Category Archives: მთავარი

📍ფრიდონ ინჯია მიიჩნევს, რომ უკრაინის მოვლენებთან დაკავშირებით რეზოლუციის მიღება ნაადრევია.

🔷 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ უმაღლესი საკანონმდებლო ორგანოს საგაზაფხულო სესიის პირველ პლენარულ სხდომაზე უკრაინის საკითხთან დაკავშირებული რეზოლუციის პროექტის განხილვისას დეპუტატებს კიდევ ერთხელ მოუწოდა არ იჩქარონ დოკუმენტის მიღება, რომელიც შესაძლოა, საქართველოს ინტერესებისთვის საზიანო აღმოჩნდეს.

👉 „მიგვაჩნია, რომ ეს რეზოლუცია ნაადრევია. მე კიდევ ერთხელ მოგიწოდებთ, დაველოდოთ, როგორ განვითარდება მოვლენები. ნუ გავრბივართ ორთქლმავლის წინ, ისე გავაკეთოთ, რომ ზიანი არ მივაყენოთ ჩვენს ქვეყანას. მე მაინტერესებს ჩემი ქვეყანა, რომ აქ ომი არ იყოს, და ჩვენ იმ ქარტეხილებში არ მოვყვეთ. ამ კვირას იწყება მოლაპარაკებები, რომელშიც ჩვენ მონაწილეობას არ ვიღებთ, და არც არავინ მიგვაღებინებს. სამწუხაროდ, არც უკრაინას მიაღებინებენ მონაწილეობას. ამის შესაძლებლობა, რომ იყოს, ჩვენს სიტყვას ვიტყოდით, და შესაძლოა, ჩვენდა სასიკეთოთ ვინმეს რამე გაეთვალისწინებინა“, – განაცხადა ფრიდონ ინჯიამ.

🔷 მისი თქმით, ძალიან მნიშვნელოვანია, რომ პარლამენტის დარბაზში ყველა მსხდომი მხარს უჭერს უკრაინის ერთიანობასა და ტერიტორიულ მთლიანობას, თუმცა, ზოგიერთის განცხადებებში უკრაინაში ომის მიუღებლობის შესახებ, მას ეჭვი ეპარება.

🔷 „რა თქმა უნდა, ჩვენ მხარი უნდა დავუჭიროთ უკრაინას, მაგრამ ჩვენი ქვეყნის ინტერესები გაცილებით მაღლა უნდა დავაყენოთ. ერთი ქვეყანა, რომელმაც მხარი დაუჭირა რეზოლუციით, და ჯერ არ ვიცით რა არის ტექსტში, პოლონეთია, სხვა ქვეყნები ჯერჯერობით თავს იკავებენ, რატომ? იმიტომ, რომ მათზე ეს დამოკიდებული არ არის, მით უმეტეს ჩვენზე, გადამწყვეტია ორი სახელმწიფო – აშშ და რუსეთის ფედერაცია. ჩინეთის რესპუბლიკამაც კი განცხადებებისგან თავი შეიკავა და განზე გადგა. უკრაინის საკითხის გაეროში განხილვაც მხოლოდ 18 რიცხვში, თითქმის ოლიმპიადის დამთავრების შემდეგ იქნება. ამ ყველაფერს აქვს მნიშვნელობა“, – განაცხადა დეპუტატმა.

🔷 მისი თქმით, რატომ უნდა ზოგიერთს ჩართოს საქართველო ამ დიდ ბრძოლაში მაშინ, როდესაც აშშ-მ მოლაპარაკებებისთვის მზადყოფნა გამოხატა, რასაც წინ უძღოდა დახურული წერილი რუსეთის მისამართით.

👉 „თუ განხილვაა ე.ი. რაღაც კომპრომისებზე უნდა წავიდეს ერთი მხარეც და მეორეც. რა შეიძლება იყოს აშშ-ს კომპრომისი? ეს დასაფიქრებელია, უკრაინა ხომ არ იქნება პირველი ან ჩვენ? საქმე ძალიან სერიოზულად დგას, მნიშვნელოვანი რაღაცეები შეიძლება გადაწყდეს ამ 1-2 თვის განმავლობაში. როგორ დაასრულებენ ისინი მოლაპარაკებას, და რა იქნება შედეგი, დამერწმუნეთ, ჩვენ ამას არავინ შეგვეკითხება. ამიტომ, წინასწარ ნურც თვალებს დავითხრით და ნურც ვაშა-ვაშას ძახილს დავიწყებთ“, – აღნიშნა ფრიდონ ინჯიამ.

🔷 „ევროპელი სოციალისტების“ წევრი, პარლამენტის საგარეო ურთიერთობათა კომიტეტის თავმჯდომარის მოადგილე დავით ზილფიმიანი უკრაინის მხარდამჭერი რეზოლუციის განხილვაში მონაწილეობაზე უარს ამბობს. ამის შესახებ მან დღეს გამართულ კომიტეტის სხდომაზე განაცხადა.
🔷 „არ ვაპირებდი ამის თქმას, მაგრამ ეტყობა სხვა გამოსავალი არ არის. როდესაც დრო დადგა, საგარეო კომიტეტმა ექსპრომტად შეადგინა რეზოლუციის ტექსტი და მეგონა ეს ტექსტი დიდი ხნის გაგზავნილი იყო, მაგრამ გავიგე რომ თურმე ასე არ არის. აქ ბევრია საკადრო დიპლომატიიდან მოსულები და მიხარია პროფესიონალი დიპლომატები. როდესაც განცხადება ან რეზოლუცია კეთდება, ქვეყანა ამას იღებს იქედან გამომდინარე, როგორ უნდა გაიგოს ამა თუ იმ ქვეყანამ ან პოლიტიკურმა ორგანიზაციამ და ყველამ გაიგოს ის რაც თვითონ უნდოდათ დაეწერათ, საქვეყნოდ არავინ მსჯელობს თითოეული სიტყვის მნიშვნელობაზე. დიპლომატია სწორედ ეს არის, ჩვენ უნდა გვემსჯელა, ყველა დავმჯდარიყავით დახურულ ფორმატში, რადგან საკამათო იყო და მიგვეღო ტექსტი, რომელიც ჩვენს მტერსაც და მოყვარესაც ისე გაეგო როგორც ჩვენ გვინდოდა გვეთქვა. მას შემდეგ რაც დავფქვით ეს ყველაფერი და ამდენი სისულელე ვილაპარაკეთ, საერთოდ აღარ არის საჭირო. მე პირადად მრცხვენია, იგივე ჩვენი პარტნიორების თვალში მრცხვენია, მტრებს ხომ ისედაც გაეხარდებათ. ამიტომ მიმაჩნია ასეთი ფორმით არ უნდა გრძელდებოდეს რეზოლუციები და მე უარს ვამბობ განხილვაში მონაწილეობაზე. ნურავინ შემეწინააღმდეგებით ქვეყნის სიყვარულში, რადგან ასეთი კამათი არ არის ქვეყნის სიყვარული. არ ვარ დიპლომატი, მაგრამ დიპლომატია სწორედ ის არის, ყველამ გაიგოს ისე როგორც შენ გინდა და არა დადგე და ორი კვირა პირდაპირ ეთერში შეასწორო რაღაცეები“ – განაცხადა დეპუტატმა

📍 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს პარლამენტის პლენარულ სხდომაზე უკრაინის მოვლენებთან დაკავშირებით უმრავლესობის მიერ ინიცირებული რეზოლუციის პროექტის გადადების შესახებ წინადადება დააყენა.
🔷„კარგი იქნება, თუკი რეზოლუციის პროექტის განხილვის გადადება მოხდება ერთი-ორი თვით. ვინაიდან ნამდვილი მოლაპარაკებები იწყება ეხლა, ამ კვირაში, ამერიკის შეერთებულ შტატებსა და რუსეთს შორის. შეიძლება ბევრი რამე შეიცვალოს და, გარკვეულწილად, უკრაინის საკითხი მეორეხარისხოვანი გახდეს. თუმცა, ჩვენ უნდა დავაფიქსიროთ ჩვენი პოზიცია, რომ მხარს ვუჭერთ უკრაინას და მის ტერიტორიულ მთლიანობას“ – განაცხადა ფრიდონ ინჯიამ.

„დასავლეთის გარკვეულ ძალებს უნდა, რომ გათამაშდეს უკრაინის კარტი და ათამაშებს კიდევაც“… – განაცხადა საპარლამენტო პოლიტიკური ჯგუფის თავმჯდომარემ ფრიდონ ინჯიამ საქართველოს პარალმენტის პლენარულ სხდომაზე.

მისი თქმით, მსოფლიო ომის წინაშეა, ერთი ნაბიჯია ომამდე. „მივმართავ ჩვენს ხელისუფლებას, მმართველ პარტიას, ოცნებას. მოვიქცეთ როგორც მართლაც უკრაინის მეგობარი ქვეყანა და გავაკეთოთ ყველაფერი იმისთვის, რომ უკრაინაში ომი არ დაიწყოს. ყველა ჩვენი ქმედება უნდა იყოს მიმართული იმისკენ, რომ ისეთი უბედურება, როგორიც ომია, ავაცილოთ მათ და ავიცილოთ ჩვენ“, – აღნიშნა ფრიდონ ინჯიამ.

პოლიტიკური ჯგუფის თავმჯდომარეს მიაჩნია, რომ მაშინ, როდესაც უკრაინა გაძეძგილია იარაღით და დიდი ალბათობაა იმისია, რომ ამ იარაღის კონტროლი შემცირდეს და ვინმემ პროვოკაციულად დაიწყოს ომი, აი, ასეთ პირობებში საქართველოს მხრიდან წაქეზების ელემენტები ყოვლად დაუშვებელია.

„დასავლეთის გარკვეულ ძალებს უნდათ, რომ გათამაშდეს უკრაინის კარტი და ათამაშებს კიდევაც, თვითონ კი ომში მონაწილეობა არ მიიღონ … ამასთანავე, უკრაინელებმა და რუსებმა დახოცონ ერთმანეთი და ამ ხოცვა-ჟლეტვაში ჩვენ ჩავერთოთ, უფრო მეტიც, ომი გავაჩაღოთ საქართველოს ტერიტორიაზე“ – აცხადებს ფრიდონ ინჯია.

საპარლამენტო პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მოუწოდებს უკრაინას შეასრულოს მინსკის ხელშეკრულებით არსებული ვალდებულება, რითაც ის ომს გადაურჩება. ამის შესახებ ფრიდონ ინჯიამ საქართველოს პარლამენტის პლენარულ სხდომაზე განაცხადა. „მოვუწოდოთ ჩვენს მეგობრებს, უკრაინელებს შეასრულოს ის ვალდებულება, რომელიც მათ აღიარეს მინსკის ხელშეკრულებით დამერწმუნეთ ამით უკრაინა ომს გადაურჩება და უკრაინის კარტის გათამაშება ჩაიშლება“ – განაცხადა ფრიდონ ინჯიამ. მისი თქმით, ამით, საქართველოს მიეცემა ლავირების საშუალება ქვეყნის საკეთილდღეოდ და გამთლიანებისთვის. „სხვა გზა დამღუპველია ჩვენი ქვეყნისთვის. ეს კი ისტორიამ უკვე აჩვენა. მაქვს მხედველობაში ბოლო 30 წლის გამოცდილება“ – აღნიშნა ფრიდონ ინჯიამ.მისი თქმით, ხშირად გაისმის, რას ნიშნავს სტრატეგიული პარტნიორი? .. ეს ცოტა გაუგებარია … „სტრატეგიული პარტნიორობა რას ნიშნავს? რომ შევაიარაღოთ სხვა და ყველაფერი ამით დავამთავროთ? … უფრო მეტი, შეიარაღების ფასი წინასწარ განვსაზღვროთ ეს 600 მილიონია, 700 მილიონი …. გამოდის, რომ ეს ამ ღირებულების იარაღი ვიღაცამ უნდა გადაიხადოს, ვიღაცას ეს ვალად ედება … ამიტომ, საფიქრალია, ვინ ვისი სტრატეგიული პარტნიორია? .. და რა შედის ამ სტრატეგიულ პარტნიორობაში“ – აღნიშნა პლენარულ სხდომაზე ფრიდონ ინჯიამ.