Archives de catégorie : Accueil

საპარლამენტო პოლიტიკური ჯგუფის „ევროპელი სოციალისტების“ თავმჯდომარეს ფრიდონ ინჯიას არჩევნების გაყალბების დიდი რისკიდან გამომდინარე, მიზანშეწონილად არ მიაჩნია საზღვარგარეთ საარჩევნო უბნების გახსნა არალეგალურად მყოფი საქართველოს მოქალაქეებისთვის.

ამის შესახებ განცხადება პოლიტიკური ჯგუფის თავმჯდომარემ ფრიდონ ინჯიამ პარალმენტის პლენარულ სხდომაზე გააკეთა, სადაც ინტერპელაციის წესით საგარეო საქმეთა მინისტრს ილია დარჩიაშვილს მოუსმინეს.

ინტერპელაციის კითხვა ოპოზიციონერი დეპუტატების (ხატია დეკანოიძე, რომან გოცირიძე, თეონა აქუბარდია, როსტომ ჩხეიძე, ნატო ჩხეიძე, ბაჩუკი ქარდავა, ნიკა მაჭუტაძე) მხრიდან შეეხებოდა საზღვარგარეთ, ძირითადად ევროპასა და ამერიკის შეერთებულ შტატებში მყოფი საქართველოს მოქალაქეების არჩევნებში მონაწილეობის საკითხს.

დეპუტატის შეფასებით, თუკი, ამ კონტექსტში ხდება საკითხის განხილვა, ხაზგასასმელია ის ფაქტი და გარემოება, რომ რაოდენობრივად ყველაზე მეტი საქართველოს მოქალაქე სწორედ რუსეთის ფედერაციაში ცხოვრობს და რატომღაც კოლეგების მხრიდან საგარეო უწყების ხელმძრვანელობის მიმართ ინტერპელაციის წესით დასმულ კითხვაში რუსეთის ფედერაციაში მცხოვრები ჩვენი თანამემამულეები არ არიან ნახსენები.

„წინა ხელისუფლების მოღალატეობრივმა ქმედებამ საქართველოს ათი ათასობით მოქალაქე აიძულა დაეტოვებინა დედა სამშობლო. სამწუხაროა, მაგრამ ეს ფაქტია.

ჩვენ ყველაფერი უნდა გავაკეთოთ იმისთვის, რომ ეს პროცესი შევამციროთ, მინიმუმამდე დავიყვანოთ მიგრაცია და შევქმნათ ყველა პირობა ემიგრანტების სამშობლოში დასაბრუნებლად.

აქ კოლეგების მხრიდან დაისვა საკითხი, რომელიც ძირითადად შეეხება ევროპასა და ამერიკაში წასულ ჩვენს თანამემამულეებს.

ყველაზე მეტი ჩვენი თანამემამულე დღეს რუსეთის ფედერაციაშია. რა ქნან მათ? !

დავუშვათ, შესრულდა ჩემი კოლეგების მოთხოვნები საზღვარგარეთ საარჩევნო უბნების გახსნასთან დაკავშირებით არალეგალურად მყოფი საქართველოს მოქალაქეებისთვის, ასეთ შემთხევაში ისინი ხომ დაჩაგრულები გამოდიან? და აქ საუბარია ათი ათასობით ჩვენს თანამემამულეზე, რომლებიც ცხოვრობენ რუსეთის ფედერაციაში და აქ საკითხი არ დგას ისე, რომ როგორმე მათ გავუადვილოთ არსებული ვითარება და დავეხმაროთ, არჩევნებში მონაწილეობის მიღებაში.

აქ ასევე, არ დგას საკითხი და არც იმაზე ყოფილა საუბარი, რომ შვეიცარიის საელჩოსთან არსებული რუსეთის ფედერაციის ინტერესების სექციასთან გაიხსნას საარჩევნო უბანი. ეს ვერ ხერხებდა იქიდან გამომდინარე, რომ საქართველო-რუსეთს შორის არ არსებობს დიპლომატიური ურთიერთობა და არ არის ის შეთანხმება, რითიც ამის გაკეთება არის შესაძლებელი, მაგრამ არის მეორე გზა ამ საკითხის გარკვეულ წილად გადასაწყვეტად.

კერძოდ, თუ არის საჭიროება, დამატებით გაიხსნას საარჩევნო უბანი ბელარუსის დედაქალაქ მინსკში, რომელიც უფრო ახლოსაა და შესაძლებელი იქნება ხმის მიცემა. სხვა გამოსავალი აქ არ არის“, – განაცხადა დეპუტატმა.

ფრიდონ ინჯიას განცხადებით, საქართველოში ელექტრონული ხმის მიცემის სისტემა დაინერგა იმისთვის, რომ არჩევნები მაქსიმალურად ღიად, გამჭვირვალედ და სამართლიანად ჩატარდეს, რისი შესაძლებლობაც დღესდღეობით საზღვარგარეთ საქართველოს საარჩვენო უბნებში არ არის.

„ელექტრონული საარჩევნო სისტემის დანერგვა საქართველოში მოხდა იმისთვის, რომ არჩევნები იყოს მაქსიმალურად ღია, გამჭვირვალე და სამართლიანი.

ელექტრონული სისტემის მეშვეობით, ცესკოს პრაქტიკულად, ნახევარ საათში ექნება შესაძლებელი გამოაქვეყნოს არჩევნების ძირითადი შედეგები. ფაქტობრივად, ეგზიტპოლების ჩატარება კარგავს თავის როლსა და ფუნქციას.

უცხოეთში ელექტრონული ტექნოლოგიით არჩენების ჩატარება დღესდღეობით შეუძლებელია. ეს შესაძლებელია, მხოლოდ ტრადიციული მეთოდით, სადაც დიდია ეგრეთ წოდებული „კარუსელების“ გამოყენების შესაძლებლობა.

აქედან გამომდინარე, ასე უბრალოდ, საარჩვენო უბნის გახსნა საზღვარგარეთ, სადაც გაჩნდება შესაძლებლობა ამომრჩეველმა რამდენჯერმე სხვადასხვა საარჩვენო უბანში მისცეს ხმა, მიზანშეწონილი არ იქნება.

მიმაჩნია, რომ თუ ჩვენ ვზრუნავთ ჩვენს თანამოქალაქეებზე, ყველაფერი უნდა გავაკეთოთ იმისთვის, რომ მათ მიეცეთ საშუალება დაბრუნდნენ სქართველოში“, – განაცხადა ფრიდონ ინჯიამ.

ნატოს სამხედრო პოლიტიკური ალიანსი არ არის საქართველოს უსაფრთოხების გარანტია;

საქართველოსთვის უსაფრთხოების გარანტიაა მისი გეოპოლიტიკური მდგომარეობა და საერთაშირისო ეკონომიკურ პროექტებში მეზობელ სახელმწიფოებთან ერთად ჩართვა, რაც ქვეყნის პოლიტიკურ სტაბილურობას უზრუნველყოფს. სხვა გარანტია ჩვენი ქვეყნისთვის არ არსებობს.

ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის პლენარულ სხდომაზე განაცხადა, სადაც საქართველოში ნატოს გენერალური მდივნის იანს სტოლტენბერგის ვიზიტი შეაფასა.

„არ შემიძლია არ გამოვეხმაურო იანს სტოლტენბერგის ვიზიტს საქართველოში. როგორც ცნობილია, ნატო წარმოადგენს სამხედრო თავდაცვით ორგანიზაციას და ჩემთვის გაურკვეველი და გაუგებარია თუ რა საქმე აქვს ასეთ ორგანიზაციას საქართველოში სასამართლო რეფორმასთან ან არჩევნებთან.

მე მაინტერესებს, როდესაც თურქეთის რესპუბლიკას იღებდნენ ნატოს ალიანსში, მაშინ ასეთი კითხვები ისმოდა თურქეთთან მიმართებაში?!

გასაგებია, რომ ნატოში გაწევრიანება პოლიტიკური საკითხია და რომ არა პოლიტიკური, თურქეთი არ იქნებოდა ნატოს წევრი ქვეყანა“. – განაცხადა ფრიდონ ინჯიამ.

პოლიტიკური ჯგუფის თავმჯდომარის შეფასებით, 2008 წლის აგვისტოს ომი პირდაპირ იყო დაკავშირებული საქართველოს მაშინდელი ხელისუფლების რიტორიკასთან.

„მსოფლიო პოლიტიკური ვითარება ყოველდღიურად იცვლება. შესაბამისად, საქართველოს ნატოში გაწევრიანება არ გაწევრიანების საკითხი, კარგად დასაფიქრებელია და თუ ეს საკითხი ასახულია ქვეყნის კონსტიტუციაში, ისიც გავიხსენოთ, რომ კონსტიტუციაში ჩვენ კიდევ გვაქვს კონკრეტული მუხლი და ასევე, ორგანული კანონი რეფერენდუმის შესახებ.

ნატოსკენ ლტოლვამ ჩვენ ტერიტორიები დაგვაკარგვინა და დღეს გვაქვს თვალსაჩინო მაგალითი, თუ რა მდგომარეობაშია უკრაინა. სწორედ ნატოში გაწევრიანების სურვილს უკავშირდება ის, რომ ჩვენს ძირძველ ტერიტორიებზე არის რუსეთის ჯარი თავისი ინტერესებიდან გამომდინარე.

ჩვენი კოლეგები საუბრობდნენ იმის შესახებ, რომ წლების განმავლობაში 800 ათასამდე მოქალაქემ დატოვა საქართველო და ნამდვილად არ მინდა წარმოვიდგინო ესკალაციის შემთხვევაში, რა ვითარებაში აღმოჩნდება ჩვენი ქვეყანა და მოსახლეობა მიგრაციის თვალსაზრისით.

აქ რომ შემოვიდეს ნატოს ჯარი, იმის გათვალისწინებით, რომ ჩვენს ტერიტორიაზე ასევე განლაგებულია რუსეთის სამხედრო ნაწილები, მათი ინტერსებიდან გამომდინარე, თქვენ წარმოგიდგენიათ რა მოხდება და რა სისწრაფით განვითარდება მოვლენები?! 8-10 წამში შესაძლებელია რაკეტებმა საქართველოს ნებისმიერ წერტილს მიაღწიონ. ეს იქნება საშინელება ჩვენი ქვეყნისთვის.“ – მიაჩნია ფრიდონ ინჯიას.

პოლიტიკური ჯგუფის თავმჯდომარის განცხადებით, ნატოს ქოლგის ქვეშ სწრაფვამ უმძიმეს მდგომარეობაში ჩააგდო ისეთი დიდი ქვეყანა როგორიც უკრაინაა თავისი სამხედრო პოტენციალით, ან გინდათ მოსახლეობის რაოდენობით შედარება რომ გავაკეთოთ ჩვენს ქვეყანასთან“.

„საქართველოსთვის ნატო არ არის უსაფრთხოების ქოლგა. მიმაჩნია, რომ საქართველოსთვის უსაფრთხოების ქოლგა ეს არის მისი გეოპოლიტიკური მდგომარეობა და ეკონომიკურ პროექტებში მეზობელ სახელმწიფოებთან ერთად ჩართვა. სწორედ ეს იქნება საქართველოსთვის უსაფრთხოების გარანტია. სხვა გარანტია ჩვენი ქვეყნისთვის არ არსებობს“. – აღნიშნა ფრიდონ ინჯიამ.

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მიესალმება საქართველოს მთავრობის ინიციატივას „საქართველოს სისხლის სამართლის კოდექსში ცვლილების შეტანის შესახებ“, რომელიც ითვალისწინებს სისხლისსამართლებრივი პასუხისმგებლობის დაწესებას ისეთი ნაკლებად მძიმე დანაშაულების მომზადებაზე, როგორებიცაა: საქართველოს სახელმწიფო საზღვრის უკანონოდ გადაკვეთა და საქართველოს სახელმწიფო საზღვარზე მიგრანტის უკანონოდ გადაყვანა ან/და მისთვის საქართველოში ყოფნისათვის შესაბამისი პირობების შექმნა (ხელის შეწყობა).

თუმცა, როგორც პოლიტიკური ჯგუფის თავმჯდომარემ იურიდიული კომიტეტის სხდომაზე აღნიშნა, ეს ცვლილებები ადრეც უნდა განხორციელებულიყო და საინტერესოა რამ განაპირობა დღეს ამ ცვლილებების შეტანა სისხლის სამართლის კოდექსში.

„ამ კანონის მიღება მართლაც ძალიან მნიშვნელოვანია და მე მიკვირს აქამდე რატომ არ იყო გათვალისწინებული ეს მუხლი კოდექსში. ჩემი კითხვა მდგომარეობს შემდეგში? – რამ განაპირობა ამ ცვლილებების შეტანა კოდექსში ახლა? იყო რაღაც შემთხვევები, ან უკონტროლო ვითარება, რომელმაც დააჩქარა ამ კანონში ცვლილებების შეტანის აუცილებლობა?“ – განაცხადა ფრიდონ ინჯიამ.

თავის მხრივ, შინაგან საქმეთა მინისტრის მოადგილემ ალექსანდრე დარახველიძემ აღნიშნა, რომ აღნიშნული ცვლილებების შეტანა სისხლის სამართლის კოდექსში განაპირობა ბოლოდროინდელმა პრაქტიკამ და დღეს ქვეყანაში არსებულმა გამოწვევებმა.

საპარლამენტო პოლიტიკური ჯგუფის „ევროპელი სოციალისტების“ თავმჯდომარეს ფრიდონ ინჯიას მიაჩნია, რომ საპარლამენტო უმრავლესობას არ აქვს ვალდებულება ქვეყნის პრეზიდენტს ამა თუ იმ კანონპროექტის მიღების საკითხი შეუთანხმოს.

ამის შესახებ პოლიტიკური ჯგუფის თავმჯდომარემ პარლამენტის იურიდიულ საკითხთა კომიტეტის სხდომაზე განაცხადა, სადაც „საქართველოს საარჩევნო კოდექსში “ ცვლილების შეტანის შესახებ საქართველოს პრეზიდენტის მოტივირებული შენიშვნები განიხილეს.

აღნიშნული ცვლილებები კომიტეტის სხდომაზე საქართველოს პრეზიდენტის საპარლამენტო მდივანმა გიორგი მსხილაძემ წარმოადგინა.

„ბატონო გიორგი, როცა თქვენ დაგჭირდათ, მაშინ თქვით, რომ უმრავლესობამ აირჩია პრეზიდენტი. პარლამენტის დღევანდელი უმრავლესობა არჩეულია საქართველოს მოსახლეობის უმრავლესობის მიერ.

ეხლა რაც შეეხება საკითხს, უნდა შეუთანხმოს თუ არა უმრავლესობამ გარკვეული საკანონმდებლო ინიციატივები პრეზიდენტს, ამის აუცილებლობას მე ვერ ვხედავ.

კანონი ყველასთვის უნდა იყოს მისაღები და ათეული და მეტი წლები უნდა მოქმედებდეს. შეუძლებელია კანონი იცვლებოდეს ახალი პოლიტიკური რეალობებიდან გამომდინარე.

დღეს ის (სალომე ზურაბიშვილი) ჩემი პრეზიდენტი არ არის. მე მას მივეცი ხმა, მაგრამ შევცდი და ვფიქრობ, მე დღეს უმცირესობაში არ ვარ.

მე მგონი, თქვენ სხვა სიბრტყეში ხართ დღეს“, – მიაჩნია ფრიდონ ინჯიას.

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია აცხადებს, რომ თუკი, „ხალხის ძალა“ საქართველოს პარალმენტში დააინიცირებს წინადადებას 2008 წლის აგვისტოს ომის შემსწავლელი დროებითი საგამოძიებო კომისიის შექმნის შესახებ, იგი ამას მხარს დაუჭერს და აქ არ აქვს მნიშვნელობა პირველობას, მიუხედავად იმისა, რომ „ევროპელი სოციალისტების“ პოლიტიკური ჯგუფის თავმჯდომარემ ეს საკითხი დღის წესრიგში ერთი წელზე მეტი ხნის წინ დააყენა.

🔷 „ამ საკითხთან დაკავშირებით ერთ წელზე მეტია, რაც ჩვენ გავაკეთეთ განცხადება როგორც პრეს-კონფერენციაზე, ასევე პარლამენტის პლენარულ სხდომათა დარბაზიდან არაერთხელ და აღვნიშნეთ, რომ ასეთი კომისიის შექმნა აუცილებელია.

🔷 მიმაჩნია, რომ 2008 წლის აგვისტოს ომის შემსწავლელი დროებითი საგამოძიებო კომისიის შექმნა აუცილებელია დღესვე და არა 10-12 წლის შემდეგ.

🔷 შესაბამისად, ჩვენი პარტიისთვის და პოლიტიკური ჯგუფისთვის ეს საკითხი დღესაც აქტუალურია.

🔷 მაშინ, როდესაც ჩვენ გამოვედით ამ ინიციატივით, ვითხოვდით ყველაფრის დადგენას. თუ რა, როგორ მოხდა და როგორ გაიყიდა ჩვენი მიწა, როგორ დავკარგეთ ქვეყნის ტერიტორიების 20% – ი, როგორ დავკარგეთ ჩვენ კოდორის ხეობა, რომელიც ამ ომში არ იყო ჩართული და მრავალი სხვა. ეს საკითხი აქტუალურია დღესაც და ამას არ სჭირდება არავითარი პირობები“. – მიაჩნია ფრიდონ ინჯიას.

🔷 დეპუტატის განცხადებით, თავის დროზე, როცა მის მიერ დროებითი საგამოძიებო კომისიის შექმნის აუცილებლობის შესახებ გაკეთდა განცხადება, „ხალხის ძალის“ წარმომადგენლები მხარს უჭერდნენ ამ ინიციატივას, მაგრამ საჭირო 50 ხმის მოგროვების პრობლემა იდგა დღის წესრიგში, რადგან „ე.წ. ოპოზიცია გამოდიოდა ამ ინიციატივის წინააღმდეგ, რადგან ისინი თავად იყვნენ ამ პროცესების მონაწილეები“.

🔷 „როგორც აღვნიშნე, ეს საკითხი ჩვენს მიერ იყო დაინიცირებული და „ხალხის ძალის“ წარმომადგენლები მაშინ ჩვენ მხარს გვიჭერდნენ, მაგრამ ვინაიდან 50 ხმა იყო საჭირო და ე.წ ოპოზიციას ამაში ჩვენ მხარს არ გვიჭერდა, რადგან თვითონ იყვნენ ამ პროცესის მონაწილეები, საბოლოო გადაწყვეტილებით ამ ინიციატივას მსვლელობა არ მიეცა.

🔷ეხლა რადგანაც „ხალხის ძალა“ შედის უმრავლესობაში, მათ შეილება მიიღეს გარანტია მმართველი პარტიის მხრიდან, რომ ისინი მიიღებენ იმ 50 ხმას, ამ საკითხის დასაინიცირებლად.

🔷 აქ პირველობაზე არ არის საუბარი. ვინც ამ საკითხს გაიტანს, ნათელს მოჰფენს რეალობას და საქართველოს მოსახლეობას მისცემს საშუალებას იცოდეს სიმართლე, თუ როგორ და ვისი მეშვეობით დაიკარგა საქართველოს მიწები, ჩვენ ამ ინიციატივას ყველანაირად მხარს დავუჭერთ“. – განაცხადა დეპუტატმა.