📍 „დასავლეთის ყველა ქმედება საქართველოსთან მიმართებაში არის სისტემის ნაწილი, რომლის მიზანია ქვეყანაში ჰყავდეთ მართვადი ხელისუფლება. ევროკავშირის კანდიდატის სტატუსი და 12 რეკომენდაცია მოგონილია „ქართული ოცნების“ ხელისუფლების შესაცვლელად“. – ფრიდონ ინჯია.
🔹 ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს პარლამენტის იურიდიულ საკითხთა კომისიის სხდომაზე განაცხადა, სადაც მეორე მოსმენით „საერთო სასამრთლოების“ შესახებ კანონში ცვლილებები განიხილეს, რომელიც ევროკომისიის 12 რეკომენდაციის ერთერთ ვალდებულებას წარმოადგენს. ფრიდონ ინჯიამ კომიტეტის სხდომაზე საპარლამენტო უმრავლესობას კიდევ ერთხელ მოუწოდა აიღოს პასუხისმგებლობა ყველა მნიშვნელოვან პროცესზე, რომელიც საკანონმდებლო ხელისუფლების პრეროგატივას წარმოადგენს.
🔹 დეპუტატის განცხადებით, მნიშვნელოვანი იყო საპარლამენტო უმრავლესობის გადაწყვეტილება იუსტიციის უმაღლესი საბჭოს წევრების არჩევის შესახებ. ასევე, დროული გახლდათ ცესკოს თავმჯდომარისა და წევრების არჩევის წესთან დაკავშირებით მიღებული გადაწყვეტილება, თუმცა, ფრიდონ ინჯიას მიაჩნია, რომ იმ ოპოზიციონერ დეპუტატთა ხმები, რომლებმაც მხარი დაუჭირეს ამ ცვლილებას, არ აიღებენ არანაირ პასუხისმგებლობას ამ გადაწყვეტილებასთან მიმართებაში. „
🔹 „პასუხისმგებლობა მაინც იქნება თავიდან ბოლომდე თქვენზე, როგორც მმართველი პოლიტიკური ძალის“. – აღნიშნა დეპუტატმა.
🔹 ფრიდონ ინჯიამ კიდევ ერთხელ გაუსვა ხაზი, რომ ევროკომისიის გადაწყვეტილება საქართველოსთვის კანდიდატის სტატუსზე უარის თქმის შესახებ, იყო მხოლოდ პოლიტიკური გადაწყვეტილება, მიუხედავად იმისა, რომ საქართველო ყველა პარამეტრით წინ უსწრებდა როგორც უკრაინას, ასევე, მოლდოვას. ამასთან, დეპუტატის აზრით, აბსოლუტურად გაუგებარია თუ რის საფუძველზე შეიმუშავა ევროკომისიამ 12 რეკომენდაცია, მით უფრო, თუ გავითვალისწინებთ, რომ 27 ქვეყნიდან, რომელიც ევროკავშირის წევრია, მსგავსი სახის შესასრულებელი პირობები რეკომენდაციების სახით თავის დროზე არცერთი მათგანისთვის არ წაუყენებიათ.
🔹 პოლიტიკური ჯგუფის თავმჯდომარე მიიჩნევს, რომ სახელმწიფოში გადამწყვეტი როლი ენიჭება კანონის უზენაესობას და ის ათასობით საქმე, რომელიც წლებია თაროზეა შემოდებული, პროკურატურამ უნდა განიხილოს და აღასრულოს კანონი.
🔹 ფრიდონ ინჯიას აზრით, მისთვის მისაღებია უმრავლესობის მიერ შემუშავებული „საერთო სასამრთლოების“ შესახებ კანონი და იგი ამ კანონის მიღებას მხარს დაუჭერს.
🔹 „საერთო სასამართლოების“ შესახებ კანონი უნდა მივიღოთ არა იმისთვის, რომ შევასრულოთ ევროკომისიის 12 რეკომენდაცია, არამედ იმისთვის, რომ კანონი გამოადგეს ქვეყანას და მომავალ თაობებს“.- აღნიშნა ფრიდონ ინჯიამ.
🔹 დეპუტატმა პარალელი გაავლო სააკაშვილის ხელისუფლების პერიოდსა და დღევანდელი ხელისუფლების მმართველობას შორის და აღნიშნა, რომ სააკაშვილის პერიოდში პრაქტიკულად, გამორიცხული იყო კრიტიკული აზრის გამოთქმა, მით უმეტეს, საჯაროდ და ღიად. „ქართული ოცნების“ ხელისუფლებამ კი, ეს მოახერხა და დღეს არის შესაძლებელი საკუთარი აზრი ღიად დააფიქსიროს ყველამ. „მაგრამ ამ ყველაფერს აქვს მეორე მხარე, „ქართული ოცნების“ ხელისუფლებამ უნდა გამოიჩინოს მეტი პრინციპულობა ქვეყნისთვის საკვანძო და მნიშვნელოვან საკითხებთან მიმართებაში“. – დასძინა დეპუტატმა.
🔹 რაც შეეხება ევროკავშირის კანდიდატის სტატუსს, პოლიტიკური ჯგუფის თავმჯდომარემ ხაზგასმით აღნიშნა, რომ ევროკავშირის კანდიდატის სტატუსი მოგონილია „ქართული ოცნების“ ხელისუფლების შესაცვლელად.
🔹 „დასავლეთის ყველა ქმედება საქართველოსთან მიმართებაში არის სიტემის ნაწილი, რომლის მიზანია ქვეყანაში ჰყავდეთ მართვადი ხელისუფლება. ევროკავშირის კანდიდატის სტატუსი და 12 რეკომენდაცია მოგონილი „ქართული ოცნების“ ხელისუფლების შესაცვლელად“. – განაცხადა ფრიდონ ინჯიამ.
ფრიდონ ინჯია – ისეთი კანონპროექტები გვჭირდება, რომლებიც ჩვენი ქვეყნიდან მიგრაციის პროცესს საქართველოს სასარგებლოდ შეცვლის
„უნდა შემუშავდეს ისეთი კანონპროექტები, რომლებიც საქათველოდან მიგრაციის პროცესს ჩვენს სასარგებლოდ შეცვლის, სტიმულს მისცემს ქართულ დიასპორებს დააბანდონ კაპიტალი საქართველოს ეკონომიკის გაძლიერებაში, ასევე სტიმულირებას გაუკეთებენ საქართველოს კერძო სექტორს მათთვის საჭირო კვალიფიციური კადრები ქართული დიასპორებიდან მოიზიდონ“.
ამ საკითხებზე პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს პარლამენტის დიასპორისა და კავკასიის საკითხთა კომიტეტის სხდომაზე ისაუბრა, სადაც განიხილეს და მხარი დაუჭირეს საქართველოს განვითარებისთვის ქართული დიასპორის ჩართულობისა და მდგრადი კაპიტალის მოზიდვის მიზნით თემატური მოკვლევის ჯგუფის შექმნას.
„ამ მოკვლევისგან ველოდებით იმას, რომ კომიტეტს ჰქონდეს დასაბუთებული, გამყარებული საფუძველი ისეთი კანონპროექტების მოსამზადებლად, რომელიც სტიმულს მისცემს უცხოეთში მცხოვრებ ჩვენს თანამემამულეებს ჩამოვიდნენ და იქ დაგროვებული კაპიტალი მოიზიდონ საქართველოში. უნდა შევიმუშაოთ ისეთი კანონპროექტები, რომელიც მიგრაციას ჩვენს სასარგებლოდ შეცვლის. ეს ნიშნავს იმას, რომ ამ კვლევაში უნდა იყოს არგუმენტაცია, ფაქტორები, უნდა იყოს შესწავლილი სხვადასხვა ქვეყნის მაგალითები“, – განაცხადა ფრიდონ ინჯიამ.
ამასთანავე დეპუტატმა ყურადღება გაამახვილა უცხოეთში განათლებამიღებული კადრების საქართველოს კერძო სექტორში დასაქმების შესაძლებლობაზეც.
„თუ იმას მოვახერხებთ, რომ აქ კერძო სექტორში დასაქმდებიან კადრები, რომლებმაც უცხოეთში მიიღეს განათლება, მაშინ შეიძლება ითქვას, რომ ჩვენ ჩვენი სიტყვა ვთქვით. ამ პროცესს უნდა დაეხმაროს საკანონმდებლო ბაზა, რომლიც სტიმულს მისცემს კერძო სექტორს დაასაქმოს და ხელი შეუწყოს ჩვენი თანამემამულეების დაბრუნებას საქართველოში“, – ხაზი გაუსვა ფრიდონ ინჯიამ.
დეპუტატმა კომიტეტის სხდომაზე ასევე დააყენა საკითხი საქართველოდან წასული ემიგრანტებისთვის საქართველოს მოქალაქეობის მიღების პროცედურების გამარტივების აუცილებლობისა და მნიშვნელობის შესახებ.
მისი თქმით, ძალიან ბევრია ისეთი ადამიანი, რომელმაც სხვადასხვა ობიექტური მიზეზის გამო წლების წინ საქართველო დატოვა და ახლა ვერ ახერხებს მოქალაქეობის მიღებას.
ამის მაგალითად ფრიდონ ინჯიამ კომიტეტის წევრებს მოასმენინა მოსკოვში მცხოვრები ერთ-ერთი თანამემამულის ირინა ჯოგლიძის მიერ სოციალურ ქსელში საქართველოს პარლამენტის, პრემიერ-მინისტრის, პრეზიდენტისა და მთავრობის წევრების მისამართით გავრცელებული ვიდეომიმართვა, რომელშიც ემიგრანტი საუბრობს პირადად მისი და მისი აწგარდაცვლილი მეუღლის მიერ წლების განმავლობაში ქართული სახელმწიფოსთვის და რუსეთში არსებული ქართული სათვისტომოსთვის გაწეული ღვაწლის შესახებ. როგორც ემიგრანტი აღნიშნავს, საგამონაკლისო წესით საქართველოს მოქალაქეობის მიღებაზე მას უარი ეთქვა, რაც მას ეჭვს უჩენს მოქალაქეობის საკითხთა კომისიის წევრების ობიექტურობასა და კომპეტენციასთან დაკავშირებით.
პარლამენტის დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ საპასუხოდ განაცხადა, რომ პირადად მასთანაც ძალიან ბევრი მსგავსი საქმე შედის, თუმცა არსებობს გარკვეული მიზეზები, რის გამოც კომისიის მიერ ხარვეზდება ესა თუ ის განაცხადი.
კომიტეტის თავმჯდომარე ფრიდონ ინჯიას ამ კონკრეტული შემთხვევის სამუშაო რეჟიმში განხილვას დაჰპირდა.
ამასთანავე ფრიდონ ინჯიამ ყურადღება გაამახვილა რუსეთის ფედერაციაში ქართული დიასპორის წინაშე არსებულ საჭიროებებზეც, რაც, მისი თქმით, დიასპორისა და კავკასიის საკითხთა საპარლამენტო კომიტეტმა წლიური გეგმის თანახმად უნდა განიხილოს.
„ამ დღეებში რუსეთის ფედერაციაში ქართული დიასპორის დღეები იმართება, და ჩვენი სათვისტომო ყოველთვის ძალიან ღირსეულად და მაღალ დონეზე ახერხებს თავის წარმოჩენას. კარგი იქნება, თუ საქართველოში გარკვეულ ღონისძიებებზე მოვიწვევთ იმ ქართველებს.
იყო დრო, როდესაც ბევრს ანკეტაში არ შეჰქონდა თავისი ქართული ეროვნება უხერხულობის გამო… თუმცა დღეს რუსეთის ფედერაციაში შეიცვალა მდგომარეობა, იქიდან გამომდინარე, რომ იქ გამოჩნდა ერთი ადამიანი – დავით ცეცხლაძე, რომელმაც ჩვენი თანამემამულეები იქ გააერთიანა და მათ ხელმძღვანელობს“, – განაცხადა ფრიდონ ინჯიამ.
მისი თქმით, მხოლოდ მოსკოვში შესაძლოა იყოს 400-500 ათასი ჩვენი თანამემამულე.
„რუსეთში 90 რეგიონია. წარმოიდგინეთ, ამ რეგიონებში 1000-დან 10 ათასამდე ჩვენი თანამემამულე ცხოვრობს თავისი ოჯახებით. მხოლოდ დიასპორის კონცერტებზე 2000 კაცი მიდის, მათ ხომ ჰყავთ ოჯახის წევრებიც. იქ მილიონამდე ჩვენი თანამემამულე ცხოვრობს. ბევრი ამბობს მხოლოდ 100 000-მდეო, თუმცა როგორ შეიძლება 100 ათასამდე იყოს, როდესაც მხოლოდ აფხაზეთიდან, კონფლიქტის დროს 200-300 ათასამდე ჩვენი თანამოქალაქე წავიდა იქ“, – განაცხადა დეპუტატმა ინჯიამ.
საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიასა და პოლიტიკური ჯგუფის წევრების შეხვედრაზე საქართველოში ჩინეთის ელჩის ეკონომიკურ და პოლიტიკურ მრჩეველებთან ისაუბრეს ორი ქვეყნის სამომავლო ურთიერთობების გაღრმავების საკითხებზე, როგორც ეკონომიკურ, ასევე პოლიტიკურ ჭრილში.
პოლიტიკური ჯგუფის თავმჯდომარე ფრიდონ ინჯია შეხვედრაზე გამოვიდა ინიციატივით შეიქმნას ერთობლივი ჯგუფი, რომელიც იმუშავებს სხვადასხვა მნიშვნელოვან ეკონომიკურ საკითხებთან დაკავშირებით, რაც თავის მხრივ პოპულარიზაციას გაუწევს იმ ერთობლივ ეკონომიკურ პროექტებს, რაც მიმზიდველი და მისაღები იქნება ორივე მხარისთვის.
„ჩვენი წინადადებაა შეიქმნას ერთობლივი ჯგუფი ეკონომიკურ საკითხებთან დაკავშირებით, სადაც ჩვენი მხრიდან მონაწილეობას მიიღებს პარტიის ეკონომიკური რეფორმების ჯგუფი. ვფიქრობ, ამ ინიციატივის განხორციელება იქნება ძალიან მნიშვნელოვანი მომავალი ეკონომიკური ურთიერთობის გაღრმავების თვალსაზრისით“. – განაცხადა შეხვედრაზე ფრიდონ ინჯიამ.
პოლიტიკური ჯგუფის თავმჯდომარემ ასევე, ყურადღება გაამახვილა საქართველოში მცირე და საშუალო ბიზნესის განვითარებაზე და ამ მხრივ ხაზი გაუსვა ჩინეთის გამოცდილებას.
„თქვენ წარმოადგენთ ქვეყანას, რომელიც თავისი პოლიტიკით და ეკონომიკური განვითარებით არის სამაგალითო. ხაზი მინდა გავუსვა იმ გარემოებას, რომ ჩვენი პარტიის პოლიტიკური ხედვა და კონცეფცია ძალიან ახლოს არის ჩინეთის სახალხო რესპუბლიკის ძირითად ხედვებთან და სოციალურ პოლიტიკასთან, რასაც სათავეში უდგას ჩინეთის კომუნისტური პარტია. აქედან გამომდინარე, ჩვენთვის მნიშვნელოვანია მჭიდრო ურთიერთობების დამყარება იდეოლოგიურად ერთ პლათფორმაზე მყოფ პოლიტიკურ პარტიასთან. ჩვენი ქვეყანა პატარაა, მაგრამ მას რეგიონში უკავია მნიშვნელოვანი სტრატეგიული ადგილი თავისი უძველესი კულტურით, ტრადიციებით, ადათ-წესებით, ადგილმდებარეობით, ისტორიით და მრავალი სხვა, რაც ქვეყნის ქონებას და ძირითად ფასეულობას წარმოადენს“. – აღნიშნა ფრიდონ ინჯიამ.
დეპუტატის თქმით, საქართველო, რეგიონში როგორც გეოპოლიტიკურად მნიშვნელოვანი სატრანზიტო ფუნქციის მქონე ქვეყანა, ორ სახელმწიფოს შორის უნდა გახდეს უმნიშვნელოვანესი სატრანზიტო ჰაბი, როგორც სატრანსპორტო, საჰაერო, ასევე საზღვაო დამაკავშირებელი რგოლი აზიასა და ევროპას შორის;
დეპუტატმა შეხვედრაზე ასევე განაცხადა, რომ საქართველო დაინტერსებულია იმ ახალი თანამედროვე ტექნოლოგიების დანერგვით, რომელიც ჩინეთის სახალხო რესპუბლიკაში საკმაოდ მაღალ დონეზე არის განვითარებული და ამ მხრივ ძალიან მნიშვნელოვანია კადრების გადამზადება და კვალიფიკაციის ამაღლება.
ამასთან როგორც ფრიდონ ინჯიამ განაცხადა, პოლიტიკური ჯგუფი მზად არის ურთიერთშეთანხმების საფუძველზე საკანომდებლო დონეზე შემუშავდეს სხვადასხვა ეკონომიკური ხასიათის პროექტები.
„ძალიან მნიშვნელოვანია მოხდეს ახალი, თანამედროვე ციფრული ტექნოლოგიების დანერგვა რეგიონში ეკოლოგიურად სუფთა ენერგიის განახლებადი წყაროების გამომუშავებისა და გამოყენების მიზნით. ამასთან ხაზი მინდა გავუსვა მაღალტექნოლოგიურ სფეროში ჩინური გამოცდილების გაზიარების ხელშეწყობას, მათ შორის, მზის ბატარეების ერთობლივი საწარმოების შექმნის იდეას და ასევე ქარისა და სხვადასხვა ალტერნატიული ენერგიების წყაროების დანერგვას“. – აღნიშნა პოლიტიკური ჯგუფის თავმჯდომარემ.
ფრიდონ ინჯია შეხვედრაზე გამოვიდა ინიციტივით, რომ საქართველოს ერთ-ერთ ყველაზე დიდ სოფელში განხორციელდეს „სადემონსტრაციო ერთობლივი სოფლის მოდელი“, რომლის მიზანი იქნება ახალი თანამედროვე ტექნოლოგიების დანერგვა, სოფლის აღორძინება, რაც გააჩენს შესაძლებლობას შეიქმნას სოფლის სრულიად ახალი მოდელი მაღალი ტექნოლოგიების გამოყენებით, რომელსაც გარკვეულ წილად სადემონსტრაციო ხასიათი ექნება.
„ასევე, მნიშვნელოვანია ქართველ და ჩინელ მეწარმეებს შორის ეფექტური თანამშრომლობის გაღრმავების ხელშეწყობა. უპირველეს ყოვლისა, ქართულ-ჩინური მცირე და საშუალო საწარმოების მხარდაჭერის პროგრამების განხორციელება; გარდა ამისა, სასწავლო პროგრამების, კვალიფიკაციის ამაღლებისა, სტუდენტთა გაცვლითი პროგრამების და გამოცდილების გაზიარება, სხვადასხვა ერთობლივი პროგრამების განხორციელება.“ – აღნიშნა დეპუტატმა.
საქართველოს პარლამენტის ვიცე-სპიკერის ავთანდილ ენუქიძის განაცხადებით, იგი მიესალმება ორ ქვეყანს შორის კონტაქტების გაღრმავებას, განსაკურებით ეკონომიკისა და ბიზნეს თანამშრომლობის კუთხით.
„ჩვენ მივესალმებით ჩინეთის რესპუბლიკასთან კონტაქტების გაღრმავებას და ეს ორივე ქვეყნისთვის იქნება კარგი და პირველ რიგში, საქართველოსთვის. ჩვენ მხარს ვუჭერთ ერთი ჩინეთის პრინციპს.“ – განაცხადა ავთანდილ ენუქიძემ.
პარლამენტის ვიცე-სპიკერის თქმით, მნიშვნელოვანია რომ საქართველოში მოხდეს ელექტრომობილების წარმოება და ამ მხრივ სწორი გადაწყვეტილება იქნებოდა საქართველოში გახსნილიყო ჩინეთის წარმომადგენლობა, რაც ელექტრომობილების ევროპაში რეალიზაციისთვის იქნება კარგი.
პარტიის პოლიტსაბჭოს წევრის გიორგი მაღლაკელიძის განცხადებით, ძალიან მნიშვნელოვანია საქართველოში მცირე და საშუალო ბიზნესის განვითარება და ამ მხრივ ჩინეთის გამოცდილების გაზიარება როგორც კვალიფიკაციის ამაღლების თვალსაზრისით, ასევე სხვადასხვა გაცვლითი პროგრამების განხორციელების მიზნით.
პარტიის პოლიტსაბჭოს წევრის ვიქტორ ცაავას თქმით, პარტია „ევროპელი სოციალისტები“ და „ჩინეთის სახალხო რესპუბლიკის კომუნისტური პარტია“ ერთ იდეოლოგიურ პლათფორმაზე დგას, აღიარებს ერთი ჩინეთის პრინციპს და მზად არის როგორც მეგობარი, ყოველთვის გვერდში იდგეს ჩინეთის სახალხო რესპუბლიკასთან.
თავის მხრივ საქართველოში ჩინეთის ელჩის ეკონომიკური მრჩევლის ჭაო ჩუანმა შეხვედრაზე აღნიშნა, რომ ჩინეთ-საქართველოს ეკონომიკურ თანამშრომლობის ხანგრძლივი ისტორია აქვს და სავაჭრო მოცულობა დიდი ხნის განმავლობაში ინარჩუნებდა სწრაფი ზრდის ტენდენციას.
„საქართველო იყო პირველი ქვეყანა ევრაზიის რეგიონში ვისთანაც ჩინეთმა ხელი მოაწერა თავისუფალი ვაჭრობის შესახებ ხელშეკრულებას 2017 წელს. ორმხრივმა სავაჭრო მოცულობამ 380 მილიონ დოლარს მიაღწია და ჩინეთი კვლავ რჩება საქართველოს მესამე ყველაზე დიდ სავაჭრო პარტნიორად. საქართველოს აქვს სტაბილური მაკროეკონომიკა, ეკონომიკური თავისუფლების მარალი მაჩვენებელი და კარგი საინვესტიციო გარემო.
ენერგო რესურსების სფეროში საქართველოსა და ჩინეთს დიდი პერსპექტივა აქვს. ამასთან უმნიშვნელოვანესია შუა დერეფნის პროექტის განხორციელება, რაც გრძელვადიანი თანამშრომლობის პერსპექტივას იძლევა.
ჩვენ გვსურს მხარი დავუჭიროთ ქართულ კომპანიებს ისარგებლონ თავისუფალი ვაჭრობის ხელშეკრულებით და მონაწილეობა მიიღონ ჩინეთში საერთაშორისო გამოფენებში ეს იქნება ალკოჰოლური სასმელების გამოფენა თუ სხვა მნიშვნელოვანი ღონისძიებები.
შესაბამისად, ვფიქრობ, გაიზრდება ცნობიერება და ქართულ კომპანიებს ჩინეთის დიდ ბაზარზე წარმოჩინების შესაძლებლობა მიეცემათ.“ – განაცხადა მან.
ელჩის პოლიტიკური მრჩევლის, სიუ ხაიჭენგის განცხადებით, საპარლამენტო პოლიტიკური პარტიებიდან ჩინეთის სახალხო რესპუბლიკის საელჩოს საქართველოში ყველაზე კარგი ურთიერთობა სწორედ „ევროპელ სოციალისტებთან“ აქვს.
„ჩვენ მომავალში ჩინეთის ელჩის მითითების შესაბამისად, აქტიურად დავუჭერთ მხარს პარტია „ევროპელი სოციალისტების“ მჭიდრო ურთიერთ თანამშრომლობას „ჩინეთის სახალხო რესპუბლიკის კომუნისტურ პარტიასთან“ – აღნიშნა სიუ ხაიჭენგმა.
მან ასევე მიმოიხილა ის საგანმანათლებლო პროექტები, რომლებიც საქართველო ჩინეთის მთავრობებს შორის ურთიერთ შეთანხმების საფუძველზე საქართველოში საკმაოდ წარმატებით ხორციელდება.
შეხვედრის დასასრულს მხარეებმა მადლობა გადაუხადეს ერთმანეთს საინტერესო თემების მიმოხილვისთვის და სამომავლო თანამშრომლობისა და შეხვედრების მზაობა გამოთქვეს.
საქართველოს პარლამენტის პოლიტიკური ჯგუფის თავმჯდომარე ფრიდონ ინჯია „ქართულ ოცნებას“ მოუწოდებს აიღოს პასუხისმგებლობა როგორც საპარლამენტო უმრავლესობის ხელისუფლებამ ყველა მნიშვნელოვან პროცესზე, რომელიც საკანონმდებლო ხელისუფლების პრეროგატივას წარმოადგენს.
დეპუტატის განცხადებით, სხვადასხვა სირთულეებისა და კრიზისების თავიდან ასაცილებლად, საპარლამენტო უმრავლესობის ხელისუფლებამ დროულად უნდა მოაქციოს შესაბამისი კანონები დემოკრატიული პრინციპების ჩარჩოში.
ამის შესახებ ფრიდონ ინჯიამ პარლამენტის იურიდიულ საკითხთა კომიტეტის სხდომაზე განაცხადა, სადაც „საქართველოს ორგანულ კანონში „საქართველოს საარჩევნო კოდექსში“ ცვლილების შეტანის შესახებ იმსჯელეს.
ფრიდონ ინჯიას მიაჩნია, რომ ცესკოს შემადგენლობის არჩევა უნდა ხდებოდეს დემოკრატიული პრინციპებიდან გამომდინარე და გადაწყვტილებას უნდა იღებდეს საპარლამენტო უმრავლესობის ხელისუფლება.
„როდესაც საქართველოს პარლამენტი დღეს მოქმედ კანონს იღებდა, მე ვიყავი წინააღმდეგი და დღესაც მიმაჩნია, რომ ცესკოს თავმჯდომარისა და წევრების არჩევა უნდა მოხდეს არა 2/3-ის თანხმობით, არამედ უმრავლესობით, რადგან მე არა მგონია, რომ ცესკოს თამჯდომარეს უფრო მეტი ლეგიტიმაცია ჰქონდეს ვიდრე საქართველოს პრემიერ მინისტრს, რომელსაც პარალმენტი ირჩევს 76 ხმით, რომელიც პრინციპში როგორც მთავრობის მეთაური არის პირველი პირი“. – განაცხადა ფრიდონ ინჯიამ.
დეპუტატმა კომიტეტის სხდომაზე ასევე, ყურადღება გაამახვილა სხვა მნიშვნელოვანი კანონების დემოკრატიულ საწყისებზე დაბრუნების აუცილებლობის შესახებ, რადგან როგორც გამოცდილება აჩვენებს ფრიდონ ინჯიას თქმით, გაუგებარ კომპრომისებზე წასვლა, საბოლოო ჯამში მხოლოდ და მხოლოდ კრიზისებს იწვევს და ოპოზიციის მხრიდან არავითარი პასუხისმგებლობის გაზიარება არ ხდება. ამის ნათელი მაგალითია ბოლო 2 წლის მანძილზე ცესკოს თავმჯდომარისა და წევრების არჩევასთან დაკავშირებით შექმნილი კრიზისული სიტუაცია.
ფრიდონ ინჯიას განცხადებით, შექმნილი რთული ვითარებიდან გამომდინარე უმრავლესობა იძულებული გახდა მოემზადებინა ახალი საკანონმდებლო ცვლილება საარჩევნო კოდექსში, რომლის თანახმადაც რეგულირდება ცესკოს შემადგენლობის არჩევის წესი.
წარმოდგენილი ინიციტივით ცესკოს თავმჯდომარეობის და ე.წ. პროფესიული წევრობის კანდიდატების შერჩევის და პარლამენტისთვის წარდგენის პრეროგატივა პრეზიდენტის ნაცვლად, პარლამენტის თავმჯდომარეს ექნება.
ასევე, იცვლება ცესკოს შემადგენლობის არჩევასთან დაკავშირებული პროცედურა, – კვორუმის წესი და დღეს მოქმედი კანონის თანახმად, ნაცვლად ხმათა 2/3 -ისა ცესკოს შემადგენლობის არჩევა 76 ხმით მოხდება და ისინი თანამდებობას 5 წლის ვადით დაიკავებენ.
საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ტელეკომპანია „სეზონი ტვ“-ზე საქართველოსა და მსოფლიოში მიმდინარე აქტუალური პოლიტიკური თემები მიმოიხილა.
დეპუტატმა აუდიტორიას გააცნო პოლიტიკური ჯგუფის უახლოესი საპარლამენტო გეგმები 30 აპრილის აქციაზე გაჟღერებული მოთხოვნებიდან გამომდინარე, რაც საკანონმდებლო პაკეტის უახლოეს პერიოდში პრეზენტაციას გულისხმობს.
„30 აპრილს თბილისში შედგა მანიფესტაცია, სადაც აქციის ორგანიზატორებმა გააჟღერეს მოთხოვნები ხელისუფლების მიმართ. ეს ის მოთხოვნებია, რომელიც საზოგადოებისა და ხალხის ძირითად სათქმელსა და გულისტკივილს წარმოადგენს და იგი ეხება, როგორც აღმასრულებელ ასევე, საკანონმდებლო ხელისუფლებას.
30 აპრილის აქციაზე გაჟღერებული მიმართვიდან მე ყურადღება გავამახვილე 8 მნიშვნელოვან და ძირითად პოსტულატზე, საიდანაც მე და ჩემმა პოლიტიკურმა გუნდმა შევიმუშავეთ კანონპროექტთა პაკეტი, რომლის პრეზენტაცია მომავალ კვირას შედგება. პირველ ეტაპზე საზოგადოებას გავაცნობთ პირველ 3 კანონპროექტს და საბოლოო ჯამში, ჩვენს მიერ ინიცირებული იქნება 7 კანონპროექტი“. – განაცხადა ფრიდონ ინჯიამ.
დეპუტატის განცხადებით, საზოგადოების და ხალხის მოთხოვნაა, რომ ხელისუფლებამ გადადგას ქმედითი ნაბიჯები ქვეყნის ინტერსებიდან გამომდინარე და ის შესაძლებლობები, რაც დღეს ქვეყანას გააჩნია, მაქსიმალურად ოპტიმალურად იყოს გამოყენებული, ისევ და ისევ ხალხის კეთილდღეობისთვის.
ჟურნალისტის კითხვაზე თუ რას ითვალისწინებს „ევროპელი სოციალისტების“ მიერ მომზადებული კანონპროექტი ლგბტ თემასთან დაკავშირებით, ფრიდონ ინჯიამ ხაზი გაუსვა, რომ აღნიშნულ ცვლილებებში არ არის საუბარი რაიმე ტიპის აკრძალვაზე. კანონპროექტში საუბარია პროპაგანდის შეზღუდვაზე ისეთ ადგილებში როგორიც არის სკოლები, საბავშვო ბაღები, ძირითადი სასწავლო დაწესებულებები, საზოგადოების თავშეყრის ადგილები, სკვერები, კინოთეატრები, რადგან განსხვავებული ორიენტაციის პირთა მხრიდან მათი ცხოვრების წესის პროპაგანდა, ფრიდონ ინჯიას თქმით, საზოგადოებისთვის არის დაუშვებელი და მიუღებელი.
დეპუტატს მიაჩნია, რომ ამ საკითხის გადაწყვეტა სავსებით შესაძლებელია ცივილურად, როგორც ეს აპრობირებულია მსოფლიოს ბევრ ქვეყანაში.
„განსხვავებული ორიენტაციის ადამიანები იყვნენ ყოველთვის და არიან დღესაც და მათ არავინ არაფერს არ უკრძალავს, მაგრამ ჩვენი საზოგადოებისთვის მიუღებელია მათი მხრიდან საკუთარი ორიენტაციისა და ზოგადად ცხოვრების წესის პროპაგანდა. ამერიკის შეერთებული შტატებისგან განსხვავებით, ჩვენ პატარა ერი ვართ, მაგრამ დიდი ისტორია გვაქვს. საუკუნეების მანძილზე მოვიტანეთ ჩვენი ადათ- წესები, ოჯახის სიწმინდე, ტრადიცია და სიყვარული. ჩვენი რწმენით, ქრისტიანობით მოვდივართ და ვართ დღემდე. ჩვენს ადათ -წესს ჩვენ ვერაფერში ვერ გავცვლით, რაც არ უნდა იყოს ეს, ფინანსური სარგებელი, თუ რომელიმე საერთაშორისო ორგანიზაციაში გაწევრიანება. ჩვენი იდენტობის ძირითადი მახასიათებელი როგორიც არის ოჯახი, ადათ-წესები, ტრადიცია, წინაპრებისა და ისტორიის პატივისცემა, ფასდაუდებელია და იგი არაფერში არ გაიცვლება, ეს არის ჩვენი ერის ქონება“. – განაცხადა პოლიტიკური ჯგუფის თავმჯდომარემ.
გადაცემის წამყვანის მხრიდან დასმულ შეკითხვაზე, თუ როგორ აფასებს დეპუტატი უკრაინის ხელისუფლების ზოგიერთი წარმომადგენლის მხრიდან საქართველოსთან მიმართებაში გაკეთებულ არასახარბიელო განცხადებებსა თუ გამონათქვამებს, ფრიდონ ინჯიას მიაჩნია, რომ ამ კუთხით საქართველოს ხელისუფლებას მაქსიმალური თავშეკავება მართებს.
„საქართველოს ხელისუფლებამ უნდა შეინარჩუნოს სიმშვიდე. მსგავს განცხადებებზე არ უნდა მოახდინოს მძაფრი რეაგირება და გადადგას ნაბიჯები მხოლოდ ქვეყნის ინტერსებიდან გამომდინარ, რადგანაც ამ თვალსაზრისით პოლემიკაში და დაპირისპირებაში შესვლამ, შესაძლოა საქართველო დააზარალოს და ქვეყანას გარკვეულ საკითხებში ხელიც შეეშალოს.
დღეს, რომ გადავხედოთ უკრაინას, რეალობა არის ის, რომ ნახევარზე მეტი ქალაქი და დასახლებული პუნქტი განადგურებულია და აღარ არსებობს. უკრაინას თავისი პრობლემა აქვს და ვფიქრობ, დღეს არსებული გამოწვევები საქართველომ სწორად უნდა შეაფასოს და გონივრულად გადალახოს არსებული სირთულეები“.- მიაჩნია ფრიდონ ინჯიას.
დეპუტატის აზრით, უკრაინაში დღეს მიმდინარე პროცესებთან დაკავშირებით ქართულ საზოგადოების გარკვეულ ნაწილში შექმნილ ისტერიულ მიდგომაში უდიდესი წვლილი მიუძღვით ეგრეთ წოდებულ პარტიულ ტელევიზიებს, რომლებიც „ნაციონალური მოძრაობისა“ და მისი ფრთის ქვეშ არსებული სხვადასხვა პარტიების ნარატივებს უწევენ პროპაგანდას, რაშიც საკმაოდ სოლიდურ დაფინანსებას იღებენ.
ფრიდონ ინჯია იმედოვნებს, რომ ქართული საზოგადოება ნელ-ნელა, მოვლენების განვითარების შესაბამისად, მიხვდება და გააცნობიერებს იმ რეალობას, რა პოლიტიკური ვითარების წინაშე დგას დღეს ქვეყანა და შესაბამის დასკვნებს გამოიტანს.
რაც შეეხება უკრაინის ხელისუფლების წარმომადგენელთა მხრიდან გაკეთებულ კონკრეტულ რადიკალურ განცხადებებს იმის შესახებ, რომ მათ შესწევთ ძალა და უნარი საქართველოში ხელისუფლების ცვლილება განახორციელონ, ფრიდონ ინჯიას მიაჩნია, რომ ამ საკითხებზე უნდა იმუშაონ ხელისუფლების შესაბამისი უწყებების წარმომადგენლებმა, რათა მსგავსი ფაქტები არ დაუშვან და დროული რეაგირება მოახდინონ ასეთ ქმედებებზე.
სწორედ აქედან გამომდინარე, დეპუტატის აზრით, ძალიან მნიშვნელოვანია, რომ პროკურატურამ დაიწყოს თაროზე შემოდებული ათასობით საქმის განხილვა და აღასრულოს კანონის უზენაესობა. „ქვეყანაში უნდა სრულდებოდეს კანონი, უნდა ხდებოდეს დამნაშავის დასჯა. ასეთ ქვეყანაში განვითარების მეტი შესაძლებლობა და პერსპექტივა იარსებებს, სხვაგვარად კი, ქვეყანა მუდმივად იქნება დაძაბულ და პოლიტიკურად არასტაბილურ გარემოში“.
„კანონის ნახევრად შესრულება ანადგურებს კანონს და ზიანს აყენებს ქვეყანაში მიმდინარე სხვადასხვა მნიშვნელოვან პროცესებს. ამიტომ, ხელისუფლებამ მაქსიმალური უნდა გააკეთოს იმისთვის, რომ სახელმწიფოში დამკვიდრდეს კანონის უზენაესობა. რაც მისაღები იქნება ყველასთვის, მათ შორის, ევროპისთვის და ამერიკისთვის. სწორედ ასეთ შემთხვევაში მიაღწევს ქვეყანა განვითარებას და წინსვლას. საქართველო უნდა გახდეს მიმზიდველი როგორც ევროპისთვის, ასევე მეზობელი ქვეყნებისთვის. საქართველომ, კანონის უზენაესობით უნდა დაიკავოს თავისი მნიშვნელოვანი ადგილი ამიერკავკასიაში“ – აღნიშნა ფრიდონ ინჯიამ.
დეპუტატმა ასევე, ყურადღება გაამახვილა იმ სამწუხარო რეალობაზე, რაც ახალგაზრდებში განათლების საკმაოდ დაბალი დონით არის განპირობებული. აქ იგულისხმება საკუთარი ქვეყნის ისტორიის, წარსულის, იდენტობის ძირითადი მახასიათებლის არ ცოდნა და განათლების სიმწირე, რაც დეპუტატის აზრით, ნაწილობრივ გამოწვეულია ტექნოლოგიური პროგრესით და ასევე, ბოლო 30 წლის განმავლობაში ახალგაზრდების ე.წ „ტვინების გამორეცხვის“ მიზანმიმართული ტენდენციითა თუ პროპაგანდით.
ფრიდონ ინჯიას შეფასებით, მიუხედავად იმისა, რომ „ნაციონალურ მოძრაობაში“ დღეს გარკვეული პრობლემები არსებობს და პარტია პოლიტიკურად დასუსტებულია, ეს არ ნიშნავს იმას, „ნაც.მოძრაობა“ დაიშლება. პირიქით, დეპუტატის აზრით, საჭირო დროს პარტიის ფრთის ქვეშ დღეს არსებული გარკვეული სატელიტი პოლიტიკური ძალები გაერთიანდებიან და ხელისუფლება ამისთვის მზად უნდა იყოს.
ამ კონტექსტში კი ამერიკის შეერთებული შტატების ელჩის განცხადებები, რაც ძირითადად „ნაც.მოძრაობის“ და მისი ფრთის ქვეშ არსებული პარტიების მხარდაჭერაში გამოიხატება, დეპუტატს მიაჩნია, რომ ეს არის საქართველოს საგარეო უწყების უსუსურობა. ფრიდონ ინჯიას აზრით, ასევე გაუგებარი და მიუღებელია ამერიკის ელჩი ერეოდეს და მით უფრო, იღებდეს გადაწყვეტილებებს ქვეყნის საშინაო საკითხებთან დაკავშირებით.
ფრიდონ ინჯიას განცხადებით, ასეთ შემთხვევაში დიპლომატიაში არსებობს პრაქტიკა, როდესაც ქვეყნის საგარეო უწყება კონკრეტული დიპლომატისგან მოითხოვს ახსნა-განმარტებებს ამა თუ იმ საკითხთან დაკავშირებით.
„საქართველოში აკრედიტირებული დიპლომატიური მისიების და საელჩოების მთავარი დანიშნულება უნდა იყოს, მეგობრული ურთიერთობების მაქსიმალური გაღრმავება და ხელშეწყობა ორ ქვეყანას შორის“. – აღნიშნა ფრიდონ ინჯიამ.
ამის მაგალითად, დეპუტატმა მოიყვანა „3+3 ფორმატის“ პროექტი, რომელიც ინჯიას აზრით, საქართველოსთვის მომგებიანია და გაუგებარია ის წინააღმდეგობა, რაც საქართველოს სტრატეგიული პარტნიორი სახელმწიფოს მხრიდან წამოვიდა.
„თურქეთი, აზერბაიჯანი ყველაფერს აკეთებს იმისთვის, რომ განთავისუფლდეს პოლიტიკური კონიუქტურისგან, თუკი ესა თუ ის პროექტი მისი ქვეყნისთვის არის მომგებიანი. მიმაჩნია, რომ ეს არის ნამდვილად სწორი პოლიტიკური ხედვა და სახელმწიფოებრივი აზროვნება. თურქეთის ხელისუფლება ყველაფერს აკეთებს იმისთვის, რომ სახელმწიფო განავითაროს და მოგება მოუტანოს ქვეყანას. აქედან გამომდინარე, იგი მაქსიმალურად არის ჩართული ეკონომიკურ პროექტებში და აქვს ეკონომიკური, სავაჭრო ურთიერობები იგივე უკრაინასთან, რუსეთთან, ევროპასთან, ამერიკასთან. და დღეს კი, მსოფლიოში არსებული პოლიტიკური ვითარების გათვალისწინებით, საქართველოს აქვს ყველაზე დიდი შანსი გახდეს დამაკავშირებელი ჰაბი ამიერკავკასიის რეგიონში, როგორც ენერგო მატარებლების გატარების კუთხით, ასევე სხვა ეკონომიკური პროექტების განხორციელების თავლსაზრისით“. – მიაჩნია ფრიდონ ინჯიას.
რაც შეეხება საპრეზიდენტო არჩევნებს თურქეთის რესპუბლიკაში, სადაც ძირითადი კონკურენცია მოქმედ პრეზიდენტს ერდოღანსა და პრო ამერიკელ კანდიდატს შორის მიმდინარეობს, ფრიდონ ინჯიას მოსაზრებით, არჩევნებამდე შესაძლოა ბევრი რამ შეიცვალოს და დღეს არსებული პოლიტიკური სურათი რადიკალურად სხვაგვარი გახდეს. დეპუტატი არჩევნების პირველივე ტურში საბოლოო შედეგებს არ ელოდება. იგი თურქეთში არ გამორიცხავს საპრეზიდენტო არჩევნების მეორე ტურს. აქედან გამომდინარე, მისი თვალსაზრისით, საარჩევნო პროცედურების გათვალისწინებით, საბოლოო შედეგამდე, გარკვეული დრო იქნება საჭირო.
რაც შეეხება ჟურნალისტის შეკითხვას, საქართველოს მხრიდან პოლიტიკური გავლენების მოხდენის შანსის შესახებ რომელიმე დიდ სახელმწიფოზე, როგორიც არის, თურქეთი, ჩინეთი, ამერიკის შეერთებული შტატები ან რუსეთი, დეპუტატს მიაჩნია, რომ ვინაიდან საქართველო პატარა ქვეყანაა, მას არ ძალუძს მოახდინოს გარკვეული პოლიტიკური გავლენები მსოფლიოს ლიდერ ქვეყნებზე, ამიტომ საქართველოს და მის ხელისუფლებას ყველა მხრივ დიდი სიფრთხილეს გამოჩენა მართებს.
აქედან გამომდინარე, ფრიდონ ინჯიას მიაჩნია, რომ მსოფლიოში არსებული პოლიტიკური ვითარების გათვალისწინებით საქართველომ უნდა შეძლოს ოქროს შუალედის პოვნა, დაიკავოს ნეიტრალური პოზიცია და გამოიჩინოს პოლიტიკური სიფრთხილე ისევ და ისევ ქვეყნისა და მოსახლეობის ინტერსებიდან გამომდინარე, რადგანაც ცალსახად რომელიმე ქვეყანასთან პოლიტიკურად ასოცირება ეს იქნება ამერიკის შეერთებული შტატები, თუ რუსეთი, ქვეყანას მძიმე შედეგებს მოუტანს და იქნება დამღუპველი.
რაც შეეხება საქართველო – რუსეთის ურთიერთობებს, დეპუტატის განცხადებით, ახლა ჯერი რუსეთზეა, სწორედ რუსეთის ხელისუფლებამ უნდა გადადგას ნაბიჯები ეს იქნება უვიზო რეჟიმის შემოღება, თუ საჰაერო მიმოსვლის აღდგენა, რადგან თავის დროზე ასეთი გადაწყვეტილებები სწორედ რუსეთის ხელისულფებამ მიიღო.
საქართველო-რუსეთის ურთიერთობაშიც, დეპუტატის აზრით, საქართველოს მაქსიმალური სიფრთხილისა და სიმშვიდის შენარჩუნება მართებს, ვინაიდან არსებული შიდა თუ გარე ძალების მხრიდან პროვოკაციები გამორიცხული არ არის.
„ულტრა ლიბერალები დღეს არ აქცევენ ყურადღებას იმ გარემოებას, რომ საქართველოს დედაქალაქ თბილისიდან 30-40 კილომეტრში დგას რუსული ჯარი და რუსული სამხედრო ბაზები. ამით რუსეთმა თავისი პოზიციები გაამყარა და ეს მათ შემთხვევით არ გაუკეთებიათ. ამით ამიერკავკასიაში მათ საქართველო დაბლოკეს. ღმერთმა ნუ ქნას მოხდეს გარკვეული ძალების მხრიდან პროვოკაციები, ასეთ შემთხვევაში საქართველო აღმოჩნდება უმძიმეს მდგომარეობაში და გახდება პოლიგონი. ერთი ბომბის გავარდნაც კი, ქვეყანაში უმართავ პროცესებს გამოიწვევს. აქედან გამომდინარე, კიდევ ერთხელ ვიმეორებ საქართველოს და მის ხელისუფლებას მართებს მაქსიმალური სიფრთხილე და ქვეყანა უნდა იყოს მისაღები რეგიონში როგორც სამეზობლოსთვის, ასევე პარტნიორი ქვეყნებისთვის“. – მიაჩნია დეპუტატს.
პოლიტიკური ჯგუფის თავმჯდომარემ ყურადღება გაამახვილა აფხაზეთში არსებულ მძიმე ეკონომიკურ მდგომარეობაზე, კორუფციაზე იმ უკანონობაზე, რომელიც დღეს იქ არის.
„პრაქტიკულად, აფხაზეთში ახლა არის ის პერიოდი, რაც ჩვენ გავიარეთ 90-91 წლებში და შეიძლება უარესიც იყოს. აქედან გამომდინარე, შეიძლება დადგეს დრო პირველ რიგში, აფხაზებთან და შემდეგ რუსეთთან დალაპარაკების. შესაძლებელია შემუშავდეს დიალოგის ისეთი ფორმატი, რომელიც მისაღები იქნება აფხაზებისთვის, ქართველებისთვის და რუსებისთვისაც. სხვაგვარად არ გამოვა ურთიერთობა და ომით ამ საკითხის გადაჭრა შეუძლებელია. სხვა გზა, გარდა დიალოგისა არ არსებობს. 30 წელია ვისმენთ შეშფოთებას და თუ ასე გავაგრძელეთ, კიდევ 30 წელი მოვისმენთ შეშფოთებასა და აღშფოთებას. აქ უნდა იყოს პირდაპირი დიალოგი როგორც რუსეთთან, ისე აფხაზებთან და ოსებთან. უნდა მოიძებნოს მოლაპარაკებების პოლიტიკური ფორმატი ყოველგვარი შუამავლების გარეშე, რაც შესაძლებელს გახდის დიალოგის პროცესი და ამ პროცესის შედეგი მისაღები და მომგებიანია იყოს ყველა მხარისთვის. ამით შეიძლება ყველაფერი დარეგულირდეს“. – განაცხადა ფრიდონ ინჯიამ.
ფრიდონ ინჯია – ისეთი კანონპროექტები გვჭირდება, რომლებიც ჩვენი ქვეყნიდან მიგრაციის პროცესს საქართველოს სასარგებლოდ შეცვლის
„უნდა შემუშავდეს ისეთი კანონპროექტები, რომლებიც საქათველოდან მიგრაციის პროცესს ჩვენს სასარგებლოდ შეცვლის, სტიმულს მისცემს ქართულ დიასპორებს დააბანდონ კაპიტალი საქართველოს ეკონომიკის გაძლიერებაში, ასევე სტიმულირებას გაუკეთებენ საქართველოს კერძო სექტორს მათთვის საჭირო კვალიფიციური კადრები ქართული დიასპორებიდან მოიზიდონ“.
