Category Archives: სიახლეები

📍 2008 წლის აგვისტოს ომთან დაკავშირებით დროებითი საგამოძიებო კომისიის შექმნის აუცილებლობა უფრო აქტუალური ხდება ბოლო დროს, საქართველოს ირგვლივ განვითარებული პოლიტიკური მოვლენებიდან გამომდინარე – ფრიდონ ინჯია

🔴 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საგამოძიებო კომისიის შექმნასთან დაკავშირებით მედიის კითხვებს უპასუხა.

🔴 „ჩვენ როგორც კი შევედით პარლამენტში, ამ 2 წლის განმავლობაში არაერთხელ გვქონდა საუბარი 2008 წლის ომთან დაკავშირებით დროებითი საგამოძიებო კომისიის შექმნის თაობაზე, როგორც საპარლამენტო ტრიბუნიდან ასევე, მედიის საშულებით.

🔴 პარლამენტის მაღალი ტრიბუნიდან მე რამდენჯერმე განვაცხადე, რომ ეს კომისია შესაქმნელია, რომ არსებობს ბევრი კითხვა რა, რატომ მოხდა, თუ რატომ დაკარგა ჩვენმა სახელმწიფომ ტერიტორიების 20% -ი. შეიძლებოდა თუ არა ამის თავიდან აცილება. რატომ მოხდა ისე, რომ კოდორის ხეობა ათასამდე ქართველმა მებრძოლმა, უბრძოლველად დატოვა. ვისი ბრძანებით მოხდა ეს? და მრავალი სხვა…

🔴 სიმართლის დადგენა სჭირდება ჩვენს მომავალს, სჭირდება ჩვენს ხალხს, ისტორიას. ეს სჭირდება იმ მეომრებს, რომლებიც ამ ომში დაიღუპნენ. 408 ადამიანი დააკლდა თავის ოჯახს და სამშობლოს.

🔴 დღევანდელი სიტუაციიდან გამომდინარე, რაც მსოფლიოში ეხლა ხდება, და რა წნეხსაც განიცდის ჩვენი ქვეყანა, რაც მეორე ფრონტის გახსნის საშიშროებას უკავშირდება, ეს კითხვები და ზოგადად კომისიის შექმნის საკითხი უფრო აქტუალური გახდა.

🔴 მე მიმაჩნია და ბევრს აქვს ასეთი მოსაზრება, რომ 2008 წლის აგვისტოს ომი, ეს იყო დაგეგმილი ღალატი. ამ ომში ჩართულები იყვნენ ქვეყნის მოღალატეები, ჯაშუშები ვინც ეს ყველაფერი ჩაიდინა… ეს არ იყო ერთი და ორი დღის ომი, ეს იყო კარგად ნაფიქრი, რისთვისაც იყო წინასწარი მზადება.

🔴 დღეს სწორედ ის ხალხი, საქართველოს მოღალატეები ისევ აგრძელებენ იგივე რიტორიკას, რაც საქართველოს ისევ ომში ჩართვისკენ არის მიმართული. ამიტომაც, გახდა ეს საკითხი დღეს უფრო აქტუალური.

🔴 მეორე მნიშვნელოვანი თემა – ეს არის ევროპის პარლამენტის მიერ მიღებული რეზოლუცია, საქართველოსთან მიმართებაში. რაც კიდევ უფრო აქტუალურს ხდის საგამოძიებო კომისიის შექმნის აუცილებლობას.

🔴 სამწუხაროდ, ის ევროპარლამენტი, რომელმაც თავის დროზე მიიღო რეზოლუცია იმის შესახებ, რომ საქართველოს ჯარისკაცებმა დაიწყეს ომი, და დღევანდელი ევროპარლამენტი, რომელმაც ასევე, საქართველოს საწინააღმდეგო გადაწყვეტილება მიიღო სულ რამდენიმე დღის წინ, არაფრით არ განსხვავდება ერთმანეთისგან.

🔴 რატომ მივისწრაფვით ჩვენ ევროპული ღირებულებებისკენ? … რომ დავფიქრდეთ რა ღირებულება უნდა ჰქონდეს ევროპარლამენტს ამ გადაწყვტილების შემდეგ … რა იმედი და გარანტია უნდა ჰქონდეს საქართველოს მოსახლეობას, რომ ჩვენი ქვეყნის მიმართ არ იქნება გამოყენებული ორმაგი, თუ სამმაგი სტანდარტი.

🔴 ამიტომ, მე კიდევ ერთხელ მივმართავ უმრავლესობასაც და ყველას, ვისაც აინტერესებს ქვეყნის ბედი, რომ მათ დაუჭირონ მხარი ამ კომისიის შექმნას, რადგანაც მე დარწმუნებული ვარ, რომ კომისიის მუშაობის შედეგი იქნება ისეთი, რომელიც გამოაფხიზლებს და არ მისცემს ჩვენს მთავრობას, დღევანდელს თუ მომავალს იმის საშუალებას, რომ მსგავსი შეცდომები დაუშვან, რომ საქართველომ კიდევ დაკარგოს თავისი ტერიტორიები.

🔴 კიდევ ერთხელ ხაზი მინდა გავუსვა, საგამოძიებო კომისიის შექმნის აუცილებლობას, რომ ამ საკითხის ირგვლივ არსებულ ყველა კითხვას წერტილი დაესვას, რადგან ერთი ერთს ამბობს და მეორე მეორეს, უფრო სწორედ, ვისაც რა აწყობს, იმას საუბრობს.

🔴 რა თქმა უნდა, „ნაციონალურმა მოძრაობამ“ ხელი მოაწერა ქვეყნის საწინააღმდეგო რეზოლუციას და რა თქმა უნდა, იგი იქნება ამ კომისიის შექმნის წინააღმდეგი და გუშინწინ ევროპის პარლამენტის მიერ მიღებულ გადაწყვეტილებაშიც წვლილი მიუძღვის ისევ და ისევ „ნაციონალურ მოძრაობას“.

🔴 აქედან გამომდინარე, ამ საგამოძიებო კომისიის შექმნის აუცილებლობა დღეს უფრო და უფრო აქტუალური ხდება“.

👉 თუ „ოცნება“ მხარს არ დაუჭერს 2008 წლის ომის საპარლამენტო საგამოძიებო კომისიის შექმნას, ე.ი. მათ არ სურთ მოღალატეებისა და ჯაშუშების გამოაშკარავება – „ევროპელი სოციალისტების“ თავმჯდომარე ფრიდონ ინჯია

🔻 მომდევნო სასესიო კვირის განმავლობაში, ალბათ, გვექნება კომუნიკაცია კოლეგებთან „ოცნებიდან“, და თუ ისინი მხარს არ დაგვიჭერენ, მაშინ გამოდის, რომ მათ არ სურთ გამოააშკარაონ მოღალატეები, რომლებიც 2008 წელს იყვნენ და დღესაც მოქმედებენ. ამ შემთხვევაში, თავად „ოცნებამ“ უნდა გასცეს პასუხები საზოგადოებაში დღემდე არსებულ კითხვებს აგვისტოს ომთან დაკავშირებით.
ამის თაობაზე განაცხადა, 2008 წლის აგვისტოს ომის საპროკურორო გამოძიების დაწყებისა და საპარლამენტო საგამოძიებო კომისიის შექმნის ინიციატორმა, პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ.

🔶 „ის, რაც ახალ ხდება ივანიშვილის ირგვლივ, ეს კოჰაბიტაციის შედეგია. ეს კოჰაბიტაცია რომ არ ყოფილიყო, და კანონის უზენაესობას ემოქმედა, არ გვექნებოდა დღევანდელი ვითარება. თუ „ოცნება“ მხარს არ დაუჭერს ჩვენს ინიციატივას – 2008 წლის ომის საპარლამენტო საგამოძიებო კომისიის შექმნის შესახებ, მაშინ თავად უნდა გასცენ საზოგადოებას პასუხები – ვინ იყვნენ ის ჯაშუშები და ქვეყნის მოღალატეები, რომლებიც მაშინ და დღესაც ყველაფერს აკეთებენ იმისთვის, რომ საქართველოში წინსვლა კი არა, კვლავ უბედურება და ტერიტორიების დაკარგვა იყოს“, – განაცხადა ფრიდონ ინჯიამ.

🔶 მისი თქმით, აღნიშნული გამოძიების ჩატარება და აგვისტოს ომის ყველა ასპექტზე კონკრეტული პასუხების გაცემა დღეს უფრო მეტად იძენს აქტუალობას.
„მიმაჩნია, რომ ის ჯაშუშები და ქვეყნის მოღალატეები, რომლებმაც ეს ყველაფერი გამოაცხვეს, მოამზადეს, და შექმნეს, რისი შედეგიც მივიღეთ, რაც მივიღეთ 2008 წლის აგვისტოში, იგივე ხალხი დღეს აგრძელებს იმავე რიტორიკას და კვლავ უნდათ საქართველო ომში ჩართონ“, – აღნიშნა დეპუტატმა.

🔶 რაც შეეხება საკითხს იმის შესახებ, დაუჭერს თუ არა უმრავლესობა ამ ინიციატივას მხარს, ფრიდონ ინჯია აცხადებს, რომ მათი პოზიცია მისთვის უცნობია.

🔶 „მე მათ თათბირებზე არ დავდივარ, არ ვიცი. როგორც გადაწყვეტენ, ისე გადაწყვეტენ. უკვე თითქმის 2 წელია ამას ვითხოვთ, თუმცა, ახლა უფრო აქტუალური გახდა. მომავალ სასესიო კვირას, ალბათ, გვექნება მათთან კომუნიკაცია და ვნახოთ. თუ არ დაგვიჭირეს მხარი, ე.ი. მათ არ უნდათ გამოააშკარაონ ქვეყნის მოღალატეები“, – ხაზი გაუსვა „ევროპელი სოციალისტების“ თავმჯდომარემ.

ბირთვული ომის საშიშროებიდან გამომდინარე, მოვუწოდებ ხელისუფლებას შეიმუშაოს სპეციალური სახელმწიფო გეგმა, რომელიც უზრუნველყოფს ჩვენი მოქალაქეების დაცვას – ფრიდონ ინჯია

საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარე ფრიდონ ინჯია მოუწოდებს ხელისუფლებას შეიმუშაოს სპეციალური სახელმწიფო გეგმა, რომელიც უზრუნველყოფს ქვეყნის მოქალაქეების დაცვას, რადგანაც დღეს მსოფლიოში, განსაკუთრებით ევროპულ ნაწილში, არის უმძიმესი მდგომარეობა.

„მსოფლიოში დღეს საშიში ვითარებაა. განსაკუთრებით უმძიმესი მდგომარეობაა ევროპულ ნაწილში და ეს ვითარება ყოველდღიურად რთულდება. ბირთვული ომი გამორიცხული არ არის და ძალიან ახლოს არის მსოფლიო ამ საფრთხესთან და ყოველდღე მივდივართ აქეთკენ. ამიტომ, ვსარგებლობ შემთხევით და მოვუწოდებ ჩვენს ხელისუფლებას, რომ ის იყოს ყველანაირად მზად გართულებებისთვის. მე მიმაჩნია, რომ ამისთვის უნდა გაკეთდეს სპეციალური გეგმა და ეს გეგმა უნდა შეიქმნას დაუყონებლივ, სადაც კონკრეტულად იქნება ასახული თითოეული სამინისტროს, თუ მინისტრის მოვალეობები. კერძოდ, კონკრეტულად ვინ რაზეა პასუხისმგებელი. არავითარი კოლექტიური პასუხისმგებლობა. ჩემთვის პირადად მიუღებელია კოლექტიური პასუხისმგებლობა. თითოეულმა მინისტრმა თავისი სფერო პირად კონტროლზე უნდა აიყვანოს.

პირველ რიგში აქ მნიშვნელოვანია ენერგეტიკა, რომ ქვეყანა არ დარჩეს ენერგიის გარეშე. ასევე მნიშვნელოვანია, გაზმომარაგება, თუ სასურსათო პროდუქტების მარაგი. ეს აუცილებლად გასაკეთებელია იმ მდგომარეობის გათვალისწინებით, თუ რა ვითარებაც არის დღეს შექმნილი მსოფლიოში“, – განაცხადა ფრიდონ ინჯიამ.

პოლიტიკური ჯგუფის თავმჯდომარემ ყურადღება გაამახვილა ევროპის ქვეყნებში მოსახლეობის პასიურობაზე პოლიტიკურ საკითხებში და აღნიშნა, რომ იქ მოსახლეობის ძირითადი ნაწილი მინდობილია საკუთარ ხელისუფლებას.

„უნდა გითხრათ ერთი რამ, ევროპის ქვეყნების მოსახლეობა ისეთივე პოლიტიზირებული არ არის, როგორც ეს საქართველოშია, სადაც ყოველი მეორე დაინტერესებულია პოლიტიკით. ევროპის ქვეყნების მოსახლეობა ძირითადად მინდობილია თავის ხელისუფლებაზე და დღეს ამ ხელისუფლებებში არიან ისეთი მეთაურები, რომელთა მოღვაწეობა ძალიან ექსტრემისტულად შეიძლება შეფასდეს. გინდაც ავიღოთ კუბილიუსის (ევროპარლამენტარი ანდრიუს კუბილიუსი) მაგალითი, მას რომ ჰქონდეს მეტი ძალა დღეს, იგი ხვალ აუცილებლად გამოიყენებს ბირთვულ იარაღს.

ამიტომ, ჩვენს ხელისუფლებას ასეთი გეგმა უკვე უნდა ჰქონდეს გაკეთებული, სადაც გაწერილი იქნება, მთავრობის ყველა წევრის მოქმედება პირველივე წუთებიდან, როგორც კი ეს მოხდება. ეს სჭირდება ჩემს ქვეყანას იმისთვის, რომ გადარჩეს“, – აღნიშნა ფრიდონ ინჯიამ.

მისი განცხადებით, აქ არ არის საუბარი ქვეყნის ეკონომიკის ორნიშნა ზრდაზე, აქ საუბარია ქვეყნის ფიზიკურ გადარჩენაზე, საქართველოს გეოპოლიტიკური მდებარეობის გათვალისწინებით.

„სამწუხაროდ, მსოფლიოში ბირთვული ომის საშიშროება ყოველდღიურად მატულობს. ერთი ნაბიჯიც კი არ გადადგმულა სიტუაციის დასტაბილურებისკენ. საუბარი არ ყოფილა მოლაპარაკებებზე, ან სამშვიდობო ინიციატივებზე. პირიქით, მეტი და მეტი სიცოცხლე ეწირება ყოველდღიურად ამ პროცესებს. ხელისუფლებამ უნდა აიღოს მეტი უფლებები, მაგალითად, სოციალურ ნაწილში.

მისასალმებელია ის, რაც გაკეთდა წამლებზე. იგივე შეიძლება ითქვას, სახელმწიფოს მიერ მიღებული გადაწყვეტილებების შესახებ სტრატეგიული მნიშვნელობის ობიექტებთან დაკავშირებით. მხედველობაში მაქვს, ხუდონ ჰესის ხელშეკრულება, ანაკლიის პორტი. ეს გვაძლევს ჩვენ ძალას გადარჩენისათვის.

თუ ჩვენ ყველაფერი გავყიდეთ და სახელწიფოს მართვაში არ დარჩება არც ერთი ობიექტი, ასეთი სახელმწიფო ვერ იარსებებს და ასეთ დროს ყოველთვის მეტი იქნება უცხოეთიდან ზეწოლა ჩვენს ქვეყანაზე. ხოლო, როცა სახელწიფო თავის სიმაღლეზე დადგება და ქვეყნის ინტერსებიდან გამომდინარე იმოქმედებს ნებისმიერ სფეროში, ასეთი სახელმწიფო იქნება ძლიერი.

ამიტომ, უმნიშვნელოვანესია, რომ სახელწიფომ თავის თავზე აიღოს ფასების კონტროლი და ფასების რენტაბელობა კერძო კომპანიებისთვის უნდა დაწესდეს 20-30%-ის ფარგლებში, სხვაგვარად, ხელფასისა და პენსიის მატება აზრს კარგავს.

ამიტომ, ფასებზე კონტროლი, ეს არის ერთ-ერთი უმნიშვნელოვანესი საკითხი ხელისუფლებისთვის. ეს იქნება საწვავი, ენერგო მომარაგება, გაზმომარაგება თუ საკვები პროდუქტებთან დაკავშირებით.

ასევე, მნიშვნელოვანია ხელისუფლების პოლიტიკა სტრატეგიულ ობიექტებთან მიმართებაში. ის, რაც გაყიდულია, უნდა მოხდეს მისი გამოსყიდვა და ის უნდა გადავიდეს სახელმწიფოს საკუთრებაში“, – მიაჩნია ფრიდონ ინჯიას.

რამდენად ზრდის საქართველოს პოლიტიკურ უსაფრთხოებას ენერგო პროექტებში მონაწილეობის მიღება და რამდენად მნიშვნელოვანია საქართველოსთვის პოლიტიკური ნიშა, რასაც შუა დერეფანი ეწოდება? არის თუ არა ეს საკითხი ქვეყნის უსაფრთხოების ერთ-ერთი ფაქტორი?

ამ კითხვაზე ფრიდონ ინჯიამ უპასუხა, რომ სხვადასხვა უმნიშვნელოვანესი ეკონომიკური პროექტებიდან ყველაზე მნიშვნელოვანი, ეს არის შუა დერეფნის პროექტი, რომელიც ჩინეთს, აზიის ქვეყნებს სჭირდება ევროპასთან დასაკავშირებლად და ზოგადად, ევროპას სჭირდება ის ენერგო რესურსები, რაც აზიაში არის. ამიტომ, ქვეყნის ხელისუფლებამ უნდა იმუშაოს და ყველაფერი გააკეთოს შუა დერეფნის პროექტის რეალურად განსახორციელებლად“.

რაც შეეხება ანაკლიის პროექტს, ეს შეიძლება იყოს კომპლექსური პროექტი, რაც მსჯელობას საჭიროებს და მე მაინც სკეპტიკურად ვუყურებ ამ საკითხს, რადგანაც ანაკლიის პროექტის ამუშავება დაკავშირებულია რკინიგზასთან, იმ ტვირთებზე და ქვეყნებზე, რომლებმაც უნდა დატვირთონ ტვირთი. ეს იქნება ყაზახეთი, თურქმენეთი, თუ ჩინეთი. ამ სამი ქვეყნის მონაწილეობის გარეშე კი, ანაკლიის პორტის მშენებლობის პროექტის 51%-ი სახელმწიფოს ხელში უნდა იყოს და პრინციპში, ხელისუფლების მხრიდან ასეც დაანონსდა და ეს მისასალმებელია“, – აღნიშნა ფრიდონ ინჯიამ.

„ვფიქრობ, ამ ენერგო პროექტების გათვალისწინებით, ევროპის მხრიდან საქართველოს მიმართ დაინტერესება გაიზრდება. თუმცა, არიან ქვეყნები, რომლებიც შეიძლება ამის წინააღმდეგ წავიდნენ, იმიტომ, რომ ეს არის ძალიან მომგებიანია და გადარჩენის პროექტი ჩვენი ქვეყნისთვის“, – განაცხადა ფრიდონ ინჯიამ.

„კიდევ ერთხელ რომ დავუბრუნდეთ ჩემს ინიციატივას, სადაც ყურადღება გავამახვილე ჯაშუშებზე და მოღალატეებზე 2008 წლის აგვისტოს ომთან დაკავშირებით, ზოგ შემთხვევაში ამბობენ, რომ თუ ჩვენ ვითანამშრომლებთ დასავლეთის სპეც სამსახურებთან, ეს მისაღებია, ხოლო ჩრდილოეთის ქვეყნებთან, ეს თანამშრომლობა მისაღები არ არის.

ადამიანი, რომელიც სხვა ქვეყნის ინტერსებზე მუშაობს, ამას ჩემთვის მნიშვნელობა არ აქვს, ეს იქნება დასვლეთის ქვეყანა, თუ ჩრდილოეთის. ორივე ჩემი ქვეყნის მტერია. ამიტომ, თუ შეიქმნება საგამოძიებო კომისია, ამ კითხვებს პასუხი გაეცემა და ნათლად გამოჩნდება. იმიტომ, რომ ის, რაც მოხდა 2008 წლის აგვისტოში, ეს არი იყო ერთი დღის შემოქმედება.

ვფიქრობ, რომ 2008 წლის აგვისტოს ომი იყო დიდი ხნის დაგეგმილი. და რა უძღოდა, და ვინ იყო ამის შემსრულებელი? ესენი იყვნენ ქვეყნის მოღალატეები, ჩანერგილები და რა თქმა უნდა პირველ რიგში თავიანთი ინტერსებიდან გამომდინარე.

მე ვფიქრობ, რომ საქართველოს ტერიტორიების 20%-ის დაკარგვა მოხდა შეგნებულად და დაგეგმილად.

მე თითქმის 80%-ით ვარ დარწმუნებული, რომ ეს იყო სამმხრივი შეთანხმება. კერძოდ, რუსეთის, დასავლეთისა და საქართველოს ხელისუფლებების შეთანხმება.

საქართველოს ხელისუფლების გარეშე ეს არ მოხდებოდა, დასავლეთის პასიურობის გარეშე ეს არ მოხდებოდა, და ეს არ მოხდებოდა რუსეთის იმ ქმედებების გარეშე, რაც მათ გააკეთეს საქართველოს ტერიტორიაზე, რისი შედეგიც სახეზეა.

აუცილებლად უნდა დადგინდეს, ვინ რა როლი ითამაშა ამ პროცესში. შეიძლებოდა თუ არა ამ ომის თავიდან აცილება“, – განაცხადა ფრიდონ ინჯიამ.

ევროპის პარლამენტის მიერ მიღებული რეზოლუცია არის ანტიქართული გადაწყვეტილება და უსამართლობის პიკი – ფრიდონ ინჯია

უსამართლობის პიკი და ანტიქართული გადაწყვეტილება უწოდა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ევროპის პარლამენტის მიერ 15 თებერვალს საქართველოსთან მიმართებაში მიღებულ გადაწყვეტილებას, რომელიც მისი განცხადებით, მიმართულია საქართველოს მთავარი მისწრაფებების, იდეალების საწინააღმდეგოდ და ამასთანავე, არის თვითონ ევროპის დისკრედიტაციაც.

„საქართველოს მოსახლეობის უმრავლესობა მიილტვის დასავლური ცივილიზაციის ძირითადი ფასეულობებისკენ. ეს არის დემოკრატია, სამართლიანობა, ახალი ტექნოლოგიები, მეზობლობა და ურთიერთთანამშრომლობა. აქედან გამომდინარე, საქართველოს დიდი სურვილი აქვს ქვეყანაში დაამკვიდროს ევროპული ღირებულებები.

სამწუხაროა, რომ ამის მოლოდინში, საქართველოსთან მიმართებაში ევროპარლამენტარები ისეთ რეზოლუციას იღებენ, რომელიც ანტიქართულია, და ეს პირველი შემთხვევა არ არის. პირველი რეზოლუცია, რომელიც მიღებული იყო საქართველოსთან მიმართებაში დაახლოებით 10 თვის უკან, იმ დეპუტატებიდან დღეს ზოგი ციხეშია და ზოგთან მიმართებაში გამოძიება მიმდინარეობს, მათ მოხსნილი აქვთ სადეპუტატო იმუნიტეტი. აქედან გამომდინარე, არავინ იცის, კიდევ რამდენ ევროდეპუტატს მოუწევს მანდატის დატოვება.

ასე, რომ ის გადაწყვტილება, რომელიც ევროპარლამენტმა მიიღო, არის არა მარტო ჩვენი ქვეყნის მისწრაფებების იდეალების საწინააღმდეგო, არამედ თვითონ ევროპის დისკრედიტაციაც, რადგანაც ამას მარტო ქართული საზოგადოება არ უყურებს. ამას უყურებენ სხვა ქვეყნის საზოგადოებებიც, მათ შორის, ევროპის, და ხედავს იმას, რომ ეს არის უსამართლობის პიკი“.

ყველასთვის ცნობილია, რომ სააკაშვილის ოჯახმა დადო ხელშეკრულება ერთ-ერთ ამერიკულ ლობისტურ კომპანიასთან, და ღიად არის ყველაფერი, თუ რისთვის გადაიხადა სააკაშვილის ოჯახმა საკმაოდ სოლიდური თანხა. მაგრამ ამასთან ერთად, აქ კიდევ არის წყალქვეშა დინებები, რომლებიც არ ჩანს… ესე იგი ევროპარლამენტის გარკვეული ჯგუფი ასრულებს იმ დავალებას, იმ მოთხოვნას, რასაც ლობისტებისგან ითხოვდა სააკაშვილის ოჯახი.

საერთოდ, ობიექტურად თუ ვიმსჯელებთ, ევროკავშირს გაცილებით მეტი თავის ტკივილი აქვს ვიდრე სააკაშვილის პრობლემაა.

ღმერთმა ნუ ქნას, რომ საქართველოს მოსახლეობას გული აუცრუვდეს ევროკავშირისკენ მისწრაფებაზე. ეს იქნება დიდი გულგატეხილობა.

სამწუხაროდ, ერთგვარი ომი ჩვენთან უკვე დაწყებულია. ომი არ არის, როცა ყველა მხრიდან არის შემოტევა, რომ გინდა თუ არა უნდა გახსნა მეორე ფრონტი?

ღმერთმა ქნას, ხელისუფლებამ გაუძლოს იმ სირთულეებს, რა სირთულეების წინაშეც იგი დღეს დგას.

ეხლა რაც შეეხება, ბიძინა ივანიშვილთან დაკავშირებით ევროპარლამენტის მიერ მიღებულ რეკომენდაციას, მე ვერ წარმომიდგენია, რას ნიშნავს რეკომენდაცია, ან მითითება, ეს ასე გააკეთეთ. ან ამ რეზოლუციამ ჩვენთან უნდა შეცვალოს მართლმსაჯულება? თუ დავალება მივცეთ პრეზიდენტს ამ საქმეზე ამნისტია გამოაცხადოს? თუ ამნისტიაა გამოსაცხადებელი, მარტო ერთ ადამიანზე ხომ არ მივიღებთ? საქართველოს ჰყავს ცხრა, თუ ათი ათასი მსჯავრდებული. თუ ამნისტიაა საჭირო, ის უნდა იყოს ყველასთვის. არის სასამართლო, რომელსაც ჩვენ ვენდობით. ყველა შეიძლება არ ენდობა, მაგრამ დღეს შედარებაა არ არის 10 წლის წინანდელ სასამართლოსა და დღევანდელს შორის.

ბიძინა ივანიშვილმა თავისი საქმე უკვე შეასრულა 2012 წელს და მას ხალხი დაუდგა გვერდში.