Category Archives: განცხადებები

  HomeEuropen Socialists  /  FAQs  /  განცხადებები
28ივნ

“მოსახლეობა უნდა გამაგრდეს რეგიონებში, სოფლად და ამ კუთხით უნდა მოხდეს მხარდაჭერა სახელმწიფოს მხრიდან” – ინჯია

ავტორი ევროპელი სოციალისტები 0 კომენტარი კატეგორიები გალერეა, განცხადებები, ვიდეო, სიახლეები

„ევროპელ სოციალისტებს“ მნიშვნელოვან საკითხად მიგვაჩია სოციალურად დაუცველი მოსახლეობის პრობლემების გადაჭრა, რომელიც ნახევარ მილიონზე მეტია საქართველოში და მათ შორის არიან ბავშვები. – ამის შესახებ

„ევროპელ სოციალისტებს“ მიგვაჩნია, რომ მოსახლეობა უნდა გამაგრდეს რეგიონებში, სოფლად და ამ კუთხით უნდა მოხდეს მხარდაჭერა სახელმწიფოს მხრიდან. კარგია 10 წლიანი პროგრამა და სახელმწიფოს უნდა ჰქონდეს, რა თქმა უნდა, ქვეყნის განვითარების 10 წლიანი გეგმა, მაგრამ აუცილებელია, მოკლევადიანი, ვთქვათ 3 წლიანი გეგმაც. რომელ გლეხს ეტყვით თქვენ? აი, გვაქვს 10 წლიანი პროგრამა და ამ პერიოდში მე-8 მე-9 წელს იქნება რაღაცა. მოდით, თავს ნუ მოვიტყუებთ. მე ამაში ვერ დაგეთანხმებით.

დღეს სოფელს სჭირდება გადამამუშავებელი მრეწველობა, საწარმოები და ეს უნდა გააკეთოს სახელმწიფომ. ამაში უნდა იყვნენ ჩართულები გამგებლები და მერები. ისინი უნდა აგებდნენ პასუხს სოციალურ მდგომარეობაზე იმ მუნიციპალიტეტებში, სადაც არიან არჩეულები ხალხის მიერ.

28ივნ

დავით ზილფიმიანის გამოსვლა საქართველოს პარლამენტის რიგგარეშე სხდომაზე

ავტორი ევროპელი სოციალისტები 0 კომენტარი კატეგორიები გალერეა, განცხადებები, ვიდეო, სიახლეები

საპარლამენტო პოლიტიკური ჯგუფის „ევროპელი სოციალისტების“ წევრის დავით ზილფიმიანის გამოსვლა საქართველოს პარლამენტის რიგგარეშე სხდომაზე, სადაც საქართველოს პრემიერ მინისტრის ირაკლი ღარიბაშვილის ყოველწლიურ ანგარიშზე პოლიტიკური დებატები გაიმართა.

<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2FEUsocialistsOfficial%2Fvideos%2F183304893741951%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

19აპრ

“ეს ნაბიჯი მიმართულია ქვეყანაში პოლიტიკური სტაბილურობის და ეკონომიკური გამოწვევების დაძლევისკენ” – “ევროპელი სოციალისტები” მმართველი პარტიის მხრიდან შარლ მიშელის ეგიდით შექმნილ დოკუმენტზე ხელმოწერის ფაქტს ეხმაურება

ავტორი ევროპელი სოციალისტები 0 კომენტარი კატეგორიები განცხადებები, კომენტარები, სიახლეები
საპარლამენტო ოპოზიციური პარტია „ევროპელი სოციალისტების“ თავმჯდომარე ფრიდონ ინჯია და პარტიის პოლიტსაბჭო მიესალმებიან „ქართული ოცნების“ მიერ ევროკავშირისა და ევროპული საბჭოს პრეზიდენტის შარლ მიშელის ეგიდით შექმნილ დოკუმენტზე ხელმოწერის ფაქტს და გამოთქვამენ მზადყოფნას, შეუერთდნენ აღნიშნულ დოკუმენტს.
,,მიგვაჩნია, რომ „ქართული ოცნების“ მიერ გადადგმული ეს ნაბიჯი მიმართულია ქვეყანაში პოლიტიკური სტაბილურობის და ეკონომიკური გამოწვევების დაძლევისკენ, რაც ასევე სრულად რეკომენდირებული და მხარდაჭერილია საერთაშორისო თანამეგობრობის მხრიდან“ – ნათქვამია განცხადებაში.
პარტიაში მიაჩნიათ, რომ „ქართული ოცნების“ აღნიშნული გადაწყვეტილება და ხელმოწერილ დოკუმენტში შემავალი მუხლების „ოცნების“ მიერ შესრულების პასუხისმგებლობა, საფუძველს უყრის სრულიად ახალ პოლიტიკურ დღის წესრიგს, რაც მმართველ პარტიასა და ოპოზიციას შორის კონსტრუქციულ ურთიერობას კიდევ უფრო რეალურს გახდის.
15აპრ

ევროკავშირი საქართველოში პოლიტიკური კრიზისის დროულად დასრულებას და საპარლამენტო დემოკრატიის შემდგომ გაძლიერებას ელოდება

ავტორი ევროპელი სოციალისტები 0 კომენტარი კატეგორიები განცხადებები, კომენტარები, სიახლეები
14 აპრილს, ევროკავშირი-საქართველოს საპარლამენტო ასოცირების კომიტეტის თანათავმჯდომარეების, ევროპასთან ინტეგრაციის კომიტეტის თავმჯდომარის, მაკა ბოჭორიშვილის და ევროპარლამენტარის, მარინა კალიურანდის ხელმძღვანელობით, კომიტეტის ბიუროს სხდომა ვიდეო-კონფერენციის ფორმატში გაიმართა. საქართველოს მხრიდან ბიუროს სხდომას ესწრებოდნენ ევროკავშირი-საქართველოს საპარლამენტო ასოცირების კომიტეტის საქართველოს მხრიდან ბიუროს თანათავმჯდომარის მოადგილეები, საქართველოს პარლამენტის ვიცე-სპიკერი ლევან იოსელიანი და საგარეო ურთიერთობათა კომიტეტის თავმჯდომარის მოადგილე დავით ზილფიმიანი.
 ასოცირების საპარლამენტო კომიტეტის ბიურომ განიხილა ევროკავშირი-საქართველოს შორის გაფორმებული ასოცირების შესახებ შეთანხმების განხორციელების დინამიკა, საქართველოს მიმართ ევროკავშირის ფინანსური და ტექნიკური მხარდაჭერა COVID-19-ის პანდემიასთან გასამკლავებლად, უსაფრთხოების გამოწვევები და ჰიბრიდული საფრთხეები, ასევე რუსეთ-საქართველოს კონფლიქტის მშვიდობიანი გადაწყვეტისკენ მიმართული ძალისხმევა.
 ბიუროს ფარგლებში საუბარი შეეხო საქართველოში მიმდინარე პოლიტიკურ პროცესებს, ევროკავშირის საბჭოს პრეზიდენტის შარლ მიშელის ინიციატივით დაწყებული მედიაციის პროცესის მიმდინარეობას, კიდევ ერთხელ აღინიშნა, რომ ევროკავშირი მოელის საქართველოში პოლიტიკური კრიზისის დროულად დასრულებას და საპარლამენტო დემოკრატიის შემდგომ გაძლიერებას.
ბიუროს სხდომაზე, ევროკავშირისა და საქართველოს ურთიერთობებში 2020 წლის განმავლობაში მიღწეული შედეგების თაობაზე საგარეო საქმეთა მინისტრის პირველმა მოადგილემ, ვახტანგ მახარობლიშვილმა და ევროპული საგარეო ქმედებათა სამსახურის (EEAS) აღმოსავლეთ პარტნიორობის ორმხრივი ურთიერთობების სამსახურის ხელმძღვანელმა, რიჩარდ ტიბელსმა ისაუბრეს.
 ასოცირების კომიტეტის სხდომაზე რუსეთის მიერ საქართველოს ოკუპირებულ რეგიონებში არსებულ მდგომარეობაზე და ხელისუფლების სამშვიდობო პოლიტიკაზე მოხსენებით წარდგა საქართველოს საგარეო საქმეთა მინისტრის მოადგილე ლაშა დარსალია.
 სხდომაზე COVID-19-თან დაკავშირებულ გამოწვევებთან გასამკლავებლად საქართველოს მიმართ ევროკავშირის ფინანსურ და ტექნიკურ მხარდაჭერაზე მოხსენება გააკეთა ევროკომისიის სამეზობლოსა და გაფართოების საკითხებში მოლაპარაკებების გენერალური დირექტორატის (DG NEAR) საქართველოსა და მოლდოვას სამსახურის ხელმძღვანელმა, მეთიუ ბუსკემ.
31მარ

„ევროპელი სოციალისტები“: გამოვთქვამთ ღრმა მწუხარებას ანზორ ერქომაიშვილის გარდაცვალების გამო

ავტორი ევროპელი სოციალისტები 0 კომენტარი კატეგორიები განცხადებები, სიახლეები
„ევროპელი სოციალისტები“  ანზორ ერქომაიშვილის გარდაცვალების გამო მწუხარებას გამოთქვამენ და უსამძიმრებენ ოჯახსა და სრულიად საქართველოს.
“გამოვთქვამთ ღრმა მწუხარებას ქართული ხალხური მუსიკის სულისჩამდგმელის, ქართული ფოლკლორის უდიდესი ქომაგის ანზორ ერქომაიშვილის გარდაცვალების გამო.

ფასდაუდებელია მისი ღვაწლი საქართველოს წინაშე, ქართველი ხალხისა და ქართული კულტურის წინაშე. გვჯერა, რომ ქართველი ერი არასოდეს დაივიწყებს მის სახელს და მომავალი თაობა ღირსეულად გააგრძელებს საქმეს, რომელსაც ანზორ ერქომაიშვილმა მთელი თავისი ცხოვრება მიუძღვნა.

ვუსამძიმრებთ, ქალბატონ ლალის, ოჯახს, ახლობლებს, მეგობრებს და სრულიად საქართველოს!” – ნათქვამია „ევროპელი სოციალისტების” მიერ გავრცელებულ სამძიმრის წერილში.
1 … 3 4 5 6