年度档案：是

ფრიდონ ინჯიას კითხვები შერიგებისა და სამოქალაქო თანასწორობის საკითხებში სახელმწიფო მინისტრს, თეა ახვლედიანს.

საქართველოს პარლამენტში მინისტრის საათის ფორმატში თეა ახვლედიანს მოუსმინეს.

„პირველ რიგში მე მინდა ზოგიერთი ჩვენი კოლეგის გასაგონად განვაცხადო, რომ ჩვენ საქმე გვაქვს შერიგების მინისტრთან და არა ომის მინისტრთან. შესაბამისად, აქ უნდა ვიმსჯელოთ იქიდან გამომდინარე, თუ რა კეთდება შერიგების თვალსაზრისით.

რა გარემოებები განაპირობებს შერიგების პროცესის გაუმჯობესებას? ეს იქნება სამედიცინო დახმარება, უფასო სწავლება, პასპორტიზაცია, ერთობლივი პროექტები, ერთჯერადი დაფინანსებები. რა პარამეტრებია საჭირო იმ საქმისთვის, რომ შერიგების მიმართულებით მართლაც გადაიდგას ქმედითი ნაბიჯი?

იქიდან გამომდინარე, რომ აფხაზეთი და სამაჩაბლო საქართველოს განუყოფელი ნაწილია, ანუ საქართველოა, მიგაჩნიათ თუ არა თქვენ, რომ იქ მცხოვრები მოქალაქეები, 1993 წლამდე დაბადებულები და მას შემდეგაც დაბადებულები, არიან საქართველოს მოქალაქეები? და თუ ეს ასეა, როგორ ხდება მათთვის საქართველოს მოქალაქის სტატუსის ოფიციალურად დაბრუნება, მათივე მოთხოვნის საფუძველზე?

ვფიქრობ, ამ პროცესს ხელს უშლიან გარკვეული ძალები, გარკვეული ქვეყნები იმიტომ, რომ ეს მათ ინტერესებში არ შედის, თუმცა, ეს საქართველოს ინტერსებშია, რომ მათ დაუბრუნდეთ საქართველოს მოქალაქის სტატუსი.

რა კეთდება იმისთვის, რომ მომზადდეს სატელევიზიო გადაცემები, რომელიც ასახავს აფხაზეთში მიმდინარე პროცესებს, სადაც შეიძლება ვაჩვენოთ, თუ რა და ვინ უშლის ხელს შერიგების პროცესს, მათ შორის ის ოპოზიციონერები, რომლებიც თვით აფხაზეთში არიან.

რა კეთდება ამ მიმართულებით? შესაძლოა, თქვენ გაქვთ რაღაც პროექტები… მე მიმაჩნია, რომ შერიგების მიმართულებით ეს უმნიშვნელოვანესი იქნება“.

საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას განცხადებით, მას საწინააღმდეგო არაფერი აქვს, „ქართული ოცნების“ მიერ ინიცირებულ კანონპროექტთან დაკავშირებით, რომლის მიხედვითაც იურიდიულ პირებს ეკრძალებათ პოლიტიკური პარტიების დაფინანსება, მაგრამ ჩნდება კითხვა, თუ რატომ არ აქვთ მიღებული მსგავსი კანონი ევროკავშირის ქვეყნებს, მით უფრო, როცა საუბარია საქართველოს კანონმდებლობის ინტეგრაციაზე ევროკავშირის კანონმდებლობასთან.

„იგივე შეიძლება ითქვას დეოლიგარქიზაციის შესახებ კანონთან მიმართებაში, რომლის მიღებასაც ითხოვენ საქართველოს პარლამენტისგან, მაგრამ არის მიღებული ევროპაში. მაშინ მოვთხოვოთ ევროკავშირს, რომ როგორც გარდამავალ ქვეყნებს, რომლებიც ისწრაფვიან ევროკავშირში გაწევრიანებისკენ, გამოგვიგზავნონ კანონების ჩამონათვალი.

თავის დროზე იყო ასევე პრაქტიკა, როდესაც საბჭოთა კავშირის დროს მოსკოვიდან მოდიოდა კანონების მიღების მოთხოვნა და ამის შემდეგ საბჭოთა კავშირში შემავალი ყველა რესპუბლიკა იყო ვალდებული მიეღო შესაბამისი კანონი, უკვე თავისი ქვეყნის კანონმდებლობიდან გამომდინარე, მაგრამ იქ არ იყო დიფერენცირება და მოთხოვნა ყველა რესპუბლიკისთვის იყო ერთი.

დღეს ხდება სულ სხვა რამ. ბრიუსელიდან ვიღებთ მოთხოვნებს ამა თუ იმ კანონის მიღებასთან დაკავშირებით, იმ კანონების, რომლებიც თავად ევროკავშირის ქვეყნებს არ აქვთ მიღებული.

მიმაჩნია, რომ ამ საკითხებზე უნდა დავფიქრდეთ. გვინდა ასე მორჩილად ყველაფერი მივიღოთ, რასაც ისინი შემოგვთავაზებენ? … ან, გთავაზობთ, მივიღოთ ისეთი კანონი და გადაწყვეტილებები, რომლებიც არ შეეწინააღმდეგება ჩვენს ადათ-წესებს, იდენტობას, ის რაც ჩვენი ქვეყნისთვის იქნება სამომავლოდ მიზანშეწონილი და მოემსახურება საქართველოს მოსახლეობის კეთილდღეობას.

15 დეკემბერს ჩვენ მოგვანიჭებენ კანდიდატის სტატუსს, რაშიც თავად ევროკაშირის წარმომადგნელები არიან დაინტერსებულნი, საქართველოს გეოპოლიტიკური მდგომარეობიდან გამომდინარე.

რა თქმა უნდა, ხელისუფლებამ, თავისი როლი ითამაშა ამ პროცესში და ყველაფერი გააკეთა, რაც ევროკომისიამ მოითხოვა, მაგრამ არა მგონია, რომ ასე ყველა მოთხოვნის შესრულება მორჩილად იყოს სწორი პოლიტიკა.

მიმაჩნია, რომ მომავალში ხელისუფლებამ უნდა გადადგას მხოლოდ და მხოლოდ ქვეყნისა და ხალხის ინტერესებიდან გამომდინარე ნაბიჯები“, – განაცხადა დეპუტატმა.

საქართველოსთვის ევროკავშირის კანდიდატის სტატუსის მინიჭების საკითხი, როგორც ერთი წლის წინათ იყო, დღესაც არის პოლიტიკური გადაწყვტილება.

ამის შესახებ საპარლმენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის პლენარულ სხდომაზე პოლიტიკური დებატების ფორმატში განაცხადა.

„საქართველოსთვის ევროკავშირის კანდიდატის სტატუსის მინიჭება უპირველესად განპირებებულია საქართველოს გეოპოლიტიკური მდგომარეობიდან გამომდინარე.

პირადად მე, ყოველთვის ვამბობდი და დღესაც ვიმეორებ, რომ ჩვენ მოგვცემენ კანდიდატის სტატუსს, რადგან ამაში გაცილებით, ჩვენზე მეტად არიან დაინტერესებულები ევროკავშირის წარმომადგენლები.

როგორც გაცხადდა, ევროკავშირში საქართველოს გაწევრიანება სავარაუდოდ, 2030 წლისთვის იგეგმება. შესაბამისად, 6-7 წლის განმავლობაში, ქვეყანა იქნება მხოლოდ კანდიდატის სტატუსის ამარა, რაც სამწუხაროდ, პრაქტიკული თავლსაზრისით ბევრის არაფრის მომტანია. კანდიდატის სტატუსი ევროკავშირისთვის არის ერთგვარი ბერკეტი, ჩაერიოს საქართველოს საშინაო და საგარეო პოლიტიკაში.

ის ენერგია, პრაქტიკულად, დროის 2/3 – ი, რომელიც საქართველოს ხელისუფლებამ სამწუხაროდ, ევროკავშირის კანდიდატის სტატუსის მინიჭების პროცესს მოანდომა, რაც ამ ეტაპზე ფაქტობრივად და საგნობრივად, ბევრს არაფერს არ გვაძლევს, იმედი მაქვს, რომ 15 დეკემბრის შემდეგ, ქვეყნის ხელისუფლება მთელ ძალისხმევას სახელმწიფო ინტერსებსა და ქვეყნის აღმშენებლობით საქმიანობას მოახმარს და იმოქმედებს პრაგმატულად.

ერთის მხრივ, ჩვენ ვსაუბრობთ, რომ არ გვინდა ომში ჩართვა და ამ დროს, ხელისუფლების გარკვეული შტოები ამბობენ, ჩვენ უნდა გავწევრიანდეთ ნატოში და რა გამოდის? … ნატოში გაწევრიანების სურვილმაც კი, დაანგრია სრულად უკრაინა.

ამერიკის შეერთებული შტატების წაქეზებითა და მხარდაჭერით წინა ხელისუფლებამ ჩვენი ქვეყნის ტერიტორიების 22% -ზე კონტროლი დაგვაკარგინა და ეს 22% -ი დღესაც ოკუპირებულია. ამიტომ, ხელისუფლებამ უნდა იმოქმედოს მხოლოდ ქვეყნისა და ხალხის ინტერსებიდან გამომდინარე“, – განაცხადა ფრიდონ ინჯიამ.