Archives de catégorie : des nouvelles

ფრიდონ ინჯიამ პარლამენტის პლენარულ სხდომაზე საქართველოში ეროვნული ბანკის საქმიანობის სუვერენიტეტის მნიშვნელობაზე ისაუბრა, რაც დეპუტატის განცხადებით, პირდაპირ არის დაკავშირებული ქვეყნისა და სახელმწიფოს სუვერენიტეტთან

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის პლენარულ სხდომაზე საქართველოში ეროვნული ბანკის საქმიანობის სუვერენიტეტის მნიშვნელობაზე ისაუბრა, რაც დეპუტატის განცხადებით, პირდაპირ არის დაკავშირებული ქვეყნისა და სახელმწიფოს სუვერენიტეტთან.

🔷 პარლამენტის პლენარულ სხდომაზე ინტერპელაციის წესით ეროვნული ბანკის მოვალეობის შემსრულებელს ნათია თურნავას მოუსმინეს. ინტერპელაციის წესით, ძირითად კითხვას თურნავასადმი წარმოადგენდა “ლიბერთის ბანკის” მიერ პენსიონერებისთვის გაცემულ საბანკო სესხებზე საპროცენტო განაკვეთის რეგულირების საკითხი.

🔷 „დღეს ეროვნული ბანკის პოლიტიკა არის ორმხრივი. ერთი არის საშინაო და მეორე – საგარეო. ეროვნული ბანკის საგარეო პოლიტიკა მიბმულია მსოფლიო ბანკთან და სავალუტო ფონდთან და მათი ნებართვის გარეშე, ბევრი რამ შეუძლებელი ხდება და აქ საჭიროა დიდი ლავირება, რომ ეროვნულმა ბანკმა შეინარჩუნოს საბანკო სუვერენიტეტი, რაც ქვეყნისა და სახელმწიფოს სუვერენიტეტის ერთერთი საფუძველს წარმოადგენს. თუ ეროვნულ ბანკს აქვს სუვერენიტეტი, მაშინ ქვეყანას დიდი ძალა აქვს.“ – განაცხადა ფრიდონ ინჯიამ.

🔷 დეპუტატმა თავის გამოსვლაში მოკლე ექსკურსი გააკეთა საქართველოში საბანკო და ფინანსური ორგანიზაციების შექმნის ისტორიის შესახებ, როდესაც საბანკო სისტემა ნორმალურად ფუნქციონირებდა, ინარჩუნებდა დამოუკიდებლობას და რაც მთავარია, მოსახლეობისთვის სესხები ხელმისაწვდომ პროცენტებში გაიცემოდა.

🔷 პოლიტიკური ჯგუფის თავმჯდომარეს მიაჩნია, რომ სახელმწიფომ ყველაფერი უნდა გააკეთოს საბანკო სექტორის დემონოპოლიზაციითვის. დეპუტატის აზრით, პენსიონერს უნდა ჰქონდეს უფლება, ნებისმიერი ბანკიდან, თუ ფინანსური ინსტიტუტიდან მიიღოს პენსია და იგი ამ მხრივ შეზღუდული არ უნდა იყოს.

🔷ფრიდონ ინჯიას განცხადებით, ის დარწმუნებულია, რომ მთავრობა ამ მიმართულებით შეიმუშავებს შესაბამის მექანიზმებს, რითაც იქნება შესაძლებელი გადაიჭრას დღეს არსებული პრობლემები.

🔷 „ნათია თურნავა მიმაჩნია თავისი საქმის პროფესიონალად. იგი წარმატებული პიროვნებაა სტუდენტობიდან დაწყებული. მე დარწმუნებული ვარ, ქალბატონი ნათია ყველაფერს გააკეთებს ქვეყნის სასიკეთოდ. ვფიქრობ, პენსიონერებთან დაკავშირებით არსებული პრობლემები წლის ბოლოსთვის იქნება გადაწყვეტილი და აქ მთავარი ამოცანა უნდა იყოს საპროცენტო განაკვეთის მაქსიმალურად დაბლა დაწევა. მჯერა, რომ ამისთვის შესაბამისი მექანიზმი გამოიძებნება ხელისუფლების მხრიდან“. – თვლის ფრიდონ ინჯია.

🔷 პოლიტიკური ჯგუფის თავმჯდომარემ ხაზი გაუსვა საბანკო სისტემაში არსებულ ოლოგოპოლიზმს, როდესაც კომერციული ბანკები წლის განმავლობაში უპრეცედენტო მოგებას ნახულობენ სწორედ სესხებზე დღეს არსებული მაღალი საბანკო პროცენტებით.

🔷 დეპუტატის განცხადებით, საქართველოს ხელისუფლებამ უნდა გამონახოს ისეთი მექანიზმი, რომელიც საბანკო სისტემაში არსებულ პრობლემას გადაჭრის და საერთაშორისო ფინანსური ორგანიზაციების წინაშე წარდგება არგუმენტირებულად, რომ ეს გადაწყვეტილება საქართველოს მოსახლეობის ინტერსებშია.

🔷 „სახელმწიფო უნდა ჩაერთოს ყველა იმ პრობლემის მოწესრიგებაში, სადაც არის პრობლემები. ეს იქნება საბანკო სექტორი, ფარმაცევტული საქმიანობა თუ მრავალი სხვა სფერო, რასთან დაკავშირებითაც სახელმწიფომ უნდა აიღოს პასუხისმგებლობა.

🔷 ყოველწლიურად, კომერციულ ბანკებს 2 მილიარდზე მეტი მოგება აქვთ. თუ ჩვენ სოციალური სახელმწიფო ვართ, ამ საკითხების გადაწყვეტაში უნდა მოხდეს სახელმწიფოს ჩართულობა და მისი რეგულირება.“ – მიაჩნია დეპუტატს.

🔷 ფრიდონ ინჯიამ ასევე ისაუბრა საქართველოში ციფრული ბანკის შექმნის შესახებ, რაც დეპუტატის აზრით, კომერციულ ბანკებთან ჯანსაღი კონკურენციისა და ზოგადად საბანკო სისტემის სწორად განვითარებას შეუწყობს ხელს.

🔷 „მარტივ მაგალითს მოგიყვანთ. როცა ჩვენ ვახორციელებთ საზღვარგარეთ ფულად გადარიცხვას, ან ნებისმეირ სხვა ფინანსურ ოპერაციას, მას სჭირდება სამი სამუშაო დღე, ხოლო ციფრული სისტემით ამ ოპერაციებისთვის საჭიროა მხოლოდ 5-10 წუთი.

🔷 ციფრული საბანკო სისტემის შემთხვევაში ასევე მნიშვნელოვანი შეღავათია საკომისიო და საშუამავლო გადასახადები. ციფრული საბანკო სისტემის შექმნა ხელს შეუწყობს საბანკო სექტორის დემონოპოლიზაციას, რითაც შეიქმნება ჯანსაღი კონკურენციის გარემო და საბანკო სისტემა სწორი მიმართულებით განვითარდება. საბანკო ოპერაციების კიდევ უფრო გამარტივებისთვის, ციფრული საბანკო სისტემით, შეიძლება გამოყენებულ იქნას ელექტრონული პირადობის მოწმობა“. – აღნიშნა ფრიდონ ინჯიამ.

🔷 დეპუტატის აზრით, რა თქმა უნდა, ციფრული საბანკო სისტემის მოწინააღმდეგეები იქნებიან კომერციული ბანკები, ან ყველა კომერციული ბანკი მოითხოვს ლიცენზიას, გადავიდეს ციფრულ საბანკო სისტემაზე და სწორედ, აქ უნდა ჩაერთოს სახელმწიფო და უშუალოდ ეროვნული ბანკი თავისი სწორი პოლიტიკით. ასეთ შემთხვევაში ბევრი საკითხი მოსახლეობის საკეთილდღეოდ გადაწყდება.

🔷 „მე იმედი მაქვს, რომ ეროვნული ბანკის ხელმძღვანელობა, საკანონმდებლო ორგანოსთან ერთად ჩაერთვება ამ საკითხების გადაწყვეტაში. მიმაჩნია, რომ აქ გადასაწყვეტი ბევრი არაფერია, ამისთვის მთავარია პოლიტიკური ნება და პროფესიონალების ჩართულობა. ჩვენ უნდა ვიყოთ დაინტერსებული, რომ ეს პროცესი იყოს დემოკრატიული და ადამიანის უფლებების დაცვაზე დამყარებული“. – განაცხადა ფრიდონ ინჯიამ.

საქართველოს პარალმენტის პლენარულ სხდომაზე დეპუტატებმა ძირძველი ქართველური ენების – მეგრულის, სვანურის, ლაზურისა და წოვა-თუშურის სახელმწიფო დონეზე დაცვის აუცილებლობაზე იმსჯელეს, რაზეც თავისი პოზიცია დააფიქსირა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ.

📍 საქართველოს პარალმენტის პლენარულ სხდომაზე დეპუტატებმა ძირძველი ქართველური ენების – მეგრულის, სვანურის, ლაზურისა და წოვა-თუშურის სახელმწიფო დონეზე დაცვის აუცილებლობაზე იმსჯელეს, რაზეც თავისი პოზიცია დააფიქსირა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ.

🔷 პოლიტიკური ჯგუფის თავმჯდომარემ მეათე მოწვევის პარლამენტის საქმიანობის დაწყებისთანავე არაერთხელ დააყენა საკითხი საკანონმდებლო ორგანოს წინაშე როგორც პლენარულ სხდომაზე, ასევე საკომიტეტო განხილვებზე, უძველესი და იუნესკოს მიერ დაცული ქართველური ენების გადარჩენის შესახებ. ამის თაობაზე, ფრიდონ ინჯიამ ხელისუფლებას საკუთარი ინიციატივები შესთავაზა.

🔷 დღევანდელ სხდომაზე, დეპუტატმა აღნიშნა, რომ ძირძველი ქართველური ენები დაკარგვის საშიშროების წინაშე დგას, რაც დაუშვებელია იქედან გამომდინარე, რომ ქართულ ენას სწორედ ეს ენები ასაზრდოებენ და საქართველოს იდენტობის ნაწილია.

🔷 უნდა აღინიშნოს, რომ 2024 წლის 22 თებერვლის პარალმენტის სხდომაზე საპარლამენტო ისტორიის მანძილზე უპრეცედენტოდ, გამონაკლისის სახით, თემის მნიშვნელობიდან გამომდინარე, ამ საკითხზე გამოსვლები სწორედ, მეგრულ, სვანურ და ქართულ ენებზე მიმდინარეობდა.

🔷 „ჩემთვის ბედნიერი დღეა. მე ეხლა აქ მეგრულად საუბარს არ დავიწყებ, თუმცა, არც ისე ცუდად ვიცი. იმიტომ, რომ მეგრული ენა ჩემი მშობლიური – „ნანაშ ნინაე“ -(დედის ენაა), რომლითაც მე ენა ავიდგი.

🔷 ძალიან საინტერესოა და დიდი მადლობა მინდა ვუთხრა ჩემს კოლეგებს – ანა წითლიძეს შემართებისთვის, მამაცური გამოსვლისთვის და იმ სიმართლის გაჟღერებისთვის, რაც სათქმელი იყო. ასევე, ბატონ გუბაზ სანიკიძეს იმ ისტორიული წიაღსვლისთვის, რომელიც მან ტრიბუნიდან გააკეთა საქართველოს ძირძველი კუთხეებისა და ქართველური ენების ისტორიული მნივშენლობის შესახებ.

🔷 დაიკარგება მეგრული ენა? დაიკარგება სვანური ენა? დასაცავი გაგვიხდება ქართული ენა.

🔷 მეგრული და სვანური ენები ასაზრდოებს ქართულ ენას. თუმცა, დღეს ქართულ ენასაც დიდი პრობლემა აქვს.

🔷 ჩემს ინიციატივას დიდი გადაწყვეტა არ სჭირდება. არც კანონია მისაღები. ეს თავისუფლად შეუძლია გადაწყვეტოს განათლების სამინისტრომ.

🔷 გარკვეულ წილად, მე მომზადებული მაქვს ეს თემა და ვმუშაობდი ამ საკითხზე, თუ რა უნდა გააკეთოს განათლების სამინიტრომ. კერძოდ, ვისაც ექნება სურვილი, სკოლებში და სხვა სასაწავლო-საგანმანათლებლო დაწესებულებებში, თუნდაც კონკრეტულ რეგიონებში სასწავლო პროგრამაში შევიდეს ქართველური ენების საბაზისო სწავლება, მაგრამ ეს ინიციატივა სახელმწიფოს დახმარების გარეშე, ვერ განხორციელდება“. – განაცხადა დეპუტატმა.

🔷 ფრიდონ ინჯიამ თავის გამოსვლაში ყურადღება გაამახვილა ქართული ენის შესახებ კანონის შესრულების აუცილებლობაზე, რაც დღეს ცალკეულ შემთხვევებში დარღვეულია. კერძოდ, ეს ეხება სახელმწიფო უწყებების მიერ სატელეფონო შეტყობინებების არა ქართული ანბანით, არამედ ლათინური შრიფტით გაგზავნას.

🔷 „დღეს მართლაც რომ გადასარჩენია მეგრული და სვანური ენები. ქართული სუფრა ისე არ ჩაივლის, რომ არ გაჟღერდეს მეგრული სიმღერა. ეს ჩვენი ცხოვრებაა. მეგრული ენა თავისი სიდიადით ძალიან დიდი ენაა.

🔷 მეგრულ ენაში შემორჩენილი და შემონახულია ისეთი განმარტებები და სიღრმისეული დატვირთვის მქონე სიტყვები, რომელიც იშვიათად შეიძლება შეგვხვდეს სხვაგან.

🔷 ქარული ენაც მძიმე სიტუაციაშია. სახელწმიფო დაწესებულება ლათინური ასოებით წერს და აგზავნის შეტყობინებას. არ სრულდება „ქართული ენის“ შესახებ კანონი. აი, ეს უნდა იყოს პარლამენტის ერთ-ერთი მთავარი ამოცანა“. – მიაჩნია ფრიდონ ინჯიას.

ფრიდონ ინჯიას გამოსვლა პარალმენტის პლენარულ სხდომაზე, სადაც საქართველოს პარლამენტის თავმჯდომარე შალვა პაპუაშვილი წლიური ანგარიშით წარდგა.

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარალმენტის პლენარულ სხდომაზე, სადაც საქართველოს პარლამენტის თავმჯდომარე შალვა პაპუაშვილი წლიური ანგარიშით წარდგა.

🔷 პოლიტიკური ჯგუფის თავმჯდომარემ პაპუაშვილის გამოსვლა და მისი საქმიანობა პარლამენტის თავმჯდომარის რანგში შეაფასა როგორც „ქართული ოცნებისთვის“ გასული წლის აღმოჩენა.

🔷 ანგარიშს, რომელიც თქვენ წარმოადგინეთ, გასულ წელთან შედარებით ძალიან დიდი განსხვავებაა, და ვიტყოდი, რომ შალვა პაპუაშვილი „ქართული ოცნებისთვის“ გასული წლის აღმოჩენაა. ყველაფერი იყო ნათქვამი თქვენს გამოსვლაში, თუმცა იყო ცალკეული ხარვეზები და ზოგიერთ ამ საკითხზე მინდა გავამახვილო თქვენი ყურადღება“. – აღნიშნა ფრიდონ ინჯიამ.

🔷 დეპუტატის განცხადებით, საქართველოს ხელისუფლებამ უნდა აჩვენოს პრინციპული პოზიცია ისეთ საკითხებთან მიმართებაში, რომელიც ქვეყნისა და სახელმწიფო ინტერესებს უკავშირდება და სწორად უნდა გაანალიზოს ამა თუ იმ გადაწყვეტილების მიღების შედეგები.

🔷 ფრიდონ ინჯიამ ამ კონტექსტში ხელისუფლება და საკანონმდებლო ორგანო გააკრიტიკა საარჩევნო კოდექსის მიღებასთან დაკავშირებით, რომლის მიღების შედეგად ცენტრალური საარჩევნო კომისიის მუშაობა პრაქტიკულად, ჩიხში შევიდა და მას გაუჭირდა სრულყოფილად საკუთარი საქმიანობის წარმართვა.

🔷 ამასთან დაკავშირებით დეპუტატმა ხელისუფლებას პასუხისმგებლობის აღება მოსთხოვა.

🔷 „ისეთი შთაბეჭდილება იქმნება, თითქოს ვენეციის კომისია მთელს მსოფლიოში და ევროპაში მხოლოდ საქართველოზე მუშაობს. ჩვენ რომ არა, კომისიას სამუშაო არ ექნებოდა.

🔷 მინდა გითხრათ, რომ ვენეციის კომისიის რეკომენდაციები, რეკომენდაციებია და არა კონსტიტუცია, არა კანონი, არა მამა-პაპისგან დაბარებული დარიგება – ეს ასე გააკეთეთო…

🔷 რატომ ვამბობ ამას, არის კანონი, რომელსაც ჩვენმა პარტიამ ხმა მისცა, და ის საარჩევნო კოდექსს ეხება, სადაც მიგვაჩნდა, რომ ის ნორმა, რომელიც იყო მიღებული, და ამაში თქვენ – უმრავლესობა ხართ დამნაშავე, რომ 100 ხმით ხდება გადაწყვეტილებების მიღება, მაშინ როდესაც პრემიერ-მინისტრს, გენერალურ პროკურორს ნიშნავთ 76 ხმით და რა გახდა ცესკოს თავმჯდომარის დანიშვნა.

🔷 რატომ მიეცით ამის საშუალება? თუ თქვენ ხართ უმრავლესობაში, კეთილი ინებეთ და აგეთ პასუხი, ასე უნდა გაგეკეთებინათ და ახლა უკან იხევთ. ეს ყველაფერი, რაც ახლა ხდება, შესაძლოა, თავიდან აგვეცილებინა და არ ყოფილიყო, თქვენ რომ თავიდანვე პრინციპულ პოზიციაზე დამდგარიყავით.

🔷 ეს არა მხოლოდ ცესკოს, არამედ იუსტიციის საბჭოს წევრებსაც ეხება და ა.შ.

🔷 ამ თითქმის 3 წლის განმავლობაში არასრულყოფილი საარჩევნო კომისია იყო. როგორ შეიძლება ყოველ 6 თვეში ცესკოს თავმჯდომარე ტრიბუნასთან იყო და დამტკიცება-არ დამტკიცების პროცესს გადიოდეს.
მიუხედავად ამისა, ამ 3 წლის განმავლობაში ერთხელაც არ ყოფილა რამე პრინციპული საკითხი საარჩევნო კომისიაში, რომელიც პრობლემური ყოფილიყო.

🔷 აბსოლუტურად ყველა საკითხი წყდებოდა ურთიერთშეთანხმებით. ამ ხნის განმავლობაში რამდენი არჩევნები ჩატარდა ადგილობრივი, თუ შუალედური, არ ყოფილა რაიმე უთანხმოება“. – განაცხადა დეპუტატმა

🔷 რაც შეეხება ევროკომისიის 9 რეკომენდაციას, რომელზეც პარლამენტი სისტემატურად მსჯელობს და ყოველ კვირა მიმდინარეობს განხილვები, ფრიდონ ინჯიას განცხადებით, ევროკავშირის გაფართოებასთან დაკავშირებით დასახელებულია 2030 წელი. შესაბამისად, წინ არის კიდევ 6 წელი. აქედან გამოდინარე, დეპუტატის თქმით, 6 წლის შემდეგ დიდი ალბათობით დღეს წარმოდგენილი რეკომენდაციები აღარ იქნება აქტუალური. მით უფრო, თუ გავითვალისწინებთ როგორი ინტენსივობით იცვლება მსოფლიოში გეოპოლიტიკური ვითარება. აქედან გამომდინარე, პოლიტიკური ჯგუფის თავმჯდომარე მიმართავს ხელისფლებას, აკეთოს თავისი საქმე მხოლოდ და მხოლოდ ქვეყნისა და ხალხის ინტერსებიდან გამომდინარე.

🔷 „ევროკომისია ჩვენ იქედან გვაწვდის რეკომენდაციებს, ხოლო მიღებაზე და გაწევრიანებაზე დასახელდა 2030 წელი, ანუ 6 წელი გავქვს წინ.

🔷 ამიტომ ეს 9 რეკომენდაცია შეგვიძლია ამ ხნის განმავლობაში გავაკეთოთ, და ეჭვი მეპარება, რომ 6 წლის, თუნდა 5 წლის ბოლოს ევროკომისიიდან რეკომენდაციები ისეთივე იყოს, როგორიც დღეს. ისევე როგორც ევროკავშირი, ყველაფერი იცვლება მთელს მსოფლიოში განსაკუთრებით ბოლო პერიოდში. ამიტომ ამ 9 რეკომენდაციიდან 6 წლის ბოლოს რა დარჩება, კაცმა არ იცის.

🔷 ამიტომ, ჩვენ ჩვენი საქმე გავაკეთოთ, რომელიც ქვეყნისთვის პრინციპული და საჭიროა“. – განაცხადა ფრიდონ ინჯიამ.

🔷 პოლიტიკური ჯგუფის თავმჯდომარემ თავის გამოსვლაში ყურადღება გაამახვილა ხელისუფლების მხრიდან ოპოზიციური პარტიების მიერ გამოგზავნილი წერილების რეაგირების გარეშე დატოვების ფაქტზე, რაც მისი აზრით, მიუღებელია და ამ მხრივ მათ შეუძლიათ აიღონ მაგალითი ახალი პრემიერ მინისტრისგან ირაკლი კობახიძისგან, რომელიც ყველა კითხვას კვალიფიციურ და დამაჯერებელ პასუხს სცემს.

🔷 პოლიტიკური ჯგუფის თავმჯდომარის განცხადებით, აუცილებელია, რომ ხელისუფლებამ თავისი საქმიანობის მნიშვნელოვანი დრო დაუთმოს ცილისწამების შესახებ კანონის მიღებას. ასევე დღის წესრიგში კვლავ უნდა დადგეს არასამთავრობო ორგანიზაციების დაფინანსების გამჭვირვალეობის საკითხს და ზოგადად იმოქმედოს მხოლოდ ქვეყნის ინტერესებიდან გამომდინარე.

🔷 „ცილისწამება, რომელიც ნიაღვარივით მოედინება, არის იმ გეგმის შემადგენელი ნაწილი, რომელიც შემუშავებულია ნაციონალური მოძრაობისა და მასთან შეხმატკბილებული ღიად, ირიბად, თუ ფარულად მოქმედი პარტიების მიერ, მათი სატელიტი არასამთავრობო ორგანიზაციებისა და მათი ტელევიზიების მიერ. გეგმის მისაღწევად ყველაფერია დაშვებული:
🔷 ეს იქნება ომის გამოცხადება, თუ ჩვენი ტერიტორიების კიდევ ერთხელ განადგურება და დაკარგვა;
🔷 ყველა სახის ეკონომიკური კონტაქტების გაწყვეტა ჩვენს მეზობელ ქვეყნებთან და მათ შორის, რუსეთთან, მაშინ როდესაც ევროპა და ამერიკა ვაჭრობენ და მილიარდობით დოლარის ურთიერთ სარგებელს ნახულობენ ამ ქვეყნებთან ურთიერთობით და არ აქვს მნიშვნელობა, რა ეკონომიკურ ზარალს მიიღებს ჩვენი ქვეყანა;
🔷 ყველა სახელმწიფო პროექტი, რომელსაც სახელმწიფოსთვის მომგებიანად ვთვლით, მიუღებელია იმ ჯგუფებისთვის, რომლებიც ბევრ შემთხვევაში ფინანსდებიან დასავლეთიდან. ეხლა ტაივანიც დაემატა ამას, რომელიც გვირჩევს, თუ რა ცუდია ჩინეთი.
ბოლო პერიოდში ამაში ჩვენი პრეზიდენტად წოდებული, ქალბატონი სალომე ზურაბიშვილი მთელი ძალით ჩაერთო.

🔷 ამ ყველაფერს ხელისუფლება წინ უნდა აღუდგეს და ამაში დიდი როლი აქვს პარლამენტს.

🔷 რა საშიშროების წინაშეა დღეს ჩვენი ქვეყანა? ძირითადს გეტყვით:

🔷 მეომრები, რომლებიც შეიძლება უკრაინიდან საქართველოში დაბრუნდნენ. მათი დასაქმება იქნება, თუ ადაპტირება ამ რეალობასთან. როდესაც კაცი რამდენიმე წელიწადი ომობს, ეს ადამიანზე დიდ ზეგავლენას ახდენს. ამისთვის ჩვენი ხელისუფლება მზად უნდა იყოს. მე ვფიქრობ, რომ გასაგებად ვსაუბრობ… განსაკუთრებით, წლის ბოლოსთვის.

🔷 სრულად ვიზიარებ კოლეგების, ქალბატონ რიმა ბერაძისა და ბატონ ლადო კახაძის პოზიციას ცილისწამებასთან და დეზინფორმაციასთან დაკავშირებით, რადგანაც ეს არამხოლოდ პარლამენტარების, არამედ ჯანსაღად მოაზროვნე ჩვენი მოსახლეობის დიდი ნაწილის მოთხოვნაცაა.

🔷 სულ უფრო გაფართოვდა ცილისწამებები და დეზინფორმაციის გავრცელება, ეს კი დაპირისპირებასა და პოლარიზაციას კიდევ უფრო მაღლა წევს.

🔷 შეიძლება ველოდოთ დესტაბილიზაციისთვის ისეთ ქმედებებს, როგორიცაა დივერსიული აქტები და ასე შემდეგ. გავიხსენოთ ის 14 კილოგრამი ასაფეთქებელი ნივთიერება, რომელიც საქართველოს ტერიტორიაზე მოგზაურობდა. მადლობა ღმერთს, გადავრჩით, და მოსახლეობა არ დაზარალდა.

🔷 რას ვისურვებდი?

🔷 პარლამენტი უნდა დაუბრუნდეს კანონპროექტის მიღებას, რომელიც ეხება არასამთავრობო ორგანიზაციების დაფინანსების გამჭვირვალობას, რასთან დაკავშირებითაც ევროკავშირსა და მთელ რიგ ქვეყნებში განხილვის პროცესი მიმდინარეობს. ჩვენ ამ ორგანიზაციების დაფინანსებაზე ინფორმაციებს არ უნდა ვიღებდეთ სხვა ქვეყნებიდან და სხვადასხვა დაფარული წყაროებიდან. ეს უნდა იყოს გამჭვირვალე მთელი მოსახლეობისთვის, ვინ რით სუნთქვას.

🔷 კოჰაბიტაციის დამთავრება და დროებითი საგამოძიებო კომისიის შექმნა 2008 წლის აგვისტოს ომის მოვლენებთან დაკავშირებით, სადაც ბევრი რამ გამოაშკარავდება, და ბევრ რამეს წერტილი დაესმება“. – მიაჩნია ფრიდონ ინჯიას.

ფრიდონ ინჯიას კითხვები ფინანსთან მინისტრს ლაშა ხუციშვილსსაქართველოს პარალმენტის პლენარულ სხდომაზე „მინისტრის საათის“ ფორმატში ფინანსთა მინისტრს ლაშა ხუციშვილს მოუსმინეს.

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას კითხვები ფინანსთან მინისტრს ლაშა ხუციშვილს
საქართველოს პარალმენტის პლენარულ სხდომაზე „მინისტრის საათის“ ფორმატში ფინანსთა მინისტრს ლაშა ხუციშვილს მოუსმინეს.

🔷 „როგორია თქვენი ხედვა ციფრული ბანკის შექმნასთან დაკავშირებით?

🔷 გარკვეული ქვეყნები ამ მიმართულებით უკვე მუშაობენ და შესაძლებელია, რომ ციფრული ბანკი იყოს შედარებით ხელმისაწვდომი მოსახლეობისთვის შეღავათიანი პირობებით და მან დაარეგულიროს ის მონოპოლიზმი, რომელიც დღეს არის საბანკო სექტორში“. – აღნიშნა თავის შეკითხვაში ფრიდონ ინჯიამ.

🔷 პოლიტიკური ჯგუფის თავმჯდომარემ კიდევ ერთხელ გაამახვილა ყურადღება ქვეყნაში ერთი სახელმწიფო ბანკი შექმნის აუცილებლობაზე. მისი განცხადებით, თუკი ხელისუფლება ვერ იღებს გადაწყვეტილებას შექმნას ერთი სახელმწიფო ბანკი, იქნებ იყოს შესაძლებელი შეიქმნას ციფრული ბანკი, რომელიც მართლაც შეძლებს საბანკო სისტემაში დღეს არსებული პრობლემების გადაწყვეტას და საბანკო მონოპოლიზმის არარსებობას.
„მე რამდენჯერმე გავაკეთე განცხადება და მივმართე მთავრობას, რომ შეიქმნას ერთი მაინც სახელმწიფო ბანკი, სადაც სახელმწიფოს ექნება საკონტროლო პაკეტი 51 – %-ი მაინც. სამაგალითო ქვეყნებს შორის არის ამერიკის შეერთებული შტატები და ჩინეთი. ჩინეთში, 4 სახელმწიფო ბანკია. ესე იგი რაღაც ყოფილა ამაში სახელმწიფოსთვის მისაღები და საინტერესო. მე ვიტყოდი, რომ ჩინეთი ბევრი სხვადასხვა მიმართულებით არის პირველ ადგილზე მსოფლიოში თავისი განვითარებით. თუ სახელმწიფო ბანკის შექმნა არ გამოდის, რას ფიქრობთ თქვენ ციფრული ბანკის შექმნაზე?“ – განაცხადა დეპუტატმა.

🔷 პოლიტიკური ჯგუფის თავმჯდომარემ ფინანსთან მინისტრს ასევე დაუსვა, შეკითხვა თუ რამდენად არის შესაძლებელი, რომ სავალუტო ფონდის პარალელურად, საქართველომ შეძლოს თანამშრომლობა სხვა საერთაშორისო ფინანსურ ინსტიტუტებთან, რომლებიც დღევანდელ მსოფლიოში მასშტაბური გეოპოლიტიკური ცვლილებების შედეგად იქმნება.

🔷 „ტრადიციულად ჩვენ ორიენტირებულები ვართ სავალუტო ფონდზე. დღეს, მსოფლიოში ისე სწრაფად იცვლება პოლიტიკური ვითარება, რომ იქმნება ახალი ფინანსური შესაძლებლობები.

🔷 როგორ ფიქრობთ თქვენ, რამდენად არის შესაძლებელი საქართველომ პარალელურად, შეძლოს თანამშრომლობა საერთაშორისო ფინანსური ორგანიზაცია ბრიქსის ბანკთან, რომელიც შექმნეს ისეთმა ქვეყნებმა როგორიც არის, ჩინეთი, ინდოეთი, ბრაზილია, აფრიკის რესპუბლიკა და რუსეთი და მათ რიგებს კიდევ დაემატა მსოფლიოს სხვა წამყვანი ქვეყნები“. – განაცხადა ფრიდონ ინჯიამ.

🔷 თავის მხრივ, ფინანსთა მინისტრმა ლაშა ხუციშვილმა განაცხადა, რომ ეროვნული ბანკის მიერ ციფრულ ბანკთან დაკავშირებით გარკვეული ნაბიჯები გადადგმულია. ხორციელდება საკმაოდ მნიშვნელოვანი რეფორმები. ბუნებრივია, საქართველოს მთავრობის მხრიდან ამ ინიციატივებს აქვს შესაბამისი მხარდაჭერა.

🔷 „თუ სწორად მახსოვს, რამდენიმე ლიცენზიაც არის გაცემული სახელმწიფოს მხრიდან ამ მიმართულებით.

🔷 შესაბამისად, იმ ჩარჩოში რა ჩარჩოშიც ექცევა აღნიშნული საბანკო ინსტიტუტები ამასთან დაკავშირებით შესაძლებელია, რომ დეტალურად მსჯელობაც გაიმართოს.

🔷 უფრო კონკრეტულად ვფიქრობ, რომ პარასკევს ეროვნული ბანკის პრეზიდენტის მოვალეობის შემსრულებელი ნათია თურნავა საქართველოს პარალმენტში „ინტერპელაციის ფორმატში“ წარმოგიდგენთ ინფორმაციას ციფრულ ბანკთან დაკავშრებით“. – განაცხადა ლაშა ხუციშვილმა.

საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარალამენტის პლენარულ სხდომაზე პოლიტიკური დებატების ფორმატში.

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარალამენტის პლენარულ სხდომაზე პოლიტიკური დებატების ფორმატში.

🔷 პირველ რიგში, მინდა მოგილოცოთ ყველას, ჩვენი ქართველი სპორტსმენების მერაბ დვალიშვილისა და ილია თოფურიას წარმატებები, რამაც საქართველოს უდიდესი სიხარული და სიამაყე მიანიჭა. ჩვენ მცირერიცხოვანი ერი ვართ და მსოფლიოში გვყავს ყველაზე ძლიერი ძალოსანი ლაშა ტალახაძე.

🔷 ევროკავშირის ხელოვნურად გამოგონილი მოთხოვნები და პირობები, რომელიც უკვე წლების განმავლობაში სპეკულაციისა და ქვეყანაში არასტაბილურობის მიზეზად იქცა, მინდა ყველას გასაგონად ვთქვა, რომ ჩვენს კეთილისმსურველებს ევროპაში, ჩვენგან შეუძლიათ აიღონ მაგალითი, ვაჟკაცობის, სიძლიერის, ტოლერანტობის, მიზანდასახულობისა და ბრძოლისუნარიანობის. ამის ნათელი მაგალითი ჩვენი ძირძველი ერის ისტორიაა.

🔷 ევროკავშირის 9 პუნქტიანი პირობის ერთერთი მთავარი მოთხოვნაა ბრძოლა დეზინფორმაციასთან და ცილისწამებასთან. დეზინფორმაციისა და ცილისწამების მსხვერპლი არაერთხელ გამხდარან საქართველოს მოქალაქეები – სახელმწიფო მოღვაწეები, თუ პოლიტიკოსები. აქედან გამომდინარე, მიმაჩნია, რომ სწორედ, ჩვენს ქვეყანაში ყოვლად უმსგავსო ცილისწამებებს უნდა მოეღოს ბოლო და ეს შეურაცხმყოფელი და ღირსების შემლახველი ქმედებები, თუ მიზანმიმართული კამპანია ერთხელ და სამუდამოდ უნდა დარეგულირდეს და აღიკვეთოს საკანონმდებლო დონეზე.

🔷 ის არ არის ცილისწამება, როცა საქართველოს ხელისუფლებას რუსულს უწოდებენ? ან სხვა ანტისახელმწიფოებრივი განცხადებები, რომლებიც ვფიქრობ, უნდა აიკრძალოს.

🔷 ქალბატონი სალომეს განცხადება, იმის თაობაზე, რომ ჩვენ უნდა ველოდოთ რუსეთის ჩარევას ჩვენს საპარლამენტო არჩევნებში, რას ნიშნავს ეს? ნიშნავს თუ არა ეს განცხადება იმას, რომ ხელი შეუწყოს და დაჩქარდეს საქართველოში მეორე ფრონტის გახსნა, ეს ხომ პროვოკაციული განცხადებაა როგორც რუსეთის მხარისთვის, ასევე საქართველოს მთავრობისთვის.

🔷 ეს ხომ რუსეთში იმ რადიკალური ძალების წისქვილზე ასხამს წყალს და ახდენს მათ პროვოცირებას, ვინც ოკუპაცია მოახდინა საქართველოს ტერიტორიის 20 პროცენტის?! რომელ ძალებთანაც ასე შეხმატკბილებულად და შეთანხმებულად მოქმედებდა და ასხვისებდა საქართველოს მიწებს 2008 წელს „ნაციონალური მოძრაობა“. მათ ახლაც მჭიდრო კავშირი აქვთ ამ ძალებთან.

🔷 ნიშნავს თუ არა მეორე ფრონტის გახსნა (რა მნიშვნელობა აქვს, ვინ გახსნის მეორე ფრონტს საქართველოს მხარე, თუ რუსეთის მხარე?) – სისხლის ღვრას საქართველოში და საქართველოს ქალაქებისა და სოფლების ნაცარტუტად ქცევას? რისი ნათელი მაგალითიცაა უკრაინაში განვითარებული მოვლენები.

🔷 ნიშნავს თუ არა ასეთი განცხადებები, საქართველოში დაძაბულობის და არეულობის პროვაცირებას?
უნდა ვიფიქროთ თუ არა ქალბატონი სალომეს ანტიკონსტიტუციური ვოიაჟის დროს გაკეთებული ანტისახელმწიფოებრივი განცხადებების შესახებ? იყო თუ არა წინასწარ შეთნხმებული პოლონეთის საგარეო საქმეთა მინისტრის განცხადება, კრიმინალი სააკაშვილის განთავისუფლების შესახებ, რომელსაც ასე მშვიდად შეხვდა ქალბატონი სალომე.

🔷 სხვას ვერაფერს ვუწოდებ საქართველოს პრეზიდენტის სალომე ზურაბიშვილის განცხადებებს, რომელსაც იგი მინიმუმ ბოლო ორი წელია მიზანმიმართულად აკეთებს საქართველოს წინააღმდეგ.

🔷 მიმაჩნია, რომ ყველა მისი განცხადება არის ანტისახელმწიფოებრივი, ანტიეროვნული, ხოლო მისი ეგრეთ წოდებული ვოიაჟები საზღვარგარეთ, პირდაპირ არის მიმართული ქართული სახელმწიფოს და ხელისუფლების დისკრედიტაციის წინააღმდეგ.

🔷 ყველა ამ ქმედებიდან გამომდინარე, ისღაა დარჩენილი, რომ ქართველმა ხალხმა სალომე ზურაბიშვილს ანტისახელმწიფოებრივი ქმედებების აღსაკვეთად, საქართველოს საზღვრის გადაკვეთა აუკრძალოს, მით უფრო, თუ გავითვალისწინებთ, რომ საკონსტიტუციო სასამართლომ ქვეყნის პრეზიდენტი საქართველოს უზენაესი კანონის, კონსტიტუციის დარღვევაში უკვე დაადანაშაულა.

🔷 სამწუხაროდ, საკონსტიტუციო სასამართლოს ეს გადაწყვეტილება არ ითვალისწინებს სახელმწიფოდან გაუსვლელობას, თუმცა ვიცი, რომ ამ მოცემულობაში ამის განხორციელება შეუძლებელია. ვფიქრობ, რომ უნდა დაფიქრდეს არა მარტო ქალბატონი სალომე, არამედ ყველა ის, ვინც ეგრეთ წოდებულ „ახალ ფანჩატურში“ შეკრებას გეგმავს.