📍 საქართველოს პარლამენტის ვიცე-სპიკერმა ავთანდილ ენუქიძემ პარლამენტის ბიუროს სხდომაზე მოუწოდა ქვეყნის ხელისუფლებას მიიღონ ზომები საქართველოში ფაშისტური ორგანიზაციების წინააღმდეგ.
🔹 „ნიურნბერგის პროცესის შემდეგ ასეთი დიდი ფორუმი მსოფლიოში არ ჩატარებულა, რომელმაც დაგმო ფაშისტური ორგანიზაციები და მათი არსებობა ყველგან. არ ვიცი, აკვირდებით თუ არა, მაგრამ აჭრელებულია სოციალური ქსელი ინფორმაციით, რომ ვინმე გიორგი ჭელიძემ, უკვე შექმნა ფაშისტური ორგანიზაცია და დააანონსა, რომ იწყებენ ქალაქებში მოძრაობას და მოქმედებას.
🔹 მსოფლიოს ოფიციალური დადგენილების მიხედვით, ქვეყნებში მსგავსი იდეოლოგია აკრძალულია. მაინცა და მაინც ვიღაცას უნდა დაველოდოთ?… არ არის გამორიცხული, რომ არჩევნების დროს ქვეყნის ხელისუფლების წინააღმდეგ იყოს გამოყენებული ეს ორგანიზაცია.
🔹 მე მოგიწოდებთ, რომ ამას მიხედოთ, თორემ არჩევნების დროს შეიძლება ამანაც გამოყოს თავი. მიიღეთ ამაზე ზომები. მე რომ ვიყო ხელისუფლებაში ამაზე მივიღებდი ზომებს – აკრძალვამდე და დაპატიმრებამდეც კი. ეს ხომ მსოფლიო დადგენილებაა, მარტო რუსებს ხომ არ მიუღიათ, ესეც ნარატივად რომ არ ჩამითვალოთ. ეს მიიღეს ამერიკელებმა, ფრანგებმა, ინგლისელებმა და ა.შ. რატომ არ ვაძლევთ ამას რეაქციას?“ – განაცხადა ავთანდილ ენუქიძემ.
🔴 რუსეთ-უკრაინაში მიმდინარე მოვლენების გავლენა დანარჩენ მსოფლიოზე და ბირთვული ომის საშიშროება;
🔴 მესამე მსოფლიო ომის პირველი ეტაპი – არსებული საფრთხეები;
🔴 საქართველოს როლი გლობალური პოლიტიკური მოვლენების პარალელურად;
🔴 მუქარები და ომის რიტორიკა საქართველოში;
🔻 ამ და სხვა მნიშვნელოვან პოლიტიკურ თემებზე ისაუბრა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ სტუმრად ტელეკომპანია „სეზონი ტვ“- ზე.
🔶 პოლიტიკური ჯგუფის თავმჯდომარე ფრიდონ ინჯია ეხმაურება ევროპის ქვეყნების სახელმწიფო მეთაურთა განცხადებებს, რომელთა რიტორიკაც დეპუტატის აზრით, იძლევა საფუძველს, რომ უკრაინაში მიმდინარე მოვლენები მოედოს მთელს მსოფლიოს.
🔶 „ვფიქრობ, ყველაფერი იქითკენ მიდის, რომ უკრაინაში მიმდინარე პროცესები მოედოს მთელს მსოფლიოს. ის განცხადებები, რასაც აკეთებს ბლინკენი (ენტონი ბლინკენი აშშ-ს სახელმწიფო მდივანი), ის რიტორიკა და ქმედებები, რომელიც გააჩნია შულცს (მარტინ შულცი – გერმანიის კანცლერი) და ამის პარალელურად გერმანული საბრძოლო ტანკების ჩართულობა (ლეოპარდ 1, ლეოპარდ 2) მიმდინარე პროცესებში, რასაც ემატება ავიაცია, რომელიც საჰაერო სივრცეზე გადის, ეს შეიძლება ითქვას, რომ უკვე ფართო მასშტაბებია და დიდ საფრთეს ქმნის მსოფლიოსთვის“.
🔶 „თუკი, პირველ ეტაპზე იყო ქვემეხები, რომლის სროლის მანძილი იყო, სადღაც 70 კილომეტრი, შემდეგ ის გახდა 150 კილომეტრი. მერე კი, ქვემეხები გახდა უფრო მეტი სიმძლავრის, რასაც დაემატა ტანკები. ეხლა კი, ემატება ავიაცია და ყველაფერი მიდის საბრძოლო მოქმედებების გაძლიერებისკენ. ეს არის ერთი ნაბიჯი სტრატეგიული ბირთვული იარაღის გამოყენებისთვის. ყველაფერი ეს კი, მესამე მსოფლიო ომისკენ მიემართება, რასაც ემატება ის მდგომარეობა და ის პოზიცია, რაც აქვს ირანს რუსეთთან მიმართებაში და თუ ირანი რუსეთთან ერთად ჩაერთვება პროცესებში, კოლექტიური დასავლეთის არსებობის ფონზე, ეს უკვე მესამე მსოფლიო ომია.“
🔶 „უნდა აღინიშნოს, რომ მესამე მსოფლიო ომის პირველი ეტაპი ნათლად არის ფორმულირებული. ეს ყველაფერი დაწყებულია იმ დისბალანსით, რაც სათავეს ევროპაში იღებს ჯერ კიდევ 90-იან წლებში. მხედველობაში მაქვს, ის გარემოება, როდესაც ევროპიდან მოხდა საბჭოთა კავშირის ჯარების გაყვანა და ამერიკის შეერთებული შტატების საჯარისო ნაწილის დატოვება. სწორედ ამ დისბალანსმა გამოიწვია დღევანდელი მოვლენები.“
🔶 „უნდა ითქვას, რომ დღეს საქართველოშიც ერთგვარი ომია. მართალია, არ ისვრიან. ის ზეწოლა, წინააღმდეგობა, რომელიც დღეს ყველა მხრიდან მოდის საქართველოზე, პრაქტიკულად, ომს ნიშნავს. წარმოიდგინეთ თქვენ, აქ ჯარი სადღაც 150 მეტრში დგას ცენტრალური გზიდან. ერთი ბომბი რომ ჩამოვარდეს, საქართველო იმ წამსვე იქნება გაყოფილი აღმოსავლეთად და დასავლეთად. დასავლეთი ისედაც გაყოფილია, იქეთ აფხაზეთი, აქეთ აჭარა და თურქეთი. აღმოსვალეთ საქართველო კი, ქვემო ქართლად და სამცხე-ჯავახეთად. შეიძლება ითქვას, რომ საქართველო ოთხად გაიყოფა. შეიქმნება უკონტროლო სიტუაცია. ამიტომ მე მიმაჩნია, რომ ჩვენ უკვე ვართ ერთგვარ ომში და ძალიან დიდი სიფრთხილე გვმართებს. საქართველოსთვის ეს არის ერთგვარი ომი, ასეთ მარწუხებში როცა ვიმყოფებით“.
🔶 „თუ ბირთვული ომი დაიწყო, იქ ვერავინ ვერ გადარჩება. სამწუხაროდ, ყველაფერი მიდის ესკალაციისკენ, ვითარება უფრო ღრმავდება. თუ დღევანდელ მოვლენებს თანმიმდევრობით გავყვებით, დავინახავთ, რომ უკვე ღიად მიდის საუბარი ავია გამანადგურებლების გამოყენებაზე, რომელსაც სჭირდება სპეციალური აეროდრომები, რაც შესაძლოა არ იყოს უკრაინის ტერიტორიაზე. აქ საუბარია თანამედროვე თვითმფრინავებზე, რომლის ინფრასტრუქტურა დღეს უკრაინაში, პრაქტიკულად, არ არსებობს. შესაბამისად, ავია გამანადგურებლები საბრძოლო დავალებების შესასრულებლად უნდა აფრინდნენ ევროპის კონტინენტიდან. მე მხედველობაში მაქვს ნატოს ქვეყნებიდან, რაც იწვევს ნატოს ქვეყნების პირდაპირ ჩართულობას საომარ მოქმედებებში, რაც ყველაზე დიდ საშიშროებას ქმნის და პროცესები ჯერჯერობით, სწორედ აქეთკენ მიდის.“
🔶 პოლიტიკური ჯგუფის თავმჯდომარე დარწმუნებულია, რომ დასავლეთის ქვეყნების სახელმწიფო მეთაურთა მხრიდან გაჟღერებული პოზიციები უკრაინაში მიმდინარე მოვლენებთან დაკავშირებით ქვეყნების მოსახლეობის 70-80 პროცენტს არც კი აქვს გაცნობიერებული.
🔶 „ჩვენ ვსაუბრობთ ევროპის სახელმწიფოებზე და ქვეყნების მეთაურთა პოზიციებზე. მაგალითისთვის ავიღოთ გერმანიის ფედერაციული რესპუბლიკა. დღეს მოსახლეობა ისე არ არის ომში ჩართული, როგორც ეს იყო მეორე მსოფლიო ომის დროს. მაშინ თუ იბრძოდა ჰიტლერი, ამ ომში მთლიანად იყო ჩართული მთელი გერმანია, ხოლო საბჭოთა კავშირის მხრიდან, მთელი საბჭოთა ხალხი იბრძოდა. ამით განსხვავდება დღევანდელი პროცესები იმ პროცესებისგან. ხალხმა არ იცის რას აკეთებს მაგალითად, პრეზიდენტი მაკრონი (ემანუელ მაკრონი- საფრანგეთის პრეზიდენტი), რას აკეთებს შულცი (მარტინ შულცი – გერმანიის კანცლერი). უფრო მეტიც, გერმანიის მთავრობაში ერთი ერთს ამბობს და მეორე მეორეს. ამიტომ ვფიქრობ, რომ სახელმწიფო მეთაურები ყველაფერზე მიდიან და აქ ჩანს ერთადერთი იმედი. კერძოდ, როცა აშკარა გახდება, რომ სახელმწიფო ერთვება საომარ მოქმედებაში, და ხალხი ღიად დაინახავს ამ საფრთხეებს, მაშინ შესაძლებელია შეჩერდეს ეს ომი. სხვა დანარჩენ შემთხევაში, საკმარისია ბირთვული იარაღის ერთი გასროლა, რომ მას მეორე მოყვება ავტომატურად. სამწუხაროდ, ევროპის მოსახლეობას ჯერ სათანადო დონეზე არ აქვს გაცნობიერებული, თუ საით მიდის მისი ხელისუფლება.“
🔶 ფრიდონ ინჯიას მიაჩნია, რომ ყველაფერი უნდა გაკეთეს იმისთვის, რომ ომი შეჩერდეს.
🔶 „ეს ყველაფერი უკავშირდება ადამიანის სიცოცხლეს, ამიტომ ყველაფერი უნდა გაკეთდეს ამ ომის შესაჩერებლად. მე მაინც ვიმედოვნებ, რომ მსგავსი საფრთხეები თავიდან იქნება აცილებული“.
🔶 დეპუტატმა ყურადღება გაამახვილა ბოლო ათეული წლების განმავლობაში ამერიკის შეერთებული შტატების პოლიტიკაზე ისეთი ქვეყნების მიმართ, როგორიც არის საქართველო, რომლის წინააღმდეგაც ღიად მიდის ბრძოლა ქვეყნის იდენტობისა და მთავარი ღირებულებების დასანგრევად.
🔶 „ათეული წლებია ებრძვიან ჩვენს ადათ-წესებს, რწმენას. იმ იდეოლოგიას, რაზედაც დგას ხალხი. ეს არის იდენტობა, ეროვნული თვითმყოფადობა, ისტორია, წინაპრების პატივისცემა. მით უმეტეს, ტექნოლოგიური მონობის პერიოდში, როდესაც განათლება არ არსებობს, ინფორმაციის მიღება ხდება ინტერნეტით, რაც იძლევა საშუალებას, ადამიანი იყოს მართვადი. შეიძლება უკვე შექმნან ისეთი მიკრო კლიმატი, რომ დაიბადოს ადამიანი, რომლის გენებში იყოს ჩადებული ის თვისებები, რაც ადამიანის სამართავად არის საჭირო. პირდაპირ მიდის მუშაობა იმაზე, რომ ადამიანმა დაკარგოს იდენტობისთვის მახასიათებელი ნიშნები. საბჭოთა კავშირის დაშლისთანავე პოსტ საბჭოთა ქვეყნებში იდეოლოგია აღარ არსებობს, მათ შორის რუსეთშიც.“
🔶 „ერთადერთი ჩვენ რაც დაგვრჩა, ეს არის ჩვენი ქრისტიანული სარწმუნოება. ბოლო ათწლეულების მანძილზე ქრისტიანული სარწმუნოების გაძლიერებამ უფრო მეტი ადგილი დაიკავა ჩვენს ქვეყნაში. რა თქმა უნდა, ამაში დიდი წვლილი მიუძღვის საქართველოს პატრიარქს ილია მეორეს. ამიტომაც დღეს გააფთრებული ბრძოლა მიდის ჩვენი სარწმუნოების წინააღმდეგ, მაგრამ მე იმედი მაქვს, რომ ქართველი კაცი გამოიღვიძებს, რაც არ უნდა მოხდეს და ის მაინც გადარჩება. ჩვენს ქვეყანას გადაარჩენს სწორი განსჯა, თუ რა უდნა გაკეთდეს და რა ნაბიჯები უნდა გადაიდგას. ჩვენთვის ცნობილია, თუ როგორი ზეწოლა მიმდინარეობს ჩვენს ხელისუფლებაზე. ეს არის უმძიმესი პროცესი და პრაქტიკულად, ომის ტოლფასია.“
🔶 ფრიდონ ინჯიამ მიმოიხილა საქართველოში ბოლო პერიოდში მიმდინარე პოლიტიკური მოვლენები, რომელიც მისი განცხადებით, ორ ნაწილად უნდა გაიყოს. „პირველი ნაწილი, ეს გახლავთ ომის რიტორიკა და მუქარები საქართველოს მიმართ, იმისათვის, რომ ქვეყნაში გახსნილიყო მეორე ფრონტი და საქართველო ჩართულიყო საომარ მოქმედებებში, გვეომა აფხაზეთში, ქვემო ქართლში… ამას გავუძელით. ამ მოვლენების მეორე ნაწილი რუსეთის ფედერაციის მიმართ სანქციების დაწესებას უკავშირდება, რაც მეორე ფრონტის გახსნის შემადგენელი ნაწილია.“
🔶 რაც შეეხება მიმდინარე პოლიტიკურ მოვლენებში რუსეთის როლს, ფრიდონ ინჯიას მიაჩნია, რომ „შესაძლოა რუსეთიც თამაშობს, ან ათამაშებენ, ან არსებობს გარკვეული წრე, ვისაც აქვს სურვილი ომი დაიწყოს ქართველებთან“.
🔶 რუსეთ-საქართველოს შორის საჰაერო მიმოსვლის აღდგენის საკითხთან დაკავშირებით, დეპუტატმა აღნიშნა, რომ „რუსეთმა თვითონ შეწყვიტა ფრენები და თუ აღდგენის სურვილი აქვს, ამ გადაწყვეტილების გასაღები სწორედ მის ხელშია“.
🔶 აქვე დეპუტატმა ხაზი გაუსვა ამ საკითხთან დაკავშირებით აშშ-ს სახელმწიფო დეპარტამენტის ცალმხრივ პოზიციას.
🔶 „საინტერესოა რატომ არ აკეთებს ამერიკის სახელმწიფო დეპარტამენტი მწვავე განცხადებებს, ან არა ავლენს ზეწოლას სხვადასხვა ქვეყნებთან მიმართებაში, სადაც პირდაპირი ფრენები ჩვეულებრივად ხორციელდება. კერძოდ, მოსკოვი-თელავივის, მოსკოვი-ბაქო, მოსკოვი-ერევანი, პეკინი, რიო-დეჟანერო, ანკარა, სტამბულის მიმართულებები. მათ შორისაა, ზოგიერთი ნატოს წევრი ქვეყანა. აქ მხოლოდ ერთი მიზეზია, რომ საქართველო ჩაებას საომარ მოქმედებებში და ის პერსპექტივა, რომელიც საქართველოს გააჩნია, არ იქნას გამოყენებული. კერძოდ, შუა დერეფნის როლი. ასევე, ჩვენი ქვეყნის ტერიტორია, რომელიც უმნიშვნელოვანესია აზიის ქვეყნებისთვის. მათ შორის, ჩინეთისთვის, რათა გასავლელი გზა ჰქონდეს ევროპაში. დღეს არსებული ვითარებაში, მათ რჩებათ მხოლოდ საქართველოს დერეფანი და ესეც უნდათ რომ დაიკეტოს. ეს ვის სჭირდება?… არიან წრეები როგორც რუსეთში, ისე ევროპაში, რომელთაც ამის სურვილი აქვთ. აქედან გამომდინარე, მდგომარეობა, მართლაც რომ ურთულესია.“
🔶 „ის ფაქტი, რომ საჰაერო მიმოსვლა რუსეთ-საქართველოს შორის არ გვაქვს, იმ ზეწოლის შემადგენელი ნაწილია, რომელიც ითვალისწინებს საქართველოს ხელისუფლების დაპირისპირებას რუსეთის ხელისუფლებასთან. იმას რასაც საქართველომ მიაღწია ბოლო ორი წლის განმავლობაში, მხედველობაში მაქვს ორნიშნა ეკონომიკური ზრდა, ამის წინააღმდეგ მოქმედებები შედის იმ ხალხის ინტერსებში, ვისაც საქართველოს მომავალი არ უნდა რომ ჰქონდეს. აქ არის მრავალმხრივი ზეწოლა საქართველოს ხელისუფლების მიმართ.“
🔶 დეპუტატი იმედს გამოთქვამს, რომ საქართველოს ხელისუფლება გაუძლებს ამ ზეწოლას და სახელმწიფო განვითარების გზით ივლის.
🔶 ფრიდონ ინჯიამ ყურადღება გაამახვილა გავრცელებული ინფორმაციის შესახებ, რომლის მიხედვითაც პრეზიდენტმა სააკაშვილმა ლობისტურ კომპანიებს საკმაოდ სოლიდური თანხა გადაუხადა სიცრუის ტირაჟირებისთვის, რაც დეპუტატის აზრით, კატეგორიულად მიუღებელია დემოკრატიული სახელმწიფოსთვის.
🔶 პოლიტიკური ჯგუფის თავმჯდომარე მიიჩნევს, რომ ქვეყანის მართვის საქმეში უმთავრესი ადგილი უნდა ეკავოს კანონის უზენაესობას. კანონის უზენაესობა არის გარანტი სახელმწიფოს სწორად განვითარებისთვის.
🔶 „პროკურატურამ უნდა ჩამოიღოს საქმეები, რომლებიც წლებია თაროზეა შემოდებული. ყველაფერს უნდა დაერქვას თავისი სახელი. მე ორჯერ გავაკეთე განცხადება პარლამენტის ტრიბუნიდან, სადაც მოვითხოვე 2008 წლის მოვლენებთან დაკავშირებით საგამოძიებო კომისიის შექმნა. ეს საქართველოს სჭირდება სიმართლის დასადგენად, იმისთვის, რომ მომავალში შეცდომა არ იყოს დაშვებული.“
🔶 „კანონის უზენაესობა არის აუცილებელი და მნიშვნელოვანი და ამას კი, სჭირდება ხელისუფლების მხრიდან პოლიტიკური ნება.“
🔶 „ქვეყნის გადარჩენა დამოკიდებულია საქართველოს თითოეულ მოქალაქეზე. თითოეულმა მოქალაქემ უნდა აიღოს პასუხისმგებლობა ქვეყნის წინაშე და მე დარწმუნებული ვარ, რომ ქართველ ხალხს არ სურს ომი არცერთ ერთან“.
🔴 „რა პროცენტია ქართული ინიციატივების წილი საქართველოს პარლამენტის კანონშემოქმედებით საქმიანობაში, მაშინ, როცა ჩვენ ძირითადად სულ ვხედავთ გარედან წამოსულ დავალებებს და მინიშნებებს“.
🔴 „ევროკავშირის კანდიდატის სტატუსი და საქართველო.“
🔴 „რუსეთთან ურიერთობების დალეგება და დიალოგი.“ 🔴 „საჰაერო მიმოსვლის აღდგენა რუსეთ-საქართველოს შორის.“
🔻ამ და სხვა მნიშვნელოვანი კითხვების ირგვლივ ისაუბრა საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ტელეკომპანია „ალტ ინფოს“ პირდაპირ ეთერში, გადაცემაში „დღის კომენტარი“.
🔶„რამდენიმე დღის წინ, პარლამენტის ტრიბუნიდან მე სოწრედ ამ საკითხზე მქონდა საუბარი. პარლამენტი უნდა იღებდეს ისეთ კანონებს, რომლებიც ქვეყნის მოსახლეობის კეთილდღეობისკენ იქნება მიმართული. როცა მიმდინარეობს მუშაობა კანონპროექტების გარშემო, იქ არის მთელი რიგი ჩამონათვალი, რომ ხომ არ ეწინააღმდეგება ესა თუ ის კანონის პროექტი ევროპულ მოთხოვნებს. მიმაჩნია, რომ ნებისმიერ კანონპროექტში უპირველესად უნდა იყოს გათვალისწინებული საქართველოს მოსახლეობის ინტერესები.“ – განაცხადა ფრიდონ ინჯიამ.
🔶 „გავიხსენოთ შარლ მიშელის მემორანდუმი, რომელმაც ლამის კონსტიტუცია შეგვიცვალა. ამის შემდეგ, პარლამენტის ხელმძღვანელობას, კომიტეტების თავმჯდომარეებს არ დაუტოვებიათ ევროპის არც ერთი ქვეყანა და ისინი იყვნენ იმის მტკიცებაში, რომ ჩვენ კარგები ვართ. ქვეყნის პარლამენტი უნდა დაკავდეს ისეთი კანონების მიღებით, რომელიც გაუუმჯობესებს და გაუიოლებს მოსახლეობას ყოფა-ცხოვრებას, დაიცავს ჩვენს ეკონომიკურ ბაზარს, ჩვენს სახელმწიფოს. ამ ყველაფერს სამწუხაროდ, ნაკლები დრო ეთმობა. ნახევარზე მეტი დრო დათმობილია იმ დავალებების შესასრულებლად, რომლებიც ჩვენ როგორც “მოსწავლეებს” მოგვცეს და რისთვის? გამოგონილი კანდიდატის სტატუსის მოსაპოვებლად? რომელიც არაფერს არ იძლევა, და გვჭირდება ეს კანდიდატის სტატუსი? ესეც საკითხავია. რადგან საქართველოს უკვე აქვს ევროკავშირთან ასოცირების ხელშეკრულება და ეს დოკუმენტი საკმარისია. თუმცა, იქაც ბევრი რამ არის გადასახედი. არის საკითხები, რომლებიც ეწინააღდეგება ჩვენს იდენტობას, ჩვენი ქვეყნის ინტერსებს, მიმართულია ჩვენი მოსახლეობის წინააღმდეგ. ასოცირების ხელშკრულებიდან ჩვენ უნდა ავიღოთ მხოლოდ ის, რაც ჩვენ გვჭირდება.“- მიაჩნია ფრიდონ ინჯიას.
🔶 „რაც შეეხება ევროკავშირთან ჩვენს თანამშრომლობას, ამას ჩვენ ვაკეთებთ საკმაოდ მაღალ დონეზე და საკმაოდ სიღრმისეულად და კიდევ დასაფიქრებელია, რამდენად სჭრიდება ეს ჩვენს ხალხს. ევროკავშირს ან ნატოს თუ ჩვენ ვჭირდებით, ისინი ჩვენ მიგვიღებენ ისედაც …“- აღნიშნა ფრიდონ ინჯიამ.
🔶 პოლიტიკური ჯგუფის თავმჯდომარემ შეაფასა საქართველოს, უკრაინისა და მოლდოვას ხელისუფლებების ევროკავშირთან თანამშრომლობის საკითხი და აღნიშნა, რომ უკრაინასთან მიმართებაში ევროკავშირის გადაწყვეტილება კანდიდატის სტატუსის მინიჭების თაობაზე სავსებით გასაგებია, რადგან უკრაინა ომშია ჩართული. რაც შეეხება მოლოდვას, დეპუტატს მიაჩნია, რომ ევროკავშირის გადაწყვეტილება მოლდოვასთან მიმართებაში, მოლდოვას ხელისუფლების ლოიალური პოლიტიკით არის განპირობებული, ხოლო საქართველოს ხელისუფლებამ, ამ შემთხვევაში სხვა პრინციპულობა გამოიჩინა და შესაბამისად, ურყევად დგას თავის პოზიციაზე, რაც ქვეყნის ინტერესების პირველ ადგილზე დაყენებაში გამოიხატება.
🔶 „ხელისუფლება იმიტომ არის არჩეული, რომ მან ქვეყნის ინტერესებიდან გამომდინარე იმოქმედოს. სწორედ აქ ვხედავ მე განსხვავებას. მით უფრო, ეს არის გამოგონილი სტატუსი, რომელიც არაფრის მომცემია და მხოლოდ იმისთვის არის, რომ თავზე ხელი გადაუსვან ზოგიერთ ქვეყანას და უთხრან, რომ აი, ჩვენ თქვენ ევროკავშირის წევრობის კანდიდატის სტასტუსი მოგანიჭეთ.“ – დასძინა ფრიდონ ინჯიამ.
🔶 პოლიტიკური ჯგუფის თავმჯდომარეს მიაჩნია, რომ აუცილებელია რუსეთთან პირდაპირი დიალოგის დაწყება და ამის გარეშე არაფერი არ გამოვა.
🔶 „ის რაც ხდება დღეს გარედან, ეს არის ქვეყნის შიდა საქმეებში უხეში ჩარევა, რაც დაუშვებელი და მიუღებელია. ნაციონალური მოძრაობა ეცეკვება სახელწმიფო დეპარტამენტს (აშშ), რადგან მათ არ აწყობთ ჩვენი ურთიერთობა. თუკი ჩვენ რუსეთთან დავალაგებთ ურთიერთობას და გადავწყვეტთ ყველა იმ საკითხს, რომელიც სასიცოცხლო მნიშვნელობის არის, მაშინ ამერიკის შეერთებული შტატები თავის როლს კარგავს აქ.“ -აღნიშნა დეპუტატმა.
🔶 „ჩვენ უნდა გვახსოვდეს თუ ვინ არიან ჩვენი მეზობელი ქვეყნები, კერძოდ ესენია: აზერბაიჯანი, სომხეთი, თურქეთი და მეოთხე ქვეყანა ამ შემთხევვაში არის რუსეთი. რა უნდა გავაკეთოთ ჩვენ? ჩვენ ძალიან მძიმე მდგომარეობაში ვართ. მით უფრო, თუ გადავხედავთ სხვადასხვა განცხადებებს … ჩვენ როგორც ქრისტიანული ქვეყანა შეიძლება გავქრეთ და აღმოვჩნდეთ უმძიმეს მდგომარეობაში.“ – მიაჩნია ფრიდონ ინჯიას.
🔶 „რაც შეეხება რუსეთთან ურთიერთობას, მასთან დიალოგის გარეშე არაფერი არ გადაწყდება, ეს გამორიცხულია. ჩვენს გასაკეთებელს სხვა ვერ გააკეთებს. ამიტომ მე მიმაჩნია, რომ აუცილებელია დიალოგი. ამ დიალოგისთვის, კი აუცილებელია კომუნიკაცია.“ – აღნიშნა ფრიდონ ინჯიამ.
🔶 დეპუტატის შეფასებით, ასევე მნიშვნელოვანია საჰაერო მიმოსვლის აღდგენა რუსეთთნ, რადგანაც ეს მხოლოდ სიკეთის მომტანი იქნება იქ მცხოვრები მილიონამდე საქართველოს თანამემამულისთვის.
🔶 „რატომ უნდა შევუშალოთ ჩვენ ხელი საჰაერო მიმოსვლის აღდგენას, როდესაც რუსეთში 1 მილიონამდე ჩვენი თანამემამულე ცხოვრობს და რატომ უნდა იარონ მათ შემოვლითი გზით? საჰაერო მიმოსვლის აღდგენა მოგვცემს დამატებითი შემოსავლის საშულებას. ეს ხომ ჩვენი მოსახლეობის ინეტერსებში შედის. ვინც ამის წინააღმდეგია, ისინი ყველანი ქვეყნის მოღალატეები არიან, რომლებიც ეწინააღმდეგებიან საქართველოს მოსახლეობის კეთილდღეობას.“ – განაცხადა ფრიდონ ინჯიამ.
ერთერთი მნიშვნელოვანი დღეა, როდესაც პარლამენტის თავმჯდომარე გამოდის ანგარიშით თუ რა გაკეთდა გასულ წელს.
პარლამენტი სახელმწიფო ხელისფლების ერთერთი შტოა, რომელიც იღებს კანონს. მთავარია ეს კანონები იყოს მიღებული მოსახლეობისა და ქვეყნის ინტერსებიდან გამომდინარე.
მე როგორც ერთი რიგითი ამომრჩეველი ველოდები, რომ პარლამენტში იქნება მიღებული ისეთი კანონი, რომელიც მე გამიიოლებს ცხოვრებას.
მე როგორც მრავალშვილიანი დედა ველოდები, რომ პარლამენტი მიიღებს ისეთ კანონს, რომელიც დაეხმარება მრავალშვილიან დედებს და გამიიოლებს ცხოვრებას.
ან მე მინდა მყავდეს მეოთხე შვილი, ან მეხუთე შვილი… მე ველოდები კანონს, რომელიც, გარკვეულ წილად, სტიმულს მომცემს, რომ ავიღო ვალდებულება და ქვეყანას გავუზარდო შვილი.
მე როგორც მოსწავლეების მშობელი, მინდა რომ ჩემმა შვილმა კარგად ისწავლოს და ამისათვის, მინდა ისეთი კანონი მიიღოს პარლამენტმა, რომელიც უფრო მეტ საშუალებას მისცემს მოწაფეს მაღალი დონის განათლება მიიღოს. ამისთვის მნიშვნელოვანია, რომ სახელმწიფო საგანმანათლებლო სისტემა იყოს უფრო დალაგებული, უფრო მკაცრი. რადგან, ჩემი შვილები, იმ ცოდნას, ვერ იღებენ, რომ მათ შეეძლოთ განათლების მიღება უმაღლეს სასწავლებლებში, მათ შორის, საზღვარგარეთ. რის გამოც იძულებული ვარ დავიქირავო რეპეტიტორები და დამატებით ვასწავლო შვილებს. მე ველოდები პარლამენტისაგან ისეთი კანონების მიღებას, რომელიც ამ საკითხში ხელს შემიწყობს.
მე როგორც ამომრჩეველი, ველოდები ისეთი კანონების მიღებას, რომელიც დაასტაბილურებს, ან ზღვარს დაუწესებს ფასების ზრდას. ამ პერიოდში მე მივიღე მომატებული პენსია და ხელფასი, მაგრამ ფასები ისე იზრდება და ჩემი ცხოვრების დონე კი, იგივე რჩება.
ეხლა იყო პრემიერ მინიტრის მხრიდან, საწვავზე კომპანიების მხრიდან მოგების მარჟის დარეგულირების შესახებ განცხადება და მე ველოდები, რომ პარლამენტი მიიღებს კანონს, რომელიც დაავალდებულებს და მოსთხოვს მთავრობას, რომ გარკვეულ წილად დარეგულირდეს ფასები როგორც საკვებ ასევე, ნავთობ პროდუქტებზე, რაც მისცემს საშულებას დაწესდეს ზღვრული ფასები. ეს იქნება საწვავი, ელექტრო ენერგია, თუ სხვა.
მე როგორც ამომრჩეველი პარლამენტისგან ველოდები ისეთ კანონის მიღებას, რომელიც მომცემს საშუალებას ავირჩიო ჩემი შეხედულებისამებრ ელქტრო ენერგიის მომწოდებელი კომპანია და არ ვიყო ჩამოკიდებული კონკრეტულად ერთ კომპანიაზე, ისე როგორც ხდება დღეს დენზე, გაზზე, წყალზე. ეს არის ერთ-ერთი უმნიშვნელოვანესი საკითხი, რომელიც მიღებულია ევროპაში. ჩვენ ხომ გვინდა ყველაფერი კარგი ავიღოთ ევროპისგან და მართლაც გვინდა. ის ყველაფერი კარგი მინდა მე ჩემი ქვეყნისთვის.
დავუბრუნდები მრავალშვილიანი ოჯახის საკითხს. მე მინდა, რომ ასეთმა ოჯახმა ერთი ოთახი მიიღოს დამატებით. მე ამას ველოდები პარლამენტიდან და კიდევ მრავალი სხვა საკითის გადაწყვეტას.
კიდევ ერთი საკითხი. მე ველოდები პარლამენტიდან ისეთი კანონის მიღებას, რომელიც ჩემს შვილს, რომელიც წავიდა სამხედრო სამსახურში, რომ დაბრუნდება ჯარიდან, მიიღოს გარკვეული შეღავათები. შეღავათები სხვადასხვანაირი შეიძლება იყოს. ეს სწავლა შეიძლება იყოს, ეს სამუშაო ადგილი შეიძლება იყოს. ეს იქნება სტიმული და მე სიამოვნებით გავუშვებ ჩემს შვილს სამხედრო სამსახურში. მე სწორედ ასეთი კანონი მინდა რომ მიიღოს პარლამენტმა.
მთელს მსოფლიოში გაფანტულნი არიან ჩვენი მოქალაქეები. მე მინდა ისეთი კანონი მიიღოს პარლამენტმა, რომელიც ჩვენს მოქალაქეებს დააფიქრებს, და საქართველოში დაბრუნებას გადააწყვეტინებს.
ისრაელი არის სამაგალითო ქვეყანა ჩემთვის. როგორ კრებს ისრაელის ხელისუფლება თავის მოქალაქეებს მსოფლიოს მასშტაბით ერთ მუშტად. როგორი მეცნიერება აქვს, როგორი ჯარი ჰყავს, როგორი წესრიგი აქვს. ქვეყანა, რომელიც ჩვენსავით 3-4 მილიონი იყო, ეხლა 7-8 მილიონია და ერთ-ერთი ანგარიშგასაწევი ქვეყანაა. ჩვენ ისიც უნდა მივიღოთ, რაც კარგი აქვს მაგალითად, ისრაელს, ჩინეთს. ევროპა არ უნდა იყოს დოგმა. ევროპაში ინტეგრაცია მე იმიტომ მინდა, რომ ჩემი ოჯახი დაკმაყოფილებული იყოს ყველა სიკეთით, რაზეც ქართველი კაცი ოცნებობს.
სადღაც 200 თუ 300 კანონი იქნა მიღებული. ეს ძალიან კარგია, მაგრამ მე ამ კანონებში ვერ დავინახე ვერც ერთი კანონი, რომელიც, მაგალითისთვის, ერთ-ერთ მაღალმთიან სოფელში უკეთესი ცხოვრების სტიმულს მისცემდა ჩვენს მოქალაქეს და შეცვლიდა მის ცხოვრებას, ან ქალაქში, ან ბაზარში მდგომი ადამიანის.
არის ბევრი კანონი, რომელსაც ჩვენ ვიღებთ მთავრობის ინიციატივით და სწორიც არის. მე ვეთანხმები მას, რადგან საბოლოო ჯამში, ყველა კანონი უნდა აღასრულოს ხელისუფლებამ.
მაგრამ არის კანონები, რომლებიც ასევე სტიმულს მისცემს ჩვენს მოსახლეობას: ცილისწამება, შეურაცხყოფები, ხულიგნობა პირდაპირ ეთერში, ქვეყნის ღალატი და მოღალატეობრივი ქმედებები. რატომ არ შეიძლება რომ ეს კანონები იქნას მიღებული? რომელიც თქვენც, ჩვენც და ყველას გაუადვილებს ცხოვრებას. ძალა მიეცემა, უფრო მეტად დაცული იქნება სახელმწიფო.
საქართველოს პარლამენტის მუშაობა ერთი წლის განმავლობაში საკმაოდ დატვირთული იყო. აქ ძალიან ბევრი მაღალ კვალიფიცირებული პარალმენტის წევრია; ეკონომისტია, იურისტია, ექიმია, სპორტსმენია, მთელი ძალაა მართლაც პარლამენტში, და ერთი წლის განმავლობაში, მათ თავიანთი დროის ნახევარზე მეტი დახარჯეს რაზე? … ერთი პერიოდი შარლ მიშელის კონსტიტუციაზე, მერე 12 მუხლიანი დავალებებზე, და გადავყევით კანდიდატის სტატუსს. ამ დროს, ჩვენ კარგად ვიცით, ჩავიხედოთ გულში, თუ რას იძლევა კანდიდატის სტატუსი? – არაფერს! და უფრო მეტსაც გეტყვით, თუ ჩვენ ვჭირდებით, ევროკავშირს, ან ნატოს, ისინი ჩვენ მიგვიღებენ, თუ მათი ინტერესი იქნება რომ მიგვიღონ. თუ არადა, რაც არ უნდა გავაკეთოთ ჩვენ, არ მიგვიღებენ და არც მაქვს მაგის იმედი.
რა არის ამ 12 მუხლში? ერთი მუხლია, დეოლიგარქიზაცია… რომელ ოლიგარქიზაციაზეა საუბარი, თუ ორი, სამი მდიდარი ადამიანი აღმოჩნდა საქართველოში, რომელი მდიდარი ქართველი ჩამოვა აქ, რომ ეს კანონი მოირგოს თავის თავზე. ევროპის რომელ წარმატებულ ქვეყანაშია მსგავსი კანონი? … თუ კანონირად გამოიმუშავებს ადამიანი ფულს, ეს იმის საქმე და მისი უფლებაა.
ჩემი შეხედულება მაქვს, სახალხო დამცველის აპარატთან დაკვშირებით. თუ იქნება კანონის უზენაესობა, სახალხო დამცველი და მისი აპარატი საჭირო არ იქნება. არავითარი სახალხო დამცველი არ სჭირდება ქვეყანას, ისევე როგორც არ სჭირდება სახალხო დამცველის ინსტიტუტი საფრანგეთს, გერმანიას, ინგლისს, ამერიკის შეერთებულ შტატებს.
პარლამენტის თავმჯდომარემ შალვა პაპუაშვილმა თავის ანგარიშში დრო დაუთმო ევროკავშირის 12 პუნქტის შესრულების საკითხს. დღეს ეს არავის არ სჭირდება. ქვეყანას სჭირდება ეკონომიკური მოგება.
მნიშვნელოვანია, რომ ორ ნიშნა მოგება გახდეს მეტი და ყველაფერი გაკეთდეს ამისათვის. ეს უნდა მოხდეს სწორი პოლიტიკით. თქვენ სასწორზე ხართ და ღმერთმა ქნას, რომ გაუძლოთ ამ შემოტევას. ბევრს უნდა, რომ ჩვენ კვლავ მშივრები და ხელგაწვდილი ვიყოთ. მე მახსოვს ცუდი პერიოდი, როცა პური არ იყო საქართვლოში და მაშინდელი ვიცე პრემიერი ჩადიოდა აზერბაიჯანის პრეზიდენთთან, რომ ის პური, რომელიც მათთან ფოთიდან უნდა შესულიყო, ორი თვით დაეთმო საქართველოსთვის. ასეთი პერიოდი იყო, მაგრამ ეხლა სულ სხვა დროა. კვლავ უნდა დავბრუნდეთ იქ? მე მგონია, რომ იქ არ უნდა დავბრუნდეთ.
12 მუხლში წერია, მოწყვლადი ჯგუფების ინტერესების დაცვა. ამ დროს იქ არ წერია ჩვენი ქვეყნის ტრადიციების, ადათ-წესების დაცვის შესახებ. წერია მხოლოდ ის, რაც აინტერესებთ ვიღაცეებს, იმისათვის, რომ ქვეყენა დაინგრეს.
თუ ქვეყანაში არ იქნება იდეოლოგია, რომელიც დაფუძნებული იქნება ქვეყნის სიყვარულზე, ჩვენს ისტორიაზე, არაფერი არ გამოვა. ვისაც ისტორია არ აქვს, მას მომავალი არ ექნება, დამერწმუნეთ. სწორედ, ამ ხაზმა ამ ხერხემალმა გადაარჩინა საქართველო. ხოლო იმპერიები, რომლებიც საუკუნეების განმავლობაში იყვნენ, დღეს მათი ნატამალიც კი არ არის. საქართველო კი, არის და დარჩება. ღმერთმა ქნას ასე.
როცა, არჩილ თალაკვაძე იყო თავმჯდომარე, მე პარლამენტში დავსვი ეს საკითხი, რომ კარგი იქნებოდა, საპარლამენტო ოპოზიციას ჰქონოდა კვოტა კანონების მიღებასთან დაკავშირებით. რა თქმა უნდა, თქვენ ხართ უმრავლესობა, იღებთ კანონებს, მაგრამ იმ უმცირესობასაც მივცეთ საშულება შემოიტანოს კანონი, რომელიც იქნება რეალურად მიღებული. დავაწესოთ ამაზე კვოტა. ყველაფერზე კვოტაა დაწესებული და ამაზეც დავაწესოთ კვოტა. პირობითად ოპოზიციის კვოტა იყოს 10 კანონის მიღება.
ეს უფრო უკეთესია ვიდრე ის, რომ თქვენ მიიღეთ კანონი, რომლის მიხედვითაც 90 ხმა სჭირდება ცესკოს თავმჯდომარის არჩევას. იგივე იუსტიციის საბჭოს წევრების არჩევის საკითხი.
ამიტომ დააბრუნეთ ის კანონები და გააკეთეთ საქმე. ნუ ვაჭრობთ. ამიტომ არაფერი არ გამოვა. როგორც უმრავლესობამ აიღეთ პასუხისმგებლობა ამ საკითხებზე. პრემიერ მინისტრს ირჩევთ თქვენ უმრავლესობით და იუსტიციის საბჭოს წვერის არჩევას 90 ხმა სჭირდება.
📍 საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ ქვეყნის უმაღლეს საკანონმდებლო ორგანოში საპარლამენტო უმრავლესობას მოუწოდა კანონშემოქმედებითი საქმიანობა წარმართონ მხოლოდ და მხოლოდ ქვეყნისა და ხალხის ინტერსებიდან გამომდინარე.
🔴 პოლიტიკური ჯგუფის თავმჯდომარემ თავის გამოსვლაში, მიმოიხილა გასული წლის ყველაზე აქტუალური პოლიტიკური თემები, რასაც წინ უძღოდა საქართველოს პარლამენტის თავმჯდომარის შალვა პაპუაშვილის მოხსენება 2022 წელს პარლამენტის მიერ გაწეული საქმიანობის შესახებ.
🔴 ფრიდონ ინჯიამ ხაზი გაუსვა ევროკავშირის „ხელოვნურად მოგონილ და შემუშავებულ“ 12 პუნქტიან მოთხოვნას, რომელიც პრაქტიკულად, გახლდათ 2022 წლის პოლიტიკური დღის წესრიგის მთავარი საკითხი. პოლიტიკური ჯგუფის თავმჯდომარე თვლის, რომ ამ საკითხებზე მუშაობა დროის ტყუილად კარგვაა და უმჯობესია ქვეყნის უმაღლესმა საკანონმდებლო ორგანომ მიიღოს ისეთი მნიშვნელოვანი კანონები, რომლებიც ქვეყანაში გააუმჯობესებს ეკონომიკურ თუ სოციალურ მდგომარეობას, რომელიც შექმნის საფუძველს და გარანტიას მოქალაქეებს ჰქონდეთ სტაბილური და ნორმალური ცხოვრების პირობები.
🔴 დეპუტატმა ასევე, ყურადღება გაამახვილა სახელმწიფოსთვის ისეთ ფუნდამენტურ და პრინციპულ საკითხებზე, როგორიც არის ქვეყნის ისტორიის, ტრადიციებისა თუ ადათ-წესების შენარჩუნება, რაზედაც დგას სახელმწიფო და რაც ძირითადი ხერხემალია ქვეყნის იდენტობის შესანარჩუნებლად.
„მოგესალმებით კოლეგებო.