ფრიდონ ინჯიამ პარლამენტის პლენარულ სხდომაზე საარჩევნო კოდექსში ცვლილებებთან დაკვშირებით საკუთარი ინიციატივა წარადგინა, რომლის მიხედვითაც, ელექტრონული საიდენტიფიკაციო მოწმობის არმქონე პირებს შეეძლებათ გამოიყენონ ქვეყნის კონსტიტუციით მინიჭებული ხმის უფლება და არჩევნებში მიიღონ მონაწილეობა

🔴 საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის პლენარულ სხდომაზე საარჩევნო კოდექსში ცვლილებებთან დაკვშირებით საკუთარი ინიციატივა წარადგინა, რომლის მიხედვითაც, ელექტრონული საიდენტიფიკაციო მოწმობის არმქონე პირებს შეეძლებათ გამოიყენონ ქვეყნის კონსტიტუციით მინიჭებული ხმის უფლება და არჩევნებში მიიღონ მონაწილეობა.

📍 საკითხი დეპუტატებმა პარლამენტის პლენარულ სხდომაზე პირველი მოსმენით განიხილეს.

🔷 „ერთი ადამიანიც, ერთი ამომრჩეველიც რომ იყოს ელექტრონული პირადობის მოწმობის გარეშე, უნდა არსებობდეს ისეთი კანონი, რომელიც თუნდაც, ამ ერთ ადამიანს მისცემს საშულებას, გამოიყენოს კონსტიტუციით მინიჭებული ხმის მიცემის უფლება და მიიღოს არჩევნებში მონაწილეობა.

🔷 ეს გახლავთ ეუთო/ოდირის ერთ-ერთი მოთხოვნა. წარმოდგენილი ცვლილება ეხება საქართველოს იმ მოქალაქეებს, რომელთაც დღემდე აქვთ პირადობის არა ელექტრონული (პირადობა, რომელსაც არ აქვს ე.წ. ჩიპი – ელექტრონული მატარებელი) მოწმობა, რომელთაც დღეს მოქმედი საარჩევნო კოდექსის თანახმად, არ აქვთ უფლება გამოიყენონ კონსტიტუციით მინიჭებული ხმის უფლება და მიიღონ მონაწილეობა არჩვენებში.

🔷 საქართველომ 2022 წლის 3 მარტს წარადგინა ევროკავშირში გაწევრიანების განაცხადი და აქედან გამომდინარე, ევროკავშირმა საქართველოს მისცა დავალება 12 პუნქტიანი რეკომენდაციის შესრულებასთან დაკავშირებით, საიდანაც ერთერთი მნიშვნელოვანი პუნქტი გახლდათ ცვლილებები საარჩევნო კოდექსი.

🔷 საყურადღებოა, რომ დღეს მოქმედი საარჩევნო კოდექსით, საქართველოს პარლამენტის 2024 წლის ოქტომბრის არჩევნებში მონაწილეობის უფლება ექნებათ მხოლოდ იმ პირებს, რომელთაც აქვთ ელექტრონული პირადობის მოწმობები (პირადობის მოწმობა, რომელსაც აქვს ინფორმაციის ელექტრონული მატარებელი), შესაბამისად, საქართველოს მოქალაქე, რომელსაც აქვს მოქმედი არაელექტრონული პირადობის მოწმობა (პირადობის მოწმობა, რომელსაც არ აქვს ინფორმაციის ელექტრონული მატარებელი) ვერ ისარგებლებს კონსტიტუციით გათვალისწინებული უფლებით (საარჩევნო უფლებით) და არ ექნება შესაძლებლობა მიიღოს მონაწილეობა 2024 წელს და მას შემდგომ ჩატარებულ არჩევნებში.

🔷 აღნიშნული კი, თავის მხრივ, გულისხმობს, რომ საქართველოს მოქალაქეობის მქონე ათიათასობით პირს შეეზღუდება კონსტიტუციური უფლება, მიიღონ არჩევნებში მონაწილეობა და დააფიქსირონ თავიანთი პოზიცია“, – განაცხადა ფრიდონ ინჯიამ.

🔷 პოლიტიკური ჯგუფის თავმჯდომარის განცხადებით, ვენეციის კომისია და ეუთო/ოდირი 2022 წლის დეკემბრის თავის დასკვნაში მიუთითებს, რომ მართალია საქართველოში ელექტრონული საიდენტიფიკაციო მოწმობის გაცემა დაიწყო 2011 წელს, მოქალაქეების გარკვეული ნაწილი დღესაც სარგებლობს მოქმედი არაელექტრონული საიდენტიფიკაციო მოწმობით. აქედან გამომდინარე, ვენეციის კომისია და ეუთო/ოდირი ხაზგასმით საუბრობს, იმ პირთა არჩევნებში მონაწილეობის მნიშვნელობაზე, რომლებიც ფლობენ მოქმედ არაელექტრონულ საიდენტიფიკაციო მოწმობებს.

🔷 შესაბამისად, ვენეციის კომისია და ეუთო/ოდირი მოუწოდებს საქართველოს გადადგას ქმედითი ნაბიჯები, განახორციელოს შესაბამისი საკანონმდებლო ცვლილებები, რათა უზრუნველყოფილ იქნეს ამ პირთა კონსტიტუციით გათვალისწინებული ხმის უფლება.

🔷 „განსაკუთრებით ხაზგასასმელია, რომ ამ საკითხთან დაკავშირებით არაერთმა მოქალაქემ მოგვმართა და გამოთქვა დასაბუთებული და არგუმენტირებული მოსაზრება განხორციელდეს ისეთი ცვლილებები, რომლებიც მათაც (ელექტრონული საიდენტიფიკაციო მოწმობის არმქონე პირებსაც) შეუნარჩუნებს უფლებას მიიღონ არჩევნებში მონაწილეობა, მოიხადონ თავიანთი მოქალაქეობრივი ვალი და გამოხატონ თავიანთი პოლიტიკური პოზიცია.

🔷 ასევე, აღსანიშნავია, რომ საქართველოს საკონსტიტუციო სასამართლომ 2020 წლის 4 ივნისის გადაწყვეტილებაში (№1/1/1404) მიუთითა, რომ სახელმწიფო არ თავისუფლდება ვალდებულებისგან დაიცვას იმ პირთა ინტერესები, რომლებსაც არ სურთ ელექტრონული პირადობის მოწმობებით სარგებლობა, თავიანთი გულწრფელი რელიგიური წინააღმდეგობის გამო“, – განაცხადა დეპუტატმა

🔷 „აქედან გამომდინარე, გთავაზობთ კონკრეტულ ცვლილებას საქართველოს ორგანულ კანონში „საქართველოს საარჩევნო კოდექსი“, რომლის მიხედვითაც ცვლილებები ხორციელდება კოდექსის 63-ე მუხლი მე-19 პუნქტში, 65-ე მუხლის მე-2 პუნქტის „ა“ და „ბ“ ქვეპუნქტებში, ასევე 766 მუხლის პირველი პუნქტის „ზ“ ქვეპუნქტში და განისაზღვრება, რომ არჩევნებში ხმის მიცემა და სხვა სათანადო პროცედურების განხორციელება შესაძლებელი იქნება აგრეთვე საქართველოს მოქალაქის მოქმედი არაელექტრონული პირადობის მოწმობით (პირადობის მოწმობით, რომელსაც არ აქვს ინფორმაციის ელექტრონული მატარებელი)“. – აღნიშნა ფრიდონ ინჯიამ.

🔷 პოლიტიკური ჯგუფის თავმჯდომარემ პარლამენტის პლენარულ სხდომაზე საკითხის ინიცირებისას დეპუტატების შეკითხვებს უპასუხა.

სამების საკათედრო ტაძარში დაღუპულთა მოსახსენიებლად სამოქალაქო პანაშვიდი გაიმართა

⚫️ სამწუხაროა, რომ პოლიტიკურ ამბიციებს შეეწირნენ ეს ადამიანები

???? უნდა დამთავრდეს ეს ყველაფერი და აღდგეს ურთიერთობები, აღდგეს ჩვენი ერთობა საქართველოს სახელმწიფოს ფარგლებში.

???? განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ სამების საკათედრო ტაძარში, სადაც მან პატივი მიაგო 1990-იანი წლების შეიარაღებული მოქმედებების შედეგად უგზო-უკვლოდ დაკარგული 8 იდენტიფიცირებული პირის ხსოვნას, რომელთა გადმოსვენება მოხერხდა და რომელთაგანც 5 სამხედრო, ხოლო 3 მშვიდობიანი მოქალაქეა.

⬛️ სამების საკათედრო ტაძარში დაღუპულთა მოსახსენიებლად სამოქალაქო პანაშვიდი გაიმართა.

⬛️ „ძალიან მძიმეა თქვა რამე ამ ათეული წლების შემდეგ, რაც იქ მოხდა. ესენი ყველანი გმირები არიან. აღმოჩნდა, რომ ერთ-ერთ ომის მონაწილეს -ავქსენტი ნაჭყებიას, მე პირადად ვიცნობდი და ბოლოს მე მას შევხვდი 21 სექტემბერს სოხუმის სატელევიზო ანძასთან. სამწუხაროდ, ის გარდაიცვალა და მიძნელდება დღეს ამის გახსენება. ღმერთმა ქნას, რომ მსგავსი არ განმეორდეს არასდროს და აღდგეს ურთიერთობები, აღდგეს ჩვენი ერთობა საქართველოს სახელმწიფოს ფარგლებში. ვწუხვარ და ვუსამძიმრებ მეომრების ნათესავებს, დებს, ძმებს, ბიძებს, რომლებიც აქ არიან. ნათელში მათი სულები“ – განაცხადა ფრიდონ ინჯიამ.მისივე თქმით, სამწუხაროდ, კიდევ ბევრია ისეთი დაღუპული, რომლებსაც საფლავი არ აქვთ და სამწუხაროა, ეს ყველაფერი, რომ პოლიტიკურ ამბიციებს შეეწირნენ ეს ადამიანები.

გ ა ნ ც ხ ა დ ე ბ ა

????გ ა ნ ც ხ ა დ ე ბ ა
???? პოლიტიკური პარტია „ევროპელი სოციალისტების“ წევრები მიმართავენ საქართველოს ხელისუფლებას და მმართველ პარტიას აამოქმედონ შესაბამისი საკანონმდებლო ნორმები, რომლის თანახმადაც მოხდება ადეკვატური რეაგირება პიროვნების მიმართ გამოთქმული უსაფუძვლო ბრალდებების, ცილისწამების თუ პირადი შეურაცხყოფის ფაქტებზე.
???? „დღევანდელ რეალობაში დამკვიდრებულია სამწუხარო და მანკიერი პრაქტიკა, რომლის მიხედვითაც პრაქტიკულად, უშედეგო და არაფრის მომტანია ადმინისტრაციული ჯარიმები. ქართულ საზოგადოებაში პიროვნების ლანძღვა-გინება, პირადი შეურაცხყოფა, ცილისწამება ჩვეულებრივ მოვლენად იქცა, რაზეც სამართალდამცავი ორგანოების მხრიდან არანაირი ადეკვატური ადმინისტრაციული სანქციების გამოყენება არ ხდება. სასამრთლო კი, შემოიფარგლება მხოლოდ ჯარიმების გამოწერით და სასამართლოს ეს გადაწყვეტილება ლამის ავტომატურ რეჟიმში ხდება, თითქოს და იქ მოსამართლეები კი არა, არამედ რობოტები არიან“ – ნათქვამია პარტიის განცხადებაში.
???? ჩნდება შთაბეჭდილება, რომ სასამართლო ხელისუფლება და გარკვეული პოლიტიკური ოპოზიციური ძალები მოქმედებენ შეთანხმებულად, რადგანაც არსებული ფინანსური სანქციები, რომლითაც ხდება დამნაშავის დასჯა, არ არის ამ სასჯელის ადეკვატური ფორმა და სრულიად არაეფექტურია.
???? „დღეს დამკვიდრებული პრაქტიკიდან გამომდინარე, პიროვნება, რომელიც ჩადის შეურაცხმყოფელ ქმედებებს, ან აკეთებს ამ ტიპის ცილისმწამებლურ განცხადებებს, წარმოადგენს რომელიმე პოლიტიკურ პარტიას ან ორგანიზაციას და ასრულებს კონკრეტულ დავალებას. შესაბამისად, აღნიშნული ჯარიმის საფასურს მას უხდის კონკრეტული პოლიტიკური პარტია, სადაც ის არის გაწევრიანებული“ – აღნიშნულია განცხადებაში.
???? პარტია „ევროპელი სოციალისტების“ წევრები მოუწოდებენ სამართალდამცავ ორგანოებს და ასევე, ხელისუფლებას გაატარონ ადეკვატური და ქმედითი ღონისძიებები, რომელიც ხელს შეუწყობს სამართლიანობის აღდგენას, კანონის უზენაესობიდან გამომდინარე.

გ ა ნ ც ხ ა დ ე ბ ა

 3+3 ფორმატში საქართველოს მონაწილეობა უმნიშვნელოვანესია.

პოლიტიკური პარტია „ევროპელი სოციალისტების“ წევრებს მიაჩნიათ, რომ  თურქეთის პრეზიდენტის რეჯეფ თაიფ ერდოღანის ინიციატივა 3+3 კავკასიის 3 ქვეყნის – საქართველო, სომხეთი, აზერბაიჯანი და   რუსეთის, თურქეთის, ირანის ერთობლივი რეგიონული თანამშრომლობის შესახებ, არის უმნიშვნელოვანესი.

„რეგიონულ  პროექტებში მონაწილეობა უზრუნველყოფს სახელმწიფოს მყისიერ სოციალურ ეკონომიკურ და ინფრასტრუქტურულ განვითარებას, რაც     მისი სიძლიერისა და პოლიტიკური ურყეობის გარანტიაა.“ – აღნიშნულია პოლიტიკური პარტიის განცხადებაში.

ჩვენ არ შეგვიძლია შევიცვალოთ რეგიონი, ქვეყნის გეოგრაფიული მდებარეობა, ვერც მეზობლებს ავირჩევთ.   ჩვენ ვცხოვრობდით და ვიცხოვრებთ   მეზობლების გვერდით. ამ მოცემულობის შეცვლა მხოლოდ ვირტუალურად, ციფრულად არის შესაძლებელი. გონება, იმისათვის გვაქვს, რომ ქვეყნის სასიცოცხლო ინტერესებიდან გამომდინარე, გავატაროთ პრაგმატული, რეალისტური და კეთილმეზობლური  პოლიტიკა, რაც უზრუნველყოფს ქვეყნის დაცულობას, უსაფრთხოებას, მოქალაქეების კეთილდღეობას და იმის წინაპირობა იქნება, რომ ჩვენი მეზობლებიც თავს  კომფორტულად იგრძნობენ და ორიენტირებულები იქნებიან კეთილმეზობლურ ურთიერთობებსა და თანამშრომლობაზე.

შეთავაზება, რომელიც მივიღეთ, ნატოს წევრი – ჩვენი პარტნიორი ქვეყნის მხრიდან, ბევრის მთქმელია. იგი, თავისი მასშტაბით, რეგიონულ ინტერესებს სცილდება და   შეიძლება კარგ გამოცდილებად და  საგზაო რუკად იქცეს სხვა რეგიონული პრობლემების გადასაჭრელადაც.  მსგავსი წინადადება, ბოლო ორი ათეული წლის განმავლობაში უპრეცედენტოა და იგი ყველა მონაწილემ შეიძლება თავის სასიკეთოდ გამოიყენოს. ეს არის ინიციატივა, რომელიც მრავალწილად  განაპირობებულია, საქართველოს ხელისუფლების  ბოლოდროინდელი გონივრული, თამამი სამეზობლო პოლიტიკით და  ჩვენი გეოპოლიტიკური მდებარეობის გათვალისწინებით.

ეს არის უნიკალური შემთხვევა, რომ ამ ფორმატში  ჩვენი ინტერესები კოლექტიურად დავიცვათ და სასიცოცხლო მნიშვნელობის ამოცანები განვახორციელოთ, საჭიროების შემთხვევაში  ვისაუბროთ ერთი – ერთზე, რომლის აუცილებლობაც ნამდვილად არის, მაგრამ   სხვადასხვა ძალები ამას  ყოველმხრივ ეწინაღმდეგებიან. დღეს კი,  ამ წინადადებით, ახალი შესაძლებლობები იკვეთება. მაგრამ, უკვე გამოჩდნენ ამ შესაძლებლობის მოწინააღმდეგეები როგორც შინ, ასევე,  გარეთ. ისინი  ორკესტრირებულად მოქმედებენ, ყოვლად უსაფუძვლო არგუმენტები მოჰყავთ და  არად დაგიდევენ ქვეყნის ინტერესებს.

 მიგვაჩნია,  დადგა დრო, რომ მთავრობამ ქვეყნის გადარჩენისთვის  პრაგმატულად იმოქმედოს.  თუ ამ შანსს ხელიდან გაუშვებთ, მსგავსი მომენტი შეიძლება მეტი აღარ დადგეს და  ქვეყანა  ყველაფრისგან მიღმა აღმოჩნდეს. ეს კი,  სახელმწიფოსთვის  საბოლოო დაღუპვა იქნება.

რაც შეეხება, სხვადასხვა განცხადებებს და მთავრობაზე ზოგიერთი ძალების ზეწოლას, მათ ენაზე, რომ ვთქვათ, –  „ბულინგს“, ეს ძალები სხვადასხვა პარტიებში გაბნეულ ერთ პოლიტიკურ ძალას წარმოადგენენ, 2003 წლიდან დემოკრატიის დროშის საფარქვეშ ყიდიან და ანგრევენ ქვეყანას,  რომლის მწვერვალიც  2008 წელს გაჩაღებული ომი იყო.  2012 წლიდან ისინი ხელისუფლებაში დაბრუნებაზე ოცნებობენ და  ამ უტოპიური იდეის განსახორციელებლად,  მზად არიან გაიმეორონ 2003 წლის სახელმწიფო გადატრიალების სცენარი,  ყველაფერზე მიდიან, დაწყებული დივერსიიდან, დამთავრებული კაცის კვლით. აღნიშნული  კარგად ჩანს  მიმდინარე  წლის მოვლენებითაც. ამ პოლიტიკური ჯგუფების ქმედებები დესტრუქციული, ანტისახელმწიფოებრივი, ანტიკონსტიტუციურია და  არ ჯდება, პოლიტიკური პარტიების მოქმედების  არანაირ ჩარჩოში. შესაბამისად, მთავრობამ, უნდა გამოიჩინოს პრინციპულობა, რომელიც საჭიროა კონსტიტუციური წესრიგის დასაცავად, უნდა გაატაროს  ყველა ზომა,  რომ არ  განმეორდეს 2003 წლის სახელმწიფო გადატრიალების სცენარი. მათ არ უნდა მიეცეთ იმის საშუალება, რომ  მთავრობაზე   განახორციელონ მიზანმიმართული ზეწოლა, რათა მან   ქვეყნის ჩიხიდან გამოსაყვანად არ მიიღოს სწორი და ადეკვატური გადაწყვეტილებები. ამ ჩიხში კი,  ქვეყანა სწორედ  მათი ძალოსხმევის შედეგად აღმოჩნდა.

გვჯერა, რომ  მთავრობა  წინ აღუდგება ამ დესტრუქციული  ძალების მოქმედებას, რომლებსაც  ქვეყნის უფსკრულში გადაჩეხვა სურთ. დროა, მან იმოქმედოს საქართველოს ინტერსების შესაბამისად, მათ შორის, განიხილოს რეგიონულ პროექტში მონაწილეობის საკითხი. აღნიშნული უთუოდ წაადგება ჩვენი ქვეყნის პოლიტიკურ-ეკონომიკურ, სოციალურ განვითარებას და ხელს შეუწყობს რეგიონში საქართველოს ღირსეული ადგილის დამკვიდრებას.

იმედს გამოვთქვამთ, რომ საქართველოს მთავრობა სიღრმისეულად მიუდგება ამ მნიშვნელოვან ინიციატივას და მიიღებს ადეკვატურ გადაწყვეტილებას ქვეყნის ინტერესებიდან გამომდინარე.

ავთანდილ ენუქიძის სიტყვით გამოსვლა პარლამენტის რიგგარეშე სხდომაზე

საქართველოს პარლამენტის ვიცე-სპიკერმა, საპარლამენტო პოლიტიკური ჯგუფის „ევროპელი სოციალისტების“ წევრმა ავთანდილ ენუქიძემ საქართველოს პარლამენტის რიგგარეშე სხდომაზე, სადაც საქართველოს პრემიერ-მინისტრის ირაკლის ღარიბაშვილის ყოველწლიურ ანგარიშზე პოლიტიკური დებატები გაიმართა, მთავრობის წევრებს მადლობა გადაუხადა იმ დროული რეაგირებისთვის, რომელიც აუცილებელი იყო მოსახლეობის მხრიდან ავთანდილ ენუქიძის სახელზე მიღებულ წერილებთან დაკავშირებით.

ავთანდილ ენუქიძემ საქართველოს პრემიერ-მინისტრს ირაკლი ღარიბაშვილს მოუწოდა, დროულად გაიწმინდოს სახელმწიფო სტრუქტურები იმ თანამშრომლებისგან, რომლებიც არც საქმეს აფუჭებენ, მაგრამ არც არაფერს აკეთებენ. ავთანდილ ენუქიძის შეფასებით, ასეთი კატეგორიის ხალხი, რომელიც სახელწიფო სტრუქტურებში მუშაობენ გადასულები არიან „სამრეწველო ქრთამზე“.