ყოველთვიური არქივები: იანვარი2022

ფრიდონ ინჯია მიიჩნევს, რომ საქართველომ 3+3 ფორმატის მოლაპარაკებებში მონაწილეობა უნდა მიიღოს.

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მიიჩნევს, რომ საქართველომ 3+3 ფორმატის მოლაპარაკებებში მონაწილეობა უნდა მიიღოს.


🔷 როგორც ფრიდონ ინჯიამ ტელეკომპანია „ჯორჯიან თაიმსის“ ეთერში განაცხადა, საქართველო პრაგმატულად უნდა მოქმედებდეს ქვეყნის ინტერესებიდან გამოდინარე.


🔷 „რაღაც სხივი გამოჩნდა. მაგალითად, ფორმატი 3+3… ღმერთმა ნუ ქნას, რომ ის ტვირთები, რომელიც ჩვენი პორტებიდან გადის, შეიზღუდოს, ძალიან მძიმე მდგომარეობაში აღმოჩნდება ქვეყანა. მიიღე მონაწილეობა მოლაპარაკებებში, პრაგმატულად უყურე – თუ არის მომგებიანი ჩვენი ქვეყნისთვის, ვაწერთ ხელს, როგორც ამას აზერბაიჯანი და თურქეთი აკეთებენ, რომლებმაც ევროპის მიერ რუსეთისთვის სანქციების დაწესების შემდეგ ვეებერთელა მოგება ნახეს, იმით, რომ თავისი პროდუქციით, ფაქტიურად, რუსეთის ბაზარი აიღეს“, – განაცხადა ფრიდონ ინჯიამ.


🔷 მისი თქმით, ფსევდო ლიბერალურმა პოლიტიკამ, რომელიც საქათველოში 30 წლის განმავლობაში იყო, შედეგი არ გამოიღო, და ქვეყანა დაინგრა.


🔷 „ჩვენი ურთიერთობა მრავალვექტორული უნდა იყოს, ყველას უნდა ველაპარაკოთ. ამიტომ, ნუ შეგვეშინდება რამე იარლიყების. ჩვენს გუნდში, ყველა ვუყურებთ პრაგმატულად არსებულ სიტუაციას ჩვენი ქვეყნის ინტერესებიდან გამომდინარე, მაგრამ ისეთი რამე არ უნდა ჩავიდინოთ, რომ მერე მისასვლელი არ გვქონდეს“, – აღნიშნა ფრიდონ ინჯიამ.

პოლიტიკური ჯგუფის თავმჯდომარე მიიჩნევს, რომ ამ შემთხვევაში, როცა ჯერ კიდევ არაფერი არაა გარკვეული, უკრაინის მხარდამჭერი რეზოლუცია ნაადრევია.

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის ბიუროს სხდომაზე დააფიქსირა პოლიტიკური ჯგუფის პოზიცია უკრაინაში განვითარებულ მოვლენებთან დაკავშირებით პარლამენტის მიერ მომზადებულ რეზოლუციის პროექტის შესახებ.

🔷 პოლიტიკური ჯგუფის თავმჯდომარე მიიჩნევს, რომ ამ შემთხვევაში, როცა ჯერ კიდევ არაფერი არაა გარკვეული, უკრაინის მხარდამჭერი რეზოლუცია ნაადრევია.

🔷 ფრიდონ ინჯიას განცხადებით, თუ ქვეყნის უმაღლესი საკანონმდებლო ორგანო საბოლოო ჯამში მიიღებს გადაწყვეტილებას კენჭი უყაროს რეზოლუციის პროექტს, პოლიტიკური ჯგუფი პარლამენტს განსახილველად წარუდგენს „ევროპელი სოციალისტების“ მიერ მომზადებულ რეზოლუციის პროექტს.

„ევროპელი სოციალისტების“ თავმჯდომარე ფრიდონ ინჯია ტელეკომპანია „ჯორჯიან თაიმსის“ პირდაპირ ეთერში

📍 საპარლამენტო ოპოზიციური პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ტელეკომპანია „ჯორჯიან თაიმსის“ ეთერში უკრაინის ირგვლივ მიმდინარე პროცესებსა და საქართველოს პოზიციაზე ისაუბრა.
🔷 ფრიდონ ინჯია მიიჩნევს, რომ უკრაინაში სარკისებურად მეორდება საქართველოს 2008 წლის მოვლენები.
🔷 „ერთმანეთში ორი დიდი “მონსტრი” არკვევს საქმეს და შენ ცხვირს ჰყოფ. ამასთანავე, არც კი იცი, რაზე საუბრობენ, არ იცი ამერიკის შეერთებულმა შტატებმა რა მისწერა რუსეთს დახურული პასუხით. შესაძლოა, ისეთი რამ წერია, რომ საერთოდ სამასხარაო გახდე … უკრაინა მძიმე მდგომარეობაშია, მაგრამ უკრაინა, ასე რომ ვთქვათ, მეორე პლანზეა, იმას არც ეკითხებიან, დაპირისპირება აშშ- სა და რუსეთს შორისაა, და ჩვენ საერთოდ ვინ შეგვეკითხება რამეს“, – განაცხადა ინჯიამ.
🔷 მისი თქმით, საქართველომ ისტორიიდან გაკვეთილები უნდა მიიღოს და დასკვნები გამოიტანოს.
🔷 „გადავხედოთ, რა მოხდა 2008 წელს … გაკვეთილი, დასკვნა ხომ უნდა გამოვიტანოთ, ხომ გაგაფრთხილეს … ცხონებული ეროსი კიწმარიშვილმა როდესაც ჩამოიტანა ეს ამბავი, მეორე დღეს ის მე შემხვდა და მითხრა, რომ მძიმე მდგომარეობააო, ჩვენებს აქ ვერ ვაკავებო. ხომ არ არის სარკისებურად? იმ დროს 2008 წელს ეს შეიარაღება მოდიოდა ყველა ქვეყნიდან, ახლა იქაც მიდის ყველა ქვეყნიდან, თუმცა ნატოს ზოგიერთმა წევრმა ქვეყანამ თქვა, რომ არ მივიღებთ მონაწილეობას და საერთოდ გამოვიყვანთ ჯარს აქეთო, ესენია – ხორვატია, ბულგარეთი … ხომ უნდა გამოვიტანოთ დასკვნა?“, – განაცხადა ფრიდონ ინჯიამ.
🔷 რაც შეეხება დასავლეთის სანქციებს, პოლიტიკური ჯგუფის თავმჯდომარე მიიჩნევს, რომ ეს რუსეთს დიდად არ დააზიანებს.
🔷 „თუ რომელიმე ჩიპი არ მისცეს რუსეთს, იაროსლავის ოლქის გლეხს ან მუშას სულ არ აინტერესებს ეს შენი ჩიპი, ან კიდევ რუსეთის ხელმძღვანელობა შოპინგზე თუ არ წავა ელისეს მინდვრებზე, არაფერი ამით არ იქნება“, – აცხადებს ფრიდონ ინჯია.

„ევროპელი სოციალისტები“ ცენტრალური საარჩევნო კომისიის თავმჯდომარეობის კანდიდატს, გიორგი კალანდარიშვილს შეხვდნენ

📍საპარლამენტო პოლიტიკური ჯგუფი – „ევროპელი სოციალისტები“ ცენტრალური საარჩევნო კომისიის თავმჯდომარეობის კანდიდატს, გიორგი კალანდარიშვილს შეხვდნენ და მის სამომავლო ხედვებსა და საარჩევნო პროცესის გაუმჯობესებასთან დაკავშირებით დაგეგმილ აქტივობებზე ისაუბრეს.
🔷 როგორც პოლიტიკური ჯგუფის თავმჯდომარემ, ფრიდონ ინჯიამ განაცხადა, „ევროპელი სოციალისტებისთვის“ მიუღებელია ცენტრალური საარჩევნო კომისიის თავმჯდომარის არჩევა ექვს-ექვსი თვის ვადით იმ შემთხვევაში თუ კანდიდატი პარლამენტის სრული შემადგენლობის არანაკლებ ორი მესამედით ან სრული შემადგენლობის უმრავლესობით მხარდაჭერას ვერ მოიპოვებს.
🔷 „ცენტრალური საარჩევნო კომისია არის ერთ-ერთი უმნიშვნელოვანესი ინსტიტუტი ქვეყანაში, რომელიც უნდა იყოს დამოუკიდებელი და მიუკერძოებელი. საუბარი გვქონდა ცენტრალურ საარჩევნო კომისიის სამომავლო გეგმებზე. ვისაუბრეთ ასევე, ეროვნულ-დემოკრატიული ინსტიტუტის NDI – ის მიერ ჩატარებულ კვლევაზე, რომლის თანახმად, თითქოს ცენტრალური საარჩევნო კომისიის მუშაობაზე ნდობა არის დაწეული. ეს მიგვაჩნია ერთ-ერთ მაჩვენებლად თუ როგორ მუშაობს ცესკო. ამასთანავე, ჩვენ გვქონდა კითხვა იმასთან დაკავშირებით, თუ რამდენად სწორია ის, რომ თუ კანდიდატმა პარლამენტის წევრების 90 ხმით მხარდაჭერა ვერ მიიღო, იმ შემთხვევაში თავმჯდომარე მხოლოდ 6 თვით იქნება არჩეული მაშინ, როდესაც პარლამენტი 76 ხმით მოსამართლეებს უვადოდ ირჩევს“, – განაცხადა ფრიდონ ინჯიამ.
🔷 „მას შემდეგ რაც მოვუსმენთ ყველა კანდიდატს მივიღებთ გადაწყვეტილებას თუ ვის დავუჭერთ მხარს. აპრიორი ვიტყვით მხოლოდ იმას, რომ ჩვენთვის მიუღებელია ექვს-ექვსი თვით ცენტრალური საარჩევნო კომისიის თავმჯდომარის არჩევა. პრაქტიკულად, ყველა სამ თვეში ერთხელ იწყება საარჩევნო მარათონი და იმის მაგივრად, რომ ეს უწყება კონცენტრირებული იყოს სერიოზულ ცვლილებებზე საარჩევნო ქმედებებში, ჩვენ რეალურად ვიღებთ მუდმივად მარათონს თუ ვინ გახდება თავმჯდომარე“, – განაცხადა დავით ზილფიმიანმა.
🔷ცენტრალური საარჩევნო კომისიის თავმჯდომარეობის კანდიდატმა, გიორგი კალანდარიშვილმა იმედი გამოთქვა, რომ გახდება მრავალპარტიული მხარდაჭერით არჩეული თავმჯდომარე, რადგან ამის ყველანაირი წინაპირობა არსებობს.
🔷„ღია ვიყავი, ვარ და ვიქნები ნებისმიერ კონსტრუქციულ, საქმიან ფორმატში შეხვედრებისა და ურთიერთობების, რომელიც არა მხოლოდ ცენტრალური საარჩევნო კომისიის თავმჯდომარის არჩევას, არამედ ნებისმიერ იმ საკითხს ეხება, რომელიც საარჩევნო პროცესისთვის და საარჩევნო პროცედურებისთვის მნიშვნელოვანია. შეხვედრისას იყო კონსტრუქციული კრიტიკა ჩვენს საქმიანობასთან მიმართებაში იმისთვის, რომ კიდევ უფრო მეტად გავაუმჯობესოთ ადმინისტრაციის საქმიანობა, მისი განვითარება და შემდგომი ტრანსფორმაცია“, – განაცხადა გიორგი კალანდარიშვილმა.

საქართველოს უნდა ჰქონდეს მრავალვექტორული საგარეო ურთიერთობა – ფრიდონ ინჯია.

🇬🇪 საქართველოს უნდა ჰქონდეს მრავალვექტორული საგარეო ურთიერთობა – ფრიდონ ინჯია.

🔷 „უკრაინის მოვლენებთან მიმართებაში მომზადებული რეზოლუციის შექმნის ინიციატივა იყო ოპოზიციური პარტიების გარკვეული ნაწილის მხრიდან, რომელიც მე ვიტყოდი, რომ არის დესტრუქციული ოპოზიცია. ერთი წლის განმავლობაში მათ პრაქტიკულად, არ მიუღიათ მონაწილეობა საპარლამენტო საქმიანობაში. თუმცა, ისინი იღებდნენ მონაწილეობას ზოგი გარეთ, ზოგი პარლამენტში, ზოგიც ქუჩაში. სამაგიეროდ, ისინი ანაზღაურებას იღებენ სრულად“ – განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ტელეკომპანია „ალტ ინფოს“ პირდაპირ ეთერში გადაცემა „დღის კომენტარში“ სტუმრობისას.

🔷 მისი თქმით, ოპოზიციის ამ ნაწილის სურვილია, საქართველოში მოხდეს არეულობა. მათ ჰქონდათ მცდელობა დაემტკიცებინათ, რომ 2020 წლის საპარლამენტო არჩვენები გაყალბდა, მაგრამ მათ ეს არ გამოუვიდათ. რის შემდეგაც წამოაყენეს საკითხი რიგ გარეშე არჩევნების ჩატარების შესახებ, რომელიც ასევე, არ გამოუვიდათ. მათ დარჩათ მხოლოდ ის, რომ ყველანაირად შეეცადონ ქვეყანაში არეულობას და უკრაინაში არსებული ვითარება ამისთვის გამოიყენონ.

🔷 „არც ერთ ქვეყანას მხარდაჭერის შესახებ ან სხვა სახის რაიმე მიმართვა, უკრაინასთან დაკავშირებით არ გაუკეთებია. ჩვენ კი გავრბივართ პირველები. ამ დროს. შეიძლება ჩვენ რაღაც შეგვეშალოს, შეიძლება ჩვენ გამოვედით მხარე უკრაინასთან ერთად და ჩავერთოთ ამ დიდ გაუგებრობაში” – აღნიშნა ფრიდონ ინჯიამ

.🔷 „ჩვენს პარტიას მიჩნია, რომ ჩვენ უნდა ვიყოთ დინჯად. წყნარად ვადევნოთ თვალი … რაღაც სინათლის სხივიც გამოჩნდა რუსეთთან მიმართებაში. მაგალითად 3+3 ფორმატი, აღდგა პირდაპირი საჰაერო მიმოსვლა. იმ პოლიტიკით რა პოლიტიკაც ჩვენმა მთავრობამ განახორციელა, რაღაც მიღწევები იყო ეკონომიკური მიმართულებით. მხედველობაში მაქვს ის, რომ ერთიანი შიდა პროდუქტის მაჩვენებელმა ორ ნიშანს გადააჭარბა. თქვენ წარმოგიდგენიათ? მაშინ, როცა დიპლომატიური ურთიერობა არ არსებობს, არის ეკონომიკური საქმიანობა, და არის გარკვეული წინსვლები ამ მიმართულებით. ეს ურთიერთობა რომ ყოფილიყო 2-3 წლის წინ, ეს მაჩვენებელი იქნებოდა ორჯერ მეტი. ჩვენ, ჩვენი პოლიტიკით, ჩვენი მოსახლეობის ჯიბეებიდან ამოვიღეთ ის შემოსავალი, რაც შეეძლოთ, რომ მათ მიეღოთ. ეს არის ღალატი. ეს არის ის რაც ურტყამს ჩვენს ქვეყანას.“ – აღნიშნა ფრიდონ ინჯიამ.

🔷 „უკრაინა ჩვენთვის ახლო ქვეყნაა, მოძმე ქვეყანაა. მაგრამ იმდენად მოძმე არ არის როგორც უკრაინა რუსეთისთვის. ყოველ მეორე ოჯახს ნათესავი ჰყავს უკრაინაში და პირიქით, ყოველ მეორე უკრაინელ ოჯახს ნათესავები ჰყავს რუსეთში. თუმცა, ჩვენ ძალიან დიდი მეგობრები ვართ. უფრო მეტს გეტყვით, როდესაც იყო აფხაზეთის ომი და ლტოლვილები გადმოყავდათ მესტიაში, მაშინ უკრაინელი მფრინავები თავდაუზოგავად დადგნენ ჩვენს გვერდით. ეხლაც, ჩვენ გვერდით ვდგავართ უკრაინელებთან ყველა გაგებით. არ არის საჭირო იარაღის მიწოდება. პირიქით, ჩვენ ყველაფერი უნდა გავაკეთოთ იმისთვის, რომ ცეცხლი არ დაინთოს. ეს არის ჩვენი ამოცანა“ – აღნიშნა ფრიდონ ინჯიამ.

🔷 რაც შეეხება რეზოლუციას, მას მიაჩნია, რომ საქართველომ თავი უნდა შეიკავოს ამ ეტაპზე და დააკვირდეს მოვლენების განვითარებას.

🔷 „ჩვენი ინტერესი ხომ ყველასთვის გასაგებია. ეს არის ეკონომიკური საკითხები, ის დაკარგული ტერიტორიები, ჩვენი ქვეყნის სოციალურ ეკონომიკური მდგომარეობა. ჩვენს პარტიას მიაჩნია, რომ ამ შემთხვევაში უმჯობესია თავშეკავება ყოველგვარი განცხადებებისგან და რეზოლუციებისგან, რათა ზიანი არ მივაყენოთ ჩვენს თავს. თუ ოპოზიცია დაარეგისტრირებს პარლამენტში პროექტს, ასეთ შემთხვევაში, ჩვენი პოლიტიკური ჯგუფიც დაარეგისტრირებს რეზოლუციის პროექტის ჩვენს ვარიანტს. ამ რეზოლუციაში კი არის მოწოდება, რომ რა თქმა უნდა, ყველა სუვერენულ სახელმწიფოს უნდა ჰქონდეს სუვერენული უფლებები, რომ ქვეყანას აქვს უფლება გაერთიანდეს ნებისმიერ ორგანიზაციაში, ნებისმიერ პოლიტიკურ თუ სამხედრო გაერთიანებაში. ეს უნდა იყოს ყველა დამოუკიდებელი ქვეყნის სუვერენული უფლება. მიიღებენ თუ არა ამ ათუ იმ ქვეყანას ამა თუ იმ ორგანიზაციაში ეს სხვა საკითხია. აქ უკვე მნიშვნელოვანია, თუ რა პირობებზეა საუბარი და ასე შემდეგ.“ – აღნიშნა ფრიდონ ინჯიამ.

🔷 როგორც „ევროპელი სოციალისტების“ თავმჯდომარემ განაცხადა, ქვეყანაში 30 წლის განმავლობაში გატარებულმა პოლიტიკამ შედეგი ვერ მოიტანა.

🔷 „დავკარგეთ ტერიტორიები. დაინგრა ქვეყანა. „ნაციონალური მოძრაობის“ მხრიდან ადგილი აქვს მიზანმიმართულ ქმედებებს, რომ დაბლოკონ ყველა სწორი გადაწყვეტილება. 18 წელია „ნაციონალური მოძრაობა“ ამას ახერხებს. ამას რატომ ვამბობ? ამ 18 წლიდან 9 წელი „ქართული ოცნება“ მათ ალყაში ჰყავთ შემორტყმული და ყველანაირად ცდილობენ ყველა სწორი გადაწყვეტილება დაბლოკონ“ – აღნიშნა მან.

🔷 გადაცემის წამყვანის შეკითხვაზე ახდენს თუ არა გავლენას საზოგადოებაში არასწორი აზრის ჩამოყალიბებაზე არსებული პროპაგანდა და საინფორმაციო საშუალებები, ფრიდონ ინჯიას აზრით, რა თქმა უნდა, გარკვეულ წილად საზოგადოებრივ აზრზე ეს აისახება.

🔷 „საინფორმაციო საშუალებებში დღეს არსებული პროპაგანდა ახდენს დიდ გავლენას საზოგადოების აზრზე, მაგრამ მე დარწმუნებული ვარ ჩვენ გონს მოვალთ და გადავრჩებით. პროპაგანდა დიდ გავლენას ახდენს საზოგადოებაზე. საინფორმაციო საშუალებები მათ ხელშია. მიუხედავად ამისა, ქართულ საზოგადოებაში არიან ისეთი ადამიანები, რომლებიც სწორად ხედავენ არსებულ რეალობას და ჩვენ გადავრჩებით. საუკუნეები იყვნენ იმპერიები და მათგან არაფერი არ დარჩა და ჩვენ კი, გადავჩრით. ამიტომ, ვფიქრობ, რომ მოვალთ გონს და ის, რაც დღეს მისაღებია საქართველოსთვის და არის მომგებიანი, ის უნდა გავაკეთოთ. ეს ურთიერთობა უნდა იყოს რუსეთთან, თურქეთთან, აზერბაიჯანთან, ამერიკასთან. ჩვენ უნდა გვქონდეს მრავალვექტორული ურთიერთობა, როგორც ეს ჩვენი პარტიის წესდებაშია“ – აღნიშნა ფრიდონ ინჯიამ.