📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია პარლამენტის პლენარულ სხდომაზე რამდენიმე დღის წინ საქართველოს ყოფილი გენერალური პროკურორის ოთარ ფარცხალაძის დასანქცირების საკითხთან დაკავშირებით არსებულ აჟიოტაჟს გამოეხმაურა.
📍 „საქართველოს მოქალაქეს იცავს საქართველოს კონსტიტუცია. არავის აქვს უფლება სასამართლოს გადაწყვტილების გარეშე შეზღუდოს მოქალაქის უფლებები. ახლა გამაგებინეთ, ვინ უნდა დაიცვას დღეს ფარცხალაძე, ხვალ სხვა ვინმე ეროვნული ბანკის ანტიკონსტიტუციური ქმედებისგან“, – განაცხადა ფრიდონ ინჯიამ.
🔷 დეპუტატმა პლენარულ სხდომაზე ყურადღება გაამახვილა საქართველოს მეგობარი სახელმწიფოს ამერიკის შეერთებული შტატების მხრიდან ოთარ ფარცხალაძის ყოველგვარი არგუმენტაციის გარეშე დასანქცირების საკითხზე.
🔷 „ფარცხალაძემ რა, საქართველოს ტერიტორია გაყიდა? საქართველოს სახელმწიფო ქონება იაფად გაასხვისა, ან აჩუქა?! ან ჩაიდინა ისეთი ქმედება, რამაც დააზარალა ჩვენი ქვეყანა? თუ მოიწონა რუსეთის პრეზიდენტის გადაწყვეტილება, რომლის მიღება არ მიღებაზე პირადად მას ან მისი მეშვეობით საქართველოს ხელისუფლებას არავითარი ბერკეტი არ ჰქონდა.
🔷 შეიძლება მითხრას ვინმემ, თუ რა უნდა გაეკეთებინა ამ შემთხვევაში საქართველოს ხელისუფლებას? რა, ფეხები გაესავსავებინა? ისტერიკა აეტეხა? როგორც ეს გააკეთა ქვეყნის ორმაგმა აგენტმა, ვაი პრეზიდენტმა, სალომე ზურაბიშვილმა, რუსეთის პრეზიდენტის ცალმხრივ გადაწყვეტილებაზე, რომელმაც საქართველოს დამატებითი მილიონები მიაღებინა?
🔷 გამოდის რა, საქართველოს მეგობარი – აშშ ასანქცირებს ადამიანს, ამ შემთხვევაში ფარცხალაძეს, ყოველგვარი არგუმენტაციის გარეშე, ხოლო ვინც მართლა ტერიტორიები გაყიდა, თავისი ანტიეროვნული, ანტისახელმწიფოებრივი ქმედებებით საქართველოს ძირძველი კუთხეები (იმედია დროებით) მოსწყვიტა დედა სამშობლოს, საქართველოს ასობით ათასი მოქალაქე გააუბედურა და დააკარგვინა რაც ებადათ, ერთი ხელი საზაფხულო ტანსაცმლის ამარა დატოვა ისინი და აქცია ლტოლვილებად; გარდა ამისა, სახელმწიფო ქონება გააჩუქა თავისი ოჯახის წევრებზე, ასეთ ადამიანზე და მათ მიმდევრებზე სანქციები არ დაუკისრებია, პირიქით თავგამოდებით იცავენ მათ.
🔷 შექმნეს აგენტურული ქსელი, რომელიც ჩანერგილია პრაქტიკულად, ყველა სახელმწიფო დაწესებულებაში და თუ იქ ვერ შეძლეს აგენტების ჩანერგვა, შეუქმნეს არასამათავრობო ორგანიზაციები, რომლებსაც თვითონ აფინანსებენ. ხოლო ადამიანს, რომელსაც უხარია მილიარდების მიღება საქართველოს ბიუჯეტში ქვეყნიდან, სადაც მილიონამდე ქართველი ცხოვრობს, ასანქცირებენ.
🔷 კალაშნიკოვი მოიყვანეს მოწმედ. თურმე ფარცხალაძე „კგბ“-ს აგენტი ყოფილა. რა თქვა კალაშნიკოვმა – მოვიწვიეთ, ვისაუბრეთ და პრაქტიკულად, ამით დამთავრდა. თქვენ როგორ წარმოგიდგენიათ, ფარცხალაძე მართლაც რომ იყოს „კგბ“-ს აგენტი, კალაშნიკოვი ისეთი მიამიტია, რომ არ იცის რა თქვას, და ასე მარტივად სახალხოდ გამოაშკარავა „კგბ“-ს აგენტი?!
🔷 ეხლა რაც შეეხება ფარცხალაძის მოქალაქეობას, თუ პირი დაიბადა საბჭოთა კავშირში და აქვს საბჭოთა კავშირის დროინდელი დაბადების მოწმობა, მას შეუძლია რუსეთის ფედერაციაში შეიტანოს განაცხადი მოქალაქეობის მიღებაზე. ამის შესახებ არის შესაბამისი კანონი.
🔷 ისრაელში, საბერძნეთში, გერმანიაში, ესპანეთში და ბევრ სხვა ქვეყანაში, თუ პირი დაამტკიცებს ამ ქვეყანაში მცხოვრებ ძირითად ერთან გენეტიკურ, ნათესაურ კავშირს ან მამის, ან დედის მხრიდან, ან შესაბამისი გვარი აქვს და თავს თვლის ამა თუ იმ ერის წარმომადგენლად, ყოველგვარი ენის ცოდნის გარეშე აძლევენ მოქალაქეობას.
ჩვენთან კი, აფხაზეთსა და სამაჩაბლოს, ერთის მხრივ, ვთვლით და არის კიდეც ჩვენი ქვეყნის ძირძველი ნაწილები, ხოლო, მეორეს მხრივ, იქედან იძულებით გადაადგილებულ ჩვენს თანამემამულეებს გამოცდებს ვუტარებთ ქართულ ენასა და ლიტერატურაში და 10 დან 8-ს საქართველოს მოქალაქეობას არ ვაძლევთ.
🔷 ყველა ქვეყანა ცდილობს მოსახლეობის რაოდენობა გაზარდოს, რადგან თუ არ არის მოსახლეობა, არ არის ქვეყანა. ჩვენ კი, ანტიეროვნულ პოლიტიკას ვატარებთ.
ვინ აკეთებს ამას? აშშ-ს მიერ ჩანერგილი და დაფინანსებული აგენტები დაწყებული სააკაშვილის დროიდან.
🔷 საქართველოს მოქალაქეს იცავს საქართველოს კონსტიტუცია. არავის აქვს უფლება სასამართლოს გადაწყვტილების გარეშე შეზღუდოს მოქალაქის უფლებები. ახლა გამაგებინეთ, ვინ უნდა დაიცვას დღეს ფარცხალაძე, ხვალ სხვა ვინმე ეროვნული ბანკის ანტიკონსტიტუციური ქმედებისგან“, – განაცხადა ფრიდონ ინჯიამ.
🔷 პოლიტიკური ჯგუფის თავმჯდომარე მიიჩნევს, რომ საკონსტიტუციო სასამრთლოს წინაშე ეს საკითხი უნდა დააყენოს პროკურატურამ, მაგრამ ფრიდონ ინჯიას განცხადებით, პროკურატურა მსგავსი ტიპის საქმეებს არ იძიებს და წლებია იგი თაროზე აქვს შემოდებული.
„ვინ უნდა დააყენოს საკონსტიტუციო სასამართლოს წინაშე ეს საკითხი. მე ვფიქრობ პროკურატურამ, რომელიც შორიდან უყურებს ამ ყველაფერს. პროკურატურას, დროულად რომ გამოეძია თაროებზე შემოდებული საქმეები, და სასამართლოში წარემართა პროცესი, საქართველო ბევრ უბედურებას აიცილებდა თავიდან.
🔷 თუ შეამჩნიეთ, ეს აგენტურა, ანუ მეხუთე კოლონა, პროკურატურაზე ერთ სიტყვასაც არ ამბობს, იმის შესახებ, რომ გამოიძიონ ის საქმეები, რომლებიც მათ ამხელთ… და ეს გასაგებია, თავის თავს, ხომ არ გამოუტანენ განაჩენს დანაშაულის ჩადენის შესახებ.
🔷 უტევენ მხოლოდ სასამართლოს, პროკურატურა და ზოგიერთი სხვა სახელმწიფო დაწესებულება სრული კონტროლის ქვეშ ჰყავთ და მათ არ ეხებიან“, – განაცხადა დეპუტატმა ინჯიამ.