საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ისტორიის გადაწერა უწოდა პარლამენტის „რეფორმების ჯგუფის“ საკანონმდებლო ინიციატივას „საქართველოს შრომის კოდექსში“ ცვლილებების თაობაზე, რომელიც „ფაშიზმზე გამარჯვების დღედ“, ნაცვლად 9 მაისისა, 8 მაისის დაწესებას და მის უქმე დღედ გამოცხადებას გულისხმობს.
„მე მიმაჩნია, რომ ეს არის ისტორიის გადაწერა. საქართველოში 9 მაისი ნამდვილი დღესასწაულია. რაც შეეხება ევროპას, მთელი ევროპა მაშინ ჩვენ გვეომებოდა, ჩვენს ოჯახებს ეომებოდა და ამ ომში მაშინ საქართველოდან 350 ათასი ადამიანი დაიღუპა. შეიძლება ითქვას, რომ საქართველომ არანაკლები სისხლი გაიღო ამ ომში. 9 მაისს აღნიშნავს ისრაელი, რომელმაც მეორე მსოფლიო ომში ყველაზე დიდი დარტყმა მიიღო. მრავალი ქვეყანაა კიდევ ასეთი.
მიმაჩნია, რომ ეს არის გახლეჩვა, დაპირისპირება… რატომ გვინდა ჩვენ, რომ ისტორია გადავწეროთ?! მე არა მგონია, რომ ეს იყოს სწორი გადაწყვეტილება. 9 მაისის დღესასწაულზე გაიზარდა ხალხი და ეს დღე უცებ გახდა 8 მაისი. გაუგებარია ეს ჩემთვის. ისტორიული ფაქტები უნდა დარჩეს ისტორიულ ფაქტებად“. – აღნიშნა ფრიდონ ინჯიამ.
ფრიდონ ინჯიას განცხადებით, პოლიტიკაში დამკვიდრებული ორმაგი სტანდარტის მაგალითი ძალიან უშლის ხელს ქვეყნის განვითარებას, წინსვლას, მის მომავალს.
პოლიტიკური ჯგუფის თავმჯდომარის აზრით, ორმაგი სტანდარტის ჭრილში შესაძლოა განხილული იყოს როგორც დღევანდელი მოქმედი პრეზიდენტის, ასევე ყოფილი პრეზიდენტის სააკაშვილის პოლიტიკური საქმიანობა.
„მინდა ყურადღება გავამახვილო ისეთ საკითხზე, რასაც ქართულ პოლიტიკაში დამკვიდრებული ორმაგი სტანდარტი ჰქვია, რაც ძალიან უშლის ხელს ჩვენი ქვეყნის სამომავლო განვითარებას. მე მხედველობაში მაქვს, კერძოდ, არსებული არასწორი პრაქტიკა, როდესაც ადამიანი არღვევს კანონს და სასამართლოს გადაწყვეტილებამდე იგი გამართლებულია და გამოცხადებულია უდანაშაულოდ“, – განაცხადა ფრიდონ ინჯიამ.
ამასთანავე, პოლიტიკური ჯგუფის თავმჯდომარის აზრით, სწორედ ორმაგი სტანდარტებით მოქმედებენ მისი კოლეგა დეპუტატებიც, რომლებიც გამოდიან პარლამენტის მაღალი ტრიბუნიდან და საქართველოს მოქალაქეების უფლებების დაცვაზე აკეთებენ ხმამაღალ განცხადებებს, სინამდვილეში კი, მათი მიდგომები გარკვეულ საკითხებთან თუ ფაქტებთან მიმართებით არაობიექტური და მიკერძოებულია.
„ჩვენი კოლეგები გამოდიან და თავს იკლავენ იმის გამო, რომ საქართველოს მოქალაქეების უფლებები უნდა იყოს დაცული. ნეტავ სად იყვნენ ისინი იმ 9 წლის განმავლობაში, როდესაც მათთვის ადამიანის სიცოცხლე არაფერს წარმოადგენდა?!“ – აღნიშნა ფრიდონ ინჯიამ.
დეპუტატმა ყურადღება გაამახვილა რამდენიმე დღის წინ უკრაინაში, ქალაქ დნეპრში პოლიციელთან შელაპარაკების დროს, პოლიციელის მიერ ქართველი ჯუმბერ სილაგავას დახვრეტის ფაქტზე.
ფრიდონ ინჯიას განცხადებით, „ეს ფაქტი სხვა ქვეყანაში რომ მომხდარიყო, ალბათ პარლამენტის წინა ტერიტორია გაივსებოდა ხალხით და ყველა სატელევიზიო არხი იქნებოდა დაკავებული ამ ამბის გაშუქებით“.
პოლიტიკური ჯგუფის თავმჯდომარის აზრით, მნიშვნელოვანია ამ საკითხზე ქვეყნის საგარეო უწყებამ ჩაატაროს მოკვლევა და დაადგინოს სიმართლე.
„როგორ შეიძლება ადამიანს ზურგში ესროლო სამი ტყვია საკუთარი ოჯახის, მცირეწლოვანი შვილების თვალწინ. ეს დიდი უბედურებაა ჩემთვის. როგორ შეიძლება ასე გაიმეტო ქუჩაში მოსიარულე უიარაღო ადამიანი. კვლავ საგარეო საქმეთა სამინიტრომ უნდა იმუშაოს ამ საკითხთან დაკავშირებით, ჩაატაროს მოკვლევა და დაადგინოს სიმართლე, რათა აღნიშნული ფაქტი არ დარჩეს რეაგირების გარეშე“, – მიაჩნია ფრიდონ ინჯიას.
📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარეს ფრიდონ ინჯიას მიაჩნია, რომ ქვეყნის პრეზიდენტმა, სალომე ზურაბიშვილმა მრავალჯერ დაარღვია ქვეყნის კონსტიტუცია თავისი ანტიკონსტიტუციური, ანტისახელმწიფოებრივი და ანტიეროვნული გამოსვლებით, რითაც პრეზიდენტმა უგულვებელყო კანონის უზენაესობა და პოლიტიკაში დამკვიდრებული გუნდურობის პრინციპი.
🔷 პოლიტიკური ჯგუფის თავმჯდომარემ ხაზი გაუსვა პრეზიდენტ ზურაბიშვილის ბოლო მოხსენებას, რომელიც მან ქვეყნის უმაღლეს საკანონმდებლო ორგანოში გააკეთა, სადაც დეპუტატის აზრით, მან, პრაქტიკულად, მთავრობის მთელი საქმიანობა, განსაკურებით ხელისუფლების სამშვიდობო ინიციატივები, არაფრად ჩააგდო.
🔷 „მარტო რად ღირს პრეზიდენტ ზურაბიშვილის გამოსვლა პარლამენტის სხდომაზე, სადაც მან მთავრობის მთელი საქმიანობა, სამშვიდობო ინიციატივები და ხელისუფლების ძალისხმევა, რომ საქართველო ომში არ ჩართულიყო, არაფრად ჩააგდო და ხელისუფლება გააკრიტიკა ისე, რომ ლამის მთავრობის გადადგომა დააყენა დღის წესრიგში. ეს პათოსი მან გააგრძელა არა მხოლოდ საქართველოს პარალმენტის დარბაზში, არამედ ევროპის პარლამენტშიც.
🔷 ზურაბიშვილმა ევროპარლამენტის ტრიბუნიდან გააკეთა ჩვენი ქვეყნისთვის მიუღებელი განცხადებები, ის რაც არ ეკადრებოდა არც თავად პრეზიდენტს, და, რა თქმა უნდა, ამას არ იმსახურებდა ჩვენი ქვეყანა. აქედან გამომდინარე, მიმაჩნია, რომ გარკვეულწილად პრეზიდენტ ზურაბიშვილის იმპიჩმენტის საკითხი, შეიძლება დაგვიანებულიც კი იყოს“,- განაცხადა დეპუტატმა.
🔷 ფრიდონ ინჯიამ სალომე ზურაბიშვილის ბოლოდროინდელ ქმედებებს დემარში უწოდა, რაც პრეზიდენტის მხრიდან ევროპაში სხვადასხვა ვიზიტებში გამოიხატა ქვეყნის მთავრობასთან ყოველგვარი შეთანხმების გარეშე.
🔷 „მაშინ, როდესაც ზურაბიშვილი ევროპის ქვეყნებში საქართველო და ევროკავშირის დროშის ქვეშ პოზირებს, აქ უკვე ჩანს არა პირადი ვიზიტი, არამედ ის, რომ იგი წარმოადგენს საქართველოს. ეს რომ კერძო ვიზიტი ყოფილიყო, ზურაბიშვილს შეეძლოს შარლ მიშელი მიეწვია პარიზში, ან პირიქით, შარლ მიშელს მიეწვია ზურაბიშვილი თავისთან სახლში.
🔷 ამ საკითხთან დაკავშირებით საქართველოს კონსტიტუციაში ნათლად წერია, რომ ქვეყნის პრეზიდენტს აქვს უფლებამოსილება აწარმოოს წარმომადგენლობითი საუბრები სხვა სახელმწიფოს ხელისუფლების, საერთაშორისო ორგანიზაციების წარმომადგენლებთან მხოლოდ საქართველოს მთავრობის თანხმობით“,- აღნიშნა ფრიდონ ინჯიამ.
🔷 პოლიტიკური ჯგუფის თავმჯდომარეს მიაჩნია, რომ თუკი საკონსტიტუციო სასამართლო დაადგენს, რომ პრეზიდენტმა დაარღვია კონსტიტუცია, ასეთ შემთხვევაში ლოგიკური იქნება იგი თავად გადადგეს ყოველგვარი კენჭისყრის გარეშე.
🔷 „თუ არსებობს კანონის უზენაესობა და თუ საკონსტიტუციო სასამრთლო მიიღებს გადაწყვეტილებას, რომ საქართველოს დღევანდელმა პრეზიდენტმა დაარღვია ქვეყნის კონსტიტუცია, მაშინ მე ვფიქრობ ლოგიკური იქნება ზურაბიშვილი გადადგეს თვითონ ყოველგვარი კენჭისყრის გარეშე. რადგანაც მან დაარღვია ის ფიცი, რომელიც სახალხოდ დადო, სადაც მან ხმამაღლა განაცხადა, რომ ის შეასრულებს და პატივს სცემს საქართველოს კონსტიტუციის ყველა მოთხოვნას. მისი მხრიდან ამ ნაბიჯის გადადგმა გარკვეულწილად ბოდიშის მოხდა იქნება.
🔷 ხოლო, თუ საკითხი დადგება პარლამენტში კენჭისყრაზე პრეზიდენტის იმპიჩმენტთან დაკავშირებით, მაშინ ჩვენი გუნდი ხმას მისცემს მის გადადგომას“. – განაცხადა დეპუტატმა.
🔷 ფრიდონ ინჯიას განცხადებით, კანონისა და კონსტიტუციის დაცვის გარდა პოლიტიკურ ცხოვრებაში უმნიშვნელოვანეს როლს ასრულებს გუნდური პრინციპით მოქმედება, სალომე ზურაბიშვილმა უგულვებელყო როგორც კონსტიტუცია, კანონის უზენაესობა, ასევე გუნდური პრინციპით მოქმედების პოლიტიკური წესები. „კონსტიტუციის თანახმად, ქვეყნის პრეზიდენტი არის გარანტი ერთიანობის. აქ რა თქმა უნდა, იგულისხმება ხელისუფლების ერთიანობა და გუნდური პრინციპის ერთგულება. იმ ხელისუფლებასთან გუნდური თანამშრომლობა, რომელმაც იგი პრაქტიკულად, მოიყვანა პრეზიდენტად.
🔷 აქედან გამომდინარე, იგი ვალდებული იყო ყველა საკითხი გადაეწყვიტა თავის გუნდთან ერთად. ურთიერთთანამშრომლობის და გუნდური მუშაობის პრინციპებიდან გამომდინარე“. – აღნიშნა ფრიდონ ინჯიამ.
საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ისტორიის გადაწერა უწოდა პარლამენტის „რეფორმების ჯგუფის“ საკანონმდებლო ინიციატივას „საქართველოს შრომის კოდექსში“ ცვლილებების თაობაზე, რომელიც „ფაშიზმზე გამარჯვების დღედ“, ნაცვლად 9 მაისისა, 8 მაისის დაწესებას და მის უქმე დღედ გამოცხადებას გულისხმობს.
议会政治团体“欧洲社会主义者”主席弗里顿·因贾在格鲁吉亚议会秋季会议全体会议上以政治辩论的形式发表讲话，提请人们注意格鲁吉亚政治中既定双重标准的悲惨现实。 。