📍 საქართველოში სამხედრო სამსახური ყველამ უნდა გაიაროს – როგორც კაცებმა, ისე ქალებმა – ფრიდონ ინჯია
🔶 „საქართველოსთვის ჯარი არის ეროვნული საქმე, და ის ძალიან მაღალ დონეზე უნდა იყოს ორგანიზებული. სამხედრო სამსახური უნდა გაიაროს ყველამ – ქალმაც და კაცმაც, როგორც ეს ისრაელშია.“
ამის შესახებ პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ განაცხადა პარლამენტის რიგგარეშე სხდომაზე, სადაც დეპუტატები „თავდაცვის კოდექსის“ პროექტს მეორე მოსმენით იხილავენ.
🔶 „ქალებთან მიმართებაში ინდივიდუალური მიდგომა უნდა იყოს, იმ შემთხვევაში, თუ ვინმეს არ შეუძლია, მაგრამ საერთო პოლიტიკა უნდა იყოს ისეთი, რომ სამხედრო სამსახური ყველამ გაიაროს. საქართველო პატარა ქვეყანაა… ჯარი მხოლოდ ომისთვის არ არის, იქ ისწავლება სამშობლოს სიყვარული, სხვადასხვა სპეციალობა, ურთიერთდამოკიდებულება და მრავალი სხვა ასპექტი“, – განაცხადა დეპუტატმა ფრიდონ ინჯიამ.
🔶 Он призвал некоторых коллег-депутатов не оскорблять молодых людей, которые служили или служат в настоящее время в армии.
🔶„აქ ჩემი კოლეგებისგან გაიჟღერა სიტყვამ „მონები“. ჩემთვის ეს მიუღებელია. თქვენი განცხადებებით გამოდის, რომ აქ მონების კოდექსს ვიხილავთ, და ამას მშვიდად უყურებენ თავდაცვის მინისტრის მოადგილე და პარლამენტის თავმჯდომარე. მე არ მგონია, ეს სწორი იყოს. ეს არის შეურაცხყოფა იმ ახალგაზრდების, ვინც იმსახურა და ვინც მსახურობს. ხომ შეგვიძლია, თავი შევიკავოთ და თუ რამის თქმა გვსურს, სხვანაირად ვთქვათ“, – განაცხადა ფრიდონ ინჯიამ.
🔶 „თავდაცვის კოდექსის“ პროექტის თანახმად, სავალდებულო სამხედრო სამსახურის ნაცვლად იქნება “წვევამდელთა ეროვნული სამხედრო სამსახური. სახელწოდებასთან ერთად იცვლება სამხედრო სამსახურის ვადებიც. კერძოდ, ერთწლიანი სამსახურის ნაცვლად, პროექტი ითვალისიწინებს დიფერენცირებულ ვადებს: საბრძოლო ქვედანაყოფში სამსახური – 6 თვე; დაცვის ან უზრუნველყოფის ქვედანაყოფში – 8 თვე; უმცროს სამეთაურო თანამდებობებზე და წინასწარ განსაზღვრულ სპეციალობებზე – 11 თვე.