ბლოგი

საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ მონაწილეობა მიიღო ევროპარლამენტისა და საქართველოს პარლამენტის მიერ ერთობლივად ორგანიზებულ ონლაინ კონფერენციაზე – „ოპოზიციის უფლებები და მოვალეობები პარლამენტში“.

„ეს არის ძალიან მნიშვნელოვანი კონფერენცია, რომელიც ეხება ოპოზიციის უფლებებსა და მოვალეობებს პარლამენტში. რაც შეეხება ჩვენს მუშაობას პარლამენტში, ჩვენ ვართ ის პირველი ოპოზიციური პარტია, რომელმაც მიიღო გადაწყვეტილება შემოსულიყო პარლამენტში და მონაწილეობა მიეღო მის მუშაობაში“ – განაცხადა ფრიდონ ინჯიამ.

პოლიტიკური ჯგუფის თავმჯდომარე თვლის, რომ ზოგიერთი ოპოზიციური პარტიის მხრიდან ბოიკოტის რეჟიმში გადასვლა არ არის სწორი გადაწყვეტილება და ეს აზარალებს პირველ რიგში როგორც თვითონ პარტიას, ასევე ქვეყანას.

„რაც შეეხება საკითხს, თუ როგორ არის დაცული საპარლამენტო უფლებები საკანონმდებლო საქმიანობაში, პირველ რიგში, მინდა გითხრათ, რომ დიდი მონაპოვარი იყო შარლ მიშელის მემორანდუმი, სადაც გაწერილი იყო ის ვალდებულებები როგორც უმრავლესობის მხრიდან, ასევე, უმცირესობის მხრიდან და უნდა გითხრათ, რომ პირველი კანონი, რომელიც მიიღო საქართველოს პარლამენტმა, ეს იყო საარჩვენო კოდექსი, სადაც ჩემი აზრით, მაქსიმალურად არის დაცული უმცირესობის უფლებები. მსგავსი რევოლუციური საარჩევნო კანონმდებლობა აქამდე მიღებული ყოფილა და მე ვფიქრობ, რომ ამაში დიდი დამსახურებაა უმრავლესობის და მე ასევე, მადლობა მინდა გამოვხატო ვენეციის კომისიის მიმართ, რომელმაც დიდი დახმარება გაგვიწია ჩვენ“ – აღნიშნა ფრიდონ ინჯიამ.

რაც შეეხება საკითხს თუ როგორ არის დაცული პარლამენტში ოპოზიციის უფლებები, ფრიდონ ინჯია თვლის, რომ მნიშნელოვანია საპარლამენტო კომიტეტების ხელმძღვანელ პოზიციებს ფლობდნენ ოპოზიციის წარმომადგენლები, რაც ასევე აღნიშნულია შარლ მიშელის მემორანდუმში.

ამასთანავე, ფრიდონ ინჯიას აზრით, ოპოზიციის მუშაობა კიდევ უფრო ეფექტური რომ იყოს, იგი ასევე, უნდა იყოს წარმოდგენილი აღმასრულებელ ხელისუფლებაშიც.

„ოპოზიციის მუშაობა უფრო ეფექტური რომ იყოს, იგი უნდა იყოს წარმოდგენელი ასევე, აღმასრულებელ ხელისუფლებაში როგორც სამინისტროებში, ასევე მუნიციპალიტეტებში. რა თქმა უნდა, ოპოზიცია ამ შემთხვევაში არ იქნება უმრავლესობაში, მაგრამ სანამ იგი მოვა უმრავლესობაში, მისი უფლებები და შესაძლებლობები მეტად იქნება გათვალისწინებული და მეტად გამოიჩენს თავს რა ჭირდება მთავრობას, რა ჭირდება პარლამენტს. ამისათვის უნდა იყოს დაწესებული გარკვეული კვოტები ოპოზიციური პარტიებისთვის“ – აღნიშნა ფრიდონ ინჯიამ.

ძვირფასო თანამემამულეებო, დებო და ძმებო, მამებო, დედებო და შვილებო!

საქართველო უდიდესი კულტურისა და ისტორიის ქვეყანაა. ის ოდითგანავე გამოირჩეოდა თავისი ტოლერანტობით და შემწყნარებლიბით. საუკუნეების განმავლობაში ერთმანეთის გვერდით მშვიდობიანად ცხოვრობდნენ სხვადსხვა ეროვნების, აღმსარებლობის თუ უმცირესობების წარმომადგენლები. ტრადიცია არც დღეს დარღვეულა. უფრო მეტიც, მათი უფლებები კონსტიტუციურად არის გამყარებული და სახელმწიფო მათ მიმართ განსაკუთრებულ ყურადღებას და მზრუნველობას იჩენს, ეს კი იმის დასტურია, რომ საქართველო ევროპული ცივილიზებული, დემოკრატიული ღირებულებების ქვეყანაა.

ჩვენ კარგად გვესმის, სახელმწიფო რომ შედგეს და განვითარდეს, მისი ყველა წევრი თავს სრულუფლებიან მოქალაქედ უნდა გრძნობდეს და კონსესუსურ საზოგადოებაში ცხოვრობდეს – არ შეიძლება ერთის სასარგრბლოდ, მეორის უფლება ირღვეოდეს.

დღეს ჩვენი ქვეყნის წინაშე ბევრი გამოწვევაა, როგორც ქვეყნის შიგნით, ისე საგარეო ასპარეზზე. ამას თან ერთვის კოვიდ 19-ით განპირობებული ვითარება. ქვეყანაში არსებული დესტრუქციული ოპოზიცია კი იმის ნაცვლად, რომ ამ პრობლემების დაძლევაზე ფიქრობდეს, შემთხვევას არ უშვებს, რომ სიტუაცია დაძაბოს, ქვეყანა ქაოსსა და არეულობაში გახვიოს და მღვრიე წყალში თევზი დაიჭიროს.

“თბილისი პრაიდის” ჩატარების თაობაზე, თავიდანვე ცნობილი იყო საზოგადოების განწყობა და პრაიდის ორგანიზატორებსა და მათ უკან მდგარ რადიკალურ ოპოზიციას არაერთხელ მოუწოდა ხელისუფლებამ და ცალკეულმა პოლიტიკოსებმა, თავი შეეკავებინათ ასეთი ღონისძიების ჩატარებისაგან, რათა თავიდან აგვეცილებინა მოსალოდნელი სამოქალაქო დაპირისპირება და არეულობა.

მართლაც, პრაიდის ჩატარების წინააღმდეგ, თავისი პროტესტის დასაფიქსირებლად, თბილისის მთავარ პროსპექტზე სამღვდელოების წარმომადგენლები და ათასობით მოქალაქე გამოვიდა. მიუხედავად სამართალდამცავი ორგანოების პროფესიონალური მოქმედებისა, ეს არასაკმარისი აღმოჩნდა და სამწუხაროდ ადგილი ჰქონდა ძალადობის ფაქტების გამოვლინებას, მათ შორის ჟურნალისტების წინააღმდეგ. ასეთ ძალადობას ჩვენ კატეგორიულად ვგმობთ და ვემიჯნებით, მაგრამ პასუხისმგებლობას ვაკისრებთ ხელისუფლებას და იმ ძალებს, რომლებმაც არ გაითვალისწინეს შექმნილი ვითარება.

საქართველო ღვთისმშობლის წილხვედრი, უნიკალური კულტურის, გენეტიკური კოდის, რელიგიური აღმსარებლობის, განსაკუთრებული მისიის მატარებელი ქვეყანაა. ეს ყოველთვის უნდა გვახსოვდეს, სათუთად უნდა ვუფრთხილდებოდეთ ამ ყველაფერს, ერთამანეთს და ერმა და ბერმა საერთო თანხმობისა და მომავლისათვის ერთად უნდა ვიღვაწოთ.

ღმერთი ფარავდეს საქართველოს და თითოეულ ჩვენთაგანს!