„თქვენ რომ რამე შეგშლოდათ, საქართველო აღმოჩნდებოდა ერეკლეს დროინდელ ხანაში“ – ფრიდონ ინჯიამ პრემიერ-მინისტრს ირაკლი ღარიბაშვილს მიმართა.
საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს პარლამენტის პლენარულ სხდომაზე, სადაც ქვეყნის პრემიერ-მინისტრი ირაკლი ღარიბაშვილი წლიური ანგარიშით წარდგა, თავის გამოსვლაში მიანიშნა იმ მოსალოდნელ საფრთხეებზე, რასაც საქართველოს ომში ჩართვას შესაძლოა მოჰყოლოდა.
„თქვენ რომ რამე შეგშლოდათ და იქ რაიმე პატარა ნაპერწკალი ყოფილიყო, 400 მეტრზე გადმოიწეოდა საზღვარი, და საქართველო აღმოჩნდებოდა ერეკლეს დროინდელ ხანაში, გაყოფილი იქნებოდა შუაზე სხვადასხვა კუთხეებად. აი, ეს იქნებოდა, მე ამაში დარწმუნებული ვარ. არავითარი კორიდორი, … აქეთ აღმოსავლეთი და იქეთ დასავლეთი… და წარმოგიდგენიათ, ერთი ბომბი რომ ჩამოვარდეს რომელიმე ქალაქში, რა იქნება… რომელ 15% ზრდაზე იქნებოდა საუბარი. რაზე იქნებოდა საერთოდ საუბარი, ჩემო მეგობრებო ამას სულით და გულით გეუბნებით. ყოველგვარი ნიშნის მოგების გარეშე, როგორც გინდათ ისე გაიგეთ“,- განაცხადა ფრიდონ ინჯიამ.
📍 „ევროკავშირის წევრობის გამოგონილი კანდიდატის სტატუსი სპეციალურად უკრაინისთვისაა შექმნილი.“
📍 „ევროკომისიის 12 მოთხოვნა შემაშფოთებელია და გამოხატავს რადიკალური ოპოზიციის ნარატივს.“
👉 ამის შესახებ საპარლამენტო პოლიტიკურ ჯგუფის „ევროპელი სოციალისტების“ თავმჯდომარემ ფრიდონ ინჯიამ საქართველოს პარლამენტის პლენარულ სხდომაზე განაცხადა, სადაც საქართველოს პრემიერ-მინისტრის ირაკლი ღარიბაშვილი წლიური ანგარიშით წარდგა.
🔹 „მე ასე ვფიქრობ, რომ ეს გამოგონილი, სტატუსი ევროკავშირის კანდიდატობისა, ეს არის სპეციალურად უკრაინისთვის შექმნილი. იმიტომ, რომ ის ომობს, ის ასრულებს დავალებას, ის იცავს, და მრავალი სხვა, ეს იყო ერთადერთი ჟესტი უკრაინისთვის და ამ დროს აქ გამოჩნდა მოლდოვა და საქართველო“ – განაცხადა ფრიდონ ინჯიამ.
🔹 მისი თქმით, ის, 27 ქვეყანა, რომლებიც არის ევროკავშირის წევრი სახელწიფო, არც ერთ მათგანს თავის დროზე არ ჰქონია ევროკავშირის წევრობის კანდიდატის სტატუსი.
🔹 „არც ერთ ქვეყნას, რომელიც გახდა ევროკავშირის წევრი ქვეყანა, არ ჰქონია წევრობის კანდიდატის სტატუსი. მათი გაწევრიანება იყო მხოლოდ პოლიტიკური ნება. ეს იყო საჭირო ევროკავშირისთვის და ამ გადაწყვეტილებას იღებს დაახლოებით 4 ქვეყნის პირველი პირი. მათ შორის ინგლისი, მიუხედავად იმისა, რომ ის ამჯერად ევროკავშირის წევრი სახელმწიფო არ არის, მაგრამ არის სრულუფლებიანი ყველა მნიშვნელოვანი საკითხის გადაწყვეტისას“. – განაცხადა ფრიდონ ინჯიამ.
🔹 რაც შეეხება ევროკავშირის ასოცირებულ წვერ ქვეყნებს, როგორც ფრიდონ ინჯიამ აღმნიშნა, ასეთია მრავალი ქვეყანა, მათ შორის არის, ეგვიპტე, სამხრეთ აფრიკის რესპუბლიკაც კი. მაგრამ საქართველო, რომელიც ასევე, არის ასოცირებული წევრი, პირნათლად ასრულებს აღებულ ვალდებულებებს.
🔹 „რაში გამოიხატება ეს: ეს არის უვიზო მიმოსვლა, ეს არის ვაჭრობის ხელშეკრულება, ეს არის მრავალი სხვა. იმ უვიზო მიმოსვლაში ერთადერთი ნაკლი არის ის, რომ ჩვენს მოქალაქეებს იქ მუშაობა არ შეუძლიათ ჯერჯერობით, მაგრამ ამასთანავე, არის ზოგიერთი გამონაკლისი ქვეყნები, რომელთანაც მუშაობასთან დაკავშირებით ხელშეკრულებები იდება. ეს შემდეგი მუშაობის საქმეა.“ – დასძინა ფრიდონ ინჯიამ.
🔹 დეპუტატმა პლენარულ სხდომაზე ყურადღება გაამახვილა ევროკომისიის 12 მოთხოვნასთან დაკავშირებით, რომელიც მისი აზრით, შემაშფოთებელი და დიქტატორულია.
🔹 ფრიდონ ინჯიას განცხადებით, შემაშფოთებელია ის 12 მოთხოვნა, რითაც იწყება ევროკომისიის მოთხოვნების ჩამონათვალი და გამოხატავს რადიკალური ოპოზიციის ნარატივს.
🔹 „თქვენ ვერ ხედავთ საერთოს იმ ნარატივიდან რაც აქვს რადიკალურ ოპოზიციას? ის ჩამონათვალი, ის მოთხოვნები, ეს არის ერთგვარი საგზაო რუკა, იმისა რასაც საუბრობს რადიკალური ოპოზიცია. აბა აქ როგორ შეიძლებოდა მოხვედრილიყო მაგალითად, შარლ მიშელთან შეხვედრის კრიზისიდან გამოსვლის დოკუმენტის აუცილებლობა. ან მეორე, – პოლარიზაციის გადაწყვეტის საკითხი. პოლარიზაცია არის ყველა ქვეყანაში, მაგრამ იქ ასეთ რამეს არ ჩაუწერენ, ეს ამათი ჩაწერილია, ამათმა მაგრად იმუშავეს. მაგრები არიან, ახალგაზრდები არიან, ეხლა ისინი ერთმანეთს ეჯიბრებიან რაში? იციან, რომ სააკაშვილი კაი ხანს ვერ გამოვა, და აქ უნდა გამოიკვეთოს ლიდერი. ძალიან კარგი იქნება, რაც უფრო ადრე გამოიკვეთება მათი ლიდერი, უფრო ადვილი იქნება მათთან საუბარი და მეტი საქმეც გაკეთდება, მე ასე ვფიქრობ“ – განაცხადა ფრიდონ ინჯიამ …
🔹 „რითი იწყება ევროკომისიის მოთხოვნები: აღმოფხვრის, გაითვალისწინებს, მიიღებს, გააძლიერებს, აიღებს ვალდებულებას, შექმნის, სასწრაფოდ დაიცავს, გააერთიანებს ძალისხმევას, ჩართავს, დანიშნავს, მიიღებს კანონებს. ასეთი დიქტატორული მოთხოვნები მე არ მინახავს. ეს რა კონსტიტუციაა? ესე იგი, რა გამოდის, მე დეპუტატს და დეპუტატებს, რომელიც ხალხმა აირჩია, გვეუბნებიან, რომ აი შენ მიიღებ ამ კანონს? „ … განაცხადა ფრიდონ ინჯიამ.
🔹 მან ასევე ხაზი გაუსვა ქვეყანაში არსებულ პოლარიზაციის საკითხს, რაზეც ასევე, ევროკომისიის დოკუმენტშია ყურადღება გამახვილებული.
🔹 „აი რომ არის საუბარი, დაძაბულობაზე და პოლარიზაციაზე, გამოუშვით აბა სააკაშვილი, ევროკავშირის მოთხოვნებში ეს მუხლი აღარ იქნება, მაგარმ რა იქნება ?! … რა მოხდება?!.. „ – დასძინა ინჯიამ.
🔹 პოლიტიკური ჯგუფის თავმჯდომარე მიჩნევს, რომ ევროკომისიის მოთხოვნების ჩამონათვალიდან, საქართველო თუნდაც, პირველ ადგილას რომ ყოფილიყო, საქართველოს კანდიდატის სტატუსს მაინც არ მისცემდნენ.
🔹 „უნდა გითხრათ, რომ იმ ჩამონათვალიდან, საქართველო თუნდაც პირველ ადგილას რომ ყოფილიყო, როგორ ფიქრობთ ევროკავშირის წევრობის კანდიდატის სტატუსს ჩვენ მოგვცემდნენ? – არ მოგვცემდნენ. ამიტომ, ის საუბარი რაც დღეს არის პარლამენტის დარბაზში რადიკალური ოპოზიციის მხრიდან, აცდენილია საერთოდ რეალობას“. – მიაჩნია ფრიდონ ინჯიას.
🔹 პოლიტიკური ჯგუფის თავმჯდომარემ პლენარულ სხდომაზე მიმართა პრემიერ მინისტრს ირაკლი ღარიბაშვილს და აღნიშნა, რომ მან და საქართველოს მთავრობამ გააკეთეს ყველაფერი კანდიდატის სტატუსის მოსაპოვებლად.
🔹 „თქვენ ჩაერთეთ პროცესში და ყველაფერი გააკეთეთ იმისთვის, რომ მოგეპოვებინათ ქვეყნისთვის ის სტატუსი, რომელიც პრაქტიკულად, არაფერს არ იძლევა. ღმერთმა ქნას მოგვცენ კანდიდატის სტატუსი, მაგრამ ის არაფერს არ იძლევა, იმიტომ რომ ათობით ქვეყანაა, რომელსაც უნდა ევროკავშირის წევრობა. მეც მინდა ძალიან, ეს ძალიან მნიშვნელოვანი იქნებოდა საქართველოსთვის, მაგრამ საქართველო თავისი პოტენციალით, ეკონომიკით არ არის ჯერ მზად ამისთვის“. – განაცხადა ფრიდონ ინჯიამ
🔹 „აი, მაგალითად პოლონეთმა, 10 წლის განმავლობაში, რაც ის არის ევროკავშირის წევრი ქვეყანა, 101 მილიარდი მიიღო ევროკავშირიდან, და მთლიანობაში პროცენტულად ევროპამ ყველაზე დიდი თანხა მიიღო. საქართვლო რომ მიეღო ევროკავშირს ისე როგორც მიიღო ბალტიისპირეთის ქვეყნები, მე დარწმუნებული ვარ საქართველო ყველაზე მეტს მიიღებდა, ყოველ შემთხვევაში არანაკლებს..“ – დასძინა დეპუტატმა.
🔹 „ამიტომ ბატონო პრემიერო, თქვენ გული არ დაგწყდეთ, ამას გეუბნებით თქვენ ბატონო ირაკლი და ეხება მეორე ირაკლსაც (კობახიძე -საპარლამენტო უმრავლესობის ლიდერი), იმიტომ რომ თქვენ ერთი ძლიერი გუნდი ხართ. იმიტომ, რომ თქვენ რაც არ უნდა გაგეკეთებინათ, ვისაც არ უნდა შეხვედროდით, გარდა იმ ოთხი ქვეყნის პირველი პირებისა, კი, ყველა გეტყოდათ კარგები ხართ, … ის ჩანაწერი რაც მათ გააკეთეს რომ საქართველოს აქვს პერსპექტივა გახდეს ევროკავშირის წევრი ქვეყანა, ადასტურებს, რომ თქვენ კარგები ხართ. თქვენ გინდათ, რომ საქართვლო იყოს დემოკრატიული ქვეყანა და ყველაფერი…. ის იყო წერტილი და გითხრეს, რომ თქვენ მართლა კარგები ხართ და იმსახურებთ ყველაფერს, მაგრამ ბოდიშით… ამას თქვენ ღიად ვერავინ ვერ გეტყოდათ, მაგრამ თქვენ ამას იგრძნობდით. ეს სხვა გადაწყვეტილებაა, ეს არის სხვა ქვეყნების გადაწყვეტილება .. ეს არის იმ ომთან დაკავშირებული…“ – განაცხადა ფრიდონ ინჯიამ.
👉„საფრანგეთში ელჩი ვერ შეარჩიეთ, რომელიც სახელმწიფოს საქმეს აკეთებდეს… საქმე თუ არ შეგიძლიათ, წადით სახლში.“ ფრიდონ ინჯიამ პარლამენტში დიასპორისა და კავკასიის საკითხთა კომიტეტის სხდომაზე საგარეო საქმეთა მინისტრის მოადგილეს ვლადიმერ კონსტანტინიდის მიმართა.
🔹 როგორც საპარლამენტო ოპოზიციური პოლიტიკური ჯგუფის თავმჯდომარემ კომიტეტის სხდომაზე განაცხადა, საფრანგეთში საქართველოს ელჩის უმოქმედობა სახელმწიფოს საქმეს აზიანებს, ხოლო საგარეო პოლიტიკურმა უწყებამ ვერ უზრუნველყო ელჩის ახალი კანდიდატურის შერჩევა.
🔹 „თუ ჩემი კითხვებიდან რამე დასკვნას გააკეთებთ, კარგი იქნება, იმიტომ, რომ კიდევ მობრძანდებით პარლამენტში და უკვე ასე თბილად არ დაგელაპარაკებით. საქმე გააკეთეთ და თუ არ შეგიძლიათ, წადით სახლში. იმის არ იყოს, იმხელა ქვეყანაში – საფრანგეთში ელჩი ვერ მოიყვანეთ, ვერ შეარჩიეთ, ვერ გადაწყვიტეთ, ყველამ, ვისაც ეხება ეს. იმხელა ქვეყანაში ელჩი არ არის, რომელიც უნდა აკეთებდეს სახელმწიფოს საქმეს. ეს თქვენ გეხებათ“, – განაცხადა დეპუტატმა ინჯიამ.
🔹 თავის მხრივ, მინისტრის მოადგილემ დეპუტატის კითხვაზე აღნიშნა, რომ საქართველოს ელჩი საფრანგეთში გამოწვევის რეჟიმშია, და სამინისტროს ხელმძღვანელობას აქვს ძალიან მყარი მოტივაცია და გადაწყვეტილება გააძლიეროს საფრანგეთის მიმართულება.
🔹 „შეფასებით კატეგორიაში შესვლა ამ ფორმატში გამიჭირდება, თუმცა ვიტყვი, რომ ახლო მომავალში, ალბათ, ახალი კანდიდატურა იქნება წარდგენილი. იმედი გვაქვს, ახალი კანდიდატურა თქვენს და ყველას მოლოდინებს გაამართლებს იმიტომ, რომ საფრანგეთი ძირითადი მიმართულებაა, რომელიც საჭიროებს განსაკუთრებულ ყურადღებას, მეტნაკლებად სკეპტიკური ქვეყანაა, და მეტი მუშაობაა საჭირო. ამიტომ სამინისტროს ხელმძღვანელობას აქვს ძალიან მყარი მოტივაცია და გადაწყვეტილება გააძლიეროს ეს მიმართულება“, – აღნიშნა კონსტანტინიდიმ.
📍 ფრიდონ ინჯია მთავრობისგან ქართველი ემიგრანტების სამშობლოში ღირსეულად დაბრუნების საქმეში გააქტიურებას ითხოვს.
🔹 “ქართულ დიასპორასთან მუშაობისას უმთავრესია ის, რომ სახელმწიფოს მხრიდან ყველაფერი გაკეთდეს ადამიანების ღირსეულად დასაბრუნებლად.”
🔹 ამის შესახებ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ფრიდონ ინჯიამ დიასპორისა და კავკასიის საკითხთა კომიტეტის სხდომაზე განაცხადა, სადაც საგარეო საქმეთა მინისტრის მოადგილის ვლადიმერ კონსტანტინიდის მოხსენება მოისმინეს ქართულ დიასპორასთან ურთიერთობის კუთხით გაწეული სამუშაოს შესახებ.
🔹 „მიმაჩნია, რომ დიასპორასთან მუშაობისას უმთავრესია ყველაფერი გაკეთდეს ადამიანების ღირსეულად დასაბრუნებლად სამშობლოში. ამასთანავე, მათ, ვინც იქ დარჩება საქართველოს შესახებ ინფორმაცია უნდა მიეწოდებოდეს. ძალიან მცირე დაფინანსებაა გათვალისწინებული ნებაყოფლობით დაბრუნების პროგრამაში, მაშინ, როცა სხვადასხვა მიმართულებით მილიონებზეა საუბარი“, – განაცხადა დეპუტატმა ფრიდონ ინჯიამ.
🔹 მისი თქმით, აუცილებელია, ქართულ დიასპორებთან მუშაობის გააქტიურება და მათი სამშობლოში დაბრუნების ხელშემწყობი პროგრამების გაფართოება.
🔹 „ადამიანმა, რომელმაც გადაწყვიტა დაბრუნება, უნდა იგრძნოს, რომ მას თავისი სამშობლო ხვდება, რომ მთლად ღატაკი არ არის ეს ქვეყანა, და მისი დახმარების უნარი შესწევს“, – აღნიშნა ფრიდონ ინჯიამ და ხაზი გაუსვა, რომ საჭიროა, სხვადასხვა ქვეყანაში შესაბამისი რეკლამების გაშვება იმის შესახებ, რომ არსებობს შესაბამისი პროგრამა, რაც ადამიანს, რომელიც უცხოეთშია და ორჭოფობს დაბრუნებაზე, გადაწყვეტილების მიღებაში დაეხმარება.
👉 საქართველო არასოდეს ყოფილა ასეთი დამოუკიდებელი როგორიც, არის დღეს – ფრიდონ ინჯია
👉 „საქართველო არასოდეს ყოფილა ასეთი დამოუკიდებელი როგორიც, არის დღეს ჩვენი უახლოესი ისტორიის მანძილზე!“
🔹 საპარლამენტო პოლიტიკური ჯგუფის „ევროპელი სოციალისტების“ თავმჯდომარის ფრიდონ ინჯიას გამოსვლა პარლამენტის პლენარულ სხდომაზე.
🔹 „ჩვენი სამშობლო ყოველთვის მიისწრაფვოდა რომ მდგარიყო ისტორიის სწორ ადგილას. ათწლეულების განმავლობაში ყველაფერი გაკეთდა იმისთვის, რომ ვყოფილიყავით ევროპული ოჯახის სრულფასოვანი წევრი როგორც სამხედრო თვალსაზრისით, ასევე ყველა სხვა პრიორიტეტული მიმართულებით. მიუხედავად ამისა, ამ პერიოდში დავკარგეთ ტერიტორიები, დაიხოცნენ ჩვენი შვილები, გადაიხვეწა ხალხი.
🔹 დადგა დრო, სწორად განვსაჯოთ ყველაფერი და გამოვიტანოთ დასკვნები:
🔹 საქართველომ და მისმა ხელისუფლებამ კვლავ უნდა იმოქმედოს საკუთარი ქვეყნის სახელმწიფოებრივი ინტერესებიდან გამომდინარე, ისევე როგორც მოქმედებენ: ნატოს წევრი და ევროკავშირის კანდიდატი ქვეყანა თურქეთი, ევროპის ასოცირების მქონე სხვა სახელმწიფოები, ევროპის რიგი სახელმწიფოებისა და ჩვენი მეგობარი ქვეყანა, სამაგალითო ისრაელი.
🔹 იმ 12 პუნქტიდან, რაც ევროკავშირის მოთხოვნაა, თითოეული გამსჭვალულია ორმაგი სტანდარტით, არ არსებობს კრიტერიუმი მისი შესრულების, შეფასებისა და მთავარია, ვინ იქნება შემფასებელი.
🔹 უდევს თუ არა საფუძვლად ამ პირობებს სამართლებრივი სახელმწიფოს მშენებლობა, კანონის უზენაესობა ყველას მიმართ და საქართველოს ეთნიკურ -კულტურული იდენტობის შენარჩუნება?
🔹 თუ ამ 12 პუნქტის შესრულების შემდეგ ჩვენ ვიღებთ მე-13, ყველაზე მთავარ პირობას, რომელიც გაჟღერდა, არა ევროკომისიის და ევროპარლამენტის მაღალი ტრიბუნიდან, არამდე ევროპის ერთერთი ლიდერი ქვეყნის პრეზიდენტის მხრიდან, სადაც იგი, პრაქტიკულად, ჩვენი ქვეყნის გეოგრაფიულ-ტერიტორიულ შეცვლას ითხოვს, რაც, როგორც ჩვენი, ასევე, ზებუნებრივი ძალების შესაძლებლობასაც კი, აღემატება.
🔹 თუმცა, ჩვენი მეზობელი, მოსაზღვრე თურქეთისთვის ხელი არ შეუშლია მის გეოგრაფიულ მდგომარეობას, რომ მიეღოთ კანდიდატად და უკვე ათეული წელია ელოდება ევროკავშირის წევრობას.
🔹 მიზანშეწონილად მიმაჩნია, თავი დავანებოთ ყველანაირ ისტერიას, რაც უფრო აღრმავებს დაპირისპირებას, დაძაბულობას და ქვეყანაში ქმნის ხელოვნურ პოლარიზაციას.
🔹 დროა, ქვეყნის ინტერესებიდან გამომდინარე, საქართველოს ხელისუფლებამ გადადგას პრაგმატული და რეალური ნაბიჯი, ჩაერთოს ყველა იმ მნიშნველოვან ეკონომიკურ თუ პოლიტიკურ ფორმატებში, რაც სახელმწიფოს მოუტანს ეკონომიკურ მდგრადობას, განვითარებას, პოლიტიკურ სტაბილურობასა და უმთავრესი მიზნის – ქვეყნის ტერიტორიული მთლიანობის აღდგენას. მათ შორის, იმ ევროპული კანონების მიღებას, რომელიც გააძლიერებს ჩვენს ქვეყანას. ამაში ჩვენ არავინ გვიშლის ხელს.
🔹 კარგი იქნება, თუ ევროპა მოგვცემს კანდიდატის სტატუსს, და ეს იქნება სამართლიანი ჩვენი ქვეყნის მიერ გატარებული რეფორმებიდან და განვლილი ისტორიიდან გამომდინარე, განსაკუთრებით, ბოლო 30 წლის განმავლობაში.
🔹 თუმცა, ყველაფერი შედარებითია. ის, რომ ევროკავშირის კანდიდატი ქვეყნის სტატუსი ამ ეტაპზე, პრაქტიკულად, არაფერს იძლევა, ეს ფაქტია, მაგრამ კანდიდატის სტატუსის მინიჭება ქვეყანაში არსებული პოლარიზაციის შემცირების საშულებას მოგვცემს.
🔹 სწორედ პოლარიზაციის შესამცირებლად გვჭირდება ევროკავშირის წევრი ქვეყნების დახმარება, კანდიდატის სტატუსის მინიჭებით, ხოლო თუ საქართველოს არ მისცემენ კანდიდატის სტატუსს, მაშინ ევროკავშირის ის ქვეყნები, რომლებიც ამის წინააღმდეგ წავლენ, საქართველოში არა მშვიდობის, არამედ უფრო მეტი პოლარიზაციის, დაპირისპირების, ომის, ნგრევის მხარდამჭერებად.
🔹 ევროკავშირი ითხოვს პოლარიზაციის შემცირებას. ამ დროს რა გამოდის? ის თავად ხელს უწყობს პოლარიზაციას.“
„თქვენ რომ რამე შეგშლოდათ, საქართველო აღმოჩნდებოდა ერეკლეს დროინდელ ხანაში“ – ფრიდონ ინჯიამ პრემიერ-მინისტრს ირაკლი ღარიბაშვილს მიმართა.
