ვიზიტის მიზანია ქვეყანაში წინასაარჩევნო გარემოსა და საპარლამენტო არჩევნების მოსამზადებელი პროცესის შეფასება

🔺 საქართველოს პარლამენტში პოლიტიკური პარტია „ევროპელი სოციალისტების“ პოლიტ საბჭოს წევრებმა გიორგი მაღლაკელიძემ და ვიქტორ ცაავამ საქართველოში ვიზიტით მყოფი ეუთო-ს დემოკრატიული ინსტიტუტებისა და ადამიანის უფლებათა ოფისის (ODIHR) საჭიროების შემფასებელი მისიის (Needs Assessment Mission) წარმომადგენლებთან შეხვედრა გამართეს.

🔷ვიზიტის მიზანია ქვეყანაში წინასაარჩევნო გარემოსა და საპარლამენტო არჩევნების მოსამზადებელი პროცესის შეფასება.

🔷 პარტიის პოლიტსაბჭოს წევრმა, პოლიტიკური ჯგუფის „ევროპელი სოციალისტების“ აპარატის უფროსმა გიორგი მაღლაკელიძემ შეხვედრაზე მიმოიხილა ბოლო ათწლეულების მანძილზე საქართველოში არსებული საარჩევნო გარემო და პროცესი, რომელმაც წლების განმავლობაში ფუნდამენტური ცვლილებები განიცადა.

„საქართველოში 90-იანი წლებიდან მოყოლებული უამრავი არჩევნები გვაქვს ჩატარებული. ამ მხნის მანძილზე მუდმივად იყო მცდელობა, რომ საარჩევნო გარემო და არჩევნების პროცესი უფრო და უფრო გაუმჯობესებულიყო. თამამად შემიძლია გითხრათ, რომ დღეს არსებულმა საარჩევნო სისტემამ განიცადა ფუნდამენტური ცვლილება, რაც გამოიხატება საარჩევნო კოდექსში შეტანილი ცვლილებებით და არჩევნების ელექტრონული სისტემით ჩატარებაზე გადასვლით.

🔷 ხაზგასმით მინდა აღვნიშნო, რომ არჩევნების ელექტრონული სისტემა, რომელიც საქართველოში დაინერგა ზუსტად შეესაბამება ევროპულ სტანდარტებს, სადაც გაყალბებისა და საარჩევნო მანიპულაციების შესაძლებლობა პრაქტიკულად, ნულის ტოლია. მით უფრო, თუ გავითვალისწინებთ, რომ არჩვენების ელექტრონული სისტემით ჩატარება და საარჩევნო კოდექსში სხვადასხვა შენიშვნები ინიცირებული იყო ოპოზიციის მიერ, საიდანაც საარჩევნო კოდექსის მიღების დროს უმთავრესი საკითხები გათვალისწინებული იქნა“. – განაცხადა გიორგი მაღლაკელიძემ.

🔷 მისივე თქმით, „ევროპელი სოციალისტების“ პოლიტიკური გუნდი საკმაოდ ოპტიმისტურად არის განწყობილი მომავალ საპარლამენტო არჩვენებთან დაკავშირებით, სადაც იმედოვნებენ, რომ საერთაშორისო მისიების წარმომადგენლები, ამ შემთხვევაში ეუთო/ოდირის მისიის სახით საკუთარ შეფასებებში, დასკვნებსა და რეკომენდაციებში იქნებიან ობიექტურები, სამართლიანები, ისე როგორც ეს ყოველთვის იყო ისტორიულად.

🔷 ODIHR-ის საარჩევნო დეპარტამენტის უფროსის, მეგან ფიცჯერალდის კითხვაზე, რამდენად სწორია საარჩევნო კოდექსში შეტანილი ცვლილებების თანახმად ცესკოს თავმჯდომარისა და წევრების არჩევა მოხდეს არა 6 თვით, არამედ 5 წლის ვადით, გიორგი მაღლაკელიძემ აღნიშნა, რომ ცესკოს შემადგენლობის 6 თვის ვადით არჩევა არ იყო სამართლიანი გადაწყვეტილება, რადგან ცესკოს თავმჯდომარის 6 თვის ვადით არჩევა ზიანს აყენებდა მის სრულყოფილ საქმიანობას.

🔷 რაც შეეხება „ევროპელი სოციალისტების“ პოლიტიკური პარტიის მზადებას არჩევნებისთვის, გიორგი მაღლაკელიძის განცხადებით, პოლიტიკური პარტია ყურადღებით აკვირდება მიმდინარე პოლიტიკურ მოვლენებს და წინა საარჩევნო გარემოს. პარტიის ძირითადი კონცეფციიდან გამომდინარე, „ევროპელი სოციალისტების“ მხრიდან ხელისუფლების წინაშე ძირითადად წამოჭრილი იქნება სოციალური საკითხები, როგორიც არის – უმუშევრობის შემცირება, ჯანდაცვის პროგრამებით უზრუნველყოფა, ასევე ეკონომიკური პროექტების განხორციელება. მით უფრო, თუ გავითვალისწინებთ იმ ფაქტს, რომ მოსახლეობის 80%-ზე მეტს სოციალური პრობლემები აწუხებს და ხელისუფლების მხრიდან ითხოვს მათ გადაჭრას.

გიორგი მაღლაკელიძემ შეხვედრაზე ასევე ყურადღება გაამახვილა ქვეყანაში მიმდინარე პოლიტიკურ პროცესებთან დაკავშირებით და აღნიშნა, რომ ყველაფერი უნდა გაკეთდეს სახელმწიფოში მშვიდობის შესანარჩუნებლად და ნებისმიერი ესკალაციის თავიდან ასაცილებლად.

🔷მეგან ფიცჯერალდი ასევე, დაინტერესდა გენდერული კვოტის გაუქმების შესახებ საკითხით, რაზეც გიორგი მაღლაკელიძემ აღნიშნა, რომ საპარლამენტო უმრავლესობის მხრიდან ეს იყო სწორი გადაწყვეტილება, რადგანაც ამ გადაწყვეტილებით პოლიტიკური პარტიებს ექნებათ საშუალება პარტიული სიები დააკომპლექტონ არა კონკრეტული გენდერული კვოტით, არამედ შეუზღუდავად მათი შეხედულებისამებრ. მით უფრო, თუ გავითვალისწინებთ, რომ საქართველოში არსებობს „ქალთა პარტია“, რომელიც ასევე იღებდა მონაწილეობას არჩევნებში.

🔷ამ საკითხზე პარტიის პოლიტ საბჭოს წვერმა ვიქტორ ცაავამ აღნიშნა, რომ გენდერული კვოტირება მისი მოსაზრებით, გარკვეულ წილად შეურაცხყოფადაც ითვლება, რადგან ქალბატონებისთვის დამამცირებლად ჟღერს რაღაც ჩარჩოში მოქცევა და მათთვის კვოტირების დაწესება.

🔷შეხვედრაზე გიორგი მაღლაკელიძემ ყურადღება გამახვილდა მასობრივი ინფორმაციის საშულებების მხრიდან პოლიტიკური მოვლენების მიკერძოებულად გაშუქების შესახებ, რაც თავის მხრივ უფრო მეტად აღვივებს არსებულ პოლარიზაციას.

🔷რაც შეეხება საქართველოში უცხოური გავლენების არსებობას, გიორგი მაღლაკელიძის განცხადებით, ძირითადად ეს გავლენა გამოიხატება წინა ხელისუფლების მაღალჩინოსნების მხრიდან, რომლებიც ევროპიდან მართავენ პოლიტიკურ მოვლენებს კრიტიკული სატელევიზო მედია საშუალებებით.

🔷ვიქტორ ცაავას განცხადებით, „ევროპელი სოციალისტების“ პოლიტიკური პარტია ძალიან სერიოზულად ემზადება ოქტომბრის საპარლამენტო არჩევნებისთვის, რისთვისაც საოლქო და საუბნო კომისიების დონეზე მოხდა პარტიის აქტივისტების გადამზადება- დატრენინგება, რომლებმაც საარჩევნო სერტიფიცირება გაიარეს და პრაქტიკულად პარტიის წევრები და აქტივისტები სრულად არიან სერთიფიცირებულები, რაც საარჩევნო კოდექსის მიხედვით არჩევნებში მონაწილეობის მისაღებად ერთერთ ძირითად მოთხოვნას წარმოადგენს.

🔷ODIHR-დან მისიის შემადგენლობიდან შეხვედრას ესწრებოდნენ საარჩევნო დეპარტამენტის უფროსი, ქ მეგან ფიცჯერალდი; უფროსი მრჩეველი ხმის მიცემის ახალი ტექნოლოგიების საკითხებში, ვლადიმერ მისევი; მრჩეველი საარჩევნო საკითხებში, ქსენია დაშუწინა.

ეუთო-ს მხრიდან კი, საპარლამენტო ასამბლეის პროგრამისა და ადმინისტრირების უფროსი ოფიცერი, ტიმ ნობლაუ.

🔷ვიზიტის საფუძველზე, საჭიროების შემფასებელი მისია განსაზღვრავს სადამკვირვებლო მისიის ფორმატსა და ტიპს.

„მიგვაჩნია, რომ ლიეტუვის, ლატვიის, ესტონეთისა და ისლანდიის პირველი დიპლომატების გამოსვლა რადიკალური ოპოზიციის მიერ მართულ საპროტესტო აქციაზე იყო უპრეცედენტო, ქვეყნის საშინაო საქმეებში უხეშად ჩარევისა და ქართული სახელმწიფოს წინააღმდეგ გადადგმული უკიდურესად არამეგობრული ნაბიჯი

🖌 პოლიტიკური პარტია „ევროპელი სოციალისტების“

გ ა ნ ც ხ ა დ ე ბ ა

📍 პოლიტიკური პარტია „ევროპელი სოციალისტები“ კატეგორიულად გმობს 15 მაისს პარლამენტის შენობის წინ გამართულ საპროტესტო აქციაზე ლატვიის, ლიეტუვის, ესტონეთისა და ისლანდიის საგარეო საქმეთა მინისტრების მისვლასა და მათ მიერ ქართული სახელმწიფოს ინტერსების საწინააღმდეგო განცხადებების გაჟღერებას.

✅„მიგვაჩნია, რომ ლიეტუვის, ლატვიის, ესტონეთისა და ისლანდიის პირველი დიპლომატების გამოსვლა რადიკალური ოპოზიციის მიერ მართულ საპროტესტო აქციაზე იყო უპრეცედენტო, ქვეყნის საშინაო საქმეებში უხეშად ჩარევისა და ქართული სახელმწიფოს წინააღმდეგ გადადგმული უკიდურესად არამეგობრული ნაბიჯი.

იქიდან გამოდინარე, რომ მინისტრები წარმოადგენენ ქვეყნის აღმასრულებელ ხელისუფლებას, მათ მიერ დაფიქსირებული ნებისმიერი საჯარო პოზიცია წარმოადგენს სახელმწიფოს ოფიციალურ ხედვას.

✅შესაბამისად, ძალზედ სამწუხარო და გულდასაწყვეტია, რომ საქართველოსთვის ისეთი მეგობრული ქვეყნები, როგორიც არის ბალტიისპირეთისა და ისლანდიის სახელმწიფოები, პირდაპირ თუ ირიბად ჩვენი ქვეყნისთვის ასეთ რთულ ვითარებაში გამოდიან მხარედ და იზიარებენ რადიკალური ოპოზიციისა და მათი დონორების რიტორიკას, ხელისუფლების არაკანონიერი გზით შეცვლის თაობაზე.

✅უდავოა, რომ ხელისუფლებები იცვლებიან, და ამიტომ ვიმედოვნებთ, რომ ეს არადიპლომატიური მიდგომა და დაფიქსირებული არამეგობრული პოლიტიკა ნეგატიურად არ აისახება ხალხთა შორის ურთიერთობებზე. როგორც ჩანს, ამ ქვეყნების მაღალი რანგის პოლიტიკოსებისთვის უცხოა ქართველთა ამაყი, ვაჟკაცური ბუნება და საუკუნეების მანძილზე სამშობლოს თავისუფლებისთვის ბრძოლაში გამოწრთობილი სული და ხასიათი.

✅ მსოფლიოში მიმდინარე რთული გეოპოლიტიკური პროცესების ფონზე, საქართველოს ხელისუფლებას დღეს, ისე როგორც არასდროს, მართებს ბრძნული, პრინციპული, სწორი დიპლომატიური პოლიტიკის გატარება ქვეყნისა და ხალხის ინტერესებიდან გამომდინარე.

✅ ფაქტია, რომ მსგავს კრიტიკულ და პოლიტიკურად ტურბულენტურ ვითარებაში ბევრმა ე.წ. მეგობარმა სახელმწიფომ მოახდინა თვითლუსტრაცია. ამიტომ ვიმედოვნებთ, რომ ბრძნული პოლიტიკის გამოყენებით, ჩვენი სტრატეგიული პარტნიორები შეინარჩუნებენ ღირსეულ პოლიტიკურ სახეს და ხელს შეუწყობენ საქართველოს დემოკრატიის განვითარებასა და მშვიდობის შენარჩუნებაში.

„პოლიტიკური პარტია „ევროპელი სოციალისტები“ გახლავთ ერთადერთი საპარლამენტო ოპოზიციური პარტია, რომელმაც „უცხოური გავლენის გამჭვირვალეობის შესახებ“ კანონს მხარი დაუჭირა

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ქვეყანაში მიმდინარე პოლიტიკურ მოვლენებთან დაკავშირებით პრეს-კონფერენცია გამართა.

🔷„პოლიტიკური პარტია „ევროპელი სოციალისტები“ გახლავთ ერთადერთი საპარლამენტო ოპოზიციური პარტია, რომელმაც „უცხოური გავლენის გამჭვირვალეობის შესახებ“ კანონს მხარი დაუჭირა.

🔷მიგვაჩნია, რომ საქართველოს პარლამენტის მიერ გუშინ მესამე მოსმენით მიღებული კანონი „უცხოური გავლენის გამჭვირვალობის შესახებ“ არის საკმაოდ ლოიალური იმ კანონებთან შედარებით, რომლებიც მოქმედებს ამერიკაში და ევროპის ცალკეულ ქვეყნებში.

თუ კი თვლით, რომ მიღებული კანონი არ შეესაბამება ევროპულ სტანდარტებს, მაშინ კანონში დავამატოთ მუხლები, რომელიც გაითვალისწინებს სისხლის სამართლის პასუხისმგებლობას და სხვადსხვა ორგანიზაციების საქმიანობის აკრძალვას, ასევე სხვა მნიშვნელოვან საკითხებს, როგორც ეს არის ამერიკაში და ევროპის ცალკეულ ქვეყანაში.

🔷 ასეთ შემთხვევაში, ეს კანონი იქნება ზუსტად ერთი-ერთში იმ სტანდარტებთან მიმართებაში, რასაც მოითხოვენ და აპელირებენ ოპონენტები, რომელებიც ჩამოდიან საქართველოში „კეთილი სურვილებით“.

სხვა შემთხვევაში, ბოლო პერიოდში განვითარებული პოლიტიკური მოვლენები და ძირითადი პარტნიორებისგან დაფიქსირებული პოზიციები სხვა არაფერია, თუ არა ორმაგი სტანდარტებით მოქმედება, რასაც მთელი პასუხისმგებლობით ვაცხადებ, რომ არ დაუშვებს საქართველოს მოსახლეობა, რომელსაც აქვს თავისი წარსული, ისტორია, ტრადიციები, ღირებულებები და ფასეულობები, რომელსაც ძალიან კარგად ესმის, რას ნიშნავს ორმაგი სტანდარტით მოქმედება.

🔷თუ ჩვენთან უნდათ მეგობრობა ევროპელ პარტნიორებს და უნდათ მიგვიღონ მათ დიდი ოჯახში, ამისთვის მზად ვართ ჩვენი ღირებულებებით და ფასეულობებით.

ასევე მინდა გამოვეხმაურო გუშინ პარლამენტის წინ მიმდინარე საპროტესტო აქციაზე ევროკავშირის წევრი ქვეყნების პარლამენტების საგარეო კომიტეტების თავმჯდომარეების გამოსვლას, რომლებიც საქართველოში სპეციალურად ჩამოვიდნენ იმისათვის, რომ მხარი დაეჭირათ რადიკალური ოპოზიციის მიერ მართვადი აქციისთვის, რაც მიმართულია კანონიერად არჩეული ხელისუფლების წინააღმდეგ.

🔷მათ თავიანთი გამოსვლებით მხარი დაუჭირეს და მოუწოდეს საქართველოში არსებული ოპოზიციის გარკვეულ ნაწილს, მთავრობის დამხობისკენ. ეს იყო უპრეცედენტო შემთხვევა, რომლის შესახებაც სხვა სახელმწიფოს მაგალითზე მე არ მსმენია.

🔷კერძოდ, ის, რომ სხვა ქვეყნის მიერ არჩეული დეპუტატები ჩამოდიოდნენ სხვა ქვეყანაში და მოუწოდებდნენ უმრავლესობით არჩეული ხელისუფლების გადაყენებისკენ, ეს ფაქტი ვერანაირ სტანდარდებში ვერ ჯდება.

🔷ევროპელი პოლიტიკოსების ვიზიტს და მათ გამოსვლას გუშინდელ აქციაზე მე პოლიტიკას ვერ დავარქმევ. ეს არის ხალხი, რომელიც გახლავთ დესტრუქციული ძალების შემადგენელი ნაწილი.

🔷„მე არ გამოვრიცხავ, რომ ევროპელი პოლიტიკოსები ოპოზიციის გარკვეული ნაწილის მიერ იყვნენ ჩამოყვანილები და ის განცხადებები რაც მათ აქციაზე გააჟღერეს იყო შეთანხმებული, რადგან მათი განცხადებები ეს იყო ანტი ქართული, ანტი სახელმწიფოებრივი ყოველგვარი მტკიცებულებებისა და არგუმენტაციის გარეშე.

🔷აქედან გამომდინარე, მივმართავ შესაბამისი ორგანოების წარმომადგენლებს, ხელისუფლებას, გაატარონ და მიიღონ შესაბამისი ზომები.

🔷კერძოდ, მიმაჩნია, რომ დასანქცირების მექანიზმი, რომელიც ასეთი მოდური გახდა დღეს საქართველოს მიმართ, ჩვენც უნდა გამოვიყენოთ სანქცირების მექანიზმი სხვა ქვეყნის მოქალაქეებთან დაკავშირებით, რომლებიც დგანან ქუჩაში და მოუწოდებენ დაამხონ ის ხელისუფლება, რომელიც საქართველოს მოსახლეობის უმრავლესობით იქნა არჩეული.

🔷ეს მიმართვა ეხება როგორც ოპოზიციის გარკვეულ ნაწილს, მთავრობას, ასევე იმ „სტუმრებს“, „მეგობრებს“, რომლებიც ჩამოდიან საქართველოში“. – განაცხადა ფრიდონ ინჯიამ.

🔷პრეს-კონფერენციაზე გაკეთებული ძირითადი განცხადების შემდეგ დეპუტატმა მედიის წარმომადგენელების შეკითხვებს უპასუხა.

ჟურნალისტის კითხვაზე, მოსალოდნელია თუ არა საქართველოში გარკვეული პოლიტიკოსების მიმართ სანქციების დაწესება „უცხოური გავლენის გამჭვირვალეობის“ კანონის მიღებიდან გამომდინარე, რაზეც აქცენტი გააკეთა საქართველოში ვიზიტით მყოფმა ევროპისა და ევრაზიის საკითხებში აშშ-ის სახელმწიფო მდივნის თანაშემწემ, ჯიმ ო’ბრაიენმა, დეპუტატმა უპასუხა, რომ ასეთი მიდგომა არის კიდევ ერთი დასტური იმ ორმაგი სტანდარტებისა და სხვა ქვეყნის საშინაო საქმეებში უხეში ჩარევა, რომელსაც ავლენენ ქვეყნის საერთაშორისო პარტნიორები საქართველოს მიმართ.

„უცხოური გავლენის გამჭვირვალეობის“ შეახებ კანონი მიიღო საპარლამენტო უმრავლესობამ, რომელიც მიმართულია ქვეყნის სუვერენიტეტისა და დამოუკიდებლობის განსამტკიცებლად.

🔷მიმაჩნია, რომ რაც არ უნდა პატარა იყოს ქვეყენა, მსგავსი კანონი სახელმწიფოს უნდა ჰქონდეს მიღებული. მოგეხსენებათ ამერიკის შეერთებული შტატები არის დიდი სახელმწოფო თავისი შესაძლებლობებით, რომელსაც 50 წელზე მეტია აქვს იგივე კანონი, და ამერიკა, მიუხედავად თავისი სიძლიერისა, თვლის, რომ მას სჭირდება ე.წ. ფარას კანონი თავისი ქვეყნის ინტერსებისა და სუვერენიტეტის დასაცავად. ამიტომ, ისეთ პატარა ქვეყანას როგორიც საქართველოა, მიმაჩნია, რომ მით უფრო სჭირდება კანონი „გამჭვირვალეობის შესახებ“. – განაცხადა დეპუტატმა.

🔷ფრიდონ ინჯიას მიაჩნია, რომ გარკვეული პოლიტიკოსების მიმართ დასანქცირების გადაწყვეტილებას, ქვეყნის ხელისუფლებამ იგივე გადაწყვეტილებით უნდა უპასუხოს და დაასანქციროს საქართველოს ხელისუფლების მიმართ მტრულად განწყობილი სხვა ქვეყნის მოქალაქეები, მაღალჩინოსნები თუ პოლიტიკოსები.

🔷პოლიტიკური ჯგუფის თავმჯდომარის განცხადებით, პროცედურულად საქართველოს პრეზიდენტმა კანონზე ვეტოს დადების შემთხვევაში, პარლამენტს უნდა წარუდგინოს არგუმენტირებული წინადადებები და შენიშვნები.

🔷„უნდა აღვნიშნო, რომ „უცხოური გავლენის გამჭვირვალეობის“ შესახებ პარალმენტის მიერ მიღებული კანონი არის ძალიან ლოიალური და საკმაოდ მოკლე, სადაც ერთადერთი მოთხოვნაა, რომ არასამთავრობო ორგანიზაციებმა ყოველწლიურად შეავსონ დეკლარაციები. აქედან გამომდინარე, მე არ ველოდები ცვლილებების შეტანას აღნიშნულ კანონში“. – აღნიშნა დეპუტატმა.

🔷ფრიდონ ინჯიას მიაჩნია, რომ არასერიოზულია პრეზიდენტ ზურაბიშვილის განცხადება, რომ იგი უხელმძღვანელებს ოპოზიციური პარტიებისა და სამოქალაქო საზოგადოების „პროევროპულ ფრონტს“ 2024 წლის საპარლამენტო არჩევნებისთვის.

🔷„მე არა მგონია, რომ ეს იყოს ე.წ პრეზიდენტის იდეა, რადგანაც იგი თავის თავს არ ეკუთვნის და რასაც ეტყვიან იმას აკეთებს. ხვალ შეიძლება სხვა განცხადება გააკეთოს. ამიტომ, მე მიმაჩნია, რომ სერიოზულად არ უნდა მივიღოთ ის განცხადებები, რასაც აკეთებს სალომე ზურაბიშვილი“. – მიაჩნია დეპუტატს.

🔷ფრიდონ ინჯიამ პრეს-კონფერენციაზე ასევე შეაფასა საქართველოში ვიზიტით მყოფი გერმანიის ბუნდესტაგის საგარეო საქმეთა კომიტეტის თავმჯდომარის მიხაილ როთის განცხადება, რომელმაც საქართველოს მართლმადიდებელი ეკლესია ნეგატიურ კონტექსტში მოიხსენია.

🔷დეპუტატის განცხადებით, ეს არის შეურაცხყოფა ძირძველი ქართველი ერის, რომელიც ოდითგანვე იყო ქრისტიანი და მართლმადიდებელი.

🔷ჟურნალისტის კითხვაზე დაუჭერს თუ არა მხარს „ევროპელი სოციალისტების“ პოლიტიკური ჯგუფი ევროკავშირის 9 რეკომენდაციასთან დაკავშირებით კანონპროექტთა პაკეტს, ფრიდონ ინჯიამ განაცხადა, რომ საკითხის უდიდესი მნიშვნელობიდან გამომდინარე იგი თვლის, რომ წარმოდგენილი კანონპროექტთა პაკეტს მისი პოლიტიკური ჯგუფის მხრიდან მხარდაჭერა ექნება.

🔷„კანონპროეტთა ამ პაკეტში წარმოდგენილია მნიშვნელოვანი პოსტულატები, რომლის მიღება იქნება წინგადადგმული ნაბიჯი დემოკრატიული სახელმწიფოს მშენებლობის გზაზე“. – აღნიშნა ფრიდონ ინჯიამ.

პოლიტიკური ჯგუფის თავმჯდომარემ პრეს-კონფერენციის დასასრულს მიმართა აქციის მონაწილე ახალგაზრდებს, კარგად დაფიქრდნენ თუ რასთან აქვთ საქმე და ვინ დგას ამ მოძრაობის უკან და რა წარსული აქვს იმ ჯგუფს, რომელიც მიმდინარე აქციებს ორგანიზებას უკეთებს.

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინიციატივით სახელმწიფო გერბზე ნაცვლად „ძალა ერთობაშია“ დაიწეროს – „მამული, ენა, სარწმუნოება“, რაც დეპუტატის აზრით, ბევრი მნიშვნელოვანი საკითხის გადაჭრას შეუწყობს ხელს

🔴 საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინიციატივით სახელმწიფო გერბზე ნაცვლად „ძალა ერთობაშია“ დაიწეროს – „მამული, ენა, სარწმუნოება“, რაც დეპუტატის აზრით, ბევრი მნიშვნელოვანი საკითხის გადაჭრას შეუწყობს ხელს.

🔷️ „სახელმწიფო მნიშვნელობის სიმბოლოებიდან ერთერთი არის გერბი. დღეს საქართველოს გერბს აწერია – „ძალა ერთობაშია“. ხომ არ მოვიდა დრო, საქართველოს გერბზე დაეწეროს – „მამული, ენა, სარწმუნოება“. ვფიქრიბ ამით, ჩვენ ბევრ რამეს გადავწყვეტთ“, – განაცხადა დეპუტატმა პარლამენტის პლენარულ სხდომაზე, სადაც „სახელმწიფო მნიშვნელობის სიმბოლოების შესახებ“ კანონში ცვლილებები განიხილეს.

🔷️თავის მხრივ, პლენარული სხდომის თავმჯდომარემ, პარლამენტის ვიცე-სპიკერმა გია ვოლსკიმ განაცხადა, რომ თუ ამ საკითხზე იქნება შესაბამისი შემოთავაზება, ისინი მზად არიან ეს წინადადება მოისმინონ.

ნებისმიერი კანონის მიღებასთან დაკავშირებით ყველა სახელმწიფოს უნდა ჰქონდეს თავისი სუვერენული და ექსკლუზიური უფლება

🔴 ქართული ოჯახისთვის მიუღებელია ის პროპაგანდა, რომელმაც შეიძლება ზიანი მიაყენოს ქართული ოჯახის სიმტკიცეს. აქედან გამომდინარე, მნიშვნელოვანია, რომ ეს საკითხი საქართველოს პარლამენტმა კანონმდებლობის დონეზე დაარეგულიროს.

🔷️ ჩვენ უნდა დავიცვათ ჩვენი ქვეყნის იდენტობა.

🔷️ ნებისმიერი კანონის მიღებასთან დაკავშირებით ყველა სახელმწიფოს უნდა ჰქონდეს თავისი სუვერენული და ექსკლუზიური უფლება.

🔷️ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ვენეციის კომისიის წარმომადგენლებთან ონლაინ შეხვედრაზე განაცხადა, სადაც ისაუბრეს „ოჯახურ ღირებულებათა და არასრულწლოვანთა დაცვის შესახებ“ კონსტიტუციურ კანონპროექტის შესახებ.

🔷️„მიმაჩნია, რომ ისეთი ქვეყნისთვის როგორიც საქართველოა, თავისი ისტორიით და ტრადიციებით მნიშვნელოვანია ასეთი ცვლილებების შეტანა მოხდეს ქვეყნის კონსტიტუციაში.

🔷️10-15 წლის წინ ეს საკითხი რომ დამდგარიყო ქვეყნის პოლიტიკურ დღის წესრიგში, საქართველოს მოსახლეობა გაოცებული დარჩებოდა, იმდენად რამდენადაც, ეს საკითხი არ წარმოადგენდა ისეთ საშიშროებას, განსაკუთრებით არასრულწლოვანების მიმართ, როგორიც ეს არის დღეს.

🔷️საკითხი, რომელიც ეხება ოჯახურ ღირებულებებს, მნიშვნელოვანია საქართველოს ყველა ოჯახისთვის, განურჩევლად მისი ეროვნული წარმომავლობისა, რადგან ისინი საუკუნეების განმავლობაში ცხოვრობენ ერთი სულისკვეთებით, რადგან მოსწონთ ის ადათ-წესი და თუნდაც, თამაშის წესი, ასე რომ ვთქვათ, რაც არის საქართველოში, რაც ოდითგანვე მოდის. მაგრამ მოვიდა დრო, და ეს საკითხი დადგა დღის წესრიგში, რასაც თან ახლდა ის დიდი ზეწოლა, რომელიც ხდება მსოფლიოში ამ საკითხთან მიმართებაში, რაც თავისთავად, საქართველოსაც შეეხო“, – აღნიშნა ფრიდონ ინჯიამ.

🔷️დეპუტატის განცხადებით, საქართველოში სხვა ორიენტაციის ადამიანებს არავითარი პრობლემა არ აქვთ. ისინი სახელმწიფოში არ არიან დაჩაგრულები.

🔷️„განსხვავებული ორიენტაციის ადამიანების ჩაგვრა ჩვენს ქვეყანაში არ ხდება. ისინი შეიძლება ძალიან მცირედი პროცენტით იყვნენ საქართველოში და მიმაჩნია, რომ ამის დათვლაც კი არ არის საჭირო. ამ საკითხთან დაკავშირებით, პირადი და პიროვნული შეხედულება არ არის საინტერესო ჩვენი საზოგადოების უმრავლესობისთვის, და ეს მიდგომა მისაღებია საქართველოს მოსახლეობის 95 %-ისთვის.

🔷️განსხვავებული ორიენტაციის ადამიანები იყვნენ ყოველთვის ყველა ქვეყანაში და იქნებიან კიდევაც. ამ საკითხის ასე საჯაროდ გამოტანა, განხილვა და ამის ხაზგასმა, განსაკურებით არასრულწლოვანებთან მიმართებაში და, მით უფრო, მისი პროპაგანდა სატელევიზიო, თუ სხვა მედიასაშუალებებით, ჩვენთვის მიუღებელია. ზოგადად ვფიქრობ, რომ ამის პროპაგანდა არ არის კარგი არა მხოლოდ საქართველოსთვის, არამედ სრულიად სამყაროსთვის.

🔷️აქედან გამომდინარე, მიმაჩნია, რომ საკონსტიტუციო ცვლილებების დონეზე ოჯახური ღირებულებებისა და არასრულწლოვანთა დაცვის საკითხს უნდა დაესვას წერტილი. არასრულწლოვნებზე ზეწოლა, მე დანაშაულად მიმაჩნია. ასევე, მხარს ვუჭერ, რომ საქართველოში კანონით აიკრძალოს სქესის შეცვლასთან დაკავშირებით ნებისმიერი სამედიცინო ჩარევა“, – აღნიშნა ფრიდონ ინჯიამ.

🔷️პოლიტიკური ჯგუფის თავმჯდომარე თვლის, რომ ოპოზიციონერობა არ ნიშნავს იყო მუდმივ წინააღმდეგობაში ხელისუფლებასთან, და თუ რომელიმე პოლიტიკურ ძალას სურს ხელისუფლებაში მოსვლა, მან არჩევნების გზით, ლეგიტიმურად უნდა მოიპოვოს გამარჯვება.

🔷️„მე როგორც საპარლამენტო ოპოზიციური პარტიის თავმჯდომარე, ხშირ შემთხვევაში მაქვს კრიტიკული მოსაზრებები ხელისუფლების ამა თუ იმ გადაწყვეტილებასთან დაკავშირებით, რასაც შესაბამისი არგუმენტაციებით ვასაბუთებ, მაგრამ იყო ოპოზიციში არ ნიშნავს, ყველა საკითხში ეწინააღმდეგებოდე ხელისუფლებას.

🔷️ხელისუფლება არჩეულია საქართველოს მოსახლეობის უმრავლესობით, არჩევნების გზით და თუ რომელიმე პოლიტიკურ პარტიას სურს ხელისუფლებაში მოსვლა, მან არჩევნების გზით, ლეგიტიმურად უნდა მოიპოვოს გამარჯვება, მისი პროგრამით, თეზისებით, საქმეებით, რომელიც მისაღები იქნება ქვეყნის მოსახლეობისთვის“, – განაცხადა ფრიდონ ინჯიამ.

🔷️დეპუტატმა თავის გამოსვლაში ყურადღება გაამახვილა მის ინიციატივასთან დაკავშირებით, რომელიც მან საერთო-სახალხო განხილვის ფარგლებში რეგიონებში მოსახლეობასთან გამართულ შეხვედრებზე არაერთხელ გააჟღერა.

🔷️„საერთო-სახალხო განხილვის ფარგლებში, სადაც პირადად მე ვიღებდი მონაწილეობას, ჩემი წინადადება იყო, რომ სახელწოდება „ოჯახური ღირებულებები“ შეცვლილიყო ტერმინით „ქართული ღირებულებები“, რადგანაც ქართული ღირებულებები თავის მხრივ მოიცავს ყველაფერს ერთად – ადათ-წესებს, ტრადიციებს, კულტურას, ჩვენს იდენტობას“, – დასძინა დეპუტატმა.

🔷️პოლიტიკური ჯგუფის თავმჯდომარემ თავისი განცხადების შემდეგ ვენეციის კომისიის წარმომადგენელთა კითხვებს უპასუხა.

🔷️დეპუტატის განცხადებით, კანონპროექტების პაკეტის საგნობრივი და მუხლობრივი განხილვა, მსჯელობა მოხდება პარალმენტში საკომიტეტო მოსმენებისას საერთო სახალხო განხილვების შემდეგ შეტანილი ცვლილებებიდან გამომდინარე.

🔷️„ამა თუ იმ კანონთან მიმართებაში ყველა ქვეყნას უნდა ჰქონდეს თავისი სუვერენული და ექსკლუზიური უფლება. ჩვენ ვიღებთ ისეთ კანონს, რომელიც მისაღებია ჩვენი მოსახლეობსითვის. ამა თუ იმ კანონთან მიმართებაში, პირველ რიგში, მნიშვნელოვანია სწორედ საქართველოს მოსახლეობის შეფასება და არა სხვა ქვეყნების მოქალაქეების მოსაზრება“, – აღნიშნა დეპუტატმა.