Ежемесячный архив: финансовый год

“მე მაქვს მოლოდინი, რომ ყველა თქვენი გადაწყვეტილება პრემიერ-მინისტრის რანგში, იქნება ქართველი ხალხის ინტერსებიდან გამომდინარე”. ასე მიმართა საპარლამენტო პოლიტიკური ჯგუფის „ევროპელის სოციალისტების“ თავმჯდომარემ ფრიდონ ინჯიამ პრემიერ-მინისტრობის კანდიდატს ირაკლი კობახიძეს.

საქართველოს პარლამენტის პლენარულ სხდომაზე პრემიერ-მინისტრობის კანდიდატმა ირაკლი კობახიძემ სამთავრობო პროგრამა წარმოადგინა.

„ბატონო ირაკლი, მე მოველი, რომ ყველა თქვენი გადაწყვეტილება იქნება ქართველი ხალხის ინტერსებიდან გამომდინარე. ნებისმიერი საკითხი, რაზეც იყო განხილვის პროცესში საუბარი, გნებავთ სიღარიბე, მაღალი ფასები, ეს ყველაფერი მიბმულია ფულთან. გუშინ მე გავაკეთე განცხადება, რომ როცა იქნება იაფი კრედიტის, იაფი ფულის შესაძლებლობა, მაშინ იქნება სამუშაო ადგილებიც და სიღარიბეც იქნება ნაკლები“, – განაცხადა დეპუტატმა.

პოლიტიკური ჯგუფის თავმჯდომარე მიიჩნევს, რომ მთავრობის უმთავრესი ამოცანა უნდა იყოს ხარჯების მაქსიმალური ეკონომია და თითოეული თეთრის დაზოგვა.

„მთავრობის ამოცანა უნდა იყოს თითოეული თეთრის დაზოგვა. დღეს საქართველოში დაახლოებით 350 ათასი საჯარო მოხელეა. მარტო პარლამენტი დაახლოებით 3 მილიონამდე ლარს იხდის სადაზღვეო მომსახურეობაში. საერთო ჯამში, სამინისტროებისა და სხვა საჯარო დაწესებულებების ჩათვლით, ეს თანხა დაახლოებით 150-160 მილიონი ლარი გამოდის, რომელიც კერძო კომპანიების ბიუჯეტში მიდის“, – განაცხადა ფრიდონ ინჯიამ.

დეპუტატის აზრით, მნიშვნელოვანი და აუცილებელია სახელმწიფომ თავის თავზე აიღოს გარკვეული ფუნქციები, რითაც მოხდება თანხების დაზოგვა, თუნდაც შექმნას ერთი სახელმწიფო სადაზღვეო კომპანია, რომელიც საჯარო დაწესებულებების თანამშრომლებს სადაზღვეო მომსახურეობით უზრუნველყოფს.

„თუ სახელმწიფო თავის თავზე აიღებს გარკვეულ ფუნქციებს, ამით რაღაც ნაწილში, დაიზოგება თანხები. დღეს ყველა სადაზღვეო კომპანია არის კერძო და ამ კომპანიების მოგების ნაწილი გადის საზღვარგარეთ. სახელმწიფო უნდა იყოს დაინტერსებული, რომ საზღვარგარეთ არ გავიდეს თანხა, რომლის გამომუშავება სახელმწიფოში ხდება და ყველაფერი უნდა გაკეთდეს ამისათვის, და თუ იქნება ერთი სადაზღვეო კომპანია, სახელმწიფო საწესდებო კაპიტალით, მოხდება თანხების დაზოგვა, რაც მნიშვნელოვნად შეუმსუბუქებს სახელმწიფოს ხარჯებს“, – მიაჩნია ფრიდონ ინჯიას.

https://fb.watch/qltI73jyTp/

საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პრემიერ-მინისტრობის კანდიდატს ირაკლი კობახიძეს ქვეყნის ეკონომიკური და პოლიტიკური მდგომარეობის გაუმჯობესების მიზნით პარტია „ევროპელი სოციალისტების“ წინადადებები შესთავაზა.

საქართველოს პარლამენტში პრემიერ-მინისტრობის კანდიდატმა ირაკლი კობახიძემ სამთავრობო პროგრამა წარმოადგინა, რომელსაც ოპოზიციური ფრაქციებისა და პოლიტიკური ჯგუფების წარმომადგენლებმა ერთობლივი სხდომის ფორმატში მოუსმინეს.

„ჩვენ ვართ მცირერიცხოვანი ოპოზიციური პარტია და მიგვაჩნია, რომ ოპოზიციაში ყოფნა არ ნიშნავს იყო მთავრობის მოწინააღმდეგე.

ამ წლების განმავლობაში ჩვენ მივეცით ხმა კანონებს და პარლამენტის იმ გადაწყვეტილებებს, რომლებიც მიგვაჩნდა ქვეყნის საკეთილდღეოდ და ამ მხრივ ბევრჯერ დავაფიქსირეთ ჩვენი პრინციპული პოზიცია“, – აღნიშნა ფრიდონ ინჯიამ.

პოლიტიკური ჯგუფის თავმჯდომარე მიიჩნევს, რომ საქართველოსთვის უმთავრეს გამოწვევად სოციალური საკითხების გადაწყვეტა რჩება, რასთან დაკავშირებითაც მნიშვნელოვანია ხელისუფლების მხრიდან მეტი პასუხისმგებლობის აღება და ამ მხრივ განსაკუთრებით საინტერესოა ისეთი სამაგალითო ქვეყნების გამოცდილების გაზიარება როგორებიცაა ჩინეთი, სკანდინავიისა, თუ ბენილუქსის ქვეყნები.

დეპუტატის აზრით, მნიშვნელოვანია, რომ განსაკუთრებით გაიზარდოს ხელისუფლების პასუხისმგებლობა მუნიციპალიტეტების დონეზე.

„საქართველო არის სოციალური სახელმწიფო და რაც უფრო პატარაა ქვეყანა, მით უფრო ადვილია სოციალური საკითხების გადაწყვეტა. მაგალითისთვის, ავიღოთ ჩინეთი (მილიარდ ოთხასი მილიონიანიანი ქვეყანა), თუ როგორ გადაწყვიტა მან სოციალური საკითხები თავის ქვეყანაში, სადაც მთავრობამ აიღო პასუხისმგებლობა მოსახლეობის წინაშე. იგივე შეიძლება ითქვას სკანდინავიისა და ბენილუქსის ქვეყნებზე.

ამ ნაწილში ჩვენთან არ არის ასე. ნაკლებია პასუხისმგებლობა მუნიციპალიტეტების დონეზე. მე არაერთხელ მქონდა ამაზე საუბარი. მუნიციპალიტეტებში მერები ელოდებიან პროგრამებიდან დაფინანსებას და თავად ისინი პასუხს არ აგებენ მოსახლეობის სოციალურ მდგომარეობაზე“, – აღნიშნა ფრიდონ ინჯიამ.

პოლიტიკური ჯგუფის თავმჯდომარემ პრემიერ-მინისტრობის კანდიდატს ირაკლი კობახიძეს მიმართა თხოვნით, ერთი თვის თავზე წარმოადგინოს ახალი სამთავრობო პროგრამა, სადაც გათვალისწინებული იქნება პარლამენტში დღევანდელ განხილვაზე გამოთქმული შენიშვნები, იდეები, პოზიციები თუ მოსაზრებები, რადგან მის მიერ დღეს წარმოდგენილი სამთავრობო პროგრამა პრაქტიკულად, წინა პრემიერ-მინისტრის პროგრამისგან დიდად არ განსხვავდება და ეს ბუნებრივიცაა, არსებული მოკლე ვადებიდან გამომდინარე.

„თქვენი მოხსენება დიდად არ განსხვავდება წინა პრემიერ-მინისტრის მოხსენებებიდან და პრაქტიკულად, შეუძლებელიც იყო ერთი კვირის განმავლობაში თქვენ ახალი წინადადებები და პროგრამა წარმოგედგინათ.

თქვენ თქვენი გამოსვლით დაადასტურეთ ის პოლიტიკური გეზი, რაც აქვს თქვენს პარტიას – „ქართულ ოცნებას“.

მე ვფიქრობ, რომ იმ შენიშვნებიდან, იდეებიდან, მოსაზრებებიდან გამომდინარე, რაც დღეს აქ გამოითქვა, კარგი იქნება, რომ ერთი თვის შემდეგ თქვენ წარმოადგინოთ საინფორმაციო ხასიათის ან დაზუსტებული 10 თვის პროგრამა, რომელიც იქნება განსხვავებული, სადაც გათვალისწინებული იქნება ის წინადადებები და მოსაზრებები, რაც დღევანდელი განხილვის პროცესის დროს გამოითქვა“, – განაცხადა ფრიდონ ინჯიამ.

პოლიტიკური ჯგუფის თავმჯდომარეს მიაჩნია, რომ დღეს საქართველოში სხვა უამრავ პრობლემასთან ერთად მოსახლეობის უმთავრეს და ძირითად პრობლემას წარმოადგენს იაფ ფულზე წვდომის არ არსებობა.

“მოსახლეობას რა სჭირდება ? – იაფი ფული. მაშინ ყველაფერი დალაგდება. მისაღები საბანკო პროცენტების პირობებში შეიქმნება საწარმო და გაჩნდება სამუშაო ადგილები, სოფელი არ დაიცლება, და თუ თქვენ, საპარლამენტო საქმიანობის გამოცდილებიდან გამომდინარე, კანონებით გაამყარებთ ამ მიმართულებას, კერძოდ, ვინც სოფლად საწარმოს შექმნის, გაათავისუფლებთ გადასახადებისგან 3-5 წლის განმავლობაში, მოსახლეობას უკვე მოტივაცია ექნება, რაც სოფლის აღორძინებას შეუწყობს ხელს. რაც შეეხება ბანკებს და ქვეყანაში არსებულ საბანკო პროცენტებს, ამასთან დაკავშირებით არსებობს კონკრეტული წინადადებები და ეს საკითხი გადაწყვეტადია“, – განაცხადა ფრიდონ ინჯიამ.

დეპუტატის თქმით, მისასალმებელია ის ფაქტი, რომ ასეთი პატარა ქვეყნისთვის, როგორიც საქართველოა გრანდიოზული ინფრასტრუქტურული პროექტები გაკეთდა და კეთდება, და ეს ძალიან მნიშვნელოვანია, მაგრამ უნდა აღინიშნოს ისიც, რომ მთავრობა მეტად გადაეშვა ამ ინფრასტრუქტურული პროექტების განხორციელებაში, და ამ დროს ხალხი, რომელიც სოფლად არის, მათ ხელისუფლების ყურადღება დააკლდათ.

„მიმაჩნია, რომ ეს საკითხი საჭიროებს სიღრმისეულ გადახედვას და შესწავლას, თუ რატომ ხდება ასე. თუ სოფლად ჩვენ მოსახლეობა არ გვეყოლება, რისთვის გვინდა ინფრასტრუქტურა და დაგებული გზები?!“ – აღნიშნა დეპუტატმა.

თავის გამოსვლაში ფრიდონ ინჯიამ პრემიერ-მინისტრობის კანდიდატს ირაკლი კობახიძეს და მთავრობის ახალ შემადგენლობას მხარდაჭერა გამოუცხადა.

„თქვენ დიდი ბრძოლა მოგიწვეთ, რადგან რთული გარემოა და თქვენ დიდი მხარდაჭერა გჭირდებათ ყველა ჩვენგანის მხრიდან და ჩვენ მხარს ვუჭერთ ხელისუფლებას, რადგან ის ჩვენი ქვეყნის ხელისუფლებაა“, – განაცხადა ფრიდონ ინჯიამ.

https://fb.watch/qltz-MuY3y/

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინიციატივით ჟენევის ფორმატის პარალელურად შეიქნას მოლაპარაკებების ახალი ფორმატები, სადაც ჩართული იქნება ჩინეთი, როგორც საქართველოს მნიშვნელოვანი სტრატეგიული პარტნიორი.

ამის შესახებ პოლიტიკური ჯგუფის თავმჯდომარემ საგარეო ურთიერთობათა, ევროპასთან ინტეგრაციის და დიასპორისა და კავკასიის საკითხთა კომიტეტების ერთობლივი სხდომაზე განაცხადა, სადაც საგარეო საქმეთა მინისტრობის კანდიდატს ილია დარჩიაშვილს მოუსმინეს.

https://fb.watch/qlttUcG6M8/

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინიციატივით ჟენევის ფორმატის პარალელურად შეიქნას მოლაპარაკებების ახალი ფორმატები, სადაც ჩართული იქნება ჩინეთი, როგორც საქართველოს მნიშვნელოვანი სტრატეგიული პარტნიორი.

ამის შესახებ პოლიტიკური ჯგუფის თავმჯდომარემ საგარეო ურთიერთობათა, ევროპასთან ინტეგრაციის და დიასპორისა და კავკასიის საკითხთა კომიტეტების ერთობლივი სხდომაზე განაცხადა, სადაც საგარეო საქმეთა მინისტრობის კანდიდატს ილია დარჩიაშვილს მოუსმინეს.

„ჟენევის ფორმატი არსებობს თითქმის 15 წელია და ქვეყნის გაერთიანების, გამთლიანებისა და დეოკუპაციის მიმართულებით სამწუხაროდ, ერთი ნაბიჯიც კი არ გადადგმულა წინ.

ჟენევის ფორმატის ფარგლებში, თუ გადავხედავთ და ჩავუღრმავდებით ინტერესებს, რუსეთს თავისი ინტერესები დაცული აქვს. ის წარმოდგენილია საქართველოში, აგერ 40 კილომეტრშია. რუსეთს განსახილველი არაფერი არ აქვს.

ამერიკის შეერთებულ შტატებს, ასეთი სტატუს-კვო აწყობს და იგი დიდად არ არის დაინტერესებული, რომ ჩვენ ეს საკითხი გადავწყვიტოთ. თუკი ეს საკითხი გადაწყდება ამერიკა აღმოჩნდება სხვა მხარეს და საჭირო აღარ იქნება.

იქედან გამომდინარე, რომ ჩინეთი გახდა ჩვენი სტრატეგიული პარტნიორი და იგი ცალსახად აღიარებს საქართველოს ტერიტორიულ მთლიანობას და სუვერენიტეტს, ხომ არ ჯობდა ჟენევის ფორმატის პარალელურად, შეიქმნას მოლაპარაკებების მეორე ფორმატიც, სადაც ჩინეთი მიიღებს მონაწილეობას. თუკი, ჩინეთი ჩაერთვება სტრატეგიული პროექტების განხორციელებაში, და ჩინეთს საქართველოსთან მიმართებაში უფრო მეტი ინტერესი ექნება, მაშინ ჩვენ შეგვიძლია გამოვიყენოთ ბევრი რამ და შესაძლოა ცოტა სხვანაირად გადაწყდეს ეს საკითხები.

შევქმნათ მეორე ალტერნატიული მოლაპარაკებების ფორმატი, სადაც მოლაპარაკებების წარმატებით წარმართვისთვის ერთერთი მთავარი გარანტორი იქნება ჩინეთი.“ – განაცხადა დეპუტატმა.

მისივე თქმით, მიუხედავად იმისა, რომ საგარეო უწყება აქტიურად არის ჩართული ჟენევის პროცესში და მინისტრის მოადგილეები ყველაფერს აკეთებენ, აღნიშნული ფორმატი არ იძლევა საშუალებას საკითხი გადაიჭრას და წინ გადაიდგას ნაბიჯები.

„ჩვენ არ ველაპარაკებით რუსეთს, რაც არასწორია. მიმაჩნია, რომ რუსეთს ერთი ერთზე უნდა ველაპარაკოთ ყოველგვარი შუამავლის გარეშე. ამაზე ითქვა მრავალჯერ“. – განაცხადა დეპუტატმა.

პოლიტიკური ჯგუფის თავმჯდომარეს მიაჩნია, რომ ხელისუფლებამ და საგარეო უწყებამ ყველაფერი უნდა გააკეთოს იმისთვის, რომ ჩინეთი ჩართოს მეტ სტრატეგიულ პროექტებში და ამ მხრივ გააქტიუროს მუშობა.

„ჩვენ გვაქვს გაფორმებული სტრატეგიული პარტნიორობის შესახებ მემორანდუმი ჩინეთის სახალხო რესპუბლიკასთან. ამის შემდეგ გარკვეული ფანჯარაა, – სიწყნარეა. ვფიქრობ, რომ სამინისტრომ ეს მიმართულება უნდა გააქტიუროს და მეტ სტრატეგიულ პროექტებში ჩართოს ჩინეთი, ყველაფერი უნდა გააკეთოს ამისთვის.“- აღნიშნა ფრიდონ ინჯიამ.

დეპუტატის განცხადებით, საქართველოსთვის ევროკავშირის კანდიდატის სტატუსის მინიჭება პრინციპული საკითხი იყო. მიუხედავად იმისა, რომ ამ ეტაპზე ევროკავშირის კანდიდატის სტატუსი ფინანსური თვალსაზრისით დიდს ვერაფერს აძლევს ჩვენს ქვეყნას, ეს მაინც იყო დასტური იმისა, რომ საქართველო არის ის ქვეყანა, რომელსაც შეუძლია იყოს ევროპის ოჯახის წევრი. სწორედ საგარეო უწყებამ ხელისუფლებასთან და საკანონმდებლო ორგანოსთან ერთობლივი მუშაობით შეძლო პირველადი ამოცანების გადაწყვეტა ამ მიმართულებით.

ფრიდონ ინჯიამ თავის გამოსვლაში ყურადღება გაამახვილა საზღვარგარეთ საპარლამენტო არჩევნების ჩატარების საკითხთან დაკავშირებით. დეპუტატის განცხადებით, მნიშნელოვანია, რომ საზღვარგარეთ საარჩევნო უბნებში არჩევნები ჩატარდეს ძველი წესით, კერძოდ, არა ელექტრონული სისტემით.

რადგან სქართველოში 2024 წლის საპარლამენტო არჩევნები ჩატარდება ელექტრონული სისტემით, ფრიდონ ინჯიას მიაჩნია, რომ გაყალბების მაქსიმალურად თავიდან აცილების მიზნით, აუცილებელია, რომ საარჩვენო პროცედურა და ელექტრონული საარჩევნო სისტემა მაქსიმალურად იყოს დაცული.

ფრიდონ ინჯიამ გაამახვილა ყურადღება სამხრეთ კავკასიის რეგიონში საქართველოს როლის გაზრდის აუცილებლობაზე როგორც სოციალური, კულტურული, ასევე პოლიტიკური მიმართულებითაც, რაც, მისი თქმით, რეგიონის გაძლიერებას შეუწყობს ხელს.

„რამდენჯერმე მოხერხდა, და, ზოგ შემთხვევაში, დადებითი შედეგიც მივიღეთ, როდესაც ყოფილი პრემიერ-მინისტრი ირაკლი ღარიბაშვილი შეხვდა სომხეთის პრემიერ-მინისტრ, ნიკოლ ფაშინიანს, შეხვდა ასევე აზერბაიჯანის პრეზიდენტ, ილჰამ ალიევს, და ჩვენი შუამავლობით გარკვეული საკითხები გადაწყდა.

როგორ ფიქრობთ, ხომ არ იქნება მიზანშეწონილი პირველ ეტაპზე შეიქმნას სამხერთ კავკასიის საგარეო საქმეთა მინისტრების კომიტეტი, რომელმაც მომავალში, შესაძლოა, სხვა დატვირთვაც მიიღოს. ამ ურთიერთობის საფუძველზე ცოტა უფრო მეტი დაახლოება მოხდეს სამ სახელმწიფოს შორის. მაგალითისთვის, ფეხბურთში ჩემპიონატის ორგანიზება, ან კულტურის სფეროს მიმართულებით ფესტივალების გამართვა, ქალაქებს შორის დაძმობილება და ა.შ. ამით გაძლიერდება ეს რეგიონი ჩვენთან ერთად, და თუ ეს ჩვენი ინიციატივით მოხდება, საქართველო უფრო მეტად დაიმკვიდრებს თავის ადგილს სამხრეთ კავკასიაში“. – განაცხადა ფრიდონ ინჯიამ.

https://fb.watch/qltpPCnN1y/