📍 საქართველოში სამხედრო სამსახური ყველამ უნდა გაიაროს – როგორც კაცებმა, ისე ქალებმა – ფრიდონ ინჯია
🔶 „საქართველოსთვის ჯარი არის ეროვნული საქმე, და ის ძალიან მაღალ დონეზე უნდა იყოს ორგანიზებული. სამხედრო სამსახური უნდა გაიაროს ყველამ – ქალმაც და კაცმაც, როგორც ეს ისრაელშია.“ ამის შესახებ პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ განაცხადა პარლამენტის რიგგარეშე სხდომაზე, სადაც დეპუტატები „თავდაცვის კოდექსის“ პროექტს მეორე მოსმენით იხილავენ.
🔶 „ქალებთან მიმართებაში ინდივიდუალური მიდგომა უნდა იყოს, იმ შემთხვევაში, თუ ვინმეს არ შეუძლია, მაგრამ საერთო პოლიტიკა უნდა იყოს ისეთი, რომ სამხედრო სამსახური ყველამ გაიაროს. საქართველო პატარა ქვეყანაა… ჯარი მხოლოდ ომისთვის არ არის, იქ ისწავლება სამშობლოს სიყვარული, სხვადასხვა სპეციალობა, ურთიერთდამოკიდებულება და მრავალი სხვა ასპექტი“, – განაცხადა დეპუტატმა ფრიდონ ინჯიამ.
🔶 მან ზოგიერთ კოლეგა დეპუტატს მოუწოდა თავიანთი გამონათქვამებით შეურაცხყოფას ნუ მიაყენებენ იმ ახალგაზრდებს, ვინც იმსახურა ან ახლა მსახურობს ჯარში. 🔶„აქ ჩემი კოლეგებისგან გაიჟღერა სიტყვამ „მონები“. ჩემთვის ეს მიუღებელია. თქვენი განცხადებებით გამოდის, რომ აქ მონების კოდექსს ვიხილავთ, და ამას მშვიდად უყურებენ თავდაცვის მინისტრის მოადგილე და პარლამენტის თავმჯდომარე. მე არ მგონია, ეს სწორი იყოს. ეს არის შეურაცხყოფა იმ ახალგაზრდების, ვინც იმსახურა და ვინც მსახურობს. ხომ შეგვიძლია, თავი შევიკავოთ და თუ რამის თქმა გვსურს, სხვანაირად ვთქვათ“, – განაცხადა ფრიდონ ინჯიამ.
🔶 „თავდაცვის კოდექსის“ პროექტის თანახმად, სავალდებულო სამხედრო სამსახურის ნაცვლად იქნება “წვევამდელთა ეროვნული სამხედრო სამსახური. სახელწოდებასთან ერთად იცვლება სამხედრო სამსახურის ვადებიც. კერძოდ, ერთწლიანი სამსახურის ნაცვლად, პროექტი ითვალისიწინებს დიფერენცირებულ ვადებს: საბრძოლო ქვედანაყოფში სამსახური – 6 თვე; დაცვის ან უზრუნველყოფის ქვედანაყოფში – 8 თვე; უმცროს სამეთაურო თანამდებობებზე და წინასწარ განსაზღვრულ სპეციალობებზე – 11 თვე.
📍 მიმაჩნია, რომ საარჩევნო კოდექსი, რომელიც დღეს საქართველოში მოქმედებს, ბევრი დემოკრატიული ქვეყნისთვისაც სამაგალითოა – ფრიდონ ინჯია
🔶 საქართველოში ბოლო 30 წლის განმავლობაში საარჩევნო კანონმდებლობა იმდენად დაიხვეწა, რომ დღეს მოქმედი საარჩევნო კოდექსი ბევრი დემოკრატიული სახელმწიფოსთვისაც კი სამაგალითო შეიძლება იყოს.
🔶 ამის შესახებ პარლამენტის რიგგარეშე სესიის პლენარულ სხდომაზე პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ განაცხადა.
🔶 დეპუტატებმა საარჩევნო კანონმდებლობასა და რეგლამენტში შეტანილ ცვლილებებზე პრეზიდენტ სალომე ზურაბიშვილის მიერ დადებული ვეტოს დაძლევის საჭიროება განიხილეს და პრეზიდენტის მიერ წარმოდგენილ მოტივირებულ შენიშვნებზე იმსჯელეს.
🔶 „მე მახსოვს ის საარჩევნო კოდექსი, რომელიც 90-იან წლებში საქართველოში იყო, როდესაც კომუნისტურმა პარტიამ წააგო არჩევნები და ქვეყნის სათავეში ეროვნული ხელისუფლება მოვიდა. ბევრი რამ დაიხვეწა, ბევრჯერ შეიცვალა კოდექსი ამ ბოლო 30 წლის განმავლობაში, და მოვედით დღევანდელ კოდექსამდე. ამ წლების განმავლობაში კოდექსში ისეთი რამ იყო ჩადებული და, ამავე დროს, ისეთი ნიუანსები არ იყო გათვალისწინებული, რაც სხვადასხვა პოლიტიკურ პარტიას აძლევდა საშუალებას გამოეგონებინა არჩევნების გაყალბების სხვადასხვა მექანიზმი. მე თავად ვარ ამის მომსწრე, როდესაც 1999 წელს მოვიგე არჩევნები მაჟორიტარულ ოლქში, მაგრამ დარეკეს და გადაწყვიტეს, რომ მეორე ტური გაიმართებოდა. მეორე ტურზე ოლქში ბიულეტენები არ მიიტანეს, არჩევნები ჩაიშალა და ერთი წლით გადადეს, თუმცა ერთი წლის შემდეგ დაუსწრებლად მაინც მოვიგე… ყველას გვახსოვს ჩანთებით და იარაღით როგორ დაჰქონდათ ბიულეტენები. აი, ასეთი იყო საარჩევნო სისტემა საქართველოში.
🔶 დღევანდელი საარჩევნო კოდექსი კი იმდენად დახვეწილია, რომ პრაქტიკულად, ქართველების მიერ გამოგონილი გაყალბების არც ერთი მექანიზმი არ მუშაობს. არჩევნების დღეს ყველაფერი არის გამართულად. ერთადერთი, რაც დარჩა ზოგ პარტიას არის ის, რომ არჩევნებამდე პერიოდში სხვადასხვა გზით ჯერ კიდევ ახერხებს ბულინგს ან მოსყიდვას. მე ვამბობ იმას, როგორც არის…“, – განაცხადა ფრიდონ ინჯიამ.
🔶 მისი თქმით, ვერავინ წარმოიდგენდა, რომ საარჩევნო უბნების გადათვლა იქნებოდა შესაძლებელი საქართველოში, მაგრამ ეს მოხერხდა, აშშ-სგან განსხვავებით.
🔶 „დაახლოებით, 5 წლის წინ ვინმე წარმოიდგენდა, რომ საარჩვენო უბნების გადათვლა იყო შესაძლებელი. ისე გავიარეთ 25-28 წელი, რომ პრაქტიკულად ასეთი რამ არ მომხდარა. აქ კი არა ამერიკის შეერთებულ შტატებშიც არ მოხდა, ბოლო საპრეზიდენტო არჩევნებს ვგულისხმობ, მიუხედავად იმისა, რომ დონალდ ტრამპის მომხრეებმა საჩივარი შეიტანეს, თუმცა გადათვლა არ მოხდა. საქართველოში კანონი იმდენად დახვეწილია, რომ ეს პროცედურა არის შესაძლებელი. ამიტომ მე მაქვს წინადადება ცესკო-ს ან მმართველი პარტიის მიმართ – კარგი იქნება, თუ გამოიცემა ბროშურის სახით საარჩევნო კოდექსები წლების მიხედვით, სადაც თავმოყრილი იქნება ამ დროის განმავლობაში შეტანილი ყველა ცვლილება. ის კოდექსი, რომელიც ახლა არის სამაგალითოა, მე ასე მიმაჩნია. ასეთი კოდექსი ძალიან ცოტა ქვეყანაში შეიძლება იყოს“, – განაცხადა „ევროპელი სოციალისტების“ თავმჯდომარემ.
🔶 „არც ერთ ქვეყანაში არ არის ასეთი დიფერენციაცია თანამდებობების, როგორსაც ჩვენ გვთავაზობენ, გარკვეული თანამდებობა იყოს ხმათა უმრავლესობით არჩეული, ხოლო გარკვეული – ორი მესამედით ან სამი მეხუთედით. მთავრობის პირველ პირს ვირჩევთ 76 ხმით, და ამაზე წინააღმდეგობა არ არის… როგორ შეიძლება ცესკო-ს თავმჯდომარის 6 თვით არჩევა. მე დავსვი კითხვა – არის თუ არა ლეგიტიმური და კანონიერი ცესკოს 6 თვით არჩეული თავმჯდომარის მიერ ხელმოწერილი ყველა დადგენილება. აღმოჩნდა, რომ ყველა ლეგიტიმურია. თუ ასეა, მაშინ რა დააშავა 9 თვით, ან ერთი წლით, ან ორი და ხუთი წლით არჩევამ, და რატომ არ შეიძლება იყოს იმ 76 ხმით? რადგან ამ დიფერენციაციით მივდივართ, და ცალკეული თანამდებობები 2/3 -ით, ხოლო ცალკეული უმრავლესობით ირჩევა, დღევანდელი დღე კარგი მაგალითი უნდა იყოს იმისა, რომ ასეთმა მიდგომამ დაპირისპირების და პოლარიზაციის უფრო გაძლიერება გამოიწვია. ასე რომ არ ყოფილიყო, არ იქნებოდა ეს დებატები და დროის დაკარგვა“, – აღნიშნა დეპუტატმა ინჯიამ.
🔶 მისი თქმით, პრეზიდენტის არგუმენტაციაში მოყვანილია ფრაზები „შარლ მიშელის მემორანდუმის სულისკვეთებით“, „ჩვენი ევროპული მომავალი“ და არაფერია ნათქვამი ისეთ მიდგომაზე, რაც დაგვაახლოებს და ქვეყნის გაერთიანების ბერკეტს მოგვცემს.
🔶 „ახლა რა არის ევროპული მომავალი, თვითონ ევროპამ არ იცის, როგორი იქნება მომავალი. მაგრამ ის, რაც მე ვიცი და მინდა რომ იყოს, ეს ქვეყნის გაერთიანებაა. ასეთი მიდგომა პრეზიდენტს არ დაუფიქსირებია. კოლეგები საუბრობენ პარტნიორებზე… მე მახსენდება ცეკა-ს პერიოდი. ცეკა თუ მიიღებდა გადაწყვეტილებას, ის ყველა რაიონული ორგანიზაციისთვის იყო აუცილებლად შესასრულებელი. საით მივდივართ? ე.ი. ჩვენი პარტნიორები გვიწესებენ წესს, მაგრამ თუ პარტნიორები ვართ, მაშინ ეს როგორაა? ჩვენ რამე წესი დავუწესეთ ჩვენს პარტნიორებს? რაღაც, არ მახსენდება. დროა, საქმეს მივხედოთ. თუ უმრავლესობაში არიან, ან თუ იქნება ოდესღაც კოალიციური უმრავლესობა, ის წყვეტს, ეს არის დემოკრატიის საფუძველი.
🔶 პარლამენტის მიერ არჩეულ თანამდებობაზე სრული პასუხისმგებლობა ეკისრება „ოცნებას“, მნიშვნელობა არ აქვს ის არჩეული იქნება 2/3 -ით თუ 3/5 -ით . ამიტომ, კეთილი ინებოს „ოცნებამ“ და აგოს პასუხი“, – განაცხადა ფრიდონ ინჯიამ.
🔶 მისი თქმით, სწორი მიდგომა რომ ყოფილიყო მმართველი პარტიის მხრიდან, არ იქნებოდა ის პრობლემები, რაც შეიქმნა სახალხო დამცველის, ეროვნული ბანკის საბჭოს წევრების, იუსტიციის უმაღლესი საბჭოს წევრებისა და სხვა საკითხებთან მიმართებაში.
🔶 „დავზოგავდით დროს, გონებას, ნერვებს და ენერგიას მივმართავდით იმ საკითხებზე, რაც ქვეყნის გაერთიანებისთვის არის საჭირო, ან თუნდაც იმისთვის, რომ ბავშვებს 200 ლარის ნაცვლად 400 ლარი გამოეყოს. აი, ჩვენ ვიცით, რომ უცხოეთში სამუშაოდ მიდიან ჩვენი ქალბატონები, ოჯახების დედები, ისინი სადღაც 1200 ევროს იღებენ, ხოლო აქედან დაახლოებით 400-500 ევრო რჩებათ, რასაც ოჯახებში აგზავნიან. ამაზე ვიფიქროთ, რომ როგორმე დავაბრუნოთ ისინი ოჯახებში, შვილებთან და იმ 400-500 ევროს შესაბამისი ხელფასი შევთავაზოთ, ან 3-4 შვილზე დანამატი მივცეთ, იმისთვის, რომ მათ ოჯახში შვილების აღზრდას დაუთმონ დრო. ეს ხომ უფრო მისაღები იქნებოდა ჩვენი ქვეყნისთვის“, – განაცხადა ფრიდონ ინჯიამ.
🔶 რასაც მე ეხლა ვიტყვი ძირითად მოხსენებამდე, ამას არავინ არ გეტყვით, მაგრამ მე ვალდებული ვარ გითხრათ. მე გადავიტანე აფხაზეთის ომი და ვიცი იქ რა როგორ იყო პირველივე დღიდან 5 ოქტომბრის ჩათვლით. როგორი ღალატის მოწმეები ვიყავით მე და ჩემი კოლეგა გია ბენაშვილი და რა გადაიტანა ქართველმა ხალხმა.
🔶 გუშინ გავრცელდა ინფორმაცია რუსეთის საგარეო საქმეთა სამინისტროდან იმის შესახებ, რომ რუსეთი ყველაფერს გააკეთებს იმისთვის, რომ აფხაზეთის რკინიგზა გაიხსნას.
🔶 საქართველოს ინტერესებიდან გამომდინარე, რომელიც გამომდინარეობს და ეხება ქვეყნის გაერთიანებას, ეს გზავნილი გამოსაყენებელია და დასაწყებია პირდაპირი დიალოგი პირველ რიგში, – აფხაზებთან. თქვენ გაქვთ ის გამოცდილება და უნარი, რომ აწარმოოთ ეს მეტად დელიკატური საკითხი, რომელიც ეხება აფხაზების ღირსეულად დაბრუნებას ერთ დიდ ოჯახში, რომელსაც საქართველო ჰქვია. მე ხაზს ვუსვამ – ღირსეულად, სხვანაირად არ გამოვა. მე ვიცი მათი ხასიათი. მაშინ თქვენ შეძლებთ საქართველოში სტუმრად ჩამოსული დიდი რანგის სტუმრები არა საოკუპაციო ზოლთან მიიყვანოთ, არამედ გალამაზებულ აფხაზეთში. შემდეგი, ევროპის ჩემპიონატი ფეხბურთში სოხუმის სტადიონზე ჩაატაროთ, როგორც ეს ახლა ბათუმში ხდება. მთავრობა ორი წელი სოხუმში გადაიყვანოთ სამუშაოდ, ორი წელი თბილისში და ასე რიგ-რიგობით. სოხუმის მთავრობას ღირსეული ადგილი უნდა დავუმკვიდროთ საქართველოს ხელისუფლებაში.
🔶 გექნებათ დიდი წინააღმდეგობები, ყეფა-ლანძღვის თანხლებით, მაგრამ აქაც შეგიძლიათ გამოიყენოთ პლებისციტი კითხვით – უნდა ჰქონდეს თუ არა ხელისუფლებას პირდაპირი დიალოგი აფხაზებთან, ოსებთან, რუსებთან?
🔶 ჩვენ ვიცით ქვეყნის მთავარი და მაქსიმალური ამოცანაა – ბატონო პრემიერ-მინისტრო, თუ თქვენს სიტყვებს დავესეხები, უზენაესი იდეა და მიზანია – ტერიტორიული მთლიანობის აღდგენა და საზღვრების ურღვეობა. ამისთვის ჩვენ ყველაფერი უნდა გამოვიყენოთ: მათ შორის, – პორტები, რკინიგზა, საავტომობილო გზები, საზღვრები. აფხაზეთი იყო და იქნება ჩვენი ერთ-ერთი ულამაზესი კუთხე. აი, მაშინ ევროკავშირი აქეთ მოგვიკაკუნებს.
🔶 დავანებოთ თავი დავალებების შესრულებას, რომელიც უკვე შესრულებულია. გვეყოს თავის მართლება, მივხედოთ საქმეს! საქმეს რომელიც, რომ მართლაც საშვილიშვილოა.
🔶 წინასწარ გეტყვით, ეს არ შედის ზოგიერთი ქვეყნის ინტერესებში. ამისთვის მხნედ უნდა იყოთ.
🔶 დრო და სიტუაცია არ მეორდება.
🔶 გამოჩნდება მილიარდები, რომელიც აფხაზეთის აღორძინებაში ჩაიდება.
🔶 ეს თქვენი ისტორიული საქმეა, რომელიც უფალმა გარგუნათ. თქვენ ბატონო ირაკლი, ირაკლი და კახი!
🔶 ყველას უნდა გააგებინოთ ის, რომ ეს ჩვენი ქვეყნის საშინაო საქმეა, ვის დაველაპარაკებით. ვუახლოვდებით დღეს, როდესაც გვაქვს შანსი, 2008 წლის უბედურება გამოვასწოროთ. ამიტომ, ნაცები და მათი მომხრეები, მათი ტელევიზიები გაჩუმდნენ და ხმა არ უნდა ამოიღონ. სხვა შემთხევაში, მართლაც, რომ დაადასტურებენ ქვეყნის ღალატს დაწყებული 2008 წლიდან დღემდე, თუ ადრიდან არა.
📍 ბატონო პრემიერ-მინისტრო,
🔶 ახლა კი, ის, რისი თქმაც მინდოდა.
🔶 ჩვენ, პარტია „ევროპელი სოციალისტები“, უნდა გითხრათ, რომ არ წარმოვადგენთ დიდი ისტორიის მქონე პარტიას, გარდა იმისა, რომ ჩვენი პარტია იყო პირველი 2020 წლის საპარლამენტო არჩევნების შემდეგ, რომელმაც ცნო დღევანდელი პარლამენტი. ჩვენ გვაქვს ჩვენი ხედვა, ჩვენი კონცეფცია.
🔶 ამ კონცეფციის მნიშვნელოვანი შემადგენელი ნაწილია მოსახლეობის ინტერესების დაცვა, მცირე და საშუალო ბიზნესის წამოწყების ხელშეწყობა და საკრედიტო რესურსების ხელმისაწვდომობა.
🔶 ხელისუფლების საქმიანობა და ვალდებულება მოსახლეობის მიმართ უნდა ეყრდნობოდეს მოსახლეობის სოციალურ თანასწორობას, სადაც სახელმწიფოს კონტროლქვეშ იქნება ქვეყანაში არსებული ყველა სტრატეგიული ობიექტი, წიაღისეული, დარგი, საგადასახადო შემოსავალები, რომელიც მიმართული იქნება მოსახლეობის საკეთილდღეოდ.
🔶 ამავდროულად, ქვეყანაში უნდა იყოს თავისუფალი ბაზარი, კონკურენცია, კერძო საკუთრება, როგორც ეს ჩინეთშია.
🔶 აი, სწორედ ასეთ მიდგომას მხარს უჭერს საქართველოს მოსახლეობის საკმაოდ დიდი ნაწილი. მისასალმებელია, რომ ამ მიმართულებით ხელისუფლება უკვე გარკვეულ ნაბიჯებს დგამს.
🔶 ბატონო პრემიერ-მინისტრო, ბევრია პრობლემური საკითხები, რომლის გადაწყვეტა, თუ ამაში ხელს არ შეგიშლიან, თქვენ თავისუფლად შეგიძლიათ.
🔶 საჭიროების შემთხვევაში, თამამად განახორციელეთ პლებისციტი, იმისთვის, რომ ხალხის ნება აღასრულოთ და მოსახლეობის მხრიდან გქონდეთ უფრო მეტი მხარდაჭერა.
🔶 1. შექმენით სახელმწიფო ბანკი ნორვეგიის, ჩინეთის და თურქეთის მაგალითზე. ამის თაობაზე ბევრჯერ მქონდა საუბარი. მაშინ მოსახლეობა, შეძლებს აიღოს კრედიტი 15-16% -ის ნაცვლად, მაქსიმუმ 5-6 % -ად და ქვეყანაში არ იქნება ბანკების მონოპოლია და მოსახლეობა საბანკო მარწუხებში. ხოლო ის ჭარბი მოგება, რომელსაც მონოპოლისტი ბანკები იღებენ, მოსახლეობის კეთილდღეობას მოხმარდება. დღეს ეს ერთი მილიარდი ლარია.
🔶 ეს იქნება ისტორიული და უპრეცედენტო გადაწყვეტილება ბოლო 30 წლის განმავლობაში. საპროცენტო განაკვეთები იქნება როგორიც არის ამერიკაში, ევროპის წამყვან ქვეყნებში, იაპონიაში, სადაც ის სიმბოლურ ხასიათს ატარებს. წარმომიდგენია, რა ეკონომიური ბუმი იქნება საქართველოში.
🔶 2. როდესაც სახელმწიფო გამოისყიდის ან დაიბრუნებს სტრატეგიული მნიშვნელობის ობიექტებს, რომელიც ბევრ შემთხევაში ჩალის ფასად გაიყიდა, მაშინ არ გექნებათ სტრატეგიულ ობიექტებზე გაფიცვები. მიზეზი!.. ამ სტრატეგიული ობიექტების მფლობელების ზემოგების მიღების ჟინი.
🔶3. როდესაც თქვენ საზღვაო ქვეყანაში, გამოისყიდით ან დაიბრუნებთ ერთ საზღვაო პორტს მაინც, სიტყვას დაიბრუნებთ მე შეგნებულად ხაზს ვუსვამ, რადგანაც ბევრ შემთხვევაში გასხვისებები და გაჩუქებები კანონის დარღვევით ხდებოდა, შედეგად თქვენ შეგეძლებათ, იმ ქვეყნებთან, რომლებიც იყენებენ ჩვენს პორტებს, უკვე ესაუბროთ როგორც უფლებამოსილი პირი.
🔶 მისასალმებელია თქვენი გადაწყვეტილებები ანაკლიის პორტისა და ახალი აეროპორტის მშენებლობაზე, სადაც საკონტროლო პაკეტი 51 %-ი სახელმწიფოს ექნება. თუმცა, ამ 11 წლის განმავლობაში ადრეც შეიძლებოდა ამის გაკეთება.
🔶 ცნობისთვის, ბოლო პორტი 60 მილიონ დოლარად გაიყიდა. პრაქტიკულად, პორტის რამდენიმე დღის შემოსავლის ფასად.
📍 ბატონო პრემიერ-მინისტრო,
🔶 ქვეყნის უმთავრეს გამოწვევად და ძირითად ამოცანად რჩება:
🔶 ქვეყნის გაერთიანება – ამ საკითხზე მნიშვნელოვანი რაც იყო, უკვე მოგახსენეთ დასაწყისში;
🔴 ქვეყანაში მშვიდობის შენარჩუნება;
🔴 ლტოლვილებისა და ემიგრანტების დაბრუნება საქართველოში, მათი ინტელექტუალური და ფინანსური პოტენციალის ქართულ საქმეებში ჩართვა;
🔶 დღეს ბრძოლა მიდის ქართველი ხალხის წინააღმდეგ, ქვეყნის წინააღმდეგ, რომ სახელმწიფო არ გაერთიანდეს, არ განვითარდეს, ქვეყანაში არ გაიზარდოს შემოსავლები და ამ გზით მოახდინონ ხელისუფლების ჩანაცვლება, შემდეგ კი აგვაღებინონ კრედიტები და ამ გზით ფინანსურ ვალდებულებებში დაახრჩონ ქვეყანა. ჩვენი ვითომ კეთილმოსურნეები, ვადაგასული ამერიკის ელჩის კარნახითა და ხელძღვანელობით, ხმალამოღებული ებრძვიან, უპირისპირდებიან ყველა იმ შესაძლო მცდელობას, რომ დაიწყოს პირდაპირი დიალოგი აფხაზებთან, რუსეთთან. ისინი რუს ტურისტებს კი არ ებრძვიან, არამედ – ჩვენს ხალხს, რომ მათ არ ჰქონდეთ შემოსავალი. სხვანაირად ვერ გერევიან და ამ გზით ხალხის განაწყენებით უნდათ ხელისუფლების შეცვლა. იმდენად ზღვარს გადავიდნენ რადიკალური პოლიტიკური ჯგუფები და ენჯეოები, რომ თავიანთი ყველა გამოსვლით, მოსახლეობას ნაცარს აყრიან თვალებში. ქვეყნის ყველა ეკონომიკურ, თუ სხვა სახის მიღწევებს, ფსევდო ევროპული ღირებულებების სანაცვლოდ, რუსეთუმეობად ნათლავენ.
🔶 ამას წლებია აკეთებენ და დღესაც გრძელდება უფრო გააფთრებით. მაინც მინდა მოკლედ შეგახსენოთ: პირველი:
🔶 1. შარლ მიშელის ანტიკონსტიტუციური მემორანდუმი;
🔶 2. ევროპარლამენტის ორი სამარცხვინო რეზოლუცია, რომელიც იყო ორმაგი სტანდარტის კლასიკური მაგალითი. ეს რეზოლუცია უმრავლესობამ მიიღო, თუმცა, მათ შორისაც არიან ევროპარლამენტარები, რომლებსაც ეს არ ეხებათ. მაგალითად, როგორებიც არიან მემარცხენე სოციალისტები ბატონი მიკ ვოლასი და ქალბატონი კლერ დეილი.
🔶 3. ევროპისა და ამერიკის მესვეურთა დავალებით, საქართველოს პრეზიდენტმა ყველაფერი გააკეთა იმისთვის, რომ ევროპარლამენტში თავისი ანტიქართული მოხსენებით გამოსულიყო.
🔶 სწორედ ამ ჯგუფის წარმომადგენელმა ბატონმა მიკ ვოლასმა მყისიერად, ადეკვატური პასუხი გასცა პრეზიდენტ ზურაბიშვილის ანტიქართულ გამოსვლას ბრიუსელში. მან შეახსენა ზოგიერთ კორუმპირებულ პარლამენტარს, რომ მათ გაყიდეს სინდისი, ნამუსი და ევროპული ღირებულებები, როგორც გაყიდა სააკაშვილმა სამშობლო და უფრო მეტიც, შეგნებულად იცავენ დამნაშავეს, რომელიც მხილებულია ადამიანთა წამებაში და თანამოქალაქეთა უსამართლოდ დასჯაში. ევროპარლამენტში სწორედ ამ პოლიტიკურ გუნდთან გვაქვს ჩვენ – პარტია – „ევროპელ სოციალისტებს“ დადებული გრძელვადიანი პოლიტიკური თანამშრომლობის შეთანხმება – მემორანდუმი, რომელსაც ამ დღეებში ხელი მოეწერა.
🔶 4 . ამერიკამ და ევროპამ, თავისი ინტერესებიდან გამომდინარე, თავისი პროვოკაციული ქმედებებით, ეს იყო ნატოს ბუქარესტის სამიტი, თუ უკრაინის უპრეცედენტო შეიარაღება, პარალელურად შეაძლებინეს უკრაინას, რუსეთის მხრიდან მოსალოდნელი საფრთხეების უგულვებელყოფა, რამაც მსოფლიოში უკიდურესად დაძაბა ვითარება.
🔶 ჩვენ დღეს, რომ არ გაგვეთვალისწინებინა 2008 წლის ომის შედეგები და ავყოლოდით ამერიკა-ევროპის იმ ავანტიურას, საქართველოს ოკუპირებული ტერიტორიის 20%-ი გახდებოდა მინიმუმ 40%- ი, თუ მეტი არა. ეს კი, საქართველოს გაქრობის ტოლფასი იქნებოდა.
🔶 ქართველებს გვიყვარს პირველობა, მთელი რიგი მიმართულებებით, როგორც თქვენ დღეს აღნიშნეთ, მაგრამ ამავდროულად უნდა დაგიდასტუროთ, რომ ისტორიულად რეგიონში ყოველთვის პირველები ვიყავით და ვფიქრობ, ევროკავშირში გაწევრიანების შემთხვევაშიც, რისი დიდი იმედი მე არ მაქვს, იქაც პირველები ვიქნებოდით.
🔶 შემეკითხებით, რატომ არ მიგვიღებენ და რა არის ამის მიზეზი?
🔶 სტატუსის მიღება არ მიღებაზე არ ვსაუბრობ, ან იმ 12 საშინაო დავალებაზე. სტატუსი აქ არაფერ შუაშია, სტატუსი სჭირდებათ, როგორც მართვის ინსტრუმენტი. ჩვენ განსაკუთრებული ხალხი და ქვეყანა ვართ, ეს საქართველოა. და რითი განვსხვავდებით მსოფლიოს სხვა ქვეყნებისგან?
🔴 ჩვენი ისტორიით;
🔴 გავუძელით ყველა დამპყრობელს ჩვენი სიცოცხლისუნარიანობით;
🔴 ჩვენ გვაქვს ოჯახის ინსტიტუტი და განსაკუთრებული ნათესაური კავშირები, სადაც არიან, დედა და მამა, შვილები, ბებია და ბაბუა, დეიდა, მამიდა, ბიძა, ნათლია და ნათლული, სიყვარულით გამოწრთობილი ურთიერთობები, რომელსაც თაობიდან თაობას გადავცემთ ხოლმე;
🔴 ჩვენი ხალხი დაჯილდოებულია განსაკუთრებული სიყვარულისა და მეგობრობის ნიჭით;
🔴 ჩვენ გვაქვს რწმენა, გვყავს პატრიარქი, მისი უწმინდესობა ილია მეორე;
🔴 ჩვენ ვიცით შეუდარებლად, ზოგ შემთხვევაში, ჩვენს საზიანოდ, სტუმართ-მასპინძლობა;
🔴 ჩვენს ხალხში დიდი პოტენციალია, როგორც მეცნიერებაში, ასევე ხელოვნებაში, სპორტში, ჭადრაკში (ჭადრაკს მე ცალკე გამოვყოფდი), პოეზიაში, სამხედრო ხელოვნებაში;
🔴 ჩვენ ვართ სამშობლო – ვაზის, ხორბლის, თაფლის, მეტალურგიის, მედიცინის, ეს ხომ ჩვენი წინაპრების მონაპოვარია;
🔴 ჩვენ ვართ ერი მსოფლიოში უნიკალური დამწერლობით და ქართული ენით, რომელსაც ამდიდრებენ მეგრული და სვანური ენები;
🔴 ჩვენ გვაქვს ცეკვა „ქართული“, სადაც ჩადებულია დიდი ფილოსოფია, ცოდნა, სიყვარული, პატივისცემა, რიდი, სიწმინდე, სიცოცხლე და ქართველი ერის უკვდავება, მარადიულობა; (ლადო კახაძე)
🔶 სწორედ ეს ყველაფერი ეწინაღმდეგება ევროკავშირის და ამერიკის ულტრალიბერალურ და მტაცებლურ კონცეფციას. მათ არ სჭირდები ამაყი ერი.
🔶 მათ, ფსევდოლიბერალურ ძალებს, უნდათ უსახელო, უისტორიო, არა ტრადიციების მქონე ერი. ერი, რომელსაც არ გააჩნია თავისი რწმენა, სიამაყე, არა აქვს თავისი ხედვა, მაგრამ ამასთანავე, მათ უნდათ საქართველოს ტერიტორია, და შემდგომ აქ ჩაასახლონ ამ თვისებებისგან განთავისუფლებული ხალხი. ხალხს, რომელსაც ერთი ხელის დაკვრით მიაღებინებენ ერთსქესიანთა ქორწინებას და ხელს შეუწყობენ ასეთი ტიპის ცხოვრების წესის პროპაგანდას. ან შეიძლება დაგვავალდებულონ ისეთი კულტურის მოყვანით, რომელიც აქ არაა ტრადიციული, ან არ ხარობს, ხოლო ჩვენს სათაყვანებელ ვაზზე გვითხრან – ამას იტალია, ესპანეთი, ან რომელიმე სხვა ქვეყანა უკეთ მოიყვანსო! როგორც ეს მოხდა აღმოსავლეთ ევროპის ზოგიერთ ქვეყანაში, როდესაც ისინი ევროკავშირში გაწევრიანდნენ.
🔶 გვებრძვიან, როგორ?
🔶 1. სკოლიდან დაწყებული, საქართველოდან დიდი პოტენციალის მქონე ახალგაზრდების წაყვანით. ამით ჩვენი ინტელექტუალური ქონება გაედინება და ქვეყნა სუსტდება. განათლების სისტემა მოშალეს და გადავედით უნარ-ჩვევების სწავლებაზე. ეხლა ახალი მინისტრის მოსვლით იმედის ნაპერწკალი გაჩნდა.
🔶 – რადგანაც ჩვენი რწმენა, ღმერთის სიყვარული მათ ხელს უშლის ერის და ქვეყნის დამონებაში. ებრძვიან ჩვენს სარწმუნოებას, პატრიარქს. წლებია ასეულობით მილიონი დოლარი იხარჯება საპატრიარქოსთან ბრძოლაში და მისი იმიჯის შელახვაში.
🔶 2. დიდი წინააღმდეგობაა ქვეყანაში იმისთვის, რომ ემიგრანტები დაბრუნდნენ. ამის წინააღმდეგი არიან სხვადასხვა სახელმწიფო ინსტიტუტებში მოკალათებული ფსევდო ლიბერალები. ამისთვის ყველანაირი არგუმენტი მოჰყავთ, ოღონდ ისინი საქართველოში არ დაბრუნდნენ. ძირითადად ეს ყოფილი სსრკ-ს ქვეყნები და ირანია. პირველი რიგის არგუმენტები მოჰყავთ – ქვეყნის უსაფრთხოება, მაშინ, როდესაც ქვეყნის დაცლა ძირძველი მოსახლეობისგან მათთვის თითქოსდა უსაფრთხოებას არ წარმოადგენს, მეორე – ან ენის არცოდნა.
🔶 ეხლა მთავრობამ შემოიტანა კანონპროექტი, რომელიც წინგადადგმული ნაბიჯია, მაგრამ არა საკმარისი.
🔶 ამ პრობლემის გადაწყვეტის ერთ-ერთი მოწინააღმდეგეა საქართველოს პრეზიდენტი, როგორც ყველაფრის პოზიტიურის.
🔶 ფერხდება პარლამენტში ჩვენს მიერ მომზადებული კანონპროექტი „მოქალაქეობის შესახებ“ ამავე მიზეზების გამო.
🔶 რატომ უნდა მიგვიღონ ევროკავშირში? ევროკომისრები თუ ცივი გონებით იხელმძღვანელებენ და არა ისე, როგორც ჩვენს მიმართ პოლიტიკურ გადაწყვეტილებებს იღებდნენ და კარგი უნდათ ევროპისთვის, აუცილებლად უნდა მიგვიღონ.
🔴 ჩვენ ამიერკავკასიის გასაღები ვართ.
🔴 საქართველო ისტორიულად და გეოპოლიტიკურად ერთ-ერთი საკვანძო ქვეყანაა რეგიონში თავისი პოტენციალით ის წარმოადგენს ევროპისა და აზიის დამაკავშირებელ შუა დერეფანს. აჰა, თქვენი აბრეშუმის გზა.
🔴 საქართველო და ქართველები ყოველთვის იყვნენ ძირძველი ევროპული ცივილიზაციის ფუძემდებლები. საქართველოს საუკუნეების მანძილზე ტოლერანტული ქვეყანა იყო და არის, რასაც ვერ ვიტყვით ევროპაზე. ამიტომ ევროპას შეუძლია ბევრი რამ აიღოს და ისწავლოს საქართველოსგან. ამით ევროპა გამდიდრდება.
🔴 საქართველოს ბევრი ტრადიცია აქვს, რომლის გაზიარება ევროკავშირისთვის სასურველი და მისაღები იქნებოდა.
🔶 ჩვენ ასეთები ვართ, გადაწყვიტონ. დარწმუნებული ვარ, საქართველო ნებისმიერ შემთხევაში გაბრწყინდება. საქართველოს უნახავს დიდი იმპერიები, გაერთიანებები, წარმატებული ქვეყნები და ისიც უნახავს, თუ როგორ დაშლილან და გამქრალან ისინი ისტორიის ფურცლებიდან.
🔶 საქართველო უპირველეს ყოვლისა! გისურვებთ პრინციპულ და შეუპოვარ ბრძოლაში გამარჯვებას საქართველოს ინტერესების დასაცავად! წარმატებები თქვენ, ბატონო პრემიერ-მინისტრო, და თქვენთან ერთად საქართვლოს.
🔶 დღეს დარბაზში მიმდინარე პოლემიკიდან გამომდინარე, უნდა ითქვას, რომ საქართველოში გამოჩნდნენ ფაშისტური რიტორიკის მქონე ადამიანები, როგორც ეს იყო ფაშისტურ გერმანიაში, როდესაც ებრაელები და ბევრი სხვა ეროვნების ადამიანები მიუღებლებად ითვლებოდნენ. შენ ებრაელო, შენ რუსო, შენ ზანგო..!
🔶 გთხოვთ, დადგეთ საქართველოში ისტორიულად არსებული ტოლერანტობის სადარაჯოზე, რათა მსგავსი რიტორიკა ჩვენს ქვეყანაში არ ისმოდეს.
🔻ქვეყნის საკანონმდებლო ორგანოში წლიური ანგარიშით საქართველოს პრემიერ-მინისტრის ირაკლი ღარიბაშვილი წარსდგა.
🔻 ცილისწამებისა და შეურაცხყოფის კანონის მიღების აუცილებლობა;
🔻 შეკრებებისა და მანიფესტაციების შესახებ კანონში ცვლილებები, რომელიც ეხება ლგბტ პროპაგანდის შეზღუდვას გარკვეულ ლოკაციებზე;
🔶 ეს ის კითხვებია, რომელიც ფრიდონ ინჯიამ ირაკლი ღარიბაშვილს დაუსვა და ამასთან ხაზი გაუსვა, რომ სწორედ ამ საკითხებთან დაკავშირებით „ევროპელი სოციალისტების“ პოლიტიკურ ჯგუფს მომზადებული აქვს კანონპროექტთა პაკეტი, რომელსაც „ქართული ოცნების“ პოლიტიკური გუნდის მხარდაჭერა სჭირდება. ეს ის საკითხებია, რომელიც 30 აპრილის მრავალათასიან შეკრებაზე საზოგადოების მხრიდან გაჟღერდა. საკითხი, რომელმაც შესაძლოა პოლარიზაცია შეამციროს.
🔶 პოლიტიკური ჯგუფის თავმჯდომარემ პრემიერ-მინისტრს მოუწოდა, გადადგან ქმედითი ნაბიჯები ამ საკითებთან დაკავშირებით, მით უფრო თუ გავითვალისწინებთ, რომ ბოლო პერიოდში ცილისწამებისა და შეურაცხყოფის ნიადაგზე, ადგილი ჰქონდა გარკვეული პირების მიმართ ფიზიკურ ანგარიშსწორებას.
🔶 ფრიდონ ინჯიამ ქვეყნის პრემიერ-მინისტრს, თხოვნით მიმართა კურორტ „ლებარდის“ გზის სარეაბილიტაციო სამუშაოების ჩატარების აუცილებლობის შესახებ. დეპუტატის განცხადებით, „ლებარდე“ ერთადერთი დასასვენებელი კურორტია სამეგრელოს რეგიონში თავისი უნიკალური ბუნებით.
🔶 „პროექტი დამტკიცებულია. გზის გარკვეული ნაწილის რეაბილიტაცია ჩატარდა, მაგრამ მიუხედავად ამისა, 2 წელია საქმე არ იძვრის. გასაგებია, რომ პროექტი არ მოხვდა 2023 წლის ბიუჯეტში, მაგრამ თხოვნაა, რომ „ლებარდის“ გზის სარეაბილიტაციო სამუშაოების განხორციელება გათვალისწინებული იყოს მომავალი -2024 წლის სახელმწიფო ბიუჯეტში“. – აღნიშნა დეპუტატმა.
🔶 პოლიტიკური ჯგუფის თავმჯდომარე თავის გამოსვლაში გამოეხმაურა მთავრობის ახალ ინიციატივას საერთაშორისო აეროპორტის ვაზიანში მშენებლობის გეგმის შესახებ და იმედი გამოთქვა, რომ ახალი აეროპორტის 51% მაინც, სახელმწიფოს საკუთრებაში იქნება.
მსოფლიოში და საქართველოში მიმდინარე ყველაზე აქტუალური პოლიტიკური მოვლენები შეაფასა ტელეკომპანია „ალტ ინფოს“ პირდაპირ ეთერში საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ.
„ვაგნერის“ ლიდერის ევგენი პრიგოჟინის ქმედებები არა როგორც სახელმწიფო გადატრიალების მცდელობა, არამედ როგორც ეგრეთ წოდებული ბუნტი, საკუთარი თავის გადასარჩენად;
რეალური პოლიტიკური განწყობების ლუსტრაცია და ე.წ. პოლიტოკოსების თუ ექსპერტების ინტელექტუალური რესურის გამოვლინება პრიგოჟინის ქმედებებთან დაკავშირებით;
სალომე ზურაბიშვილის ბოლო პერიოდის ანტიკონსტუტუციური და ანტიეროვნული განცხადებები;
„ევროპელი სოციალისტების“ საკანონმდებლო ინიციატივა ლგბტ პროპაგანდის შეზღუდვის შესახებ;
ეს ის ძირითადი თემებია, რომელიც ფრიდონ ინჯიამ მიმოხილვა გადაცემაში „დღის კომენტარი“
პოლიტიკური ჯგუფის თავმჯდომარემ კერძო სამხედრო დაჯგუფების „ვაგნერის“ ლიდერის ევგენი პრიგოჟინის ქმედებები შეაფასა, არა როგორც სახელმწიფო გადატრიალების მცდელობა, არამედ როგორც ეგრეთ წოდებული ბუნტი საკუთარი თავის გადასარჩენად.
„არავითარ სახელმწიფო გადატრიალებაზე აქ არ შეიძლებოდა ყოფილიყო საუბარი. ეს იყო პრიგოჟინის მხრიდან საკუთარი თავის გადასარჩენად განხორციელებული ქმედებები, იმ სისხლის სამართლის საქმიდან გამომდინარე, რომელიც მის წინააღმდეგ არის აღძრული.
ბოლო პერიოდში პრიგოჟინი და მისი ორგანიზაცია სკმაოდ მაღალი რეიტინგით სარგებლობდა. აქედან გამომდინარე, შესაძლოა, რუსეთის პრეზიდენტმა და მთლიანობაში რუსეთის ხელისუფლებამ, ჩათვალა, რომ საჭირო იყო ამ ორგანიზაციის განელება.
რაც შეეხება პრიგოჟინის ქმედებებს, ეს იყო მისი მხრიდან თავის გადარჩენის მცდელობა, რათა მას გადაეფარა ის სისხლის სამართლის საქმე, რომელიც მის წინააღმდეგ რამდენიმე დღის წინ აღიძრა“, – მიაჩნია ფრიდონ ინჯიას.
დეპუტატი დარწმუნებულია, რომ რუსეთი არ დაუშვებდა და არ დაუშვებს, რომ კერძო სამხედრო დაჯგუფება დაუპირისპირდეს ქვეყნის ოფიციალურ სამხედრო უწყებას და გენერალურ შტაბს.
„ვინ არის პრიგოჟინი? ვინ შექმნა იგი? არსებული ინფორმაციით, ეს ორგანიზაცია არაკონსტიტუციურია და იგი არ ითვლება ოფიციალურ ორგანიზაციად. რუსეთის ფედერაციის კანონმდებლობით საკმაოდ რთული პროცედურებია გასავლელი ელემენტარულად დაცვის სამსხურის ფუნქციონირებისთვის. ამ კერძო სამხედრო ორგანიზაციას კი, გააჩნია ყველანაირი შეიარაღება ატომური ბომბის გარდა.
აქედან გამომდინარე, უნდა ვივარაუდოთ, რომ ეს ორგანიზაცია არ არის შექმნილი ქვედა დონეზე და რუსეთის პრეზიდენტის ნებართვის გარეშე, ვფიქრობ ასეთი ორგანიზაციის შექმნა შეუძლებელი იქნებოდა.
როდესაც იქმნებოდა ეს ორგანიზაცია, ალბათ პრეზიდენტსა და სახელმწიფოს სჭირდებოდა იგი, რომელიც შეასრულებდა სხვადასხვა დავალებებს, სხვადასხვა მიზნებისთვის. სხვაგვარად, ამის შექმნა წარმოუდგენელი იქნებოდა, რადგან ამ ორგანიზაციას ლამის რეგულარული არმიის სტატუსი აქვს. ამიტომ, ეს კერძო სამხედრო ორგანიზაცია შეუძლებელია ყოფილიყო მე-5 კოლონის ან ლიბერალების მიერ დასმული და შემოპარული დიდ სახელმწიფო სისტემაში. მე ვფიქრობ, გარკვეულწილად ის ლიბერალები, რომლებიც მოკალათებულები არიან პუტინის ირგვლივ, ისინი იქნებოდნენ ამ ორგანიზაციის შექმნის წინააღმდეგი.
რაც შეეხება იმ დაპირისპირებას, რომელიც ბოლო პერიოდის განმავლობაში მოხდა, ეს იყო პრიგოჟინსა და რუსეთში არსებულ ლიბერალურ ფრთას შორის არსებული დაპირისპირება “, – მიაჩნია ფრიდონ ინჯიას.
„აქდან გამომდინრე, ამ მოვლენების შეფასებისას სახელმწიფო გადატრიალების შესახებ საუბარი არის მოგონილი ამბავბი. ყველაფერი, რაც ამ ორგანიზაციას სამხედრო ტექნიკის სახით გააჩნია, მიღებული აქვს რუსეთის თავდაცვის უწყებისგან.
ასე, რომ შემდეგი ნაბიჯი შეიძლება იყოს ამნისტია და პრიგოჟინის მშვიდობიანად მოშორება. მით უფრო, თუ გავითვალისწინებთ, რომ მისი ორგანიზაციის გარკვეული ნაწილი უკვე თავდაცვის სამინისტროში ერთიანდება და თუ პრიგოჟინი მსგავს ქმედებებს გააგრძელებს, მაშინ რადიკალური ზომებიც იქნება გატარებული მის მიმართ“, – აღნიშნა დეპუტატმა
პოლიტიკური ჯგუფის თავმჯდომარემ ტრაგიკომედია უწოდა პრიგოჟინის ქმედებებიდან გამომდინარე, საქართველოში და არა მარტო საქართველოში, პოლიტიკოსების, ექსპერტების მიერ გაკეთებეულ განცხადებებს და მათ ანალიტიკურ ხედვებს.
ფრიდონ ინჯიას შეფასებით, გაუგებარია მისთვის გარკვეული პოლიტიკური ძალების მხრიდან გუშინ ატეხილი აჟიოტაჟი პრიგოჟინის ქმედებებიდან გამომდინარე. მისი აზრით, ამ ძალების სურვილია, რომ საქართველოში სიტუაცია დაიძაბოს და მოხდეს არეულობა, მაგრამ დასაიმედებელი ის არის, რომ ეს ძალები ცოტანი არიან და, რაც მთავრია, მათ არ აქვთ ხალხის მხარდაჭერა.
„უნდა ითქვას, რომ ამ პროცესს საქართველოში ხელმძღანელობს ამერიკის შეერთებული შტატების საელჩო, რომლის დაქვემდებარებაში არიან სხვა დანარჩენი საელჩოები, რომლებსაც უტარდებათ ინსტრუქტაჟი, მაგრამ ქართველი ხალხი არ ჰყვება ამ პროცესებს. ეს ასე რომ არ იყოს, საქრთველოს საკუნოვანი ისტორია არ ექნებოდა და ქვეყანა ამდენი ხანი ვერ იარსებებდა“, – აღნიშნა დეპუტატმა.
„მართლაც, რომ გუშინ ტრაგიკომედია იყო. პრაქტიკულად, ექსპერტებმა, ანალიტიკოსებმა, პოლიტიკოსებმა თავი მოიჭრეს … ასეთი ადამიანები, რომლებიც წლებია პოლიტიკაში არიან, სიოს უნდა გრძნობდნენ არა თუ ქარიშხალს… ან მეორე ვარიანტია, ისინი ასრულებდნენ კოლექტიური დასავლეთის დავალებებს. რამდენიმე თვის უკან, სწორედ ვაგნერელების სამხედრო დაჯგუფებამ გაანადგურა უკრაინის ქალაქები და როგორ შეიძლებოდა ვინმეს ეფიქრა, რომ იგი არის დასავლეთის მიერ დასმული. მართლაც, გასაოცარია იმ ხალხის პოზიცია, რომლებმაც პრიგოჟინი გმირად შერაცხეს და მის სახელს ფიცულობდნენ“,- განაცხადა ფრიდონ ინჯიამ.
ამასთან, როგორც დეპუტატმა აღნიშნა, იმ შემთხვევაში, თუკი პრიგოჟინის ქმედებები სერიოზულ სახეს მიიღებდა, ეს საქართველოსთვის უარესი უბედურების მომატენი იქნებოდა.
დეპუტატმა ყურადღება გაამახვილა წინა ხელისუფლების მიერ მიწების გაყიდვის საკითხზე, რაც ფრიდონ ინჯიას შეფასებით, წარმოუდგენელი გადაწყვეტილება იყო იმ ფონზე, როდესაც საქართველოს ისტორიას არ ახსოვს მეფეები, რომელთა მმართველობის პერიოდში გაიყიდა ქართული მიწა.
„ისეთი დანაშაული, რაც წინა ხელისფლებამ ჩაიდინა, საქართველოს ისტორიას არცერთი მეფის მმართველობის პერიოდში არ ახსოვს“, – აღნიშნა დეპუტატმა.
გადაცემის წამყვანის კითხვაზე, არის თუ არა საზოგადობის მხრიდან სწორად აღქმადი ბოლო მოვლენები და თუ არის თვალნათელი, თუ ვინ დგას რეალური პროდასვლური ძალების უკან მებაირაღედ, ვინც მოუწოდებს ხალხს გამოვიდეს ქუჩაში, დეპუტატმა აღნიშნა, რომ პირველ რიგში თავისი ქმედებებით გამოირჩევა საქართველოს პრეზიდენტი, რომელმაც ამ ფლანგის გაერთიანება დაიწყო და ყველა მისი განცხადება არის ანტიქართული, ანტისახელმწიფოებრივი.
„ბევრმა მისცა ხმა სალომე ზურაბიშვილს და მათ შორის მეც, მაგრამ რომ დაფიქრდები, ადამიანი მიხვდები, რომ პიროვნება, რომელიც სხვა სახელმწიფოს ელჩი იყო, როგორ შეიძლება იგი იყოს საქართველოს პრეზიდენტი. ის ხომ დასმული რეზიდენტია იმ ქვეყნის, რომელმაც ელჩად მიავლინა.
ყველა საელჩოს ჰყავს თავისი უშოშროების, ასევე სპეც სამსახურები და ისინი დიპლომატიური პასორტის საფარქვეშ მოქმედებენ. აქედან გამომდინარე, საქართველოს დღევანდელი პრეზიდენტი მინიმუმ უცხო ქვეყნის დაზვერვის ხელმძღვანელის ფუნქციას ასრულებს და იგი როგორც ქვეყნის პრეზიდენტი დღეს უფრო მეტ ქვეყანას უკეთებს კოორდინაციას თავისი უფლებამოსილებიდან გამომდინარე, ვიდრე ელჩობის დროს. მით უმეტეს, მისი შვილები მუშაობენ ამერიკის სახელმწიფო დეპარტამენტში. შეიძლება ითქვას, რომ დღეს ყველა საელჩო თავისი სპეცსამსახურებით, სალომე ზურაბიშვილის ფრთებ ქვეშ არის მოქცეული. იგი, როგორც პრეზიდენტი, არის იმ დავალებების და გეგმის გამტარებელი, რომელიც მას ჰქონდა საქართველოში საფრანგეთის ელჩობის დროს. ეხლა კი, მას ეს უფლებამოსილება პრეზიდენტის რანგში უფრო გაფართოებული აქვს.
აქედან გამომდინარე, ხელისფლება ყველა მის ნაბიჯზე და ყველა მის ქმედებაზე, უნდა იყოს დიდი ყურადღებით, რადგან მისი ქმედებები ქვეყნის არეულობისკენ არის მიმართული“, – მიაჩნია ფრიდონ ინჯიას.
დეპუტატის აზრით, იგივე შეიძლება ითქვას ნიკა გვარამიას შეწყალებასთან დაკავშირებით, სადაც გამოჩნდა, რომ ევროკომისარმა გვარამიას შეწყალების გადაწყვეტილების შესახებ წინასწარ იცოდა. ამით ის დასტურდება, რომ სალომე ზურაბიშვილი დასავლეთის დაკვეთას ასრულებს.
„ნიკა გვარამიას შეწყალება იყო დადგმული თავიდან ბოლომდე. ეს იყო გარკვეული რეპეტიცია შემდგომი ნაბიჯის – სააკაშილის შესაძლო შეწყალებასთან დაკავშირებით, ვინაიდან სააკაშვილს შეწყალების შემთხევვაში, ისევ დაპატიმრება ემუქრება, რადგან იგი დამნაშავეა სხვა ქმედებებშიც, რომლებზეც საქმე ჯერ აღძრული არ არის და განაჩენი არ არის გამოტანილი. სააკაშვილთან მიმართებაში ამ ტიპის სცენარის განხხორცილება გამორიცხულია, რადგან ხელისუფლება ამ მხრივ კარგად აანალიზებს რეალურ ვითარებას. ყველაზე მთავარი და წონიანი დავალება, რაც აქვს სალომე ზურაბიშვილს, ეს არის ის, რომ შეიწყალოს ადამიანი, ამ შემთხვევაში სააკაშვილი, რომელსაც შეუძლია რაღაც დესტაბილიზაციის მსგავის შემოიტანოს ქვეყანაში“, – განაცხადა ფრიდონ ინჯიამ.
ამიტომ, დეპუტატს მიაჩნია, რომ ხელისუფლებამ ყველა ნაბიჯი თანმიმდვერულად უნდა გადადგას და მისი ყველა გადაწყვეტილება უნდა გამომდინარეობდეს კანონის უზენაესობიდან.
„რომ არა ხელისუფლების მშვიდობის პოლიტიკა, დღეს შეუძლებელი იქნებოდა საუბარი ეკონომიკის წინსვლაზე, ორნიშნა ეკონომიურ ზრდაზე, სოციალურ ინიციატივებზე. კიდევ ბევრი რამე არის გასაკეთებელი სახელმწიფოში და ამაზე ჩვენი პარტია რეგულარულად საუბრობს და არგუმენტირებულად ითხოვს ხელისფლებისგან ცვლილებების განხორციელებას“, – აღნიშნა ფრიდონ ინჯიამ.
რაც შეეხება „საპარლამენტო პოლიტიკური ჯგუფის „ევროპელი სოციალისტების“ მიერ მომზადებულ კანონპროექტთა პაკეტს, სადაც ერთ-ერთი პროექტი ლგბტ პროპაგანდის შეზღუდვის საკითხს შეეხება, დეპუტატის განცხადებით, აქ ხაზი უნდა გავუსვათ იმ მნიშვნელოვან გარემოებას, რომ პროექტი არ ითვალისწინებს რაიმე ტიპის აკრძალვას ამ თვალსაზრისით, არამედ პროექტით იზღუდება ლგბტ პროპაგანდა საზოგადოების თავშეყრის ადგილებში.
„ჩვენ მომზადებული გვაქვს კანონპროექტთა პაკეტი, რომელიც ელოდება, თუ როდის იქნება მზად „ქართული ოცნება“ მის მისაღებად, რადგანაც „ევროპელ სოციალისტებს“ არ აქვთ საჭირო ხმები პარლამენტში. მოგეხსენებათ, ჩვენ სულ 4 დეპუტატით ვართ წარმოდგენილნი საკანონმდებლო ორგანოში. ამიტომ, ჩვენ რომ კანონპრეიქტი შევიტანოთ და იგი დაიბლოკოს, ეს პროცესს გაწელავს.
ჩვენს მიერ მომზადებული კანონპროექტით არ არის საუბარი აკრძალვაზე, პროექტი ზღუდავას ლგბტ პროპაგანდას საზოგასოების თავშეყრის ადგილებთან, სკოლებთან თუ საბავშვო ბაღებთან, სკვერებთან თუ პარკებთან.
განსხვავებული ორინეტაციის ადამიანები ყოველთვის იყვნენ. მსოფლიოში ასეთი ადამიანების 2% თუ იქნება. საქართველოში ჩვენ ვიცით საკმაოდ წარმატებული, ცნობილი და გამოჩენილი ადამიანები, რომლებიც განსხვავებული ორიენტაციის იყვნენ. ამიტომ, კანონპროექტი არ ითვალისწინებს მათ მიმართ რაიმე აკრძალვას, კანონპროქტში შეზღუდულია პროპაგანდა გარკვეულ ლოკაციებში”.
პოლიტიკური ჯგუფის თავმჯდომარე მიიჩნევს, რომ „ქართული ოცნების“ მმართველი პოლიტიკური ძალა მართალია ნაბიჯ-ნაბიჯ, მაგრამ მაინც ყველანაირად ცდილობს გადადგას ქმედითი ნაბიჯები, რომელიც საქართველოს სჭირდება დღეს.
დეპუტატი იმედოვნებს, რომ ქვეყნის ხელისუფლების ყველა ქმედება იქნება გონივრული ქვეყნისა და ხალხის ინტერესებიდან გამომდინარე.
მსოფლიოში და საქართველოში მიმდინარე ყველაზე აქტუალური პოლიტიკური მოვლენები შეაფასა ტელეკომპანია „ალტ ინფოს“ პირდაპირ ეთერში საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ.
„ვაგნერის“ ლიდერის ევგენი პრიგოჟინის ქმედებები არა როგორც სახელმწიფო გადატრიალების მცდელობა, არამედ როგორც ეგრეთ წოდებული ბუნტი, საკუთარი თავის გადასარჩენად;
ეს ის ძირითადი თემებია, რომელიც ფრიდონ ინჯიამ მიმოხილვა გადაცემაში „დღის კომენტარი“