Category Archives: მთავარი

საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საკითხის პროცედურული გამარტივება და წინ გადადგმული ნაბიჯი უწოდა საქართველოს მთავრობის მიერ წარმოდგენილ კანონპროექტს „საქართველოს მოქალაქეობის შესახებ“ ორგანულ კანონში ცვლილებების შესახებ. თუმცა, იქვე დასძინა, რომ უმჯობესი იქნებოდა ცვლილებები განხორციელებულიყო უშუალოდ ქვეყნისთვის მთავარი და პრინციპული საკითხის მოქალაქეობის მინიჭების გამარტივებულ წესთან დაკავშირებით, რაც უშუალოდ ქვეყნის პრემიერ-მინისტრის ირაკლი ღარიბაშვილის ინიციატივა იყო.

საქართველოს პარლამენტის ადამიანის უფლებათა დაცვისა და სამოქალაქო ინტეგრაციისა და დიასპორისა და კავკასიის საკითხთა კომიტეტების ერთობლივი სხდომაზე საქართველოს იუსტიციის მინისტრის მოადგილემ თორნიკე ჭეიშვილმა „საქართველოს მოქალაქეობის შესახებ“ ორგანულ კანონში ცვლილებების შესახებ კანონპროექტი წარმოადგინა.

პოლიტიკური ჯგუფის თავმჯდომარე კომიტეტის სხდომაზე რამდენიმე ინიციატივით გამოვიდა. მისი განცხადებით, მნიშვნელოვანია სახელმწიფომ შესაბამისი პროფილის უწყებების დონეზე იზრუნოს და შექმნას ქართული ენის შემსწავლელი კურსები, რითაც სახელმწიფო აიღებს პასუხისმგებლობას, ხოლო საქართველოს მოქალაქეობის მსურველ პირებს ექნებათ მეტი მოტივაცია ქართული ენის შესასწავლად.

ამასთან, ფრიდონ ინჯიას მიაჩნია, რომ საქართველოს მოქალაქეობაზე უარყოფითი გადაწყვეტილების მიღების შემთხევაში პირს უნდა ჰქონდეს უფლება არა 6 თვის შემდეგ მიმართოს განმეორებით სახელმწიფოს, როგორც ამას წარმოდგენილი კანონპროექტი ითვალისწინებს, არამედ უმჯობესი იქნებოდა ეს ვადა 3 თვემდე შემცირებულიყო, რითაც საქართველოს მოქალაქეობის მინიჭების მსურველთ მიეცემათ შანსი წელიწადში რამდენჯერმე გააკეთონ განაცხადი.

აღნიშნული ინიციატივების გაჟღერებამდე დეპუტატმა კანონპროქტის შემუშავებამდე პრემიერ -მინისტრის ინიციატივა გაიხსენა და აღნიშნა, რომ მოქალაქეობის საკითხთან დაკავშირებით პრემიერმა რამდენჯერმე გაამახვილა ყურადღება, რომ უნდა იყოს მიღებული ისეთი კანონი, რომ საქართველო გადარჩეს და ქვეყანას დაუბრუნდნენ თავისი შვილები.

ფრიდონ ინჯიამ პარალელი გაავლო საბერძნეთისა და ისრაელის ქვეყნებთან, სადაც სახელმწიფო არსებით და პრინციპულ მნიშვნელობას არ ანიჭებენ ენის ცოდნას. ამ სახელმწიფოებში ძირითადი აქცენტი ეთნიკურ წარმომავლობაზე კეთდება, რაც მისაბაძი და სამაგალითო უნდა ყოფილიყო საქართველოს რეალობისთვის.

„მაგალითისთვის მინდა მოვიყვანო ისრაელისა და საბერძნეთის ქვეყნები. საბერძნეთი არის ევროკავშირის წევრი ქვეყანა, ხოლო ისრაელი არის ქვეყანა, რომელიც ძალიან დაინტერესებულია სახელმწიფო განვითარდეს მაღალ დონეზე და საკუთარი ქვეყნის მოქალაქე ჰყავდეს საკუთარ სამშობლოში. ისრაელმა, პრაქტიკულად, რამდენიმე ათეული წლის განმავლობაში შექმნა მისაბაძი სახელმწიფო, რომლიც სამხედრო თვალსაზრისითაც ერთ-ერთი სამაგალითოა.

ამ ორი ქვეყნის მაგალითზე უნდა გითხრათ, რომ სახელმწიფოში მოქალაქეობის მიღებასთან დაკავშირებით არ არის ყურადღება გამახვილებული მიანცდამაინც ენის ცოდნაზე. აქ მნიშვნელობა ენიჭება ადამიანის ეთნიკურ წარმომავლობას, რაც საფუძველი ხდება მოქალაქეობის მისანიჭებლად. აქ სახელმწიფო იღებს უფრო მეტ პასუხისმგებლობას. სახელმწიფო უქნის ყველანაირ პირობას მოქალაქეს როგორც ენის შესასწავლად, ასევე ცხოვრების პირობების შესაქმნელად და გასაუმჯობესებლად.

იგივე შემიძლია ვთქვა საბერძნეთთან მიმართებაში.

რატომ არ შეიძლება სახელმწიფომ მიიღოს იგივე გადაწყვეტილება ჩვენი ქვეყნის თანამემამულეების მიმართ და შესაბამისმა უწყებებმა, მაგალითისთვის, სახელმწიფო ენის პალატამ ან გნებავთ სხვა უწყებამ, უზრუნველყოს მათთვის ქართული ენის შესწავლა.

ჩვენს ქვეყანაში შეიძლება იყოს ასობით ადამიანი, ან მეტიც, ვინც ქართული ენა არ იცის, და ისინი საქართველოს მოქალაქეები არიან. წარმომავლობით სხვა ეროვნების არიან და არ იციან ქართული ენა, მაგრამ საქართველოში თანაცხოვრების პირობებში, ამ ადამიანებმა კარგად შეისისხლხორცეს ქართული ტრადიციები, ადათ-წესები, მიუხედავად იმისა, რომ ქართული შეიძლება არ იცოდნენ.

აქედან გამომდინარე, წარმოდგენილი კანონპროექტი ითვალისწინებს გარკვეულ პროცედურულ ცვლილებებს, მაგრამ მთავარ საკითხთან დაკავშირებით არ არის ცვლილება და გადაწყვეტილება რაც დღეს სჭირდება საქართველოს.“ – განაცხადა ფრიდონ ინჯიამ.

პოლიტიკური ჯგუფის თავმჯდომარეს მიაჩნია, რომ ამ კონკრეტულ საკითხთან მიმართებაში იკვეთება წინააღმდეგობა გარკვეული ძალების მხრიდან, რომელთაც საქართველოს ტერიტორია სურთ ქართველების გარეშე.

„აქ ბევრი რამ არის დამოკიდებული კიდევ ვინ ეწინააღმდეგება ამ საკითხის გადაწყვეტას. ამას ეწინააღმდეგება ის, ვისაც უნდა საქართველოს ტერიტორია ქართველების გარეშე. ეს არის ის ულტრა ლიბერალური ძალა, რომელიც იბრძვის სხვადასხვა მეთოდებით და მათ შორის, ეს საკითხიც არის მათთვის მნიშვნელოვანი, რომ ქართველები არ დაბრუნდნენ საქართველოში და ასეთი ხალხი არის არა მარტო სახელმწიფო დაწესებულებებში, არამედ, იქ სადაც ეს ყველაფერი დუღს, სადაც ყველაფრის სათავეა.

არადა საქართველოს პრემიერ- მინისტრმა, ნათლად და გასაგებად თქვა, რომ გავუადვილოთ ჩვენს თანამემამულეებს საქართველოს მოქალაქეობის მიღება“. – აღნიშნა დეპუტატმა.

ფრიდონ ინჯიამ გააკრიტიკა მოქალაქეობის მინიჭების კომისიის მუშაობა, რომელიც მისი აზრით, არის გაუგებარი მნიშვნელობის და გაუგებარი კომპეტენციის.

„მე კმაყოფილი ვარ, რა თქმა უნდა, და არის რაღაც წინ გადადგმული ნაბიჯი ამ ცვლილებით. ვფიქრობ, რომ ამ საკითხთან მიმართებაში პრინციპულ და საკვანძო თემებთან დაკავშირებით უნდა მოხდეს მნიშვნელოვანი ცვლილებები და ეს ყველამ უნდა გავითავისოთ. უნდა გამოვიყენოთ უცხოეთში ჩვენი თანამემამულეების კულტურული, ინტელექტუალური ფინანსური პოტენციალი, რითაც სხელმწიფო მხოლოდ გაძლიერდება.

ეხლა რომ ებრძვიან რუს ტურისტებს, სინამდვილეში რუს ტურისტებს კი არ ებრძვიან, ებრძვიან იმას, რომ საქართვლომ არ მიიღოს შემოსავალი, რომ საქართველო არ იყოს მდიდარი, რომ იყოს არეულობა, დაიძაბოს მდგომარეობა და მოხდეს სახელისუფლებლო ცვლილებები.

ამიტომ, მოგმართავთ, ასეთი მნიშვნელოვანი საკითხები გადავწყვიტოთ ისე, როგორც ეს ჩვენი ქვეყნისთვის არის ეს საჭირო.

დეპუტატი ასევე, მომხრეა რომ მოხდეს ფერეიდნელი ქართველების საქართველოში დაბრუნებაც, რომელთაც 300 წლის განმავლობაში შეინახეს ქართული ენა.

📍 საქართველოს პარლამენტის პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის პლენარულ სხდომაზე ქვეყნის საგარეო უწყების საქმიანობა შეაფასა და ყურადღება გაამახვილა სახელმწიფოს საგარეო პოლიტიკაში არსებულ ძირითად გამოწვევებსა და ამოცანებზე.

📍 უმაღლეს საკანომდებლო ორგანოში საგარეო საქმეთა მინისტრმა ილია დარჩიაშვილმა „მინისტრის საათის“ ფორმატში სამინისტროს საქმიანობის შესახებ ანგარიში წარადგინა.

🔴 ქვეყნის გაერთიანება;

🔴 ქვეყანაში მშვიდობის შენარჩუნება;

🔴 ლტოლვილებისა და ემიგრანტების დაბრუნება საქართველოში მათი ინტელექტუალური, კულტურული, ფინანსური რესურსით საქართველოს გასაძლიერებლად;

🔴 ეკონომიკური წინსვლა და განვითარება;
ეს ის საკითხებია, რომლის შესახებაც პოლიტიკური ჯგუფის თავმჯდომარემ თავის გამოსვლაში გაამახვილა ყურადღება.

🔶 ფრიდონ ინჯიას განცხადებით, უპირველესი და უმნიშვნელოვანესი ამოცანის – ქვეყნის გაერთიანების პრობლემის გადასაჭრელად ხშირად არის საუბარი სამი გზის არსებობის შესახებ. კერძოდ, ერთერთ გზად ქვეყნის გასაერთიანებლად თვლიან, საქართველოს ნატოში გაწევრიანებას; მეორე გზად მიჩნეულია საქართველოს გაწევრიანება ევროკავშირში; მესამე გზა კი, ეს არის პირდაპირი დიალოგი იმ ქვეყანასთან, რომლის კონტროლის ქვეშ არის ჩვენი ქვეყნის ძირძველი ტერიტორიები.

🔶 „განვიხილოთ სამივე ვარიანტი. მიმაჩნია, რომ ნატოში გაერთიანების შესახებ რიტორიკამ განაპირობა საქართველოს ტერიტორიების 20% -ის დაკარგვა. ამის მიზეზი იყო 2008 წლის ბუქარესტის სამიტის ჩანაწერი. ის რიტორიკა, იმ სამხედრო ტექნიკის შემოტანა, რომელიც შემდეგ მშვიდად და უკლებლივ გადასცეს რუსეთს 2008 წელს.

🔶 მე მაშინაც ეჭვი მეპარებოდა, რომ ნატოს ჯარი შემოვიდოდა და დაიცავდა საქართველოს ტერიტორიას. დღეს კი, უკრაინაში განვითარებულმა მოვლენებმა, მე და ბევრი ჩემს ირგვლივ, დაგვარწმუნა, რომ საქართველოში ნატოს არცერთი ჯარისკაცი არ შემოვა და არ დაიცავს და არ იბრძოლებს ჩვენი ქვეყნისთვის. შესაბამისად, ნატოს მიმართ ლტოლვამ, სხვადასხვა ჩანაწერებმა, შეიარაღებამ განაპირობა და გამოიწვია ის მდგომარეობა, რაც დღეს უკრაინაში არის შექმნილი.

🔶 უღირდა კი უკრაინას ?….

🔶 როგორც ამერიკის პრეზიდენტობის ერთ-ერთმა კანდიდატმა რესპუბლიკური პარტიიდან კენედმა განაცხადა 350 ათასი ჯარისკაცი არის დაღუპული უკრაინაში კონფლიქტის დაწყებიდან. განადგურებულია ქალაქები, სოფლები, ინფრასტრუქტურა დაკარგულია უკრაინის ტერიტორიის 20% და არა მგონია, რომ ეს უღირდა ქვეყანას. ჩვენ ძალიან ხშირად გვქონდა საუბარი იმის შესახებ, რომ ამ ვითარების თავიდან ასაცილებლად აუცილებელი იყო მინსკის ხელშეკრულების შესრულება.

🔶 ჩვენს ძირძველ ტერიტორიებზე დღეს რუსეთის სამხედრო ბაზებია განლაგებული და მიმაჩნია, რომ რაიმე სახის ურთიერთობა ნატოს ჯართან, საქართველოს კარგს არაფერს მოუტანს. აქედან გამომდინარე, მე არ ვთვლი, რომ საქართველოს გაწევრიანება ნატოში არის გზა ქვეყნის გადარჩენისა და ტერიტორიული მთლიანობის აღსადგენად.

🔶 თქვენ კარგად გესმით, ბატონო მინისტრო, საქმის ვითარება და, ალბათ, არის საკითხები, რაზეც ხმამაღლა საუბარი რთულია, შესაძლოა, ამისთვის ნიადაგი არ იყოს ჯერ მომწიფებული, მაგრამ სიმართლე ერთია …

🔶 თქვენ მოგიწიათ მინისტრობა იმ პერიოდში, როდესაც მსოფლიოში ქვეყნების ტერიტორიების გადანაწილება მიდის და ამ პროცესში ჩვენ როგორც პატარა ქვეყანა, ვერ ვიღებთ მონაწილეობას, რადგან ჩვენზე, პრაქტიკულად, არაფერი არ არის დამოკიდებული. ამიტომ მნიშვნელოვანია მშვიდობის პოლიტიკის შენარჩუნება, რასაც თქვენი უწყება დღეს აწარმოებს. მშვიდობიანი პოლიტიკის წარმოება არის გზა იმის შესანარჩუნებლად და გადასარჩენად, რაც დღეს გვაქვს“, – განაცხადა ფრიდონ ინჯიამ.

🔶 რაც შეეხება ევროკავშირში საქართველოს გაწევრიანების საკითხს, პოლიტიკური ჯგუფის თავმჯდომარე მიიჩნევს, რომ რა თქმა უნდა, საქართველოს სურვილია, რომ მას მიენიჭოს ევროკავშირის კანდიდატის სტატუსი, მაგრამ თავად ევროკავშირსაც არანაკლებ უნდა სურდეს ამ გადაწყვტილების მიღება, სხვა შემთხვევაში ის ამიერკავკასიას დაკარგავს.

🔶 „გადაყვა მთელი ხელისუფლება ევროკავშირის კანდიდატის სტატუსის მიღებას. მაშინ, როდესაც ეს სტატუსი არაფერს არ წარმოადგენს და არაფრის მომცემია. შეგვიძლია მოვიყვანოთ თურქეთის რესპუბლიკის მაგალითი, რომლსაც ათეული წლებია აქვს კანდიდატი ქვეყნის სტატუსი, მაგრამ ქვეყნისთვის რაიმე არსებითი ცვლილებები არ მომხდარა. საქართველოსთან მიმართებაში, კი არ არსებობდა პოლიტიკური ნება, რის გამოც არ მოგვენიჭა კანდიდატი ქვეყნის სტატუსი. მით უმეტეს, თუ გავიხსენებთ, რომ საქართველო სამ ქვეყანას, შორის ყველანაირი პარამეტრებით იყო პირველ ადგილას“ – აღნიშნა დეპუტატმა.

🔶 ფრიდონ ინჯიას თქმით, სტატუსის შესაფერადებლად და ქვეყნის გარკვეულ ჩარჩოებში მოსაქცევად გამოიგონეს 12 რეკომენდაცია, რომელიც ისევე როგორც ევროკავშირის კანდიდატის სტატუსი, ქვეყნისთვის არაფრის მომცემია. პრაქტიკულად, საქართველო უკვე არის ევროკავშირის კანდიდატი ქვეყანა, ვინაიდან მას განაცხადი ამის შესახებ გაკეთებული აქვს და ევროკავშირმაც მიიღო ქვეყნის განაცხადი და შევსებულია აქვს 2500- ზე მეტი კითხვა. ასეთივე სიტუაციაშია ბევრი სხვა ქვეყანა, რომელიც რიგში დგას, მაგრამ არცერთი ქვეყნისთვის ევროკავშირს არ წაუყენებია მსგავსი მოთხოვნები, თუ პირობები კანდიდატის სტატუსის მისანიჭებლად.

🔶 „ეს არის პოლიტიკური გადაწყვეტილება. აქედან გამომდინარე, ქვეყნის დღევანდელმა ხელისუფლებამ რა ძალისხმევასაც არ უნდა ჩადოს, და რა შეხვედრებიც არ უნდა აწარმოოს ევროკავშირის უმაღლეს დონეზე, ამ ვითარებაში ეს ნაბიჯები აზრს მოკლებულია. ქვეყნის დღევანდელმა ხელისუფლებამ მართლაც ყველაფერი გააკეთა იმისთვის, რომ საქართველო გახდეს ევროკავშირის კანდიდატი ქვეყანა, და დღეს ყველაფერი დამოკიდებულია ევროკომისიის მაღალი თანამდებობის პირების პოლიტიკურ ნებაზე“, – აღნიშნა ფრიდონ ინჯიამ.

🔶 „თქვენ ჩაგითრიეს ამ პროცესებში და ყოველ წუთას გიწვეთ თავის მართლება. ნუ მოიკლავთ თავს. თქვენ ყველაფერი გააკეთეთ იმისთვის, რომ იყოთ ღირსეული და მართლაც, რომ ღირსეულია თითოეული თქვენს მიერ გადადგმული ნაბიჯი.

🔶 მიმაჩნია, რომ თქვენ პირიქით, ევროკავშირს უნდა წაუყენოთ პირობა – ჩვენ ვიფიქრებთ შევიდეთ თუ არა ევროკავშირში. რადგან, ჩვენ ვართ ის ქვეყანა, რომელსაც დიდი ისტორია გააჩნია თავისი უძველესი კულტურით, ტრადიციებით, ქართველი კაცის ოჯახთან დამოკიდებულებით, ქართველი კაცის შვილებთან დამოკიდებულებით, ოჯახის სიწმინდით, რომელიც თითოეული ქართველისთვის სალოცავი გახლავთ, სტუმართ-მასპინძლობით. ჩვენს ქვეყანაში დაიბადნენ და მოღვაწეობდნენ ისეთი ბუმბერაზი ადამიანები, როგორებიც იყვნენ შოთა რუსთაველი, ვაჟა-ფშაველა და ასე შემდეგ. რომელთაც თავიანთი შემოქმედება დაუტოვეს არა მარტო საქართველოს, არამედ მთელს მსოფლიოს.

🔶 ჩვენ ის ქვეყანა ვართ, სადაც არასდროს ყოფილა ანტისემიტიზმი ან სხვა რელიგიისადმი აგრესიული გამოვლინებები, და ევროპამ ეს უნდა ისწავლოს ჩვენგან. ჩვენ ვიცავთ ჩვენი ქვეყნის ინტერესებს“, – განაცხადა დეპუტატმა.

🔶 ფრიდონ ინჯიას მიაჩნია, რომ ქვეყნის გაერთიანების გზაზე რუსეთთან პირდაპირი დიალოგის გარეშე შედეგის მიღწევა შეუძლებელია.

🔶 „შენს საქმეს შენზე უკეთ ვერავინ გააკეთებს. შენს ტკივილს შენზე მეტად გულთან სხვა არ მიიტანს. ამიტომ თქვენ ეძებეთ ყველა შესაძლებლობას დიალოგისთვის საერთაშორისო დონეზე. გადაუწყვეტი არაფერი არის.
ამ შემთხვევაში არის გამოსავალი, და ყველაფერი უნდა გაკეთდეს პირდაპირი დიალოგისთვის. რა თქმა უნდა, ამ პროცესში მნიშვნელოვანია ქვეყნის სტრატეგიული პარტნიორების მხარდაჭერა, მაგრამ ისიც უნდა გავითვალისწინოთ, რომ სტრატეგიულ პარტნიორებს, შესაძლოა, ჰქნოდეთ თავიანთი ინტერესები, რომელიც არ ემთხვევა ჩვენი ქვეყნის ინტერესებს,“ – განაცხადა ფრიდონ ინჯიამ.

📍 დეოლიგარქიზაციის შესახებ კანონი, ისევე როგორც ევროკომისიის 12 პუნქტი არის გამოგონილი იმისათვის, რომ საქართველოში შეიცვალოს ხელისფლება. სწორედ ამ საკითხზეა მიბმული საქართველოსთვის ევროკავშირის კანდიდატის სტატუსის მიღება

📍 საქართველო ევროკავშირის კანდიდატის სტატუსს მიიღებს და ეს პირველ რიგში, ევროპის ინტერსებში შედის.

📍 თუმცა, კანდიდატის სტატუსის მიღების შემდეგაც საქართველოს წინაშე კვლავ დადგება სხვადასხვა მოთხოვნები რეკომენდაციების შესრულების სახით და ეს გაგრძელდება მანამ, სანამ საქართველოში არ შეიცვლება ხელისუფლება.

🔷 საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ პარლამენტის პლენარულ სხდომაზე „პოლიტიკური დებატების ფორმატში“ გამოსვლისას შეაფასა ვენეციის კომისიის დასკვნა „დეოლიგარქიზაციის შესახებ“ კანონთან დაკავშირებით.

🔷 პოლიტიკური ჯგუფის თავმჯდომარემ ხაზგასმით აღნიშნა, რომ მსგავსი კანონი არ არის მიღებული არცერთ დემოკრატიულ ქვეყანაში, არც ევროპის, არც ამერიკის, აზიის ქვეყნებში, სადაც ამ კანონის დაინიცირებაც კი, ღიმილს გამოიწვევდა.

🔷 „აქედან გამომდინარე, ამ კანონის მიღების შესახებ მოთხოვნა თავშივე არის სპეციალურად მოგონილი იმისთვის, რომ არსებულმა ხელისუფლებამ უფლებამოსილება გადააბაროს ოპოზიციას. ჩვენ პირველივე დღიდან განვაცხადეთ, რომ ამ კანონის მიღებას მხარს არ დავუჭერდით.

🔷 რას წერს ვენეციის კომისია თავის დასკვნაში: შეიცვალოს სასამართლო სისტემა, ჩატარდეს რეფორმა, (რეფორმა მიმდინარეობს 30 წელია, მათ შორის, იუსტიციის საბჭოში); დასკვნაში ასევე, ვკითხულობთ მოთხოვნას საგადასახადო კანონმდებლობის შეცვლის შესახებ, ბოლოს დასკვნა იმით მთავრდება, რომ ქვეყანაში უნდა იყოს კანონის უზენაესობა“, – აღნიშნა ფრიდონ ინჯიამ.

🔷 დეპუტატმა ყურადღება გაამახვილა იმისთან დაკავშირებით, რომ მან როგორც „ევროპელი სოციალისტების“ პოლიტიკური ჯგუფის თავმჯდომარემ საკანონმდებლო ტრიბუნიდან არა ერთხელ გააკეთა განცხადება, რომ ევროკომისიის 12 პუნქტიანი მოთხოვნა გამოგონილია და სახელმწიფოში კანონის უზენაესობის შემთხვევაში, მსგავსი რეკომენდაციებისა თუ სხვადასხვა კანონპროქტების მიღება არანაირ საჭიროებას არ წარმოადგენდა. ამიტომაც, დეპუტატი ვენეციის კომისიის დასკვნის ამ ნაწილში განსაკუთრებულს ვერაფერს ხედავს.

🔷 „ჩვენ ყოველთვის ვაკეთებდით განმარტებას, რომ ქვეყანაში წესრიგის დასამყარებლად, პირველ რიგში, უნდა არსებობდეს კანონის უზენაესობა“. – დასძინა დეპუტატმა.

🔷 პოლიტიკური ჯგუფი თავმჯდომარეს მიაჩნია, რომ კანონი „დეოლიგარქიზაციის შესახებ“ თავიდანვე მიმართული იყო ბიძინა ივანიშვილის წინააღმდეგ, რომ როგორმე, რაღაც მექანიზმით, შესაძლებელი გამხდარიყო მისი დასჯა“.

🔷 „იქედან გამომდინარე, რომ ამ კანონმა ვერ დააკმაყოფილა და ვერ შეიქმნა ის მექანიზმი, რომელიც როგორმე ივანიშვილის წინააღმდეგ იქნებოდა მიმართული, რომელიც მოექცეოდა კანონის ჩარჩოში, დღეს აღმოჩნდა, რომ „დეოლიგარქიზაციის შესახებ“ კანონი არ ასრულებს იმ მოთხოვნებს, რა მოთხოვნები ჰქონდათ ჩვენს მეგობრებს „ევროპიდან“, მაშინ გადაწყვიტეს რომ „დეოლიგარქიზაციის შესახებ“ კანონი არ არის მისაღები“, – განაცხადა ფრიდონ ინჯიამ.

🔷 რაც შეეხება საქართველოსთვის კანდიდატის სტატუსის მიღებას, დეპუტატი დარწმუნებულია, რომ საქართველო სტატუსს მიიღებს და ეს პირველ რიგში, ევროპის ინტერსებში შედის.

🔷 „მე ვფიქრობ, რომ საქართველოს ევროკავშირის კანდიდატის სტატუსს მისცემენ და ეს მათ ინტერესშია უფრო მეტად. საქართველოსთვის კი, მნიშვნელოვანია, რომ ქვეყანამ გააგრძელოს თავისი საქმის კეთება, ეს იქნება ეკონომიკური გარდაქმნები, თუ შესაბამისი საკანონმდებლო ბაზის დახვეწა, რომელიც უზრუნველყოფს ქვეყნის ეკონომიკურ წინსვლას, ჩვენ ეს გვჭირდება. რაც შეეხება ევროკავშირს და სხვა საერთაშორისო სტრუქტურებს, ეს არის გზა, მექანიზმი იმისთვის, რომ საქართველო გამთლიანდეს. რომ ჩვენი ქვეყანა იყოს იმ ჩარჩოში, იმ საზღვრებში, რა ადგილიც მას ეკავა 50 წლის წინ“. – აღნიშნა ფრიდონ ინჯიამ.

🔷 პოლიტიკური ჯგუფის თავმჯდომარე დარწმუნებულია, რომ კანდიდატის სტატუსის მიღების შემდეგაც საქართველოს წინაშე კვლავ დადგება სხვადასხვა მოთხოვნები რეკომენდაციების შესრულების სახით და ეს გაგრძელდება მანამ, სანამ საქართველოში არ შეიცვლება ხელისუფლება.

ქართული ენის შეურაცხყოფა უწოდა საქართველოს პარლამენტის პოლოტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ „კანონპროექტს სეკიურიტიზაციის“ შესახებ, რომელიც პარლამენტში იურიდიულ საკითხთა კომიტეტის სხდომაზე საქართველოს ეკონომიკისა და მდგრადი განვითარების სამინისტროს კაპიტალის ბაზრის განვითარების და საპენსიო რეფორმის დეპარტამენტის უფროსმა გიორგი გურგენიძემ წარმოადგინა.

მეგრულში არის ასეთი სიტყვა – „ეფუთი“, რომელიც კანონის ერთობლიობას ნიშნავს, მსგავს სიტუაციაში შეგვიძლია გამოვიყენოთ მეგრული ენა.

ვეფხისტყაოსნის მქონე ერს რა გვჭირს სხვა ენებისგან უცხო სიტყვების სასესხებელი?! – ფრიდონ ინჯია

„საერთოდ საბანკო სექტორში თქვენ ბევრი ტერმინი გაქვთ, რომელიც, ასე რომ ვთქვათ, მოტანილია, მოგონილია… ხომ არ აჯობებდა, რომ მსგავსი უცხო სიტყვის ქართულ ლექსიკაში შემოტანა ენის პალატასთან შეგვეთანხმებინა? ან თუ ქართულ ენაში არ იძებნება ამ უცხო ტერმინის შესატყვისი, შეგვიძლია დავიხმაროთ მეგრული და სვანური ენები. მეგრულში არის ასეთი სიტყვა – „ეფუთი“, რომელიც კანონის ერთობლიობას ნიშნავს მსგავს სიტუაციაში შეგვიძლია გამოვიყენოთ მეგრული ენა…. ქართული საკმაოდ მდიდარი ენაა და ასეთი ტერმინოლოგიების დამკვიდრება ხომ არ ლახავს ქართულ ენას, ქვეყნის იდენტობას“, – განაცხადა კომიტეტის სხდომაზე ფრიდონ ინჯიამ.

პოლიტიკური ჯგუფის თავმჯდომარე თვლის, რომ მისთვის გაუგებარია, თუ რა აუცილებლობით არის განპირობებული მსგავსი კანონპროექტის პარლამენტში განსახილველად შემოტანა.

„გასაგებია, რომ თემა სპეციფიკურია, მაგრამ უბრალო ადამიანებისთვის იგი უნდა იყოს გასაგებ ენაზე დაწერილი. მიმაჩნია, რომ ეს არის ქართული ენის შეურაცხყოფა“, – აღნიშნა ფრიდონ ინჯიამ.

დეპუტატმა კანონპროექტის წარმდგენს მეტი დაფიქრებისკენ და საკითხისადმი მეტი სერიოზულობით დამოკიდებულებისკენ მოუწოდა.

თავის მხრივ, იურიდიულ საკითხთა კომიტეტის თავმჯდომარემ ანრი ოხანაშვილმა გიორგი გურგენიძეს სთხოვა, აღნიშნული კანონპროექტის ავტორებმა კომიტეტის შემდეგ სხდომაზე წარმოადგინონ ბევრად დამუშავებული და ბევრად გამართული ტექსტი, რადგანაც მასში ბევრი საკითხია დასახვეწი და დასაზუსტებელი.

საპარლამენტო პოლიტიკური ჯგუფის და პარტია „ევროპელი სოციალისტების“ პოლიტიკური პარტნიორისა და მეგობრის მიკ ვოლასის (Mick WALLACE) გამოსვლა ევროპარლამენტში საქართველოსთვის ევროკავშირის კანდიდატის სტატუსის მინიჭების თაობაზე.

„ომამდე 5 თვით ადრე, ევროკავშირის აუდიტორთა სასამართლომ გამოაქვეყნა მოხსენება უკრაინაზე და ის ევროპის ერთ-ერთ ყველაზე კორუმპირებულ ქვეყანად მიიჩნია – მაგრამ ჩვენ “კანდიდატის სტატუსი” მივეცით უკრაინას და არა საქართველოს, რომელიც საკმარისად არ იყო ანტირუსული – არავის არ სჯერა, რომ კანონის უზენაესობა უკრაინაში უკეთესია, ვიდრე საქართველოში”, – მიკ ვოლასი