საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას შეკითხვები სახალხო დამცველის კანდიდატს მაკა მინდიაშვილს.
არის თუ არა ლეგიტიმური მეათე მოწვევის პარლამენტი?
როდის შეიქმნა სახალხო დამცველი ინსტიტუტი საქართველოში?
რატომ არ არის სახალხო დამცველი ამერიკის შეერთებულ შტატებში, გერმანიაში, დიდი ბრიტანეთში?
თუკი, საქართველოში იქნება კანონის უზენაესობა, იქნება საჭირო სახალხო დამცველის ინსტიტუტი?
სახალხო დამცველის ინსტიტუტის არსებობის მანძილზე, როგორ ფიქრობთ, აიწია თუ არა კანონიერების დონემ?
სახალხო დამცველის ინსტიტუტის ნაცვლად ხომ არ ჯობდა შექმნილიყო ინსპექციის მსგავსი ორგანო, რომელიც გააკონტროლებდა, მონიტორინგს გაუწევდა პროკურატურის მუშაობას, ხელს შეუწყობდა თაროზე ჩამოდებული საქმეების გამოძიებას, მოხდებოდა მყისიერი რეაქცია იმ დანაშაულებზე რაც ხდება?
სახალხო დამცველი უნდა იცავდეს თუ არა საქართველოს მოქალაქეების ინტერესებს, რომლებიც საზღვარგარეთ ცხოვრობენ?
უნდა იცავდეს თუ არა სახალხო დამცველი საქართველოს იმ მოქალაქეების უფლებებს, რომლებმაც დაკარგეს საქართველოს მოქალაქეობა ბედის უკუღმართობით, ან ჩვენი ხელისუფლების უნიათობით, თუ უცხო ქვეყნის ძალისხმევით, რომელთა რაოდენობა საზღვარგარეთ 1/3 -ია, მილიონ ნახევარია?