პოლიტიკური პარტია „ევროპელი სოციალისტების თავმჯდომარემ, საქართველოს პარლამენტის დიასპორისა და კავკასიის საკითხთა კომიტეტის თავმჯდომარის მოადგილემ ფრიდონ ინჯიამ საქართველოში მოღვაწე თურქი ბიზნესმენების და ბიზნეს სექტორის წარმომადგენლების შეხვედრაში მიიღო მონაწილეობა.
შეხვედრა თბილისში თურქეთის საელჩოში თურქეთის რესპუბლიკის საგანგებო და სრულუფლებიანი ელჩის, ფატმა ჯერენ იაზგანის და თურქეთის რესპუბლიკის პარლამენტთან მეგობრობის ჯგუფის ხელმძღვანელის, დიასპორისა და კავკასიის საკითხთა კომიტეტის თავმჯდომარის, ბექა ოდიშარიას ერთობლივი ინიციატივით გაიმართა.
შეხვედრაზე მხარეებმა საქართველოსა და თურქეთს შორის არსებული სავაჭრო-ეკონომიკური თანამშრომლობის მიმართულებები განიხილეს, სადაც აღინიშნა, რომ კოვიდ პანდემიის პერიოდში, თურქული ინვესტიციებით განხორციელებული პროექტები, საქართველოს ეკონომიკური განვითარებისთვის მნიშვნელოვანია.