალისტების თავმჯდომარემ ფრიდონ ინჯიამ პარლამენტის პლენარულ სხდომაზე განაცხადა, სადაც სამთავრობო პროგრამით პრემიერ-მინისტრობის კანდიდატი ირაკლი კობახიძე წარდგა.

🔷როგორც დეპუტატმა აღნიშნა, იგი როგორც ოპოზიციური პოლიტიკური ძალის წარმომადგენელი იქნება ორმაგად კრიტიკული კონსტრუქციულ ჭრილში, ყველა მნიშვნელოვან პოლიტიკურ თუ ეკონომიკურ საკითხთან მიმართებაში.

🔷ფრიდონ ინჯიამ ირაკლი კობახიძის გამოსვლა შეაფასა როგორც არგუმენტირებული, რომელმაც საკანონმდებლო ორგანოს წინაშე წარადგინა არამარტო სამთავრობო პროგრამა არამედ, საკუთარი თავი.

🔷„ირაკლი კობახიძეს სახელმწიფო სამსახურში მუშაობის გამოცდილება არ აქვს. მისი გამოსვლა იყო დინჯი, მშვიდი და არგუმენტირებული. მან პარლამენტში წარადგინა არამარტო სამთავრობო პროგრამა, არამედ საკუთარი თავი“, – აღნიშნა ფრიდონ ინჯიამ.

🔷პოლიტიკური ჯგუფის თავმჯდომარემ თავის გამოსვლაში ყურადღება გაამახვილა მომავალი პრემიერ-მინისტრის მხრიდან საკადრო პოლიტიკასთან მიმართებაში პრინციპული და შეურიგებელი მიდგომის აუცილებლობაზე.

🔷„მიმაჩნია, რომ თქვენი მხრიდან მთავრობის წევრებთან მიმართებაში, რომლებიც დაინიშნებიან პრემიერ-მინისტრის ხელმოწერით, უნდა იყოს შეურიგებელი და პრინციპული მიდგომა. ამ თვალსაზრისით არ უნდა არსებობდეს არავითარი დიფერენცირებული დამოკიდებულება. ნებისმიერი გადაცდომის შემთხვევაში, ეს იქნება დიდი თუ პატარა გადაცდომა, გადაწყვეტილება უნდა იყოს მხოლოდ ერთი – დაკავებული თანამდებობიდან გათავისუფლება. საქართველოში მოიძებნება საკმაოდ ბევრი კვალიფიციური კადრი, რომელიც ღირსეულად შეასრულებს დაკისრებულ მოვალეობას. ასეთი პრინციპული მიდგომით ბევრი რამ სასიკეთოდ გადაწყდება ქვეყნისთვის“,- აღნიშნა ფრიდონ ინჯიამ.

🔷პოლიტიკური ჯგუფის თავმჯდომარემ კიდევ ერთხელ გაამახვილა ყურადღება ხელისუფლების მხრიდან სახელმწიფო სადაზღვეო კომპანიის შექმნის თაობაზე, რომელიც მოემსახურება საჯარო სამსახურებს, რითაც ხელისუფლება მნიშვნელოვნად შეამცირებს სახელმწიფოს ხარჯებს.

🔷„ხელისუფლების მხრიდან ერთი სახელმწიფო სადაზღვეო კომპანიის შექმნა კონკურენციას გაუწევს კერძო სადაზღვეო კომპანიებს, რაც ამ ბაზარზე ჯანსაღ კონკურენტულ გარემოს შექმნის და ამასთანავე, სახელწიფოს მხრიდან თანხების დაზოგვა მოხდება. ამ ინიციატივასთან დაკავშირებით თქვენგან მივიღე ჩემთვის მისაღები პასუხი, რომ ამ საკითხის განხილვა მოხდება, და თუ სახელმწიფოს საკონტროლო პაკეტის 51% -ი ექნება, ამ ინიციატივის განხორციელება შესაძლებელია“, – განაცხადა დეპუტატმა.

🔷ფრიდონ ინჯიამ ასევე, ისაუბრა სახელმწიფო ბანკის შექმნის შესახებ, რომლის მთავარი მიზანი უნდა იყოს მოსახლეობისთვის ფულზე ხელმისაწვდომობა. მაგალითისთვის ფრიდონ ინჯიამ ჩინეთის სახალხო რესპუბლიკა მოიყვანა, სადაც 4 სახელმწიფო ბანკი არსებობს, რითაც მოსახლეობას ეძლევა საშუალება ისარგებლოს ე.წ. იაფი ფულით და გადაიხადოს მინიმალურად დაბალი პროცენტი გაცემულ სესხზე.

🔷„სწორედ ასეთი მნიშვნელოვანი რეფორმებით, რომელიც ბოლო 10 წლის განმავლობაში გაატარა ჩინეთის ხელისუფლებამ, სიღარიბე მინიმუმამდეა დაყვანილი. ქვეყანის ეკონომიკა მნიშვნელოვნად ვითარდება და ჩინეთი მსოფლიოს ლიდერი ქვეყნების სიაშია. ასევეა, სკანდინავიის ქვეყნებში.

🔷თქვენ ვერ ნახავთ ვერც ერთ ქვეყანას, სადაც პენსიონერებისთვის სესხის წლიური საპროცენტო განაკვეთი იყოს 26% -ი. აქედან გამომდინარე, მიმაჩნია, რომ ერთი სახელმწიფო ბანკის შექმნა გადაჭრის ქვეყნის წინაშე საბანკო სექტორში დღეს არსებულ პრობლემას. შეიძლება წინააღმდეგობები იყოს სავალუტო ფონდიდან, ან რომელიმე საერთაშორისო ფინანსური ორგანიზაციიდან, მაგრამ ეს სირთულე უნდა დავძლიოთ. მით უმეტეს, როცა დღეს უკვე არსებობს სხვადასხვა ალტერნატიული ფულადი რესურსების მოძიების მსხვილი წყაროები“, – მიაჩნია ფრიდონ ინჯიას.

🔷მისივე თქმით, საქართველოში ფარმაცევტულ ბაზარზე მედიკამენტებზე არსებული ფასები დარეგულირებას საჭიროებს და ამ პრობლემის გადაჭრა შესაძლებელია მხოლოდ და მხოლოდ სახელმწიფო ფარმაცევტული საწარმოს შექმნითა და ყველა ქალაქში შესაბამისი სახელმწიფო სააფთიაქო ქსელის გახსნით.

🔷„სახელმწიფო ფარმაცევტულმა საწარმომ უნდა გამოუშვას ყველაზე მოთხოვნადი მედიკამენტები, რომელიც ყველაზე მეტად სჭირდება ჩვენს მოსახლეობას, რაზეც იმპორტიორები, რომლებსაც მონოპოლიზირებული აქვთ ბაზარი, ხედავენ ყველაზე დიდ მოგებას. ეს არის აუცილებელი და უმნიშვნელოვანესი საქართველოს მოსახლეობისთვის“, – აღნიშნა დეპუტატმა.

🔷ფრიდონ ინჯიას, განცხადებით, როცა სახელმწიფო ფლობს როგორც საფინანსო, ფარმაცევტულ და სტრატეგიული მნიშვნელობის ობიექტებში საკონტროლო პაკეტის 51% -ს, მას აქვს სერიოზული ბერკეტი, გრძნობს თავს მყარად და დაცულად სახელმწიფო მნიშვნელობის ამოცანების შესრულებაში, და ამით სახელმწიფოში კერძო სექტორთან მიმართებაში, იქმნება ჯანსაღი კონკურენციის საფუძველი.

🔷როგორც ფრიდონ ინჯიამ აღნიშნა, ამის ნათელი მაგალითია, პანდემიის დროს, ჩინეთიდან შემოტანილი სახელწმიფოს მიერ წარმოებული ვაქცინები, რომელმაც ჯანსაღი კონკურენცია გაუწია გერმანიიდან კერძო ფარმაცევტული კომპანიების მიერ წარმოებულ ვაქცინებს, როგორც ფინანსური, ასევე ხარისხობრივი თვალსაზრისით.

🔷ფრიდონ ინჯიამ რადიკალური ოპოზიციის წარმომადგენლებს მოუწოდა, რომ მომავალი საპარლამენტო არჩევნების დროს, დამარცხების შემთხვევაში, ეყოთ გამბედაობა და აღიარონ დამარცხება, რათა არ განმეორდეს 2020 წლის საპარლამენტო არჩევნების შემდგომი ბოიკოტირება საპარლამენტო საქმიანობის.

🔷„ოპოზიციაში ყოფნა არ ნიშნავს იყო მთავრობის მოწინააღმდეგე. ამ წლების განმავლობაში ჩვენ მივეცით ხმა კანონებს და პარლამენტის იმ გადაწყვეტილებებს, რომლებიც მიგვაჩნდა ქვეყნის საკეთილდღეოდ და ამ მხრივ ბევრჯერ დავაფიქსირეთ ჩვენი პრინციპული პოზიცია.

🔷მთელი 5-6 თვის განმავლობაში, მეათე მოწვევის პარლამენტში ვიყავით მხოლოდ ორი პარტია – „ევროპელი სოციალისტები“ და „ქართული ოცნება“. სხვა პარტია პარლამენტში არ შემოდიოდა. ისინი ვერ შეეგუენ დამარცხებას. ოპოზიციაში ყოფნა არ ნიშნავს იყო ხელისუფლების მოწინააღმდეგე. თუ შენ საქართველო გიყვარს და ამ ქვეყნის შვილი ხარ, გვერდში უნდა დაუდგე იმ ხელისუფლებას, რომელიც უმრავლესობამ აირჩია. ამაში მე ვერ ვხედავ ვერაფერს დასაძრახს“, – მიაჩნია დეპუტატს.

🔷ფრიდონ ინჯიას განცხადებით, მსოფლიო დღეს დგას ახალი გადანაწილების ეტაპზე, რასაც თან ახლავს საკმაოდ რთული პროცესები, რაც განსაკუთრებით საშიშია პატარა ქვეყნებისთვის. აქედან გამომდინარე, საჭიროა დიდი სიფრთხილე.

🔷„ჩვენი გეოპოლიტიკური მდგომარეობიდან გამომდინარე, გვმართებს დიდი სიფრთხილე. ამიტომ მნიშვნელოვანია ქვეყანაში კანონის უზენაესობა და სწორი სახელმწიფოებრივი მიდგომა მნიშვნელოვან პოლიტიკურ გამოწვევებთან მიმართებაში”, – აღნიშნა დეპუტატმა.

🔷ფრიდონ ინჯიამ თავის გამოსვლაში პრემიერ-მინისტრობის კანდიდატს ირაკლი კობახიძეს 2008 წლის აგვისტოს ომის მოვლენებთან დაკავშირებით მიმართა.

🔷„ბატონო ირაკლი, მე ვფიქრობ, რომ ამ საკითხს წერტილი უნდა დაესვას. ამით ბევრი რამ გამოჩნდება და სალაპარაკოც აღარავის ექნება. უნდა გაირკვეს სიმართლე“, – დასძინა დეპუტატმა.

“მე მაქვს მოლოდინი, რომ ყველა თქვენი გადაწყვეტილება პრემიერ-მინისტრის რანგში, იქნება ქართველი ხალხის ინტერსებიდან გამომდინარე” – ფრიდონ ინჯია პრემიერ-მინისტრობის კანდიდატს ირაკლი კობახიძეს

🔷 “მე მაქვს მოლოდინი, რომ ყველა თქვენი გადაწყვეტილება პრემიერ-მინისტრის რანგში, იქნება ქართველი ხალხის ინტერსებიდან გამომდინარე”. ასე მიმართა საპარლამენტო პოლიტიკური ჯგუფის „ევროპელის სოციალისტების“ თავმჯდომარემ ფრიდონ ინჯიამ პრემიერ-მინისტრობის კანდიდატს ირაკლი კობახიძეს.

🔷საქართველოს პარლამენტის პლენარულ სხდომაზე პრემიერ-მინისტრობის კანდიდატმა ირაკლი კობახიძემ სამთავრობო პროგრამა წარმოადგინა.

🔷„ბატონო ირაკლი, მე მოველი, რომ ყველა თქვენი გადაწყვეტილება იქნება ქართველი ხალხის ინტერსებიდან გამომდინარე. ნებისმიერი საკითხი, რაზეც იყო განხილვის პროცესში საუბარი, გნებავთ სიღარიბე, მაღალი ფასები, ეს ყველაფერი მიბმულია ფულთან. გუშინ მე გავაკეთე განცხადება, რომ როცა იქნება იაფი კრედიტის, იაფი ფულის შესაძლებლობა, მაშინ იქნება სამუშაო ადგილებიც და სიღარიბეც იქნება ნაკლები“, – განაცხადა დეპუტატმა.

🔷პოლიტიკური ჯგუფის თავმჯდომარე მიიჩნევს, რომ მთავრობის უმთავრესი ამოცანა უნდა იყოს ხარჯების მაქსიმალური ეკონომია და თითოეული თეთრის დაზოგვა.

🔷„მთავრობის ამოცანა უნდა იყოს თითოეული თეთრის დაზოგვა. დღეს საქართველოში დაახლოებით 350 ათასი საჯარო მოხელეა. მარტო პარლამენტი დაახლოებით 3 მილიონამდე ლარს იხდის სადაზღვეო მომსახურეობაში. საერთო ჯამში, სამინისტროებისა და სხვა საჯარო დაწესებულებების ჩათვლით, ეს თანხა დაახლოებით 150-160 მილიონი ლარი გამოდის, რომელიც კერძო კომპანიების ბიუჯეტში მიდის“, – განაცხადა ფრიდონ ინჯიამ.

🔷დეპუტატის აზრით, მნიშვნელოვანი და აუცილებელია სახელმწიფომ თავის თავზე აიღოს გარკვეული ფუნქციები, რითაც მოხდება თანხების დაზოგვა, თუნდაც შექმნას ერთი სახელმწიფო სადაზღვეო კომპანია, რომელიც საჯარო დაწესებულებების თანამშრომლებს სადაზღვეო მომსახურეობით უზრუნველყოფს.

🔷„თუ სახელმწიფო თავის თავზე აიღებს გარკვეულ ფუნქციებს, ამით რაღაც ნაწილში, დაიზოგება თანხები. დღეს ყველა სადაზღვეო კომპანია არის კერძო და ამ კომპანიების მოგების ნაწილი გადის საზღვარგარეთ. სახელმწიფო უნდა იყოს დაინტერსებული, რომ საზღვარგარეთ არ გავიდეს თანხა, რომლის გამომუშავება სახელმწიფოში ხდება და ყველაფერი უნდა გაკეთდეს ამისათვის, და თუ იქნება ერთი სადაზღვეო კომპანია, სახელმწიფო საწესდებო კაპიტალით, მოხდება თანხების დაზოგვა, რაც მნიშვნელოვნად შეუმსუბუქებს სახელმწიფოს ხარჯებს“, – მიაჩნია ფრიდონ ინჯიას.

https://fb.watch/qltI73jyTp/