分类档案： 主要的

欧洲议会通过的决议是一项反格鲁吉亚的决定，是不公正的顶峰 - Fridon Eng

უსამართლობის პიკი და ანტიქართული გადაწყვეტილება უწოდა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ევროპის პარლამენტის მიერ 15 თებერვალს საქართველოსთან მიმართებაში მიღებულ გადაწყვეტილებას, რომელიც მისი განცხადებით, მიმართულია საქართველოს მთავარი მისწრაფებების, იდეალების საწინააღმდეგოდ და ამასთანავე, არის თვითონ ევროპის დისკრედიტაციაც.

„საქართველოს მოსახლეობის უმრავლესობა მიილტვის დასავლური ცივილიზაციის ძირითადი ფასეულობებისკენ. ეს არის დემოკრატია, სამართლიანობა, ახალი ტექნოლოგიები, მეზობლობა და ურთიერთთანამშრომლობა. აქედან გამომდინარე, საქართველოს დიდი სურვილი აქვს ქვეყანაში დაამკვიდროს ევროპული ღირებულებები.

სამწუხაროა, რომ ამის მოლოდინში, საქართველოსთან მიმართებაში ევროპარლამენტარები ისეთ რეზოლუციას იღებენ, რომელიც ანტიქართულია, და ეს პირველი შემთხვევა არ არის. პირველი რეზოლუცია, რომელიც მიღებული იყო საქართველოსთან მიმართებაში დაახლოებით 10 თვის უკან, იმ დეპუტატებიდან დღეს ზოგი ციხეშია და ზოგთან მიმართებაში გამოძიება მიმდინარეობს, მათ მოხსნილი აქვთ სადეპუტატო იმუნიტეტი. აქედან გამომდინარე, არავინ იცის, კიდევ რამდენ ევროდეპუტატს მოუწევს მანდატის დატოვება.

ასე, რომ ის გადაწყვტილება, რომელიც ევროპარლამენტმა მიიღო, არის არა მარტო ჩვენი ქვეყნის მისწრაფებების იდეალების საწინააღმდეგო, არამედ თვითონ ევროპის დისკრედიტაციაც, რადგანაც ამას მარტო ქართული საზოგადოება არ უყურებს. ამას უყურებენ სხვა ქვეყნის საზოგადოებებიც, მათ შორის, ევროპის, და ხედავს იმას, რომ ეს არის უსამართლობის პიკი“.

ყველასთვის ცნობილია, რომ სააკაშვილის ოჯახმა დადო ხელშეკრულება ერთ-ერთ ამერიკულ ლობისტურ კომპანიასთან, და ღიად არის ყველაფერი, თუ რისთვის გადაიხადა სააკაშვილის ოჯახმა საკმაოდ სოლიდური თანხა. მაგრამ ამასთან ერთად, აქ კიდევ არის წყალქვეშა დინებები, რომლებიც არ ჩანს… ესე იგი ევროპარლამენტის გარკვეული ჯგუფი ასრულებს იმ დავალებას, იმ მოთხოვნას, რასაც ლობისტებისგან ითხოვდა სააკაშვილის ოჯახი.

საერთოდ, ობიექტურად თუ ვიმსჯელებთ, ევროკავშირს გაცილებით მეტი თავის ტკივილი აქვს ვიდრე სააკაშვილის პრობლემაა.

ღმერთმა ნუ ქნას, რომ საქართველოს მოსახლეობას გული აუცრუვდეს ევროკავშირისკენ მისწრაფებაზე. ეს იქნება დიდი გულგატეხილობა.

სამწუხაროდ, ერთგვარი ომი ჩვენთან უკვე დაწყებულია. ომი არ არის, როცა ყველა მხრიდან არის შემოტევა, რომ გინდა თუ არა უნდა გახსნა მეორე ფრონტი?

ღმერთმა ქნას, ხელისუფლებამ გაუძლოს იმ სირთულეებს, რა სირთულეების წინაშეც იგი დღეს დგას.

ეხლა რაც შეეხება, ბიძინა ივანიშვილთან დაკავშირებით ევროპარლამენტის მიერ მიღებულ რეკომენდაციას, მე ვერ წარმომიდგენია, რას ნიშნავს რეკომენდაცია, ან მითითება, ეს ასე გააკეთეთ. ან ამ რეზოლუციამ ჩვენთან უნდა შეცვალოს მართლმსაჯულება? თუ დავალება მივცეთ პრეზიდენტს ამ საქმეზე ამნისტია გამოაცხადოს? თუ ამნისტიაა გამოსაცხადებელი, მარტო ერთ ადამიანზე ხომ არ მივიღებთ? საქართველოს ჰყავს ცხრა, თუ ათი ათასი მსჯავრდებული. თუ ამნისტიაა საჭირო, ის უნდა იყოს ყველასთვის. არის სასამართლო, რომელსაც ჩვენ ვენდობით. ყველა შეიძლება არ ენდობა, მაგრამ დღეს შედარებაა არ არის 10 წლის წინანდელ სასამართლოსა და დღევანდელს შორის.

ბიძინა ივანიშვილმა თავისი საქმე უკვე შეასრულა 2012 წელს და მას ხალხი დაუდგა გვერდში.

🔴 2008 წლის ომის ყველა ასპექტის გამოძიება და კითხვებზე პასუხების გაცემა იქნება გაკვეთილი შემდგომი ხელისუფლებებისთვისაც, რომ ღალატი აღარ განმეორდეს – ფრიდონ ინჯია

🔴 2008 წლის აგვისტოს ომის ყველა ასპექტის გამოძიება საჭიროა საქართველოს მომავალი ისტორიისთვის და საზოგადოებისთვის, როგორც მაგალითი იმისა, რომ მსგავსი შეცდომები, ან წინასწარ დაგეგმილი ღალატი აღარ განმეორდეს, და ეს იყოს გაკვეთილი ყველა შემდგომი ხელისუფლებისთვისაც.

🔶 ამის თაობაზე საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ტელეკომპანია POS TV-ს გადაცემა „პოსტანალიტიკაში“ განაცხადა.

🔶 „ევროპელი სოციალისტები“ უმაღლეს საკანონმდებლო ორგანოში გამოვიდნენ ინიციატივით აგვისტოს ომთან დაკავშირებით საპროკურორო გამოძიების დაწყებისა და საპარლამენტო საგამოძიებო კომისიის შექმნის თაობაზე.
„ის ფაქტი, რომ დავკარგეთ საქართველოს ტერიტორიების 20%, შემთხვევითი არ არის, და ამაზე ხომ აგებს ვიღაც პასუხს? შემთხვევითი არ არის, რომ 1000-ზე მეტმა ქართველმა ჯარისკაცმა, რომლებიც კოდორის ხეობაში იყვნენ, უბრძოლველად მიატოვეს ყველაფერი. ვიღაცამ ხომ გასცა ამის ბრძანება? კითხვები არსებობს იმასთან დაკავშირებითაც, თუ როგორ ხდებოდა კორექტირება ქვემეხებისა და თვითმფრინავების, თუ რა ობიექტები გაენადგურებინათ საქართველოს ტერიტორიაზე.
ეჭვი მაქვს, რომ ეს ყველაფერი ერთი დღის შემოქმედება არ იყო. ეს იყო თვეების შემოქმედება, სადაც ყველაფერი იყო დაგეგმილი როგორც რუსეთის მხრიდან, ისე საქართველოს მხრიდან. მე მინდა პასუხი მივიღო! მე მინდა დადგინდეს ყველაფერი – ვინ, როგორ და რას აკეთებდა“, – ხაზგასმით აღნიშნა დეპუტატმა ფრიდონ ინჯიამ.

🔶 მან 2008 წელს ხელმოწერილი ცეცხლის შეწყვეტის სამმხრივ ხელშეკრულებაზეც ისაუბრა და განაცხადა, რომ უნდა გაირკვეს, ვის რა როლი აქვს დოკუმენტის ამ ფორმით მიღებაში.
„პასუხი უნდა გაეცეს:
• როგორი იყო ცეცხლის შეწყვეტის შესახებ სამმხრივი ხელშეკრულების პროექტი, როგორ იქნა იგი მიღებული, და ვის რა როლი აქვს ამაში;
• რა გამოიწვია ამ ხელშეკრულებამ;
• იყო თუ არა შესაძლებელი თავიდან აგვეცილებინა ტერიტორიების დაკარგვა, და რა იყო ამისთვის საჭირო
• რატომ მოხდა ასე, ხომ შეიძლებოდა სხვანაირად გადაწყვეტილიყო?“, – აღნიშნა ინჯიამ.

🔶 მოსახლეობის გათვითცნობიერების საჭიროებასა და ხელმოწერების შეგროვებაზე მან აღნიშნა, რომ 2008 წლის ომის გამოძიების აუცილებლობა დღეს უფრო აქტუალურად დგას, ვიდრე წელიწადნახევრის წინ, როდესაც „ევროპელი სოციალისტები“ ამ საკითხს პარლამენტის ტრიბუნიდან და სხვადასხვა მედიასაშუალებით მოითხოვდნენ, რადგან ხელისუფლება აქტიურად საუბრობს საქართველოში მეორე ფრონტის გახსნის საფრთხის თაობაზე.

🔶 „14 წელი გავიდა, ბევრს ავიწყდება… პროკურატურაში ძალიან ბევრი საქმეა თაროზე შემოდებული, და ამაზე კონტროლი არ არის, ისინი ჩამოსაღებია, და კანონი უნდა კანონობდეს. კანონის უზენაესობის მაგალითი უნდა ვაჩვენოთ, თუნდაც ევროპას… კიდევ ვიმეორებ – 2008 წლის აგვისტოს მსგავსი რამ არ უნდა განმეორდეს. მით უმეტეს ახლა, როდესაც ხელისუფლების წარმომადგენლები ძალიან ხშირად აცხადებენ მეორე ფრონტის საშიშროებაზე. როდესაც მიდის დაჟინებული საუბარი, რომ საქართველომ მკაფიო პოზიცია უნდა დაიკავოს, ეს უკვე 2008 წლის გაგრძელებაა … გავავლოთ პარალელი იმ დროინდელ მოვლენებთან… საქართველოს ცენტრალური მაგისტრალიდან 150 მეტრში დგას რუსეთის ჯარი. წარმოგიდგენიათ, რა საშიშროების წინაშე ვართ? ყველა გაუაზრებელმა ქმედებამ შეიძლება საქართველოს მთლიანად დაკარგა გამოიწვიოს. ჩვენ პატარა ქვეყანა ვართ – 69 000 კმ2 იყო და დაგვრჩა 43 000 კმ2 . ჩვენ უკან დასახევი არ გვაქვს, არ გვაქვს ტერიტორიები, რომ ასე თავისუფლად დავარიგოთ და მოვიშოროთ“, – განაცხადა ფრიდონ ინჯიამ და ხელისუფლებას მაქსიმალური სიფრთხილისკენ და სიმტკიცისკენ მოუწოდა.

📍 格鲁吉亚议会“欧洲社会党”政治团体主席 Fridon Injia 认为，关于 2008 年 8 月战争的各种意见应该结束，为此支持议会成员很重要为了建立一个临时调查委员会。

🔸 „მე ვფიქრობ, რომ მე შევძლებ დავარწმუნო კოლეგები, რომ ეს ნაბიჯი გადაიდგას იმისთვის, რომ წერტილი დაესვას სხვადასხვა მოსაზრებებს, რომლებიც არსებობს 2008 წლის ომთან დაკავშირებით“. – განაცხადა ფრიდონ ინჯიამ ტელეკომპანია „რუსთავი -2“ თან ინტერვიუსას.

🔸 „თუ ჩვენ გვექნება პარლამენტის წევრთა 1/3 -ის მხარდაჭერა, ეს არის 50 დეპუტატის ხმა, მაშინ შეიქმნება დროებითი საგამოძიებო კომისია, რეგლამენტის გათვალისწინებით და იქ იქნება განსაზღვრული ის საკითები, რომლებიც უნდა იყოს გამოძიებული“. – აღნიშნა ფრიდონ ინჯიამ.

ფრიდონ ინჯია 2008 წლის აგვისტოს ომთან დაკავშირებით დროებითი საგამოძიებო კომისიის შექმნის ინიციატივით გამოდის.

საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ამ თემასთან დაკავშირებით უმაღლეს საკანონმდებლო ორგანოში პრეს-კონფერენცია გამართა.

„რამდენიმე კვირის წინ გაჟღერდა ინიციატივა საზოგადოების წარმომადგენლების მხრიდან 2008 წლის აგვისტოს ომის გამოძიებასთან დაკავშირებით.

ეს მოთხოვნა და ამის აუცილებლობა ჩვენი პარტიის საპარლამენტო პოლიტიკური ჯგუფის მიერ არაერთხელ გაჟღერდა პარლამენტის ტრიბუნიდან და მედიაში.

ჭეშმარიტება, თუ რა და როგორ მოხდა, რის შედეგად დავკარგეთ ტერიტორიები აინტერესებს საზოგადოებას და იმ 408 ადამიანის ჭირისუფალს, რომელიც დაიღუპა ამ ომში. პასუხი უნდა გავცეთ, მათ ოჯახებს. გარდა ამისა, ეს სჭირდება ჩვენს მომავალს, ჩვენს ისტორიას იმისთვის, რომ, იქ არ იყოს გაუგებრობის შავი ლაქები.

ომი შეაფასა ტალიავინის კომისიამ, მოგვიანებით, ომის დაწყების ქრონოლოგია აისახა ევროსაბჭოს რეზოლუციაში, რომელსაც „ნაციონალურმა მოძრაობამაც“ დაუჭირა მხარი. ომის თემაზე თავისი პოზიცია აქვს დაფიქსირებული საქართველოს მოქმედ პრეზიდენტს, როდესაც ის საპრეზიდენტო არჩევნებში იღებდა მონაწილეობას.

მიუხედავად ამისა, დღემდე ქართულ საზოგადოებას არა აქვს მკაფიო ინფორმაცია იმასთან დაკავშირებით, თუ რა მოხდა სინამდვილეში 2008 წლის აგვისტოში:

– რატომ დავკარგეთ ქვეყნის ტერიტორიების 20%;

– შეიძლებოდა თუ არა ქვეყნისთვის ამ უდიდესი დანაკარგის თავიდან აცილება;

– რას ურჩევდნენ, თუ მიუთითებდნენ სააკაშვილის ხელისუფლებას ჩვენი საერთაშორისო პარტნიორები;

– ვინ და რა როლი ითამაშა ცეცხლის შეწყვეტის შესახებ სამმხრივი ხელშეკრულების მიღებაში;

– ვისი ბრძანებით და რატომ დატოვა კოდორის ხეობა უბრძოლველად 1000-ზე მეტმა ქართველმა ჯარისკაცმა;

– რა ღირებულების სამხედრო ტექნიკა ჩამოიწერა ომის შემდეგ და, საერთოდ, იყო თუ არა ეს ტექნიკა და სად იყო განლაგებული;

– საქართველოს მხრიდან, უფლებამოსილი პირების გარდა, ვინ მონაწილეობდა, გადაწყვეტილებების მიღებაში და მრავალი სხვა საკითხი, რომელიც საზოგადოებაში დღემდე მუსირებს;

მიგვაჩნია, რომ თითოეულ ამ საკითხს საფუძვლიანი გამოძიება ჭირდება, რასაც ჩვენ დიდი ხანია ვაცხადებთ. შესაძლებელია გამოძიების დაწყება როგორც პროკურატურის მიერ, ასევე საპარლამენტო საგამოძიებო კომისიის ფორმატში. საქართველოს ტერიტორიების 20 პროცენტის დაკარგვა თუ გადაცემა, დაუსჯელი არ უნდა დარჩეს!

შესაბამისად, ჩვენი პარტია იწყებს ხელმოწერების შეგროვებას 2008 წლის ომის თემაზე – საპროკურორო გამოძიების დაწყების, ასევე ამ თემაზე საპარლამენტო საგამოძიებო კომისიის შექმნის მიზნით. ხელმოწერების შესაგროვებლად ჩავალთ ყველა რეგიონში და ხალხს განვუმარტავთ, თუ რა შეიძლება მოჰყვეს ახალ ომს, ასევე 2008 წლის ომის გამოძიების შედეგების მნიშვნელობას.

ეს საკითხი მით უფრო აქტუალურია დღეს იმიტომ, რომ ხელისუფლების წარმომადგენლები ღიად საუბრობენ საქართველოში, მეორე ფრონტის გახსნის საფრთხეებზე.

ჩვენ, ყველაფერი უნდა ვიღონოთ, რათა საქართველოში აღარასოდეს განმეორდეს ის, რაც მოხდა 2008 წლის აგვისტოში.

დარწმუნებული ვართ, რომ 2008 წლის ომის საფუძვლიანი გამოძიება ახალი ომის პრევენციაში მნიშვნელოვან წვლილს შეიტანს“.

ფრიდონ ინჯია დარწმუნებულია, რომ პარლამენტი და ქართული საზოგადოება მხარს დაუჭერს საპარლამენტო პოლიტიკური ჯგუფის “ევროპელი სოციალისტების” ინიციატივას 2008 წლის აგვისტოს ომთან დაკავშირებით დროებითი საგამოძიებო კომისიის შექმნის შესახებ.

საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ უმაღლეს საკანონმდებლო ორგანოში გამართული პრეს-კონფერენციის შემდეგ ჟურნალისტების შეკითხვებს უპასუხა.

კითხვაზე, როგორ ფიქრობთ, დაუჭერენ თუ არა მხარს პარლამენტში ზემოთ აღნიშნულ ინიციატივას, და ასევე, ექნება თუ არა ამ იდეას საზოგადოების მხარდაჭერა, ფრიდონ ინჯიამ აღნიშნა, რომ საპარლამენტო პოლიტიკურ ჯგუფს ამ საკითხზე წინასწარი კონსულტაციები არ გაუმართავს პარლამენტში, თუმცა, დღეს არსებული სიტუაციიდან გამომდინარე, ეს საკითხი უფრო აქტუალური გახდა.

„ვფიქრობ, ეს საკითხი დღეს უფრო აქტუალური გახდა, ვიდრე ჩვენ ამას ვაცხადებდით ორი თუ, წელიწად ნახევრის უკან. რაც შეეხება საზოგადოების მხარდაჭერას, საზოგადოების უმეტესი ნაწილი ჯერჯერობით არ არის გათვითცნობიერებული ამ საკითხში, თუ რა, როგორ მოხდა. იმიტომ, რომ წლების განმავლობაში იყო სხვადასხვა განცხადებები. საზოგადოებას კი, ესაჭიროება ინფორმაცია იმის შესახებ, თუ რა მოხდა სინამდვილეში. ჩვენ ყველაფრისთვის უნდა ვიყოთ მზად და გადავდგათ შესაბამისი ნაბიჯები, რომ მსგავსი რამ ქვეყანაში არ მოხდეს, სხვა შემთხვევაში, ქვეყანა დაღუპვის პირას იქნება“. – განაცხადა ფრიდონ ინჯიამ.