პოლიტიკური პარტია „ევროპელი სოციალისტების“ თავმჯდომარე ფრიდონ ინჯია და პარტიის პოლიტიკური გუნდი ამერიკის შეერთებული შტატების სახელმწიფო დეპარტამენტის მხრიდან მიღებულ გადაწყვეტილებას სასამართლო ხელისუფლების წარმომადგენელთა მიმართ სანქციების გამოყენების შესახებ აფასებს, როგორც საქართველოს დამოუკიდებელ, სუვერენული სახელმწიფოს სასამართლო სისტემაზე უხეშ ჩარევად.
„აშშ-ს მხრიდან საქართველოს ხელისუფლებაზე ზეწოლა გრძელდება. ეს არის უხეში ჩარევა დამოუკიდებელი, სუვერენული სახელმწიფოს სასამართლო სისტემაზე. უცნობია, თუ რა ინფორმაციის საფუძველზე იღებს ამერიკის სახელმწიფო დეპარტამენტი ასეთ გადაწყვეტილებას, რითაც აყენებს შეურაცხყოფას საქართველოს და მის მოსახლეობას“. – ნათქვამია განცხადებაში.
„ცხადია, ამ კონკრეტულ შემთხვევაში დასანქცირება მოგონილი თემაა. ამერიკის სახელმწიფო დეპარტამენტი უცხო ქვეყნების მიმართ საკმაოდ მკაცრ სავიზო პოლიტიკას ატარებს, მათ შორის, საქართველოსთან მიმართებაშიც. ჩვენს ხელთ არსებული მონაცემებით, 2021 წელს, საქართველოში აშშ-ს საელჩომ, ამერიკაში გამგზავრების მსურველთა დაახლოებით 70% -ს უთხრა უარი ვიზის მიღებაზე – ასე ვთქვათ, ათასობით საქართველოს მოქალაქე „დაასანქცირა“. დღეს მათ შორის არის სამი მოქმედი და ერთი ყოფილი მოსამართლე. ჩნდება გონივრული ეჭვი, რომ სასამართლო ხელისუფლების წარმომადგენელთა მიმართ სანქციების გამოყენების შესახებ გადაწყვეტილება, ამერიკის სახელმწიფო დეპარტამენტის ხელმძღვანელობის მიერ არის კარგად გამიზნული გეგმის ნაწილი, რომელიც ჩვენი აზრით, მიზნად ისახავს, ქვეყანაში რადიკალურ-დესტრუქციული და ფსევდო დემოკრატიული პოლიტიკური ჯგუფების წახალისებას, შემდგომი არეულობითა და დესტაბილიზაციით ხელისუფლების არასაარჩევნო გზით შესაცვლელად“. – აღნიშნულია განცხადებაში.
„ეს არის პოლიტიკური აქცია, იმ დიდი გეგმის ნაწილი, რომელიც გადაწყვეტილი აქვს ამერიკის შეერთებულ შტატებს, რაც მიმართულია საქართველოს სასამრთლო სისტემის გაკონტროლებისკენ, რათა მართლმსაჯულება საქართველოში გადავიდეს ფსევდო ლიბერალური ძალების სრული კონტროლის ქვეშ, რითაც ხელისუფლების ეს შტო გახდება ადვილად მართვადი საბოლოო მიზნის – არჩეული ხელისუფლების შესაცვლელად. ხოლო ეს რევოლუციური, თუ ვადამდელი არჩევნების გზით მოხდება, გარე თუ შიდა რადიკალური ჯგუფების პოლიტიკური გემოვნების საკითხია“. – აღნიშნულია განცხადებაში.
„ხაზგასმით გვინდა აღვნიშნოთ, რომ თუ მართლაც არსებობს მასშტაბური კორუფციული სქემები და მათი დამადასტურებელი ფაქტობრივი მასალები, ჩვენს ქვეყნებს აქვთ მრავალწლიანი თანამშრომლობის გამოცდილება სახელმწიფოს სამართალდამცავი სტრუქტურების დონეზე, რაც საკმაოდ ეფექტურად შეიძლება იყოს გამოყენებული ამ კონკრეტულ შემთხვევაშიც. მით უფრო, თუ გავითვალისწინებთ, რომ ბოლო მონაცემებით კორუფციის აღქმის ინდექსით საქართველო სტაგნაციას განიცდის და ევროპის მრავალ ქვეყანას უსწრებს წინ“.- აღნიშნულია განცხადებაში.
„მოვუწოდებთ აშშ-ს სახელმწიფო დეპარტამენტის ხელმძღვანელობას და გადაწყვეტილებების მიმღებ პირებს, ნუ მიაყენებენ ჩრდილს საქართვლოსა და ამერიკის შეერთებულ შტატებს შორის არსებულ 30 წლიან მეგობრულ და პარტნიორულ ურთიერობას, რომელიც არ შედის ჩვენი ხალხების ინტერსებში“. – ნათქვამია განცხადებაში.
კიდევ ერთხელ მოგიწოდებთ, სახელმწიფოში დაამკვიდროთ კანონის უზენაესობა, აღადგინეთ სასჯელის შეკრებითობის პრინციპი. კანონის წინაშე ყველა უნდა იყოს თანაბარი – ფრიდონ ინჯია
2005 წლის 10 მაისს, ამერიკის პრეზიდენტის ჯორჯ ბუშის საქართველოში ვიზიტისას, თავისუფლების მოედანზე მიმდინარე ცერემონიალის დროს, ვოვა არუთინიანმა ამერიკის პრეზდენტის წინააღმდეგ ტერაქტის მოწყობა სცადა.
დამნაშავის იდენტიფიცირება გეოსტაციონალურ ორბიტაზე, (რომლის სიმაღლე არის 35დან 40 კილომეტრამდე, ესე იგი, 35 ათასი მეტრი) გადაღებული ფოტო-სურათით მოხდა. ტერაქტის შედეგად არავინ არ დაშავებულა. არუთინიანს სამუდამო პატიმრობა შეეფარდა.
7-9 მარტს პარლამენტთან აქციის დროს ე.წ. მოლოტოვის კოქტეილების სროლისას აქციის მონაწილეთა და პოლიციელებს შორის მანძილი 10 მეტრიც არ იყო.
ამის გათვალისწინებით, გაუგებარი მიზეზებით, დღეს რატომღაც შეუძლებელი ხდება იმ პირთა დადგენა, რომლებმაც 7-9 მარტის აქციის დროს დააზიანეს სახელმწიფო ქონება და გამოიყენეს ე.წ. მოლოტივის კოქტეილები პოლიციელების წინააღმდეგ, მათი სიცოცხლის მოსპობის მიზნით.
დაკავებულია აქციის მონაწილე ლაზარე გრიგორიადისი. ცალკეული გარე ძალების მხრიდან ქართულ მართლმსაჯულებაზე მიმდინარეობს ზეწოლა საკმაოდ მგრძნობიარე თემაზე აპელირებით, რამაც შესაძლოა მიგვიყვანოს დაუსჯელობის სინდრომის დამკვიდრებამდე, ისევე როგორც ეს ხდება პატიმარ სააკაშვილის შემთხვევაში.
დღეისთვის, სასჯელის აღსრულება ხდება რამდენიმე ფორმით: პენიტენციურ დაწესებულებაში, შინა პატიმრობის გამოყენებით, ან ფსიქიატრიული პრობლემების შემთხვევაში, შესაბამის სამკურნალო დაწესებულებაში.
სახეზე გვყავს ახალი კლასტერი, მსჯავრდებულთა ჯგუფი, ბრალდებულთა კატეგორია, რომლებიც პირდაპირ თუ ირიბად სახელმწიფოსგან და საზოგადოებისგანაც მოითხოვენ კანონის გვერდის ავლით ახალი და მათზე მორგებული განსაკუთრებული მიდგომების დამკვიდრებას. მაგალითად, სააკაშვილს დახურული სივრცის შიში აქვს, მიუხედავად იმისა, რომ გვერდში დედა უზის და მოითხოვს თავისუფალ გარემოში ყოფნას, ოღონდ, არა დედასთან, არამედ სხვებთან ერთად. ლაზარეს შემთხვევაში, კი აპელირება ხდება მის გარეგნობაზე, იმიჯზე, მაგალითად, თმის შეფერილობაზე, რაც მისი მხარდამჭერების აზრით, ბრალდებულის განთავისუფლების საფუძველი უნდა გახდეს. ბარემ ხომ არ შეგვეტანა სისხლის სამართალში ახალი მუხლი, ამ კლასტერის კატეგორიისთვის? … ან საინტერესო იქნება, ხელისუფლებამ რომ გარეგნული იმიჯი შეიცვალოს, მაგალითისთვის, მამაკაცებმა თმები რომ გადაიღებონ, მაშინ „სამართლიანი“ და მისაღები იქნებოდა მათი გადაწყვეტილებები კანონის აღსრულების კუთხით ?! …
კიდევ ერთხელ მოგიწოდებთ, სახელმწიფოში დაამკვიდროთ კანონის უზენაესობა, აღადგინეთ სასჯელის შეკრებითობის პრინციპი. კანონის წინაშე ყველა უნდა იყოს თანაბარი – რასის, ფერის, რწმენის, ორიენტაციის, პოლიტიკური შეხედულებისა, თუ თანამდებობის მიუხედავად.
საქართველოს პრეზიდენტის დღევანდელი გამოსვლა ქვეყნის უმაღლესი საკანონმდებლო ორგანოს წინაშე მიმართულია ქვეყანაში პოლარიზაციის გაღრმავებისკენ;
ამის შესახებ საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის რიგგარეშე სხდომაზე განაცხადა, სადაც საქართველოს პრეზიდენტი სალომე ზურაბიშვილი წლიური ანგარიშით წარდგა.
„საქართველოს პრეზიდენტის დღევანდელი გამოსვლა და ბოლო პერიოდის ყველა განცხადება არის მიმართული ქვეყანაში პოლარიზაციის გაღრმავებისკენ“, – განაცხადა ფრიდონ ინჯიამ.
პოლიტიკური ჯგუფის თავმჯდომარემ გამოთქვა იმედი, რომ პრეზიდენტი მისი უფლებამოსილების ვადის ამოწურვამდე გააკეთებს ისეთ განცხადებებს, რომელიც მიმართული იქნება ქვეყნის ინტერსებისკენ, რითაც იგი სახელმწიფოს მშენებლობისა და განვითარების საქმეში საკუთარ მცირე წვლილს შეიტანს.
„ქალბატონო სალომე, თქვენ ჯერჯერობით გაქვთ კიდევ ერთი წელი საპრეზიდენტო ვადის ამოწურვამდე, და მე გთხოვთ, გააკეთოთ ისეთი განცხადებები, რომელიც ჩაგეთვლებათ ქვეყნის ინტერსების სასარგებლოდ გადადგმულ ნაბიჯად, ქართული სახელწმიფოს გადარჩენისკენ გადადგმულ ნაბიჯად – ამაში იგულისხმება საქართველოს მოქალაქეების ინტერესები, ამაში შედის ქართული დიასპორის ინტერსებიც. სხვა დიდი უფლებამოსილება თქვენ არ გაგაჩნიათ. ამიტომ, თუ ამას გააკეთებთ, ქართული სახელმწიფოს გადარჩენის საქმეში თუნდაც სულ პატარა ზომის აგურის დადებად ჩაგეთვლებათ.
რა მაძლევს მე უფლებას, რომ თქვენ ასე გესაუბროთ?
საპრეზიდენტო არჩევნების მეორე ტურის დროს, მიუხედავად იმისა, რომ ჩვენ ოპოზიციური პარტია ვართ, ორი კვირის განმავლობაში სამეგრელოში დღე და ღამე გავასწორეთ და იმ ძალიან რთულ რეგიონში თქვენ რვავე რაიონში გაიმარჯვეთ. აი, ეს მაძლევს მე იმის თქმის უფლებას, რომ ხელები არ ჩამოვუშვათ და პრეზიდენტი, რომელსაც ხმა მივეცით, ქვეყნისთვის საჭირო საქმეებს გააკეთებს“, – განაცხადა ფრიდონ ინჯიამ.
დეპუტატმა თავის გამოსვლაში მიმართა ქვეყნის პრეზიდენტს, გააკეთოს განმარტება თავისი განცხადებებიდან გამოდინარე, თუ რა განსხვავებას ხედავს იგი 7-8 მარტის მოვლენებსა და ამერიკის შეერთებულ შტატებში, კაპიტოლიუმში აქციის მონაწილეთა შეჭრის ფაქტს შორის.
„ქალბატონო პრეზიდენტო, რა განსხვავებას ხედავთ თქვენ, ამერიკის შეერთებული შტატების კონგრესში საპროტესტო აქციის მონაწილეთა შეჭრასა და საქართველოს პარლამენტის შენობაზე აქციის მონაწილეთა მხრიდან შტურმს შორის?
თუ იქ, კაპიტოლიუმში შეჭრა მიჩნეულია უკანონო ქმედებად და დამნაშავეები დაისაჯნენ – მათ მიესაჯათ 10-15 და მეტი წელი, აქ საქართველოში შეიძლება თუ არა, რომ რადიკალურმა ჯგუფებმა განახორციელონ შტურმი პარლამენტის შენობაზე, ცეცხლი წაუკიდონ მას და არაერთგზის გამოიყენონ მოლოტოვის კოქტეილები პოლიციელების სიცოცხლის ხელყოფისთვის?
თქვენ, თქვენი განცხადებებით, მხარდაჭერას უცხადებთ იმ ადამიანებს, რომლებიც შეცდომაში არიან შეყვანილნი, რომლებიც ცეცხლს უკიდებდნენ პარლამენტს და თავს ესხმოდნენ სამართალდამცავებს, უმოწყალოდ ანადგურებენ სახელმწიფოს ინფრასტრუქტურას და ქონებას. იყო თუ არა ეს ქმედებები კონსტიტუციურ ჩარჩოებში?
როგორ ისჯებიან ის ადამიანები, რომლებიც ხელს აღმართავენ პოლიციელებზე ამერიკაში? აქ, 7-8 მარტის აქციის დროს რამდენი დასახიჩრდა? დაისაჯნენ დამნაშავეები? ან თუ დაისჯებიან, ფიქრობთ თუ არა მათ შეწყალებას?“ – მიმართა პრეზიდენტს ფრიდონ ინჯიამ.
დეპუტატმა იმედი გამოთქვა, რომ მოვა დრო, როცა 7-8 მარტის აქციის მონაწილეები სიმართლეს გააცნობიერებენ და ყველაფერს თავისი სახელი დაერქმევა.
პოლიტიკური ჯგუფის თავმჯდომარემ პრეზიდენტს შეახსენა იმ პოლიტიკური თამაშის წესებისა და თანამშრომლობის გუნდური პრინციპების შესახებ, რომელი პრინციპების დაცვითაც უნდა მოქმედებდნენ სახელმწიფოში უმაღლესი პოლიტიკური თანამდებობის მქონე პირები.
„მე მინდა გესაუბროთ იმ თამაშის წესებზე, რა თამაშის წესებითაც თქვენ მოევლინეთ საქართველოს პრეზიდენტად.
ყველას გვყავს შვილები, ოჯახები და ვიცით, თუ რა პასუხისმგებლობა გვაქვს მათ წინაშე. საქართველოში არსებობს ბევრი ისტორიული მაგალითი, სადაც ჩვენი მეფეები, სახელმწიფო მოღვაწეები და პირველი პირები ქვეყნის ინტერსებს ყოველთვის ყველაფერზე მაღლა აყენებდნენ. შეგახსენებთ, როცა თქვენ იყავით საგარეო საქმეთა მინისტრი და მოგიწიათ გადადგომა, სწორედ იმიტომ მოგიწიათ ამ გადაწყევტილების მიღება, რომ არ იცოდით თამაშის წესები. „ნაციონალურმა მოძრაობამ“, მიუხედავად ჩემთვის მიუღებელი ბევრი ფაქტორისა, იცის თამაში წესების დაცვა და ხალხი, რომელიც თქვენ შეკრიბეთ არ გეგონოთ, რომ ვინმე თქვენი პატივისცემით მოვიდა ამ შეკრებაზე. მათ ჰქონდათ პროტესტი წინა ხელისუფლების მიმართ. აქედან გამომდინარე, თქვენ იფიქრეთ და მიიღეთ ის ლეგიტიმაცია, რომ თქვენ შეგეძლოთ ხალხის სახელით საუბარი. (სალომე ზურაბიშვილმა 2005 წელს, მისი საგარეო საქმეთა მინისტრის თანამდებობიდან გადაყენების შემდეგ შეკრიბა მოსახლეობა იპოდრომზე).
ნუ დაგავიწყდებათ, რომ თამაშის წესი თქვენ შემოგთავაზათ „ოცნებამ“. თქვენ ხომ დათანხმდით და მიეცით პირობა „ქართული ოცნების“ მაშინდელ თავმჯდომარეს, რომ იქნებოდით თავდადებული საქართველოსთვის და ღირსეულად შეასრულებდით იმ მოვალეობას, რაც გევალებათ პრეზიდენტის რანგში. მანაც, მხედველობაში მყავს ბატონი ბიძინა ივანიშვილი, მოგცათ პირობა, რომ გააგრძელებდა საქართველოსთვის კოლოსალური ფინანსური დახმარების გაწევას, რასაც ასრულებს კიდეც, საქართევლოს ინეტერსებიდან გამომდინარე, პოლიტიკიდან წასვლისა და მასზე არსებული უპრეცედენტო ზეწოლის მიუხედავად, რომელსაც ვერც კი შეედრება თქვენზე ზეწოლა და არსებული ვალდებულებები.
მე მჯერა, რომ დღეს თქვენზე არის ზეწოლა, მაგრამ თქვენ ამაზე მაღლა უნდა დადგეთ და ამის თაობაზე მე შემიძლია მაგალითები მოვიყვანო. გნებავთ, ისრაელის მაგალითი, სადაც ქვეყნის პრემიერ-მინისტრი და ეროვნული უშიშროების ხელმძღვანელი ამბობს, რომ ისრაელი დამოუკიდებელი ქვეყანაა, მათ თავიანთი სახელმწიფო ინტერსები აქვთ და იგი არასოდეს გახდება კიდევ ერთი დამატებითი ვარსკვლავი ამერიკის დროშაზე.
„ჩვენ პატივს ვცემთ აშშ-ს დემოკრატიულ სისტემას, მაგრამ მათ უნდა ახსოვდეთ, რომ ისრაელი დამოუკიდებელი სახელმწიფოა და არა უბრალოდ კიდევ ერთი ვარსკვლავი ამერიკის დროშაზე“,- ისრაელის ეროვნული უშიშროების მინისტრი.
„ისრაელი სუვერენული ქვეყანაა, რომელიც გადაწყვეტილებებს იღებს თავისი ხალხის ნების შესაბამისად და არა უცხოეთიდან, მათ შორის, საუკეთესო მეგობრების მხრიდან ზეწოლის შედეგად“, – ისრელის პრემიერ-მინისტრი.
ფრიდონ ინჯიამ თავის გამოსვლაში პრეზიდენტს ასევე, შეახსენა საქართველოს სტრატეგიული პარტნიორის, მეზობელი ქვეყნის, თურქეთის ხელისუფლების პოზიციის შესახებ, რომელიც დეპუტატის განცხადებით, ნატოს წევრი ქვეყნაა და გამუდმებით იბრძვის საკუთარი ხალხისა და ქვეყნის ინტერესებისთვის.
ამასთან, პოლიტიკური ჯგუფის თავმჯდომარეს მიაჩნია, რომ ქვეყნის პრეზიდენტს და ხელისუფლებას სწორად უნდა ჰქონდეს გააზრებული სტრატეგიული მნიშვნელობის მეზობელი ქვეყნების როლი საქართველოსა და ქართველი ხალხის ინტერსებიდან გამომდინარე.
„ჩვენი ქვეყნისთვის ეკონომიკურად ნამდვილი სტრატეგიული მეზობელი ქვეყნები არიან: აზერბაიჯანი, თურქეთი, რუსეთი, ყაზახეთი, საიდანაც საქართველო იღებს ძირითად ენერგომატარებლებს – გაზს, ნავთობს, ელექტროენერგიას, პირველადი მოხმარების აუცილებელ პროდუქტს, რაც იძლევა საშუალებას გაძლიერდეს და გამყარდეს საქართველოს ეკონომიკა“, – განაცხადა დეპუტატმა.
ფრიდონ ინჯიამ უარყოფითად შეაფასა ქვეყნის პრეზიდენტის მიერ გაკეთებული განცხადება, რომლის მიხედვითაც სალომე ზურაბიშვილი მხარს არ უჭერს საქართველო-რუსეთს შორის საჰაერო მიმოსვლის აღდგენის საკითხს.
„ვფიქრობ, წინდაუხედავად აკეთებთ განცხადებებს, ერთ მილიონამდე ქართველის ინტერესებისა და საქართველოში მცხოვრები მათი ნათესავების ინტერესების საწინააღმდეგოდაც, რომელთა რაოდენობაც მილიონს აღემატება, რომლებმაც თქვენ ხმა მოგცათ.
მიმაჩნია, რომ საქათველო-რუსეთს შორის საჰაერო მიმოსვლის აღდგენა ეს არის ჰუმანიტარული აქტი, რომ ხალხს ჰქონდეს მიმოსვლა ერთმანეთთან. ჩვენ ყველანაირად უნდა ვეცადოთ რომ მაქსიმალურად გავუადვილოთ ყოფა საქართველოში და რუსეთში მცხოვრებ ჩვენს მოქალაქეებს და თანამემამულეებს ურთიერთმიმოსვლის კუთხით. უნდა ვეძებოთ და გავამყაროთ ეკონომიკური ურთიერთობები, რომლებიც მომგებიანი იქნება ორივე ქვეყნისთვის. სწორედ ეს იქნება ხიდი, რომელზეც გაივლის იმ ჩვენი დიდი პრობლემის, გულისტკივილის გადაწყვეტა, რასაც საქართველოს გამთლიანება ჰქვია.
საჰაერო მიმოსვლის აღდგენა საკმაოდ დიდ შეღავათს მისცემს როგორც სახელმწიფოს ეკონომიკას ასევე, ჩვენს თანამოქალაქეებს და შეზღუდვის დაწესებისა და ფრენების აკრძალვის შემთხვევაში ვინ დააკომპენსირებას იმ ზარალს?
თქვენი მხრიდან გაკეთებული განცხადებები ეს ხომ საქართველოს ინტერესების წინააღმდეგ მიმართული ქმედებაა? ვინ აგებს ამაზე პასუხს? რატომ საუბრობთ ასე? ვისი პრეზიდენტი ხართ თქვენ?“ – მიმართა პრეზდენტს ფრიდონ ინჯიამ.
საზღვარგარეთ ქართულ დიასპორებს უდიდესი წვლილი მიუძღვით ქართულ ეკონომიკაში ლარის გამყარებასა და ფულადსაკრედიტო სისტემის სტაბილურობაში;
საქართველოს ხელისუფლებისთვის დღეს უმძიმესი ამოცანაა მიგრაციის შეჩერება, სხვა შემთხევაში საქართველო როგორც სახელმწიფო აღარ იარსებებს და სხვადასხვა ქვეყნებში იქნება ქართული დიასპორის სახით გაბნეული;
რუსეთის ფედერაციაში მცხოვრები ერთ მილიონამდე ქართული დიასპორა, სახალხო დიპლომატიის გამოყენებით, უნდა გახდეს ხიდი რუსეთთან პირდაპირი დიალოგის დაწყებისა;
ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ დიასპორის საკითხთა კომიტეტის სხდომაზე განაცხადა.
საქართველოს პარლამენტის დიასპორის საკითხთა კომიტეტის სხდომაზე საგარეო საქმეთა სამინისტროს დიასპორასთან ურთიერთობის დეპარტამენტის მიერ 2022 წელს გაწეული საქმიანობის შესახებ ინფორმაცია მოისმინეს, რომელიც საგარეო საქმეთა მინისტრის მოადგილემ ვლადიმერ კონსტანტინიდმა წარმოადგინა.
პოლიტიკური ჯგუფის თავმჯდომარემ ფრიდონ ინჯიამ საგარეო საქმეთა მინისტრის მოადგილის მხრიდან მოითხოვა განმარტება, თუ რა პრინციპით ახდენს სამინისტრო სხვადასხვა ქვეყნებში ქართული დიასპორის აღრიცხვას, რადგანაც მინისტრის მოადგილის მხრიდან წარმოდგენილი ინფორმაცია როგორც დეპუტატმა აღნიშნა, გარკევულწილად უზუსტობებს შეიცავს.
მაგალითისთვის, ფრიდონ ინჯიამ დაასახელა თურქეთის რესპუბლიკა, იტალია და რუსეთის ფედერაცია, სადაც დიასპორის რაოდენობა არ შეესაბამება საგარეო საქმეთა სამინიტროს მიერ წარმოდგენილ ოფიციალურ ინფორმაციას. მით უფრო, თუ გავითვალისწინებთ საქართველოს პრემიერ-მინისტრის ირაკლი ღარიბაშვილის განცხადებას იმის შესახებ, რომ მაგალითად, რუსეთის ფედერაციაში მილიონამდე ჩვენი თანამემამულე ცხოვრობს.
დეპუტატის შეფასებით, საგარეო საქმეთა სამინიტროს უნდა ჰქონდეს სრული ინფორმაცია თუ რა კონკრეტული ეკონომიკური წინსვლა ხდება საზღვარგარეთ მოღვაწე ქართული დიასპორების მეშვეობით საქართველოში, იგივე ექსპორტისა თუ, ფულადი გზავნილებისა და სხვადასხვა ეკონომიკური მაჩვენებლებიდან გამომდინარე.
„მოსახლეობას უნდა ჰქონდეს ზუსტი ინფორმაცია, თუ რა სახის ეკონომიკური ურთიერთობა აქვს საქართვლოს ხელისუფლებას საზღვარგარეთ არსებულ ქართულ დიასპორებთან, რადგანაც საქართველოს ეკონომიკის განვითარება დიდ წილად დამოკიდებულია სწორედ იმ ფულად გზავნილებზე, რომელიც საზღვარგარეთ ქართული დიასპორის მხრიდან ხორციელდება და უნდა აღინიშნოს, რომ დიდი წილი სწორედ რუსეთის ფედერაციიდან მოდის. საზოგადოებამ და მოსახლეობამ უნდა იცოდეს, თუ რის საფუძველზე შეძლო სახელმწიფომ და მთავრობამ 2 ნიშნა ეკონომიკური ზრდის მიღწევა, რაც გახდა საფუძველი საჯარო სამსახურებსა და სამართალდამცავი ორგანოების თანამშრომელთათვის ხელფასების მინიმუმ 10 _% -იანი მატება მომხდარიყო. ცალსახაა, რომ საზღვარგარეთ ქართულ დიასპორებს უდიდესი წვლილი მიუძღვით ქართული ლარის გამყარებასა და ფულადსაკრედიტო სისტემის სტაბილურობაში“. – განაცხადა ფრიდონ ინჯიამ.
პოლიტიკური ჯგუფის თავმჯდომარე კომიტეტის სხდომაზე ასევე, დაინტერესდა სამინისტროს სამომავლო ხედვებითა და გეგმებით ახალგაზრდა ელჩებთან მიმართებაში.
„გაქვთ თუ არა ახალგაზრდა ელჩების კადრების ბანკი, რომელიც სამინიტროს ექნება ერთგვარი რეზერვის სახით, რადგანაც მიმაჩნია, რომ სამინისტროს ზუსტად უნდა ჰქონდეს განსაზღვრული, თუ როგორ გამოიყენოს მათი ცოდნა და შესაძლებლობა სამშობლოს გასაძლიერებლად“. – განაცხადა ფრიდონ ინჯიამ.
დეპუტატმა ყურადღება გაამახვილა ქვეყნიდან მოსახლეობის გადინების პრობლემაზე, რომლის მოგვარებაც, მისი შეფასებით, ხელისუფლებისთვის უმძიმესი ამოცანაა და იგი უნდა გადაიჭრას.
„მიმაჩნია, რომ საგარეო საქმეთა სამინიტრო და დიასპორის დეპარტამენტის მთავარი ფუნქცია უნდა იყოს ქვეყნიდან წასული თანამოქალაქეების უკან დაბრუნება და თუ მათი დაბრუნება ვერ ხერხდება, სახელმწიფომ მაქსიმალურად უნდა გამოიყენოს მათი შესაძლებლობები ქვეყნის ინტერსებიდან გამომდინარე. სხვა შემთხვევაში საქართველო როგორც სახელმწიფო აღარ იარსებებს და იქნება სახვადასხვა ქვეყნებში დიასპორის სახით გაბნეული. მოგეხსენებათ, არიან ასეთი ერები, რომელთაც სახელმწიფო არ აქვთ და ისინი სხვადსხვა ქვეყნებში არიან გარკვეულ ჯგუფებად წარმოდგენილნი. თუ ჩვენ არ შევაჩერეთ მიგრაცია და მოსახლეობის გადინება, მაშინ საქართველო აღარ იქნება. ეს არის უმძიმესი ამოცანა, რომელიც ჩვენმა ხელისუფლებამ დღეს უნდა გადაწყვიტოს“. – განაცხადა ფრიდონ ინჯიამ.
პოლიტიკური ჯგუფის თავმჯდომარის აზრით, მიუხედავად იმისა, რომ საქართველოს რუსეთის ფედერაციასთან არ გააჩნია დიპლომატიური ურთიერთობა, საქართვლოს ხელისუფლებამ ყველაფერი უნდა გააკეთოს იმისთვის, რომ რუსეთში მოღვაწე ქართველი თანამემამულეების, კერძოდ, ბიზნესმენების პოტენციალი მაქსიმალურად გამოიყენოს ქვეყნის ინტერსების სასარგებლოდ.
დეპუტატმა მაგალითისთვის მოიყვანა ქართველი თანამემამულეების მიერ არც თუ ისე დიდი ხნის წინ რუსეთში შექმნილი ბიზნეს ასოციაცია, რომელიც საკმაოდ აქტიურად მუშაობს საქართველოსთვის მნიშვნელოვან სტრატეგიულ მიმართულებებზე, როგორიც არის ინვესტიციების მოზიდვა, ძირითადი ენერგო მატარებლები, ნავთობი, გაზი, ასევე, ხორბლისა და პირველადი მოხმარების პროდუქტების იმპორტი და მრავალი სხვა მნიშვნელოვანი საკითხი.
„ყველაფერი ის, რაც სტრატეგიული დანიშნულებისაა ქვეყნისთვის დიდ წილად შემოდის რუსეთიდან. დღეს ბევრი საუბარია სტრატეგიულ პარტნიორებზე, მაგრამ რეალობა არის ის, რომ ქვეყანა დგას იმ დიასპორებზე, რომლებიც საზღვარგარეთ მოღვაწეობენ და უმეტესი წილი რუსეთის ფედერაციაში მცხოვრებ ქართულ დიასპორაზე მოდის“. – აღნიშნა დეპუტატმა.
აქედან გამომდინარე, ფრიდონ ინჯიას აუცილებლად მიაჩნია სახელწიფოს როლის გააქტიურება საზღვარგარეთ მოღვაწე ქართულ დიასპორებთან მიმართებაში.
„რუსეთის ფედერაციაში ქართული დიასპორის ხელმძღვანელი დავით ცეცხლაძე დღეს ძალიან დიდ ქართულ საქმეს აკეთებს. იგი პრაქტიკულად, საელჩოს როლს ასრულებს და ყველანაირად ეხმარება ჩვენს თანამემამულეებს. იგი მუშაობს საქართველოსთვის მნიშვნელოვან სხვადასხვა კულტურულ, თუ ეკონომიკურ პროექტებზე. ამ ადამიანმა მოახერხა და სხვადასხვა დიასპორული ორგანიზაციების გაერთიანება შეძლო, რომლებიც ერთმანეთთან თანამშრომლობენ. სამწუხარო ფაქტია ის, რომ ბევრ ქვეყანაში დიასპორები ვერ ახერხებენ ურთიერთთანამშრომლობას და ხშირ შემთხვევაში ექიშპებიან ერთმანეთს. აქედან გამომდინარე, აუცილებელი და მნიშვნელოვანია სახელმწიფოს როლის გააქტიურება ქართულ დიასპორებთან უფრო მჭიდრო თანამშრომლობის თავლსაზრისით“.
„რუსეთის ფედერაციაში მცხოვრები ერთ მილიონამდე ქართული დიასპორა, სახალხო დიპლომატიის გამოყენებით, უნდა გახდეს ხიდი რუსეთთან პირდაპირი დიალოგის დაწყებისა. აქედან გამომდინარე, სახელმწიფოს მხრიდან სწორი და თანმიმდევრული პოლიტიკის გატარება იქნება საფუძველი, მოხდეს გარკვეული წინსვლა ორ ქვეყანას შორის პოლიტიკურ ურთიერთობაში. დიალოგის გარეშე შედეგი არ იქნება. თქვენ ხართ აღმასრულებელი ხელისუფლება, რომელიც ვალდებულია ქვეყნის ინტერსებიდან გამომდინარე გააკეთოს ის რაც, ქვეყანას სჭირდება და არ უსმინოს მას, ვისაც ჩვენს სამშობლოში თავისი ინტერსების გატარება სურს. იქმნება ასეთი შთაბეჭდილება, რომ თქვენი ნაბიჯები ამ მიმართულებით არ არის გაბედული და გარკვეული ფაქტორები გაბრკოლებთ. შესაძლოა ასე გკარნახობთ რომელიმე საელჩო, მაგრამ გარწმუნებთ, თქვენ უნდა იმოქმედოთ მხოლოდ ქვეყნის ინტერსებიდან გამომდინარე“.
„წინა ხელისუფლების ქმედებიდ შედეგად, საქართველომ დაკარგა ტერიტორიების 20% -ი და დღეს იქ სამხედრო ნაწილებია განლაგებული. ამით მათ, ამიერკავკასია დაბლოკეს. მათ ყველაფერი გარანტირებული აქვთ. 30 კილომეტრში დგანან. ამიტომ, ჩვენი ამოცანა უნდა იყოს, რომ როგორმე გამოვიდეთ მდგომარეობიდან. ჩვენ უნდა გამოვასწოროთ წინა ხელისუფლების შეცდომები, პირდაპირი დიალოგის დაწყების გარეშე კი, ჩვენ შედეგი არ გვექნება“. – მიაჩნია ფრიდონ ინჯიას.
დეპუტატმა ასევე, ყურადღება გაამახვილა შუა დერეფნის პროექტზე, რომელიც საქართველოს გეოპოლიტიკური მდებარეობიდან გამომდინარე, დღესდღეისობით უალტერნატივო და უმნიშვნელოვანესი პროექტია, ვინაიდან იგი შეიძლება იქცეს ქვეყნის დაცვისა და სტაბილურობის გარანტად.
ფრიდონ ინჯიამ საგარეო საქმეთა მინისტრის მოადგილეს ასევე, შეახსენა აზერბაიჯანის სახელწიფოს, როგორც ერთერთი უმნიშვნელოვანესი სტრატეგიული პარტნიორის როლი საქართველსოთვის და აღნიშნა, რომ ორ ქვეყანას შორის ურთიერთობის გაღრმავება აუცილებელი და საჭიროა.
პოლიტიკური ჯგუფის თავმჯდომარემ კომიტეტის წევრებს და სამინსიტროს წარმომადგენლებს შესთავაზა წინადადება, რომ საზღვაგარეთ უფრო მეტი ინტენსივობით მოეწყოს ქართული კულტურის დღეები და ამაში ქართული ტელევიზიების მეტი ჩართულობა და სატელევეზიო ეთერის უფრო აქტიურად გამოყენება, ძალზე შედეგიანი იქნება.
თავის მხრივ, საგარეო საქმეთა მინისტრის მოადგილემ ვლადიმირ კონსტანტინიდმა აღნიშნა, რომ ფრიდონ ინჯიას მხრიდან დასმული საკითხები და წინადადებები სამინისტროს სამომავლო გეგმაში აუცილებლად იქნება გათვალსიწინებული.
საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა უმაღლესი საკანონმდებლო ორგანოს ტრიბუნიდან, სადაც ინტერპელაციის წესით პრემიერ მინისტრს ირაკლი ღარიბაშვილს მოუსმინეს;
რას აძლევს საქართველოს მოსახლეობას ევროკავშირის კანდიდატის სტატუსი?
ევროკავშირის 12 პუნქტიანი რეკომენდაციიდან, დეპოლარიზაციის შესახებ მუხლის მთავარი ქვაკუთხედი, საქართველოს მოქმედი ხელისუფლების მიერ ხელისუფლების დათმობაა;
სიტუაციის დაძაბვა – არეულობა აწყობთ იმ დესტრუქციულ ძალებს, რომლებსაც არ აქვთ იმედი, რომ არჩევნების გზით გაიმარჯვებენ. ამიტომ, ამ პოლიტიკურ ბატალიებში უმთავრესია კანონის აღსრულება, კანონის უზენაესობა;
პოლიტიკური ჯგუფის თავმჯდომარემ თავის გამოსვლაში მიმოიხილა და შეაფასა მიმდინარე პოლიტიკური თემები და ასევე, ყურადღება გაამახვილა 7- 8 მარტს პარლამენტის წინ მიმდინარე აქციების შესახებ, რომელიც რადიკალური ძალების მიერ ე.წ. „აგენტების შესახებ“ კანონთან დაკავშირებით იყო ორგანიზებული.
დეპუტატის განცხადებით, საქართველოს ინტერესებიდან გამომდინარე, ბოლო 10 წლის განმავლობაში ქვეყნის ხელისუფლებამ ხელი მოეწერა ასოცირების ხელშეკრულებას, რომელიც სამართლებრივად განსაზღვრავს სახელმწიფოს ეკონომიკურ და გარკვეულ წილად, პოლიტიკურ ურთიერთობებს. ასოცირების ხელშეკრულება ასევე, ითვალისწინებს ევროკავშირთან თავისუფალ სავაჭრო ურთიერთობებს, რაც ფრიდონ ინჯიას აზრით, საქართველოს პირობებში სრულად არ არის გამოყენებული და აუცილებელია, რომ ამ თვალსაზრისით საქართველოს ხელისუფლებამ მეტი იმუშაოს.
პოლიტიკური ჯგუფის თავმჯდომარის განცხადებით, საქართველოს ასევე, ხელი აქვს მოწერილი შეთანხმებაზე, რომელიც ითვალისწინებს ევროკავშირთან უვიზოდ მიმოსვლას. ამასთანავე, მნიშვნელოვანია, რომ ასოცირების ხელშეკრულების გარდა, საქართველოს გააჩნია უფრო ღრმა, პირდაპირი პოლიტიკური და ეკონომიკური ურთიერთობები ევროკავშირის წევრ ქვეყნებთან, რომელიც მიღებულია ცივილიზებულ სამყაროში და ეს ძალიან მისასალმებელია.
„ყურადღება მინდა გავამახვილო საქართველოს ევროპულ პერსპექტივაზე, რომელიც ქვეყანას მიენიჭა შარშან, და მინდა ავღნიშნო, რომ ჩემთვის გაუგებარია თუ რას ითვალისწინებს ევროპული პერსპექტივა. სამი ქვეყნიდან, (უკრაინა, მოლდოვა, საქართველო) არსებული პარამეტრებით, ყველაზე მეტად კანდიდატის სტატუსს იმსახურებდა საქართველო და მისი ხელისუფლება.
თუნდაც, მაგალითისთვის, ავიღოთ საქართველოს სასამართლო სისტემა, რასთან დაკავშირებითაც დიდი აჟიოტაჟია ატეხილი რადიკალური პოლიტიკური ჯგუფების მხრიდან. მიუხედავად ამისა, ევროპული პარამეტრებით აღმოჩნდა, რომ საქართველოს სასამართლო სისტემა ერთერთი მოწინავეა.
ჩემთვის გაუგებარია, რას აძლევს მოსახლეობას ევროკავშირის კანდიდატის სტატუსი? მაგალითად, რას მიიღებს კანდიდატის სტატუსის მინიჭების შემთხვევაში, გლეხი ამბროლაურის რაიონში? ასევე, მე მაინტერესებს ერთი წლის განმავლობაში რა დაკარგა საქართველოს მოსახლეობამ ეკონომიკურად ამ გადაწყვტილებით? ევროკავშირის კანდიდატის სტატუსი, რას გვაძლევს იმაზე მეტს პრაქტიკულ გამოხატულებაში, რაც აქამდე უკვე მიღებული აქვს საქართველოს?
ამ კითხვებს ვსვამ იმიტომ, რომ ხელისუფლება ყველაფრისთვის მზად იყოს. ხოლო, საქართველოს მოსახლეობამ იცოდეს არსებობს თუ არა რაიმე სახის საშიშროება, გარდა იმ მუქარებისა, რომელიც ჩვენ ასე ხშირად გვესმის პოლიტიკური ზეწოლის სახით“. – განაცხადა ფრიდონ ინჯიამ.
პოლიტიკური ჯგუფის თავმჯდომარე დარწმუნებულია, რომ ევროკავშირის 12 პუნქტიდან, დეპოლარიზაციის შესახებ ევროკაშირის მოთხოვნის შესრულება პრაქტიკულად შეუძლებელია, რადგანაც დეპოლარიზაციის ქვაკუთხედი საქართველოს მოქმედი ხელისუფლების მიერ ხელისუფლების დათმობაა.
დეპუტატის განცხადებით, ბოლო წლების განმავლობაში, მუდმივად მიდის სპეკულირება და აპელირება სტრატეგიული პარტნიორების პოზიციასთან დაკავშირებით ქვეყნის სხვადასხვა მნიშვნელოვან საკითხებთან მიმართებაში, და პრაქტიკულად, სტრატეგიული პარტნიორების ირგვლივ ტრიალებს საქართველოს პოლიტიკური დღის წესრიგი.
„მე მაინტერესებს, იღებს თუ არა საქართველო სტრატეგიული პარტნიორების მხრიდან იმ სასიცოცხლო დანიშნულების ენერგო მატარებლებს როგორიც არის, ელექტროენერგია, ნავთობპროდუქტები, გაზი, ხორბალი, კარაქი, ზეთი, შაქარი, თევზი, მაკარონი, ბრინჯი, ბურღულეული და ა.შ., რომლითაც ივსება საქართველოს მოსახლეობის ძირითადი სამომხმარებლო კალათა. და თუ ეს ასეა, მისი შეწყვეტის შემთხვევაში, გააჩნია თუ არა ხელისუფლებას ალტერნატიული გზები? გვაქვს თუ არა ენერგო მატარებლების და ძირითადი სამომხმარებლო პროდუქტების შემოტანის ალტერნატივა და რამდენად ეკონომიური იქნება ეს ალტერნატივა ქვეყნისთვის?“ – განაცხადა ფრიდონ ინჯიამ.
დეპუტატმა გარკვეულ წილად პარადოქსი უწოდა იმ გარემოებას, როდესაც რუსეთ-უკრაინას შორის მიმდინარე საომარი მოქმედებების მიუხედავად, უკრაინა ენერგო მატარებლის გატარებაზე, როგორიც არის ბუნებრივი აირი, რუსეთის ხელისუფლებას წელიწადში დღესაც მილიარდობით თანხებს უხდის. იგივე შეიძლება ითქვას ევროპის ქვეყნებზე, რომლებიც ენერგო მატარებლებს იღებენ რუსეთიდან და ეკონომიკურად თანამშრომლობენ მასთან. საქართველოს კი, როგორც პატარა სახელმწიფოს, ქვეყანაში მოქმედი რადიკალური ძალები ეუბნებიან, რომ საქართველოს არ უნდა ჰქონდეს რუსეთთან ეკონომიკური ურთიერთობა.
დეპუტატს მიაჩნია, რომ ამ საკითხებთან მიმართებაში მნიშვნელოვანია ქვეყნის ხელისუფლებას ჰქონდეს სწორად ჩამოყალიბებული პრინციპული პოზიცია, ისევ და ისევ ქვეყნის ინტერსებიდან გამომდინარე.
პოლიტიკური ჯგუფის თავმჯდომარის განცხადებით, ეროვნული თავდაცვის სტრატეგიაში უმთავრესი ამოცანა უნდა იყოს ქვეყანაში მშვიდობის შენარჩუნება, ყოველგვარი ესკალაციის თავიდან აცილება და არავითარი იარაღის ჟღარუნი. მით უფრო, იმ სიტუაციიდან გამომდინარე, როცა ბირთვული ომის საშიშროება სულ უფრო რეალური ხდება და ვითარება სრული განეიტრალებისკენ და დამშვიდებისკენ კი არ მიდის, არამედ პირიქით, დაძაბულობა პიკს აღწევს.
ფრიდონ ინჯიამ თავის გამოსვლაში შეაფასა პარლამენტის წინ 7-8 მარტს მიმდინარე პოლიტიკური მოვლენები და აღნიშნა, რომ პროტესტი ე.წ. რუსული კანონის მიმართ, იყო მხოლოდ არეულობის საბაბი და რადიკალური ძალების მიზანი ამ გზით ქვეყანაში ხელისუფლების შეცვლა გახლდათ. საბოლოო ჯამში კი, ამ მოვლენებმა ქვეყანაში დამატებითი საფრთხე შექმნა.
„პარლამენტის წინ მიმდინარე აქციის რიტორიკიდან, მოწოდებებიდან, ექსტრემისტული სულისკვეთებიდან, თუ რადიკალური ქმედებებიდან გამომდინარე, მაშინ როდესაც ეს არავითარი რუსული კანონი არ იყო და იყო მხოლოდ საბაბი ქვეყანაში მომხდარიყო არეულობა, აფხაზეთის ტერიტორიაზე დამატებით შემოიყვანეს საჯარისო ნაწილები და მაღალტექნოლოგიური სამხედრო საჰაერო და სახმელეთო ტექნიკა. აი, ეს შედეგი მიიღო ქვეყნამ და შეიქმნა დამატებითი საფრთხე სახელმწიფოში, იმის ნაცვლად, რომ ჩვენ, ჩვენს ძმებს აფხაზებს და ოსებს მოვეფეროთ და დავიწყოთ პირდაპირი დიალოგი მათთან და ამით მაგალითი მივცეთ სხვას“. – განაცხადა ფრიდონ ინჯიამ.
დეპუტატს მიაჩნია, რომ 7-8 მარტს მიმდინარე მოვლენებიდან გამომდინარე უდიდესი როლი და პასუხისმგებლობა ეკისრებოდა შინაგან საქმეთა სამინიტროს არეულობისა და ესკალაციის თავიდან აცილების კუთხით, რისთვისაც სამინიტრომ მართლაც, უმაღლესი შეფასება დაიმსახურა. თუმცა, ფრიდონ ინჯია უარყოფითად აფასებს ხელისუფლების ლოიალურ დამოკიდებულებას აქციის მონაწილეთა იმ პირების მიმართ, რომლებმაც დანაშაული ჩაიდინეს და დღემდე არ დასჯილან.
„ხელისუფლების მხრიდან არ მომხდარა სათანადო რეაგირება იმ პირების მიმართ, რომლებიც აქციის მიმდინარეობის პერიოდში დესტრუქციულ ქმედებებს ახორციელებდნენ და კანონს არღვედნენ. ეს პირები დღემდე არ დასჯილან, რითაც კანონის აღსრულება არ მოხდა. რეგიონებში სრული მხარდაჭერა გაქვთ და მოსახლეობა ელოდება კანონის აღსრულებას სწორედ ამ პირების მიმართ. სიტუაციის დაძაბვა, არეულობა აწყობთ იმ დესტრუქციულ ძალებს, რომლებსაც არ აქვთ იმედი, რომ არჩევნების გზით გაიმარჯვებენ. ამიტომ, ამ პოლიტიკურ ბატალიებში უმთავრესია კანონის აღსრულება, კანონის უზენაესობა, ნახევრად კანონის შესრულება კი, კლავს კანონს“. – აღნიშნა ფრიდონ ინჯიამ.
პოლიტიკური პარტია „ევროპელი სოციალისტების“ თავმჯდომარე ფრიდონ ინჯია და პარტიის პოლიტიკური გუნდი ამერიკის შეერთებული შტატების სახელმწიფო დეპარტამენტის მხრიდან მიღებულ გადაწყვეტილებას სასამართლო ხელისუფლების წარმომადგენელთა მიმართ სანქციების გამოყენების შესახებ აფასებს, როგორც საქართველოს დამოუკიდებელ, სუვერენული სახელმწიფოს სასამართლო სისტემაზე უხეშ ჩარევად.
„აშშ-ს მხრიდან საქართველოს ხელისუფლებაზე ზეწოლა გრძელდება. ეს არის უხეში ჩარევა დამოუკიდებელი, სუვერენული სახელმწიფოს სასამართლო სისტემაზე. უცნობია, თუ რა ინფორმაციის საფუძველზე იღებს ამერიკის სახელმწიფო დეპარტამენტი ასეთ გადაწყვეტილებას, რითაც აყენებს შეურაცხყოფას საქართველოს და მის მოსახლეობას“. – ნათქვამია განცხადებაში.
ამის შესახებ საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის რიგგარეშე სხდომაზე განაცხადა, სადაც საქართველოს პრეზიდენტი სალომე ზურაბიშვილი წლიური ანგარიშით წარდგა.
პოლიტიკური ჯგუფის თავმჯდომარემ გამოთქვა იმედი, რომ პრეზიდენტი მისი უფლებამოსილების ვადის ამოწურვამდე გააკეთებს ისეთ განცხადებებს, რომელიც მიმართული იქნება ქვეყნის ინტერსებისკენ, რითაც იგი სახელმწიფოს მშენებლობისა და განვითარების საქმეში საკუთარ მცირე წვლილს შეიტანს.
