ყოველთვიური არქივები: მარტი2022

🔹 რაც მეტი შეხვედრა იქნება, უფრო მეტი შესაძლებლობა და შეხების წერტილი ჩნდება და ამით შეიძლება დაჩქარდეს ომის შეჩერება.
🔹 ომი უნდა დამთავრდეს!
🔹 „ვფიქრობ, რომ ჯერ კიდევ შეიძლება უკრაინის გადარჩენა, და ღმერთმა მათ მისცეს ნება, რომ ეს განახორციელონ.“
🔹 „მე ვფიქრობ, რომ ჯერ კიდევ აქვს უკრაინას შანსი, რომ როგორიც არის დღეს, ისეთი უკრაინა იყოს, ეს ნება უნდა გამოხატონ შეხვედრების ფორმატში. მათ შეიძლება გადაარჩინონ უკრაინა. ამის იმედი მაქვს, რომ მიხვდებიან, რომ სხვა გზა აქ არ არსებობს.“
🔹 ამის შესახებ საპარლამენტო პოლიტიკური ჯგუფის „ევროპელი სოციალისტების თავმჯდომარემ ფრიდონ ინჯიამ განაცხადა ტელეკომპანია „ალტ ინფოს“ პირდაპირ ეთერში გადაცემა – „დღის კომენტარში“ სტუმრობისას.
🔹 ფრიდონ ინჯიამ მწუხარება გამოთქვა იმ მძიმე მდგომარეობის გამო, რომელშიც დღეს იმყოფება უკრაინის მოსახლეობა და პირველ რიგში ქალები, ბავშვები მოხუცები.
🔹 „რაც შეეხება მოლაპარაკებებს და შეხვედრებს, უნდა გითხრათ, რომ რაც მეტი შეხვედრა იქნება, უფრო მეტი შესაძლებლობები და შეხების წერტილები ჩნდება ხოლმე და თუ ეს იქნება კიდევ უფრო მაღალ დონეზე, იქნება უფრო კარგი და შეიძლება დაჩქარდეს ომის შეჩერება. ომი უნდა დამთავრდეს. რადგან ის მდგომარეობა, რაც უკრაინაშია, არ ეხება მარტო უკრაინას, ეს ეხება მთელს მსოფლიოს და მათ შორის საქართველოს“ – განაცხადა გადაცემაში სტუმრობისას ფრიდონ ინჯიამ.
🔹 რა გზა რჩება უკრაინას, რომ ეს დასრულდეს და კიდევ უფრო მეტი არ დაკარგოს ქვეყანამ?ჟურნალისტის კითხვაზე ფრიდონ ინჯიამ აღნიშნა, რომ კვლავ დიალოგი რუსეთთან და არა სირბილი ევროპის ქვეყნებში შეიარაღების მისაღებად.
🔹 „მე ვფიქრობ, პირველ რიგში, დიალოგი რუსებთან, ამიტომ ვთქვი, რაც მეტი იქნება შეხვედრა და დიალოგი, უფრო მეტი შეხების წერტილი გამოჩნდება“, – აღნიშნა ფრიდონ ინჯიამ.
🔹 მისი თქმით, თავის დროზე, სანამ ომი დაიწყებოდა, მან განაცხადა, რომ ერთადერთი გზა უკრაინის გადარჩენის იქნებოდა მინსკის ხელშეკრულებით აღებული ვალდებულებების შესრულება, მაშინ ეს დანგრეული ქალაქები არ იქნებოდა და დონეცკისა და ლუგანსკის ოლქები შეიძლებოდა ყოფილიყვნენ უკრაინის შემადგენლობაში.
🔹 „მე იმედი მაქვს, რომ მომავალში ასე იქნება. ეს ოლქები იქნებოდნენ განსაკუთრებული სტატუსის მქონე სუბიექტები. ეს იქნებოდა გადარჩენა უკრაინისთვის, იმ ხალხისთვის, ვინც დაიღუპა და ევროპისთვისაც. ეს იქნებოდა სწორი გადაწყვეტილება, მაგრამ ეს უკვე ისტორიას ჩაბარდა, ეს უკან არ დაბრუნდება, იქნება უარესი პირობებით, მაგრამ რაც დრო გადის, უფრო უარეს მდგომარეობაში შეიძლება აღმოჩნდეს უკრაინა. ამიტომ მე ვურჩევდი, დაუყოვნებლივ დაიწყონ მოლაპარაკება, თუნდაც უმაღლეს დონეზე, მანამდე კი ალბათ ბელორუსის ტერიტორიაზე შეხვედრები უნდა გაგრძელდეს“ – განაცხადა ფრიდონ ინჯიამ.
🔹 როგორც პოლიტიკური ჯგუფის თავმჯდომარემ აღნიშნა, „დღეს უკრაინას მეტი დამოუკიდებლობა აქვს, ვიდრე ჰქონდა ომის დასაწყისში“.
🔹 „იმისთვის, რომ უმაღლეს დონეზე, ვგულისხმობ ზელენსკისა და პუტინს შორის შეხვედრა შეხვედრისთვის არ იყოს, ამისთვის “ბელორუსის შეხვედრების ფორმატში” უნდა გაიარონ ყველაფერი და რაც შეიძლება მეტი საშუალება ნახონ, რომ მეტი საერთო წერტილები იპოვონ თუ რა შეიძლება ამ მდგომარეობიდან მიიღოს უკრაინამ. მე ვფიქრობ, რომ ჯერ უკრაინას აქვს შანსი, რომ როგორიც არის დღეს, ისეთი უკრაინა იყოს, ეს ნება უნდა გამოხატონ შეხვედრების ფორმატში. მათ შეიძლება გადაარჩინონ უკრაინა. ამის იმედი მაქვს, რომ მიხვდებიან, რომ სხვა გზა აქ არ არსებობს.“ – განაცხადა ფრიდონ ინჯიამ.

🔹 „საქართველომ ყველაფერი უნდა გააკეთოს იმისთვის, რომ არ გაიჭყლიტოს დიდი მონსტრების ომში“ – ფრიდონ ინჯია.

🔹 „საქართველოს სჭირდება მშვიდობა“ – ფრიდონ ინჯია.

„ის, რაც დღეს ხდება, კერძოდ, მოსახლეობის ზომბირება, არის სრული მოღალატეობრივი მიდგომა. ისეთი სიტუაცია, როგორიც დღეს საქართველოშია და ასეთი მტრები, როგორიც დღეს საქართველოს ჰყავს, მე არ მგონია ჰყოლოდა ბოლო 10 საუკუნე მაინც“. ამის შესახებ საპარლამენტო პოლიტიკური ჯგუფის „ევროპელი სოციალისტების თავმჯდომარემ ფრიდონ ინჯიამ განაცხადა ტელეკომპანია „ალტ ინფოს“ პირდაპირ ეთერში გადაცემა – „დღის კომენტარში“ სტუმრობისას.

🔹 მისი თქმით, აქ საუბარია იმაზე, რომ როგორმე ნაკლები ზარალი მიიღოს საქართველომ და ის დონე, რომელიც იყო ქვეყნის ეკონომიკაში გასულ წელს, ან თუნდაც წლის დასაწყისში, იყოს შენარჩუნებული.

„თუ არ იქნება პური, პროდუქტები და მოსახლეობას არ ექნება საშუალება იცხოვროს, ქვეყანაში იქნება არეულობა და ზუსტად ეს უნდა „ნაციონალურ მოძრაობას“. დღეს, უკრაინის მოვლენებიდან გამომდინარე, „ნაციონალური მოძრაობის“ მიზანი უფრო კარგად გამოჩნდა”, – აღნიშნა ფრიდონ ინჯიამ.

🔹 მისი აზრით, საქართველოს ხელისუფლების მიერ გაკეთებული განაცხადი ევროკავშირის კანდიდატ წევრობასთან დაკავშირებით, არ აწყობს იგივე ოპოზიციას და საქართველოს ხელისუფლებამ უფრო მეტი უნდა გააკეთოს ამ მიმართულებით ქმედითი ნაბიჯების გადასადგმელად.

🔹 „ქვეყანა ამისთვის უნდა იყოს მზად. მას უნდა ჰქონდეს საამისოდ ძალა, რომ გაუძლოს სირთულეებს. სწორედ ეს არ აწყობს ოპოზიციას, რომელსაც უნდა არეულობით თავისი მიიღოს. „ნაციონალურ მოძრაობას“ აქვს მხოლოდ ერთი სურვილი – იყოს პირველი, სხვა პოზიცია მათთვის მიუღებელია. ამისთვის კი, ისინი მზად არიან ყველაფრისთვის. ამისთვის ისინი ყველაფერზე მოაწერენ ხელს. მათ პირველ რიგში სურთ აქ ომი, რომ ამ პროცესებში ჩაერთოს საქართველო, მაშინ სულ სხვა რიტორიკა ექნებათ მათ“, – აღნიშნა ფრიდონ ინჯიამ.

მისი თქმით, „რა სჭირდება საქართველოს? საქართველოს სჭირდება ომი, როგორც ისინი მოუწოდებენ, თუ მშვიდობა?

„საქართველომ ყველაფერი უნდა გააკეთოს იმისთვის, რომ არ გაიჭყლიტოს დიდი მონსტრების ომში“. ამაში ორი აზრი არ არსებობს, რომ ჩვენ გვჭირდება მშვიდობა“, – დასძინა ფრიდონ ინჯიამ.

🔹 „ჩვენ არავითარი ძალა არ გვაქვს, ჩვენ ვართ ისეთ ადგილას, რომელიც ღმერთმა გვაჩუქა. საქართველო არის მნიშვნელოვან ადგილას გეოპოლიტიკურად და ყოველთვის იყო მნიშვნელოვანი ამიერკავკასიაში, და როგორმე ეს უნდა შევინარჩუნოთ. „ნაციონალურ მოძრაობას“ კი, უნდა ქვეყნის უფსკრულში გადაჩეხვა. სამწუხაროა, რომ ისტორიის გაკვეთილებიდან ბევრმა დასკვნა ვერ გამოიტანა. მათ კიდევ უნდათ ომში გადაგვჩეხონ, კიდევ დაგვაკარგვინონ ტერიტორიები ის, რაც გვაქვს“, – განაცხადა ფრიდონ ინჯიამ.

🔹 „საქართველოს ხელისუფლებამ მიიღო სწორი გადაწყვეტილება, როცა არ შეუერთდა სანქციებს რუსეთის წინააღმდეგ. ასეთივე პოზიცია დაიკავა თურქეთმა, რომელიც ერთის მხრივ უპილოტო საფრენ აპარატებს აწვდის უკრაინას, ხოლო მეორეს მხრივ ვაჭრობს რუსეთთან მთელი თავისი შესაძლებლობებით. ასეთივე პოზიცია დაიკავა იგივე აზერბაიჯანმა და სომხეთმა“, – განაცხადა საპარლამენტო პოლიტიკური ჯგუფის „ევროპელი სოციალისტების თავმჯდომარემ ფრიდონ ინჯიამ ტელეკომპანია „ალტ ინფოს“ პირდაპირ ეთერში გადაცემა „დღის კომენტარში“ სტუმრობისას.
🔹 მისი თქმით, დღეს არის საუბარი იმის შესახებ, თუ ვინ აფინანსებს რუსეთს და ვინ აფინანსებს უკრაინას? რუსეთს აფინანსებენ ევროპის ქვეყნები და ამერიკის შეერთებული შტატები სავაჭრო ურთიერთობების გზით და ამავე დროს ისინი აფინანსებენ  უკრაინას და უზრუნველყოფენ მას სამხედრო ტექნიკითაც.
🔹 „როცა საუბრობენ, თუ ვინ აფინანსებს რუსეთს, ვინ აფინანსებს უკრაინას, ალბათ მაინც ვიტყოდი, რომ ყველაზე მეტი დაფინანსება მათ შეიძლება ჰქონდეთ ევროპის ქვეყნებიდან და ამერიკის შეერთებული შტატებიდან. აშშ-ს არ შეუწყვეტია ურანის შეძენა რუსეთში. ასევე, საფრანგეთს. იგივე შეიძლება ითქვას ვოლფრამთან დაკავშირებით, ასევე არგონთან დაკავშირებით. გაზზე და ნავთობზე რომ არ ვისაუბროთ. ისინი თავიანთი ქვეყნების ინტერესებიდან გამომდინარე, ახლაც ახორციელებენ საბანკო ოპერაციებს. ასეთივე, მიდგომები აქვს მრავალ სხვა ქვეყანას – ჩინეთს, უნგრეთს და ასე შემდეგ. ჩვენ საქართველოს არც ვოლფრამი გვაქვს, არც გაზი, არც ნავთობი და არც ურანი, მაგრამ ჩვენთვის ურანზე და ოქროზე უფრო ძვირად ფასობს ხორბალი და ზეთი, რომელიც საქართველოს მოსახლეობას ძალიან სჭირდება, რომელიც ყოველდღიურ მოხმარებაშია. ამიტომ, მიმაჩნია, რომ საქართველოს ხელისუფლებამ გადადგა სწორი ნაბიჯი სახელმწიფო ინტერესებიდან გამომდინარე და ეს ძალიან მისასალმებელია“, – აღნიშნა ფრიდონ ინჯიამ.
🔹 პოლიტიკური ჯგუფის თავმჯდომარეს მიაჩნია, რომ ქვეყანაში უნდა შეიქმნას საგანგებო ჯგუფი – ორგანო, რომელიც უფრო დეტალურად იმუშავებს იმისთვის, რომ ომით გამოწვეულმა უარყოფითმა მოვლენებმა, რაც შეიძლება ნაკლებად დააზარალოს საქართველო.
🔹 ფრიდონ ინჯიამ იმედი გამოთქვა, რომ საქართველოს ხელისუფლება დღეს არსებულ პოლიტიკურ კურსს არ გადაუხვევს და პრინციპულად იქნება ამ პოზიციაზე. მაგრამ მეორეს მხრივ, მისი თქმით, გარკვეულ ეჭვებს ჰბადებს მიმართვები უკრაინიდან საქართველოს ხელისუფლების მიმართ.
🔹 „მე ძალიან მაინტერესებს და გაუგებრობაში ვარ, როგორ შეიძლება, ომია და დაიწყო მიმართვები საქართველოს ხელისუფლებისადმი..? ეს საქართველოს შიდა საქმეებში ჩარევას ნიშნავს. საინტერესოა, რატომ არ ერევა იგივე ბელორუსის, სომხეთის, აზერბაიჯანის, თურქეთის (რომელიც ვაჭრობს რუსეთთან) შიდა საქმეებში? რატომ არ იწვევს ელჩებს სხვა ქვეყნებიდან? მე ეჭვი მაქვს, რომ ამ ძალას, რომელმაც „შეაცდინა“ ზელენსკი (უკრაინის პრეზიდენტი ვოლოდიმირ ზელენსკი), კავშირი აქვს ჩვენს შიდა ოპოზიციასთან. რადგან ხშირ შემთხევაში, მათი რიტორიკა და ქმედებები ეჭვს ჰბადებს, რომ აქ უფრო სიღრმისეული კავშირია ოპოზიციის იმ ნაწილთან, რომელსაც არეულობა სურს ქვეყანაში“, – აღნიშნა ფრიდონ ინჯიამ.