分类档案: 主要的

„აქ დაისვა ასეთი შეკითხვა, – ეს კანონპროექტი გვაშორებს თუ გვაახლოებს ევროკავშირს? და მიმაჩნია, რომ ეს არის პროვოკაციული კითხვა

🟥 საპარლამენტო პოლიტიკური ჯგუფის „ევროპელი სოციალისტების“ თავმჯდომარეს ფრიდონ ინჯიას მიაჩნია, რომ თუკი ამა თუ იმ ორგანიზაციის ან პიროვნების ქმედება საშიშროების მომტანია ქვეყნის ერთიანობის, მდგრადობისა და საფრთხეს უქმნის მშვიდობას, ასეთ შემთხვევაში სახელმწიფოს მხრიდან წინასწარ უნდა იყოს მიღებული შესაბამისი ზომები.
სწორედ ამიტომ არის საჭირო „უცხოური გავლენის გამჭვირვალეობის“ შესახებ კანონის მიღება – ფრიდონ ინჯია

🔷 ამის შესახებ საპარლამენტო პოლიტიკური ჯგუფი „ევროპელი სოციალისტების“ თავმჯდომარემ ფრიდონ ინჯიამ ბათუმში საერთო-სახალხო განხილვის ფარგლებში მოსახლეობასთან გამართულ შეხვედრაზე განაცხადა, სადაც მმართველმა პარტიამ „ოჯახურ ღირებულებათა და არასრულწლოვანთა დაცვის შესახებ” კონსტიტუციური კანონპროექტის პრეზენტაცია მოაწყო.
საერთო-სახალხო განხილვის ფარგლებში საზოგადოების მხრიდან დასმული შეკითხვები „უცხოური გავლენის გამჭვირვალეობის“ შესახებ კანონპროექტის ირგვლივაც დაისვა.

🔷 „აქ დაისვა ასეთი შეკითხვა, – ეს კანონპროექტი გვაშორებს თუ გვაახლოებს ევროკავშირს? და მიმაჩნია, რომ ეს არის პროვოკაციული კითხვა.

🔷 ჩვენი ამოცანაა, მოსახლეობის კეთილდღეობაზე და ქვეყნის გაერთიანებაზე ზრუნვა.

🔷 კანონებს ჩვენ ვიღებთ იმისთვის, რომ ყველამ იცოდეს თავისი თამაშის წესი და რომ ყველა ქმედება იყოს ჩარჩოში მოქცეული.

🔷 თუკი, სახელმწიფომ იგრძნო, რომ ამა თუ იმ ორგანიზაციის ან პიროვნების ქმედება საშიშროების მომტანია ქვეყნის ერთიანობის, მდგრადობის და საფრთეს უქმნის მშვიდობას, წინასწარ უნდა იყოს მიღებული შესაბამისი ზომები. სწორედ ამისთვის არის საჭირო ამ კანონის მიღება, და ეს კანონი მარტო საქართველოს არ სჭირდება. ეს სჭირდება ევროპასაც და ეს კანონი ევროპას უფრო დააახლოებს საქართველოსთან“. – აღნიშნა ფრიდონ ინჯიამ.

„საქართველოს ყველა კუთხეს თავისი ტრადიცია აქვს და რადგანაც კონსტიტუცია საერთოა, კარგი იქნება კონსტიტუციაში გაკეთდეს ჩანაწერი „ქართული ღირებულებების“ შესახებ

🔴 ვფიქრობ, პლებისციტი მოგვცემს შესაძლებლობას გავიგოთ საქართველოს მოსახლეობის ძირითადი ნაწილის დამოკიდებულება ოჯახურ ღირებულებებთან მიმართებაში და მე დარწმუნებული ვარ, რომ ქვეყნის მოსახლეობის 99,9% -ი წინააღმდეგია საქართველოში მოხდეს ლგბტ პროპაგანდის დაშვება, რადგან იგი ძირეულად ეწინააღმდეგება ჩვენს სულისკვეთებას და ქართულ ღირებულებებს.

🔷 ამის შესახებ საპარლამენტო პოლიტიკური ჯგუფი „ევროპელი სოციალისტების“ თავმჯდომარემ ფრიდონ ინჯიამ ბათუმში საერთო-სახალხო განხილვის ფარგლებში მოსახლეობასთან გამართულ შეხვედრაზე განაცხადა, სადაც მმართველმა პარტიამ „ოჯახურ ღირებულებათა და არასრულწლოვანთა დაცვის შესახებ” კონსტიტუციური კანონპროექტის პრეზენტაცია მოაწყო.

„მე როგორც ოპოზიციური პარტიის თავმჯდომარე, მაქვს ჩემი ხედვა სხვადასხვა კანონპროექტებთან თუ საკითხებთან მიმართებაში. ბევრ შემთხვევაში ჩემი პოზიცია არის კრიტიკული, რომელსაც მე ღიად გამოვხატავ, მაგრამ თუკი ქვეყნისთვის სასიკეთო საქმე კეთდება, მე არ შემიძლია მმართველ გუნდს გვერდში არ დავუდგე, რადგან იყო ოპოზიციური პარტიის თავმჯდომარე, არ ნიშნავს იყო ხელისუფლების წინააღმდეგი და არც ჩასაფრებული პოზიცია არ არის გამართლებული.

🔷 აქედან გამომდინარე, მიმაჩნია, რომ მმართველი გუნდის მიერ დაინიცირებული კანონპროექტი არის დროული და აუცილებელი ქვეყნის მომავალი სწორი განვითარებისთვის.

🔷 ვფიქრობ, ამ კანონპროექტის ძირითადი არსი იმდენად გამოდის ქართველი კაცის სულისკვეთებიდან, რომ მისი მოწინააღმდეგე ჩვენს ქვეყანაში მცირედი პროცენტი თუ იქნება. 30 წლის წინ ამ თემაზე საუბარი არა თუ გასაკვირი შეიძლება ყოფილიყო, არამედ სირცხვილიც კი იყო, მაგრამ თანამედროვე ტექნოლოგიებმა და იმ პროცესებმა, რაც დღევანდელ მსოფლიოში ხდება, შედეგად მოგვიტანა ის მოცემულობა, რაც დღეს გვაქვს.

🔷 დიდი სახელმწიფოების გარკვეული წრეები ყველაფერს აკეთებენ იმისთვის, რომ თავისუფლების ეგიდით გახრწნან ხალხი ამ სიტყვის სრული მნიშვნელობით, მოახდინონ მათზე ამ ტიპის ზემოქმედება მარტივად სამართავად. სწორედ ამ ფაქტორებმა განაპირობა ის, რომ ასეთი აქტიური დამცველები ჰყავს ლგბტ საზოგადოებას საზღვარგარეთ, ევროპაში, ამერიკაში თუ სხვა სახელმწიფოებში. ამ მხრივ გამონაკლისია აზიის ქვეყნები.

🔷 ამიტომ, აღნიშნული კანონპროექტის დაინიცირება წინდახედული ნაბიჯია და მიმაჩნია, რომ ის აუცილებლად მისაღებია ძირითადი კანონის დონეზე“. – განაცხადა ფრიდონ ინჯიამ.

🔷 მისივე თმით, დღევანდელი მოცემულობით, საქართველოში რეფერენდუმის ჩატარება დროებით შეუძლებელია. ამიტომ ეს საკითხი დღეს დღის წესრიგში ვერ დადგება, მაგრამ არის პლებისციტის ჩატარების შესაძლებლობა, რომელიც თავისუფლად შეიძლება გამოყენებული იყოს ამ კანონის მიღების პარალელურად, სადაც მოსახლების აზრი იქნებოდა დაფიქსირებული.

🔷 „ვფიქრობ, პლებისციტი მოგვცემს შესაძლებლობას გავიგოთ საქართველოს მოსახლეობის ძირითადი ნაწილის დამოკიდებულება აღნიშნულ საკითხთან მიმართებაში და მე დარწმუნებული ვარ, რომ ქვეყნის მოსახლეობის 99,9% -ი წინააღმდეგია საქართველოში მოხდეს ლგბტ პროპაგანდის დაშვება, რადგან იგი ძირეულად ეწინააღმდეგება ქართულ სულისკვეთებას და ქართულ ღირებულებებს“. – მიაჩნია ფრიდონ ინჯიას.

🔷 დეპუტატმა თავის გამოსვლაში კიდევ ერთხელ გაამახვილა ყურადღება კანონპროექტის ტერმინოლოგიასთან დაკავშირებით და აღნიშნა, რომ მისი წინადადებაა, სათაური „ოჯახური ღირებულებების“ შესახებ, შეიცვალოს ტერმინით „ქართული ღირებულებები“, რადგან „ქართულ ღირებულებებში“ შედის – ოჯახური ტრადიციები, ქალის მიმართ განსაკუთრებული პატივისცემა, მართლმადიდებლობის დაცვა, ქართული ენის მიმართ უდიდესი სიყვარული და დაფასება.

🔷 „საქართველოს ყველა კუთხეს თავისი ტრადიცია აქვს და რადგანაც კონსტიტუცია საერთოა, კარგი იქნება კონსტიტუციაში გაკეთდეს ჩანაწერი „ქართული ღირებულებების“ შესახებ.

🔷 ამასთანავე, მივესალმებოდი შეიქმნას სახელმძღვანელო სკოლებისთვის ასეთი სათაურით – „ქართული ღირებულებები“, სადაც იქნება წარმოჩენილი ქართული ღირებულებების განსაკუთრებული მახასიათებლები, რითაც ჩვენ ვართ განსხვავებულნი, რითაც ვართ ძლიერები. დარწმუნებული ვარ, ევროპაშიც შემოიღებენ სასწავლებლად „ქართულ ღირებულებებს“. – აღნიშნა დეპუტატმა.

🔷 პოლიტიკური ჯგუფის თავმჯდომარემ მოკლედ მიმოიხილა საქართველოსთვის ევროკავშირის კანდიდატის სტატუსის მიღებამდე ქვეყანაში არსებული პოლიტიკური პერიპეტიები, რა დროსაც, დეპუტატის განცხადებით, მმართველმა პარტიამ საკმაოდ დიდი ნებისყოფა გამოიჩინა და ღირსეულად გაართვა თავი ამ პოლიტიკურ გამოწვევას.

🔷 „პირადად მე ყოველთვის ვუსვამდი ხაზს, რომ ევროკავშირის კანდიდატის სტატუსის მინიჭება საქართველოსთვის გარდაუვალი პროცესი იყო, რადგან დღევანდელი მოცემულობიდან გამომდინარე, ევროკავშირს იმაზე მეტად სჭირდებოდა საქართველო, ვიდრე საქართველოს ევროკავშირი“. – განაცხადა ფრიდონ ინჯიამ.

🔷 დეპუტატმა სპეკულაცია უწოდა „უცხოური გავლენის გამჭვირვალეობის შესახებ“ კანონპროექტის ირგვლივ ქვეყანაში შექმნილ აჟიოტაჟს.

🔷 „მიმდინარე საპროტესტო აქციებზე დღეს წარმოდგენილია ხალხის ძალიან მცირე ოდენობა. მათ შორის არიან არასრულწლოვნები. აქედან გამომდინარე, აღნიშნული კანონპროექტის მიღება არა თუ აუცილებელია, არამედ დაგვიანებულიც კია, რაც ხელისუფლებისა და მმართველი პარტიის მინუსია.

🔷ეს კანონი არა მარტო ჩვენი ქვეყნისთვის არის საჭირო, არამედ უცხო ქვეყნებისთვისაც.

🔷 მაგალითისთვის, პირობითად, ავიღოთ ნიდერლანდები, რომლის მიერ დაფინანსებული გარკვეული ღონისძიებები ქვეყნის ხელისუფლების წინააღმდეგ არის მიმართული, და ამავდროულად იგივე ნიდერლანდების სახელმწიფო მეორე ხელით ამბობს, რომ საქართველოს მეგობარი ქვეყანაა. ამ დროს, არ არის გამორიცხული, რომ ნიდერლანდების ხელისუფლებაში სახვადასხვა მოსაზრებები არსებობდეს და უფრო მეტიც, შესაძლოა, ყველა არც იყოს საქმის კურსში, რომ ნიდერლანდების სახელმწიფოს რომელიღაც ფონდი აფინანსებდეს გარკვეულ ღონისძიებას, რომელიც მიმართულია საქართველოს ხელისუფლების წინააღმდეგ.

აქედან გამომდინარე, მმართველი პარტიის მიერ დაინიცირებული კანონპროექტის „უცხოური გავლენის გამჭვირვალეობის“ შესახებ მიღება, დაუშვებელს გახდის მსგავსი ტიპის დაფინანსებებს.

🔷 იგივე შეიძლება ითქვას, აშშ-ის საერთაშორისო განვითარების სააგენტო USID – ის შესახებ, სადაც ერთი ხელით აფინანსებენ ხელისუფლებისა და სახელწმიფოს წინააღმდეგ მიმართულ ქმედებებს და მეორე ხელით, იგივე პროგრამის ფარგლებში აკეთებენ სხვადასხვა ეკონომიკურ, სამედიცინო თუ სხვა ტიპის პროექტებს, მაგრამ საკითხავია რის ფასად?! … რომ სახელმწიფოში მოხდეს გადატრიალება?!

🔷 ასეთ შემთხევაში საქართველო მომენტალურად ჩაერთვება ომში და ჩვენ მაგალითად გვაქვს, თუ რა მოუტანა ომმა ისეთ დიდი ქვეყანას ევროპაში, როგორიც უკრაინაა.

🔷 ამ მხრივ საქართველოსთვის უდიდესი საფრთხე არსებობს, მით უმეტეს, თუ გავიხსენებთ, რომ საოკუპაციო ჯარი თბილისიდან 40 კილომეტრშია განთავსებული“. – აღნიშნა ფრიდონ ინჯიამ.

🔷დეპუტატმა თავის გამოსვლაში ასევე ყურადღება გაამახვილა აჭარის, როგორც განსაკუთრებული რეგიონის შესახებ, რომელიც ფრიდონ ინჯიას თქმით, „არის უცხოეთთან ურთიერთობის ერთგვარი კარიბჭე და საქართველოს სახე ქვეყნის სხვა რეგიონებთან ერთად.

🔷„აჭარა ასევე წარმოადგენს ხიდს იმ ქართველებთან, რომლებიც ისტორიული ფაქტებიდან გამომდინარე, იქეთა მხარეს აღმოჩნდნენ“. – დასძინა დეპუტატმა.

„ამ დარბაზში მე არ მეგულება ვინმე, ვისაც შეიძლება კითხვა ჰქონდეს ამ თემებზე, რასაც ქართული ღირებულებები ჰქვია. ამ საკითხზე 30 წლის უკან უხერხულიც კი, იყო საუბარი

🔴საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა ოზურგეთში, სადაც საერთო სახალხო განხილვის ფარგლებში „საქართველოს კონსტიტუციაში ცვლილების შეტანის შესახებ“ და „ოჯახურ ღირებულებათა და არასრულწლოვანთა დაცვის შესახებ“ საქართველოს კონსტიტუციური კანონის პროექტების საორგანიზაციო კომისიის წევრებმა მოსახლეობასთან შეხვედრა გამართეს.

♦️ როგორც თავის გამოსვლაში ფრიდონ ინჯიამ აღნიშნა, აბსოლუტურად დროულია მმართველი პარტიის მიერ ინიცირებული კანონპროექტი „ოჯახურ ღირებულებათა და არასრუწლოვანთა დაცვის შესახებ“ იმ შემოტევებიდან გამომდინარე, რაც ახლა მსოფლიოში მიმდინარეობს.

„ამ დარბაზში მე არ მეგულება ვინმე, ვისაც შეიძლება კითხვა ჰქონდეს ამ თემებზე, რასაც ქართული ღირებულებები ჰქვია. ამ საკითხზე 30 წლის უკან უხერხულიც კი, იყო საუბარი.

♦️ რაც შეეხება უშუალოდ კანონპროექტს, რომელიც დარწმუნებული ვარ ცვლილებების სახით შევა საქართველოს კონსტიტუციაში, ეს არის „ქართული ოცნების“ მიერ შემუშავებული პროექტი, სადაც მმართველ გუნდს კარგად აქვს გათვითცნობიერებული კანონპროექტის არსი და მნიშვნელობა, რადგან ნამდვილად დროულია ამ ცვლილებების განხორციელება იმ შემოტევებიდან გამომდინარე, რაც ახლა მსოფლიოში მიმდინარეობს ამ მიმართულებით.

♦️ რაც არ უნდა ოპოზიცია ვიყო მე ჩემი ხედვა მაქვს, მაგრამ ის რაც მისაღებია და საჭიროა ჩემი ქვეყნისთვის, ჩემი ხალხისთვის, მე მაშინ მავიწყდება ის, რომ ვარ ოპოზიციური პარტიის თავმჯდომარე და მხარს ვუჭერ ამ ცვლილებებს.

♦️ ამავდროულად, მინდა ხაზი გავუსვა, რომ არის საკითხები, რომელიც გადასაჭრელია და ამ საკითებზე მე ხმამაღლა ვსაუბრობ მმართველ პარტიასთან, და ამასთანავე ვეუბნები, თუ როგორ შეიძლება ამა თუ იმ საკითხის გადაწყვეტა, რადგან ჩასაფრებული პოზიციიდან მე არ ვიქნები და არ მიმაჩნია სწორად აზრთა სხვადასხვაობის გამო ვიყო ხელისუფლების მოწინააღმდეგე.

♦️ მრავალი რთული ეტაპი მაქვს გავლილი და მათ შორის, იარაღით ხელში ვიცავდი ჩემს სამშობლოს“. – განაცხადა დეპუტატმა.

♦️ პოლიტიკური ჯგუფის თავმჯდომარემ კიდევ ერთხელ დააფიქსირა მისი პირადი პოზიცია კანონპროექტის სათაურთან დაკავშირებით და აღნიშნა, რომ უმჯობესია კანონპროექტის სათაური „ოჯახური ღირებულებების“ შესახებ შეიცვალოს ტერმინით, „ქართული ღირებულებები“.

♦️ „პირადად მე მიმაჩნია, რომ უმჯობესი იქნებოდა სათაური – „ოჯახური ღირებულებები“ შეიცვალოს ტერმინით – „ქართული ღირებულებები“, რომელიც მოიცავს ყველაფერს: – ოჯახურ ღირებულებებს, ტრადიციებს, ადათ-წესებს, ქრისტიანობას, ქალბატონობისადმი განსაკუთრებულ პატივისცემას, მით უფრო ისტორიულად საქართველოს სწორედ ქალბატონი ჰყავდა მეფედ – თამარ მეფე და მრავალი სხვა.

ქართულ ოჯახს თავისი კონსტიტუცია აქვს და ამით ვართ ჩვენ გამორჩეული ერი. ამასთანავე, ძალიან მნიშვნელოვანია საქართველოსთვის დამახასიათებელი ტოლერანტობა და ის ფაქტი, რომ საუკუნეებს ითვლის საქართველოში სხვადსხვა ეროვნების ადამიანებთან ჩვენი თანაცხოვრება და შესისხლხორცებული ადათ-წესები და ტრადიციები.

♦️ ეს არის ჩემი მოსაზრება, თუმცა წარმოდგენილი პროექტთან მიმართებაში არ მაქვს საწინააღმდეგო არაფერი, რადგან ვთვლი, რომ მისი მიღება აუცილებელია.

♦️ საერთოდ მივესალმებოდი, თუკი სკოლებში შემოვა ასეთი საგანი „ქართული ღირებულებების“ შესახებ, რომელიც ჩვენი წინაპრების მონაპოვარია“. – აღნიშნა დეპუტატმა.

♦️ პოლიტიკური ჯგუფის თავმჯდომარემ ოზურგეთში გამართულ შეხვედრაზე დამსწრე საზოგადოებისა და ზოგადად გურიის კუთხის მიმართ განსაკუთრებული პატივისცემა გამოხატა და ხაზი გაუსვა იმ ფაქტს, რომ სწორედ გამოჩენილმა ქართველებმა, წარმოშობით გურიიდან როგორებიც იყვნენ – ნოდარ დუმბაძე, ზაურ ბოლქვაძე, ჯემალ ჭკუასელი, ანზორ ერქომაიშვილი, და სხვები უდიდესი წვლილი შეიტანეს საქართველოს ისტორიაში.