პოლიტიკური ჯგუფის თავმჯდომარის განცხადებით, მაშინ როცა მმართველი პარტია აინიცირებს ქვეყნისთვის მნიშვნელოვან და საკვანძო კანონპროექტს, აქ არ აქვს მნიშვნელობა რომელი პოლიტიკური ძალის წარმომადგენელი ხარ, ეს იქნება ხელისუფლების მხარდამჭერი, თუ ოპოზიციური პოლიტიკური ძალა

🔴 საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მონაწილეობას იღებს „საქართველოს კონსტიტუციაში ცვლილების შეტანის შესახებ“ და „ოჯახურ ღირებულებათა და არასრულწლოვანთა დაცვის შესახებ“ საქართველოს კონსტიტუციური კანონის პროექტების საყოველთაო-სახალხო განხილვაში, რომელიც დასავლეთ საქართველოს სხვადასხვა რაიონულ ცენტრებში მიმდინარეობს.

🔷პოლიტიკური ჯგუფის თავმჯდომარის განცხადებით, მაშინ როცა მმართველი პარტია აინიცირებს ქვეყნისთვის მნიშვნელოვან და საკვანძო კანონპროექტს, აქ არ აქვს მნიშვნელობა რომელი პოლიტიკური ძალის წარმომადგენელი ხარ, ეს იქნება ხელისუფლების მხარდამჭერი, თუ ოპოზიციური პოლიტიკური ძალა.

🔷 „რაც არ უნდა ოპოზიცია ვიყო, მე მაქვს ჩემი ხედვა და ის, რაც მისაღებია და საჭიროა ჩემი ქვეყნისთვის და ხალხისთვის, ასეთ დროს მე მავიწყდება ის, რომ ვარ ოპოზიციური პოლიტიკური პარტიის თავმჯდომარე და მხარს ვუჭერ მმართველი პარტიის მიერ წარმოდგენილ ცვლილებებს“. – განაცხადა ფრიდონ ინჯიამ ოზურგეთში გამართულ შეხვედრაზე.

ევროპარლამენტარი კლერ დეილი: ოდესმე შევწყვეტთ ჩარევას და ქართველებს მივცემთ საშუალებას, თავად აშენონ საკუთარი მომავალი?

👉საქართველოს პოლიტიკური პარტიის და საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია და პარტიის პოლიტიკური გუნდი სრულად იზიარებს „ევროპელი სოციალისტების“ პარტნიორი ევროპარლამენტის დეპუტატების, მემარცხენე ფრთის წარმომადგენლების მიკ ვოლასისა და კლერ დეილის განცხადებას იმის შესახებ, რომ საქართველოს, როგორც დამოუკიდებელ და სუვერენულ სახელმწიფოს უნდა მიეცეს საშუალება თავად ააშენოს საკუთარი მომავალი.

🔷დეპუტატებმა აღნიშნული განცხადება საქართველოში ბოლო დღეებში მიმდინარე აქციებთან და პოლიტიკურ მოვლენებთან დაკავშირებით ევროპარლამენტის ტრიბუნიდან გააკეთეს, რომელიც მმართველი პარტიის მიერ დაინიცირებულ „უცხოური გავლენის გამჭვირვალეობის შესახებ“ კანონპროექტის პირველი მოსმენით მიღებას მოყვა.

📌ევროპარლამენტარი კლერ დეილი: ოდესმე შევწყვეტთ ჩარევას და ქართველებს მივცემთ საშუალებას, თავად აშენონ საკუთარი მომავალი?

📌ევროპარლამენტარი მიკ ვოლასი: ევროკავშირი, ამერიკა, იყენებენ ჩვენს სიმდიდრეს, რათა არაწევრ ქვეყნებში როგორიცაა საქართველო, გაავრცელონ პროპაგანდა და გააღვივონ პროტესტი არასამთავრობოებით.

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინციატივით შეიქმნას სპეციალური სახელმძღვანელო „ქართული ღირებულებების“ შესახებ, რომელიც სკოლებში შეისწავლება

🔴 საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია გამოდის ინციატივით შეიქმნას სპეციალური სახელმძღვანელო „ქართული ღირებულებების“ შესახებ, რომელიც სკოლებში შეისწავლება.

🔴არანაკლებ მნიშვნელოვანი იქნება, რომ ასეთი სახელმძღვანელო გადაითარგმნოს და ევროპაში დაიწყოს „ქართული ღირებულებების“ სწავლება.

🔷ამის შესახებ დეპუტატმა ამბროლაურში მოსახლეობასთან შეხვედრაზე განაცხადა, სადაც „საქართველოს კონსტიტუციაში ცვლილების შეტანის შესახებ“ და „ოჯახურ ღირებულებათა და არასრულწლოვანთა დაცვის შესახებ“ საქართველოს კონსტიტუციურ კანონპროექტებთან დაკავშირებით საყოველთაო-სახალხო განხილვა გაიმართა.

🔷ფრიდონ ინჯიას თქმით, მისი შეხედულებით, კარგი იქნებოდა კანონპროექტში სათაური „ოჯახური ღირებულებები“ შეიცვალოს ტერმინით „ქართული ღირებულებები“, რადგანაც ქართული ღირებულებები ფართო ცნებას მოიცავს, როგორიც არის: ოჯახური ღირებულებები, ქრისტიანობა, მართლმადიდებლობა, დედაენის უდიდესი სიყვარული და პატივისცემა, მამულიშვილობა და მრავალი სხვა.

🔷„საერთო სახალხო განხილვის პროცესში მე აღმოვჩნდი როგორც ერთერთი ოპოზიციური პარტიის თავმჯდომარე და მინდა აღვნიშნო, რომ იყო ოპოზიციონერი არ ნიშნავს იყო ხელისუფლების და ქვეყნის წინაღმდეგი. მიმაჩნია, რომ ამ გუნდთან, რომელიც დღეს ხელისუფლებაშია, შესაძლებელია თანამშრომლობა სხვადასხვა საკითხებთან დაკავშირებით, განსაკუთრებით იმ თემების ირგვლივ, რომელიც ასე აქტუალურია ბოლო პერიოდში, რაც მისაღებია ჩემთვის და ჩემი ხალხისთვის. ამიტომ, ვთვლი, რომ ამ პროცესში მეც უნდა გამოვხატო ჩემი პოზიცია და დავაფიქსირო ჩემი პოლიტიკური პარტიის პოზიცია“, – განაცხადა დეპუტატმა.

🔷პოლიტიკური ჯგუფის თავმჯდომარის აზრით, ბოლო პერიოდში ქვეყანა საკმაოდ დიდი გამოწვევების წინაშე დგას და ხაზგასასმელია ის გარემოება, რომ ამ პროცესებს დღევანდელი ხელისუფლება ღირსეულად და ვაჟკაცურად უმკლავდება.

🔷„მაგალითისთვის შემიძლია მოვიყვანო საქართველოსთვის ევროკავშირის კანდიდატის სტატუსის მინიჭების საკითხი, როდესაც საქართველოს ხელისუფლებამ პრინციპული პოზიცია დაიკავა და ცალსახად განაცხადა, რომ საქართველო ევროკავშირმა უნდა მიიღოს ისეთი როგორიც არის.

🔷როცა საუბარია ოჯახურ ღირებულებებზე, მე ვიტყოდი, რომ უმჯობესია ეს შეიცვალოს ქართული ღირებულებებით, რადგან ქართული ღირებულებების ცნება თავად მოიცავს ოჯახურ ღირებულებებს, ტრადიციებს, ქრისტიანობას, მამულიშვილობას და მრავალი სხვა.

🔷აქვე მინდა აღვნიშნო, რომ კარგი იქნებოდა გამოიცეს სახელმძღვანელო „ქართული ღირებულებების“ შესახებ, რომელიც შეისწავლება სკოლებში. არანაკლებ მნიშვნელოვანი იქნება, რომ ასეთი სახელმძღვანელო გადაითარგმნოს და ევროპაში დაიწყოს „ქართული ღირებულებების“ სწავლება, რადგან სწორედ ქართულ ღირებულებებზე დგას ჩვენი სახელმწიფო და ნამდვილად დროულია საქართველოს ხელისუფლების გადაწყვეტილება სახელმწიფოსთვის მნიშნელოვანი და საკვანძო კანონპროექტების შემოღების შესახებ.

🔷სწორედ ქართული ღირებულებების დაცვით იქნება შესაძლებელი სახელმწიფოს მშენებლობა, განვითარება და ჩვენი მომავალი თაობების დაცვა“, – გააცხადა ფრიდონ ინჯიამ.

🔷პოლიტიკური ჯგუფის თავმჯდომარემ ამბროლაურში მოსახლეობასთან გამართულ შეხვედრაზე განსაკურებული სითბოთი და პატივისცემით მოიგონა ცნობილი ქართველი პიროვნებები, რომლებიც წარმომავლობით სწორედ რაჭიდან გახლდათ, როგორებიც იყვნენ: ზურაბ ქაფიანიძე, თენგიზ არჩვაძე, ომარ მხეიძე, ალექსანდრე ჯაველიძე და მრავალი სხვა.

🔷დეპუტატმა ასევე, ხაზი გაუსვა რაჭის კუთხის განსაკუთრებულ დამახასიათებელ თვისებებს, რომელიც ქართული ღირებულებების, ძირითადი ტრადიციებისა და ფასეულობების ერთერთი უმთავრესი შემადგენელი ნაწილია საქართველოს სხვა კუთხეებთან ერთად.

ფრიდონ ინჯიას გამოსვლა ლგბტ პროპაგანდის აკრძალვის შესახებ – საყოველთაო სახალხო განხილვა

🔴საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მონაწილეობას იღებს „საქართველოს კონსტიტუციაში ცვლილების შეტანის შესახებ“ და „ოჯახურ ღირებულებათა და არასრულწლოვანთა დაცვის შესახებ“ საქართველოს კონსტიტუციური კანონის პროექტების საყოველთაო-სახალხო განხილვაში, რომელმაც სტარტი აიღო დასავლეთ საქართველოდან, კერძოდ ქუთაისიდან.

🔷ქუთაისის ლადო მესხიშვილის სახელობის თეატრში 22 აპრილს საორგანიზაციო კომისიის პირველი სხდომა გაიმართა მოსახლეობასთან, სადაც შეხვედრა საკითხის ირგვლივ სიტყვა- პასუხის რეჟიმში წარიმართა.

🔷„მე როგორც ოპოზიციური პოლიტიკური პარტიის „ევროპელი სოციალისტების“ თავმჯდომარე, მინდა აღვნიშნო, რომ ჩვენმა პარტიამ პირველმა აღიარა 2020 წლის საპარლამენტო არჩევნები და დაახლოებით 5-6 თვის განმავლობაში ერთადერთი პოლიტიკური ძალა იყო, რომელიც საკანონმდებლო ორგანოს მუშაობაში იღებდა მონაწილეობას.

🔷 ხაზი მინდა გავუსვა, რომ 2020 ის არჩევნები ჩატარდა სრულიად გამჭვირვალედ და წინა საპარლამენტო არჩევნებზე არ ყოფილა ისეთი დარღვევა, რომელსაც რაიმე ზეგავლენის მოხდენა შეეძლო არჩევნების შედეგებზე.

🔷 მე როგორც ოპოზიციური პარტიის თავმჯდომარეს არ მიმაჩნია, რომ როგორც ოპოზიციური პარტია, აუცილებლად უნდა იყო ხელისუფლების წინააღმდეგი, ან იმ კარგი საქმეების წინააღმდეგი, რასაც აკეთებს დღევანდელი ხელისუფლება.

🔷რა თქმა უნდა, არის საკითხები, სადაც მე ჩემს სათქმელს ვამბობ და მაქვს არგუმენტაცია განსხვავებული მოსაზრებისას, თუ როგორ უნდა გადაიჭრას ესა თუ ის პრობლემა“. – აღნიშნა დეპუტატმა.

🔷პოლიტიკური ჯგუფის თავმჯდომარემ მმართველი პარტიის წარმომადგენლებს შესთავაზა საკუთარი წინადადება, რომ კანონპროექტის სათაურში სიტყვა ოჯახური ღირებულებები შეიცვალოს სიტყვით – ქართული ღირებულებები.

🔷„ვსარგებლობ შემთხვევით, რადგან ამ საკითხის საერთო-სახალხო განხილვაა, რომელიც სულ უფრო აქტუალური ხდება მსოფლიოში და განსაკუთრებით ისეთ ტრადიციულ ქვეყანაში, როგორიც საქართველოა.

აქედან გამომდინარე, ის ჩანაწერი, რომელიც მმართველმა პარტიამ საქართველოს მოსახლეობას შესთავაზა, კერძოდ, ოჯახურ ღირებულებათა შესახებ, აქ მე ოჯახური ღირებულებების ნაცვლად ჩავწერდი ქართულ ღირებულებს.

🔷რატომ? – ყველა ოჯახს, ყველა ქვეყანაში თავისებური ღირებულებები აქვს და ზოგიერთ ქვეყნებში მათი ღირებულებები ჩვენთვის სრულიად მიუღებელია. ამიტომ მე გთავაზობთ, – სიტყვა ოჯახური ღირებულებები შევცვალოთ სიტყვით – „ქართული ღირებულებები“ და ამაში შედის ოჯახიც, ტრადიციებიც, ის ძალაც რაც ყველას სულშია, რამაც გადაარჩინა საქართველო საუკუნეების განმავლობაში.

🔷იყვნენ იმპერიები, რომლებმაც გაანადგურეს სახელმწიფოები, მაგრამ საქართველო გადარჩა და ქართული სახელმწიფო იქნება მანამ, სანამ დედამიწა იტრიალებს“. – განაცხადა თავის გამოსვლაში ფრიდონ ინჯიამ.

აუცილებელი სახელმწიფო ამ გარდამტეხ მომენტში ყველაფერი გააკეთოს ქვეყნის სუვერენიტეტისა და დამოუკიდებლობის დასაცავად – ფრიდონ ინჯია

📍 აუცილებელი და მნიშვნელოვანია სახელმწიფო იდგეს თავის სიმაღლეზე და ამ გარდამტეხ მომენტში ყველაფერი გააკეთოს ქვეყნის სუვერენიტეტისა და დამოუკიდებლობის დასაცავად – ფრიდონ ინჯია

✅საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარლამენტის პლენარულ სხდომაზე, სადაც დეპუტატმა „პოლიტიკური დებატების“ ფორმატში ქვეყანაში მიმდინარე ყველაზე აქტუალური პოლიტიკური მოვლენები მიმოიხილა.

✅პოლიტიკური ჯგუფის თავმჯდომარემ თავის გამოსვლაში ყურადღება გაამახვილა სახელმწიფოებს შორის მეგობრობის საკითხზე, რაც მისი აზრით, პირობითია, რადგან როგორც წესი, ამ მეგობრობის უკან დგას ამა თუ იმ ქვეყნის ინტერესები.

✅„ჩვენ ყველამ ვიცით, რომ ზოგჯერ პოლიტიკა და სიმართლე განსხვავდება ერთმანეთისგან. ყველაფერს თავისი წესები აქვს. ამ შემთხვევაში მე მინდა მაქსიმალურად სიმართლე ვთქვა. რაზე მინდა გავამახვილო თქვენი ყურადღება. პირველი, ქვეყნებს შორის მეგობრობაზე. მეგობრობა სახელმწიფოებს შორის ეს არის პირობითი და ისიც გარკვეულ ეტაპზე.

✅განსაკუთრებით რთულია დიდი სახელმწიფოსა და პატარა სახელმწიფოს ურთიერთმეგობრობა. ყველას აქვს თავისი ინტერესები. მეგობრობა სახელმწიფოებს შორის პრაქტიკულად, არ არსებობს.

✅ამ სახელმწიფოებიდან მე მაინც გამოვყოფ საქართველოს, რომელმაც თავისი წარსული ისტორიით, აწმყოთი დაამტკიცა, რომ მართლაც იცის მეგობრობა და ბევრ შემთხვევაში ეს მეგობრობა თავის საზიანოდაც კი გამოსდის, მაგრამ მადლობა ღმერთს ასეთ ქვეყანაში ვცხოვრობთ და ასეთი ქვეყანა გვარგუნა ღმერთმა“, – აღნიშნა დეპუტატმა.

✅ ფრიდონ ინჯიას შეფასებით, „უცხოური გავლენის გამჭვირვალეობის შესახებ“ კანონპროექტში არის პატარა მარცვალი საიმისოდ, რომ ქვეყანამ თავიდან აიცილოს გარე ჩარევა, განამტკიცოს თავისი სუვერენიტეტი, მაგრამ ეს საკმაოდ რთული საკითხია.

✅პოლიტიკური ჯგუფის თავმჯდომარეს მიაჩნია, რომ არასამთავრობო ორგანიზაციების საქმიანობა უნდა იყოს გამჭვირვალე.

✅ „გუშინ იურიდიული კომიტეტის სხდომაზე იყოს საუბარი, რომ თუკი ჩვენ მივიღებთ კანონპროექტს „უცხოური გავლენის გამჭვირვალეობის შესახებ“, ჩვენ დავკარგავთ რამდენიმე მილიონს ეს იქნება წყლის მომარაგებიდან თუ სხვა პროექტებიდან.

✅საქმე იმაში გახლავთ, რომ რის ფასად ხდება ეს? ის ქვეყანა, რომელიც აფინანსებს რომელიმე რეგიონის წყლით მომარაგებას, ერთდროულად ის ისეთ დაფინანსებას ახორციელებს, რომელიც შეიძლება მიუღებელი იყოს ჩვენთვის“, – განაცხადა ფრიდონ ინჯიამ.

✅დეპუტატის განცხადებით, ამერიკის სახელმწიფო დეპარტამენტის მხრიდან ხდება უხეში ჩარევა ქვეყნის შიდა პოლიტიკურ პროცესებში და უდიდესი ზეწოლაა საქართველოს სასამართლო სისტემაზე.

✅„მსოფლიოში 200 ქვეყანაა და ამ პატარა ქვეყნის მიმართ, როგორიც საქართველოა, სადაც 3 ნახევარი მილიონი მოსახლეა, ისეთი „მონსტრი“ ქვეყანა როგორიც ამერიკის შეერთებული შტატებია, 20 დღის განმავლობაში რამდენიმეჯერ აკეთებს მწვავე განცხადებას საქართველოსთან მიმართებაში და ჭკუას გვარიგებს.

✅არა მგონია მათ ქართველი ხალხის პრობლემები ადარდებდეთ. მათ თავიანთი ინტერსები აქვთ.

✅თუ შენ მეგობარი ხარ, და მეგობრად თვლი შენს თავს, მაშინ რას ნიშნავს მრავალჯერადად დააფინანსო სახელმწიფო ხელისუფლების წინააღმდეგ მოქმედი სხვადასხვა დაჯგუფებები. ასწავლო იარაღის გამოყენება და სახელმწიფო გადატრიალების ორგანიზება.

✅ყოველგვარი მტკიცებულებების გარეშე ხდება მოსამართლეების დასანქცირება, რომლებიც საქართველოს სახელით მოქმედებენ და ამ დროს, თავად ამერიკის შეერთებული შტატების მოსამართლეებს გამოაქვთ განაჩენი, სადაც მაგალითისთვის, ამერიკის ყოფილ პრეზიდენტს დონალდ ტრამპს 460 წლიან სასჯელს უყენებენ, რაც სრულ აბსურდად მიმაჩნია.

✅არსებობს ბევრი მაგალითი, თუ როგორ ცდილობდნენ საქართველოს ჩართვას ომში საკუთარი ინტერსებიდან გამომდინარე.

✅ გნებავთ ამერიკის შეერთებული შტატების წინა ელჩი საქართევლოში, რომელიც შეხვდა ბიძინა ივანიშვილს მოთხოვნით, რომ ომში ჩართულიყო საქართველო.

✅მე არ ვისაუბრებ 2008 წლის მოვლენებზე, რადგან ეს საკითხი ბოლომდე არ არის დადგენილი და გამოძიებული, მაგრამ მე კარგად მახსოვს სენატორ ჯონ მაკკეინის წაქეზებები და ის შედეგები, თუ რა მოგვიტანა ამ წაქეზებებმა, რის ფასად და როგორ დაისაჯა საქართველო“, – განაცხადა ფრიდონ ინჯიამ.

✅პოლიტიკური ჯგუფის თავმჯდომარეს მიაჩნია, რომ აუცილებელი და მნიშვნელოვანია სახელმწიფო იდგეს თავის სიმაღლეზე და ამ გარდამტეხ მომენტში ყველაფერი გააკეთოს ქვეყნის სუვერენიტეტისა და დამოუკიდებლობის დასაცავად.